musiqidə keçid dövrü

FN Meka - "Bu dünya tərəfindən qəbul olunmamış Robot Reper".
Təxminən 10 gün əvvəl o boyda əjdaha şirkət "Capitol Records" bu virtual reperle müqavilə bağladı. Açığı çox belə "afiqetdi nədi" onnan oldum ki, bu nədi yəni bir şey ki, yoxdur virtualdır və niyə real bir Abba-dan Katty Perrysinə kimi olan şirkət bu şapalağa oxşar həyatda real olmayan bir zadla müqavilə bağlasın. Uzun sözün qısası müqavile elə 10 gün gedə bildi ) Sağolsun "industry BlackOut" aktivistləri "Capitol Records"a dərhal onunla müqaviləni bitirmələri lazım olduğunu bildirdilər. Səbəb: reperin sözlərində qara dərili insanlara qarşı (rasist) çox kobud və təhqiredici qafiyələrin olması. Capitol da sağolsun dərhal reperi labeldan çıxartdı və üzr də istədilər ki, hətda biz bilməzdik belə yerə gəlib çıxa bilər bu iş birliyimiz. Niyə bilməzdilər? Çünki bu reperin sözlərini kim yazır soruşsaz deyim: süni intellekt vasitəsilə melodiyaya və beat-ə uyğun olaraq proqram özü qafiyələr yıgır və onu başlayır ritmə otuzdurmağa. Uzun sözün qısası hər şeyi kompyuter edir. Reperi də 3d qrafiklə yığıb istədiyi kimi kliplər yaradırlar. Və bu FN Meka real şəxs olmadığı üçün sabah çıxıb kimə ürəyi ee yox hard diski nə söz demək istəyir deyəcək və heç kim də gəlib onu sorğulaya bilməz çünki yoxdur həyatda belə şey )) Təssəvvür elə prezidenlərə , dinlərə, allahlara kimə istəsə diss ata bilər də. O üzdən Capitol tez ayıldı qırdı müqaviləni. Hal-hazırda reper tik-tik-da 10 milyon abunəyə sahibdir. instagramı da 220 K-dır amma bağlı profildir. Follow atdım qəbul eləmədi. Çox gjman proyekti siliblər artıq fəalliyyət göstərməyəcək şükürlər olsun xudaya ) https://i.imgur.com/sZsBWis.jpg

musiqidə keçid dövrü

"Donda 2".2.22.22.
Dünya hip-hop maqnatları dayanmır. Çevrilişlərini davam etdirə-etdirə gedirlər. Ötən həftə Jay-Z -nin sayəsində əfsanələr (Dr.Dre, Eminem, Snoop Dogg, 50 Cent) möhtəşəm 14 dəqiqəlik şoularıyla dünya musiqisini titrətdilər. Sözsüz ki, digər əfsanələr də bunu canlı izləyirdilər və bu dalğa onları da oyatmalıydı. Həmişə musiqidə çevrilişləriylə və ən böyük şirkətlər və artislərlə beeflərdə şərhsiz qalib gələn Kanye West bu dalğadan yeni bir çevriliş motivasiyası almasaydı olmazdı. Belə də oldu. Və hal-hazırda dünya musiqi gündəmində iki vacib dəyişiklik meydana gəlib. Deməli birincisi: ilk olaraq "Donda 2" albomu artıq çıxır və tarixi də özü kimi möhtəşəm seçilib: Donda 2 2.22.22. 22 track. (foto 1 track list)
Yəni 2 gün sonra bu eksperiment və ya təcrübə baş tutacaq. Yox kimyəvi təcrübə deyil musiqi təcrübəsi olacaq bəli, bəli məhz dünya musiqi mədəniyyətində bir təcrübə yaşadacaq bizə Kanye. Necə? Deməli Mayamidə (Miami Florida) Loandepot Park stadionunda Donda konserti baş tutacaq.(foto 2 afişa) Və bu kosertdə yeni albomu təcrübə şəklində performansla təqdim edəcək. Bu eksperimental konsert dünyada bir yenilik olacaq o öz yerində.
Və nəhayət ikinci daha vacib dəyişiklik. Albom heç bir musiqi platformasında çıxmayacaq (apple, spotify, youtube və s) Niyəsi isə belədir.
Kanye açıqlama verdi ki: " bu musiqi platformaları bizim məhsulların satışında müəyyən faiz tutur niyə? Bir zamanlar bu platformalar olmayanda cd albomlardan tam qazanc əldə edirdik. Platformalar gəlib qazancımıza şərik oldular. Artıq bu platformalarla mübarizəyə başlamağın yolunu tapmışam və rəsmi olaraq albomumun bütün qazancı özümə qalacaq".
Açıqlayım nece. Demək Kanyenin "STEM PLAYER" adlı məhsulu var albomu dinləmək üçün həmin pleyeri almaq lazımdı (foto 3 Stem Player) .Bu açıqlamadan sonra bir gün ərzində 2 milyon $ satış etdi Kanye. Hal-hazırda həmin playerin gündəlik istehsalı bir gün ərzində 3000 min ədəddir. Qiyməti 200 $ (foto 4 rəsmi saytdan qiyməti) Pleyerin özəlliyi isə çox dəhşətdir. Musiqiyə qulaq asdığın yerdə onu 4 hissəyə bölə bilir: 1.Bass. 2.Drums. 3.Vokal. 4.Musiqi elementi. istədiyin vaxt istəsən ifaçının səsini alırsan ancaq beat-ə qulağ asırsan və ya əksinə. Ya da sanki dj kimi tempi artırıb azaltma və ya revers və s. Bir söznən yeni bir level.
Bu açıqlamardan sonra apple bir neçə təhdid mesajları atıb Kanye Weste. Ancaq sözsüz ki, bu adam hər şeyi gözünə alıb hətda Jay-Z-nin də adın bir postda çəkdi amma sonra sildi. Bəli Jay-Z də bu işin içindədir və digər əfsanələr də həmçinin. Ardı olacaq.. ©️KQB https://i.imgur.com/SvMQrbn.jpg

2022 super bowl halftime show

Bəli bu möhtəşəm 14 dəqiqəlik konsert baş tutdu nəhayət. Dr Drenin şərəfinə "DRE DAY" yəni Drenin günü konsert proyekti məhz Jay.Z-nin sayəsində baş tutdu. Konsertə Drenin indiyənə kimi dünya hip-hopuna və dünya musiqisinə bəxş etdiyi ölməz tracklar canlı olaraq nümayiş etdirildi. Dre, Snoop, Eminem, 50 Cent, Mary J Blidge, Kendrick Lamar hər biri Drenin onlar üçün yaratdığı və koryeralarının ən möhtəşəm hitlərini ifa etdilər. Konsert 12 saat öncə baş tutub və hələ də baxmağdan doymuram. Hissləri anlatmağ olmur. Biz bu mahnılarnan böyüdük və yaxşı ki, uşaqlığımız bu cür keçib. Bir də nə zaman bu sənətkarları bir səhnədə görə bilərdik ki, amma gördük.
Əslində Jay-Z-ni də səhnədə görməliydik amma əfsuslar o daha səhnəyə çıxmır o üzdən görmədik. Yeri gəlmişkən bilməyənlər üçün deyim, həmin "Still Dre" hitinin sözlərini Snoop və Dre üçün məhz Jay Z yazıb. Dre əvvəl musiqini bəstələyib sonra bir neçə həftə Snoop-la bir yerdə nə qədər baş sındırsalar da sözlərini istədikləri kimi yaza bilməyiblər. Və sonda qərara gəliblər ki, Jay-Z bu işə əl qoysun o isə cəmi bir neçə saat ərzində sözləri yazıb və dərhal təqdim edib. Dre deyir ki: Biz şokdaydıq sözləri ilk oxuyanda tam ürəyimizin istədiyini yazmışdı. Və beləliklə dünya hip-hopuna qızıl həriflərlə yazılar "STiLL DRE" bəxş edildi ?

metaverse

Yaşadığımız həyat gerçəkdir yoxsa xəyal?

"metavers" hər gün heyatımızı daha da çox zəbt etməyə davam edir. Son illəri bir balaca nəzərdən keçirtsək görərik ki, əslində həyatımız gerçəklikdən bir xeyli uzaqlaşıb. Uzaqlaşmağa başlayan ilk anlarda dəbə "fake" sözü düşdü: "filan şey fake-di real deyil", "bu xəbər fake-ə oxşayır", "bu adam əsl həyatda belə deyil sosialda fake həyat sürür" və s.. indi isə bu fake sözü meta ilə əvəzlənib və artıq bu meta həyatı yaşayırıq istəsəkdə istəməsək də. Sosial platformalarda bütün dünya sakinlərinin əksəriyyəti, istər inkişaf etmiş ölkələr olsun istər inkişaf etməmiş hər kəs fotolarını montajla (effektlərlə) paylaşır, süni gülüşlərlə paylaşımlar edirlər, real həytda heç vaxt heç kimə köməklik etməyib lakin vertualda meta həyatda özünü xeyirxah göstərir, heç vaxt hec hir heyvana sığal çəkməyib lakin postlarında heyvanları qucaqlayır və onları hətda qorumağa çağırış edir və s çox misallar var. Və bütün bunlar niyə baş verir? Çünki meta alqoritmi bunu tələb edir və sən alqoritmlə ayaqlaşarkən sosial həyatın genişlənir.
Bir daha salam. Niyə salam? Çünki artıq yeni meta dünyamızın astanasındayıq. Təsəvvür edin çox çox yaxın gələcəkdə artıq yaxınlarınızı belə itirəndə onların metavers formalarıyla (digital human) həyatda rahatlıqla təsəlli tapacaqsınız. Halbuki bu zamana kimi ölüm son sayılırdı amma metavers sonsuzdur. Bacarmadığınız hər bir işdən yapışa biləcəksiniz çünki sizdən yalnız alqoritmi düzgün istifadə tələb olunacaq başqa heçnə. Və bu kimi bir sıra ağlınıza və imkanlarınıza uyğun olmayan həyatı yaşamaq hamısı əlimizdə olacaq. Bütün bu meta həyatın fonunda isə arada real insan olduğumuzu unudacağıq bəli unudacağıq bu dəqiqdir. Uzun sözün qısası: gerçək real həyat və gerçəkliyin özü son anlarını yaşayır o üzdən metavers-lə aranızı yaxşı tutun və tutmağa da can atın, calışın. Əks halda heç kimə, heç nəyə və heç bu dünyaya da lazım olmayacaqsız. ©️KQB

kanye west vs drake

Deməli belə.. Əvvəl 1-ci fotodan başlayım. Drake və Kanye West bir yerdə.. Bəli inanılası deyil ama ötən həftə bu dahilər barışıq elan elədilər. Yəqin bu barışıq olmasaydı indi çox guman Kanye həyatda yaşamazdı bəlkə də.. 2 ay öncə hər iki Hip-hop maqnatlarını albomu çıxmışdı (CLB və DONDA) bu haqqda yazmışdım fikirlərimi. Və Drake artıq kriminal təhdidi elan etmişdi açıq aşkar bizim kriminal jarqonla desək "strelka" atmışdı Kanyeylə görüşə (həmin yazım da bu başlıqda aşağdadır).

Uzun sözün qısası və gözlənilmədən ötən həftə bu iki şəxs barışıq elan edir. Barışıqda əsas rolu Kanye oynuyur çünki təklifi o edir ilk və təklif də nədənsə Drake tərəfindən qəbul olunur.
Təsəvvür edin rəhmətlik 2Pac və Notorius birləşib bir yerdə konsert vermək qərarına gələrdi o vaxt.. Amma yox, olmadı olarda barışıq o üzdən həyatda da yoxdular indi.. Drake və Kanye isə daha da uzun yaşamaq istəyirlər görünür. Və inanilası olmasa da gələn ay 9 Dekabr Los Ancelsdə memorial kolizeydə konsert biletləri artıq bu gün satışa çıxıb (fotoda 2-ci foto həmin kolizeydi və dünyanın ən böyük stadionlarından biridir). Bu konsertdə nələrin olacağını ağıla gətirmək mümkün deyil)
vacib qeyd:
1. bu kolizeydə heç zaman hip-hop konsert olmayıb ilk olacaq.
2. Keçmiş Amerika prezidendi Kennedinin ən izdihamlı çıxışı burda olub.
3. Olimpiya oyunlarının 2 dəfə açılışı olub burada və növbəti açılış da 2028-ci ildə olacaq.
Və 9 dekabr ən böyük hip-hop konsertin baş tutacağı qaçılmazdır. Bəs kim icazə verdi buna? Cavabı oxuduqca hiss edəcəysiz.

Fotoda 3-cü foto: Larri Huver (*Larry Hoover*). Al Kaponedən sora Çikaqonun ən böyük qanqsteri. Hal-hazırda 70 yaşı var və Koloradoda həbsxanada həyatı davam etməkdədir (24 yaşında adam öldürdüyünə görə ömürlük həbs cəzası alıb). Bəs bu şəxsin bu konsertə və söhbətə nə aidiyyatı? Bəli konsert məhz Larri Huverin şərəfinə təşkil olunur. Drake və Kanye barışıqları şərəfinə kosert təşkil edir və konsertdə ən böyük qanqserə həsr olunacaq. Yəni heç kim əlaqəsi olmadan durub Larrinin şərəfinə konsert verə bilməz versə də onu yer üzündən silərlər gecəynən, anladız da. -*

Foto 4 və 5: Ötən həftə iki naməlum şəxs tərəfindən güllələndiyi an və o biri dünyaya göndərilmiş gənc parlayan hip-hop ulduzu *Young Dolph*.. Bu da belə getdi (35 yaş).. *XXXtentacion* necə parlamağa başlayanda gəlib güllələdilər yerində, bu da elə onun kimi.. Bu barədə əvvəlki yazımda demişdim hələ çox qan gedəcək hip-hopda. Və dediklərim də oldu və davam edir. Travisin konsertində də 10 gəncin faciəvi ölümü elə-belə təsadüf deyil. Birazdan Travisin intihar xəbəri yayılsa təəccüblnəmərəm, çünki buna gətirib çıxardırlar adamı.

Bəli Drake və Kanye çox sakit və şirin görsənsələr də mətbəxləri başqadı. -* Əgər gəncsən və birdən parlamağa başlayırsansa mütləq bu adamların xeyir-duasını almalısan almırsansa həyata əlvida deməyə hər saniyə hazır olmalısan. Hələki bu qədər yenə davam edəcəm. ©️KQB

musiqidə keçid dövrü

Bu mövzu yerli kanallarda və ya yerli hər hansı bir platformalarda müzakirə olunmayıb. ilk mən edirəm bunu, çünki bunu yaşayıram.
Dünən instagrmada və facebookda sual verdim ki, "bu il üçün yerli hit deyin". Müxtəlif cavablar gəldi, əsasən xarici hitləri cavab olaraq göstərdilər və yerli isə demək olar ki, hit yoxdur bu il üçün. Halbuki ötən illərdə yerli hitlərimiz hər il bir neçə dənə olub. Bu il isə birini gücnən misal kimi deyə bilirik... Bunun səbəbi qlobal olaraq sistemdə, həyat tərzində, yaşayışda və s. olan çox böyük dəyişiklər durur. Hal-hazırda dünya musiqisi belə keçid dövrünü yaşayır. Həyatımız dəyişdiyi kimi, musiqilər də yeni bir dəyişiklik leveli yaşayır. Və tezliklə elə bir janrlar çıxacaq ki, heç vaxt belə bir janr olmayıb və o zaman o janrlar artıq musiqi bazarını ələ alacaqlar. O ki, qaldı Azərbaycana, bizdə daha da böyük keçid dövrü yaşanır. Yəni ətraflı desək bu dəyişiklik nədir: bizdə nəinki qlobal sistemin (pandemiya və meta life)dan başqa üstəlik müharibə faktoru var. O üzdən məsəlçün: pozitiv bir iş çıxartmaq istəyirsən amma alınmır çünki xəbərlər: bu gün növbəti şəhidimiz var deyir. Və sən yaradıcı insansansa ilişirsən və çıxılmaz vəziyyətə düşürsən... Hər zaman rahatlıqla hit yaradırdın amma indi ilişirsən və növbədə gələcək yeni bir janrı sanki sən kəşf etməlisən. Uzun sözün qısası, indi əsl musiqiçilər həm də bir alim rolu oynayır (yeni janr kəşf etməklə məşğuldur dünya musiqiçiləri). O üzdən indi yeni hit misalı çəkməyi belə çətinləşib hələ ki, kəşflər icad olunma mərhələsindədir. Bir neçə aydan sonra bu yeni janrlar dünya musiqisi bazarına çıxacaq amma hansı ölkələrdən və kimlər tərəfindən hələ ki, tam bilinmir. Bu bir Azərbaycanlı da ola bilər ©️KQB

kanye west vs drake

Sentyabrın 4-ü artıq arada artıq müharibə qığılcımları başlayır..Drake-in çıxartığı CLB albomunda bir track var belə adlanır " 7 am on Bridle Path" yəni "Səhər 7-də Bridle Path-da ol" ? Bridle Path Torontoda yerləşən bir saraydır. Saray yalnız multimilyoner qonaqları qəbul edir. Və həmin saraya Kanye Westi görüşə çağırıb. Səbəb isə dünyada nömrə bir rap artist kimdir məsələsinə aydınlıq.. Kanye-nin da cavabı olacaq ya olmayacaq bilinmir.

P.S. Məlumatı olmayanlar üçün deyim ki, bir zamanlar 2Pac və Notorius BiG bir-biriləriylə düşmən idilər və bütün dünya o zamanlar iki yerə bölünürdü 2Pac tərəfdarları və BiG tərəfdarları. Və sonda hər ikisi cavan öldü. Və indi hər ikisi milyardların sevimlisi olaraq qalırlar. Bax bu Drake və Kanye söhbəti də bu tipdir. Sadəcə bu səfər gənc yox multimilyoner reperlerin mübarizəsi olacaq. Bu səfər ölüm də çox olacaq çox güman.. ardı var.

kanye west vs drake

28 avqust Ye-nin (Kanye Westin digər adı) albomundan 6 gün sonra sentyabrın 3-ü isə Drake-in "Certified Lover Boy" albomu çıxdı(CLB qısa olaraq) .. Albomun cover fotosundan da görünür ki rəngarəng və sadə tam da massonların istədiyi kimi. Məlumat üçün deyim ki, Drake massonların ən öndə gedən hip-hop musiqiçilərindəndir.. Onun sayəsində ötən 4-5 il ərzində bir neçə dünyaca şöhrət qazanmış çox gənc reperlər təsadüflər nəticəsində bir-bir öldülər..Bilənlər bilir..
Ondan əlavə yeganə bata bilmədiyi adam Kanye West-dir. O üzdən də eyni gündə çıxartmadı bilirdiki satışda çox geri düşəcək. Halbuki Kanye West onunla eyni gün də albom buraxmağa cəhdlər etdi ama Universal Drake-in əlində olduğu üçün albomu özündən öncə buraxdırdı.. Sözsüz bu albom #CLB çox zəifdi Kanyenin #Donda-sından. Tracklarin yarısı qızlara, lezbilərə və hamilə porno aktrisalara həsr olunub. Yarısında isə özünün necə qəddar olmasından danışır: " Siz küçələrə aid qanqsterlərsiz, küçələrsə mənə aiddir o üzdən mən öldürməklə məşğul olacam sonuna kimi, siz düzələnə kimi, özünü tanıyan, ailəsinə baxan gənc özünə gang deməz, gang kişilik deyil" Amerikada demokratiya var deyənlər baxın indi bundan sonra 2 il ərzində neçə reper daha qətlə yetiriləcək "təsadüf nəticəsində" .. Hələ Kanye Westi görək hansı faciələrə salacaq massonlar.. Bir sözlə aləm dəydi bir-birinə. ardı var

kanye west vs drake

Son günlər dünya hip-hopu bu iki adamın çıxardığı yeni albomlardan sonra iki yerə bolünüb. ilk olaraq Kanye Westin yeni çıxan "DONDA" albomu haqqında yazmaq istəyirəm. Albomun adı rəhmətlik anasının adıdır məhz ona həsr edib və intro-da anasın onun haqqında olan səs yazıları gedir.
Qısa məlumat albom haqqında: 27 track-dan ibarətdir.. Jay-Z -dən tutmuş The Weekend-e kimi feat-ler var bu albomda və heç kimin də adını qeyd etməyib ft kimi tracklarda ) Bu axi dahi Kanyedir.. Sözüm isə budur ki: Albomun atmosferindən arada çıxa bilirəm ama gündəlik gün ərzində çıxmaq olmur. Sözlər, musiqi və xorlar Allaha aparır.. sora Allahı gətirir düz ürəyinə qoyur.. Yəni anladılası deyil çox başqa bir hisslərdi.. Belə bir insanla eyni planeti bölüşmək.. Xoşbəxtəm ki bu musiqiləri yaradanla eyni dövürdəyəm bundan böyük motivasiya ola bilməzdi.. ardı var.

ikinci qarabağ müharibəsi

Ali Baş Komandanın çıxışlarına diqqətlə baxmışam "prosta mırta yox". Niyə diqqətlə baxmışam çünki ilk gündən tək getdi və mənim fikrimdə "tək gedən bərk gedər" olduğu üçün lap dəhžət respekt elədim. O da biliir ki, sülhməramlı-zad boş şeydi : "delikatesə qonan milçəklərdi" o üzdən onun rəsmi elan edəcəyi tam "Qələbə günü"-nü gözləyirəm. Çünki hələ də şəhidlərin ruhuyla hər gecə yuxularımda söhbət edirəm və onlar da deyir ki, tam qələbəni gözlə. Gözləyirəm və o bayramı indi gördüyüm kimi 1-2 gün yox ömür boyu qeyd edəcəm!

allahdan nə xəbər

Yenə bir fincan qəhvə (amerikano) içmək üçün gəlmişdim mərkəzi küçəyə (tarqovıya). Həmişəki kimi, qəhvənin tünd və acı olması narahat etməsə də, hal-hazırki ölkəmin atmosferi çox narahat edirdi məni. Müharibə + bonus olaraq Pandemiyanı yaşayan bir vətəndaşam. Cahillərdən fərqli olaraq nəinki özümün həmçinin ölkəmin gələcəyini düşünürəm. Səngərdə olsam ondan yaxşı olardı. Hər gecə yuxudan qan-tər içində oyanıram.. Yuxularım ancaq döyüşlərdən və faciələrdən ibarətdir. Məhəlləmdə 2 məhəllə uşağımı şəhid olaraq basdırmışam. Coviddən 1 məhəllə uşağımı basdırmışam. Psixalogiyam o qədər dəyişib ki, hər ölənə pis ola bilmirəm, çünki pis olmaq və ya üzülmək hissiyatım məhv olub. Bu il üçün heç bir arzum yoxdur. Ümümiyyətlə bu il arzu tutmağa ehtiyac yoxdur. Nədən? Çünki bu il Allah təqaüdə çıxıb. Allah köməyimiz olsun bu il yox gələn il. ©️

in şə allah

Son illər sosial şəbəkələrdə "inşallah" yazmaq əvəzinə "in Şə Allah" yazırlar. Əgər biz bu fikirlə razılaşsaq onda gərək biz bütün sözlərimizi ərəbcə ifadə edək. Bunu kimin yaymasından və ictimaiyyət arasında təbliğ etməsindən asılı olmayaraq vətəndaşlar bizim ifadə etdiyimiz sözləri, həmin sözlər alınma sözlər olsa belə bizim dildə, lekionumuzda olduğu kimi ifadə etməlidirlər. Azərbaycan dilinin izahlı lüğətində, həmçinin dilimizlə bağlı bütün lüğətlərdə bu söz “inşallah” kimi yazılır və bəzən “inşallah”, bəzən də “in-şə-Allah” kimi ifadə olunur. Bu ədəbi dilimizdə qəbul olunan normadır. Heç bir xarici təsirlər ədəbi dilimizi pozmağa yönəlməməlidir.
Biz ərəbcə, ingiliscə, rusca dilləri danışanda həmin dillərdə olan normaları pozsaq onda onlar bundan razı qalmazlar. Onun kimi bizim dilimizdə olan sözlərin də normalarını pozmaq olmaz. Qədimdən bəri bizdə “inşallah” sözü “inşallah” kimi yazılıb və elə də ifadə edilib. Bir də bizdə sözlərin bəzən yazılışı və deyilişi fərqlənir. Bunu hələ orta məktəblərdən uşaqlara öyrədirlər. Belə olduğu halda niyə böyük vətəndaşlarımız dilimizin normalarını pozmağa cəhd edirlər. Düşünürəm ki, “inşallah” sözünü “in-şə-Allah” kimi yazmaq yanlışdır. ədəbi dilimizə uyğun deyil.