ilber ortaylı demiş, yarı cahil olan insanlardır. bilirsiz necə? məsələn, facebookda görürlər ki, filankəs hansısa bir ideologiyanı pisləyir. və bunu görən yarı cahil adam girir wikipedia'da bu ideologiya haqqında məqalə oxuyur. həmin məqalədə bu ideologiyanın qarşı olduğu ideologiyaları görür və onlardan birini özünə əqidə olaraq seçir. halbuki, bununla bağlı nə kitab oxuyub, nə araşdırma eliyib, nə də kiminləsə bu barədə danışıb. bunun fərqli olanları da var hələ. idmanda, tarixdə, fizikada və ən əsası siyasətdə. bilib-bilmədən danışır, mənbə göstərmir, ən ağıllı olduqlarını sanırlar. ən pisi bilirsiz nədir? bunların sayının getdikcə artması.
(baxma: həyata nifrət etmə səbəbləri )
#220399 entrisi ilə güldürmüş yazar. entriyə yox, özünə güldürmüşdür, heyif ki. nickaltısına yazmaq, özümü onun haqqında yazmağa məcbur etmək istəmirdim, amma məcburam, belə olmaz.
ilk öncə onu deyim ki, nikini fövqəlinsan yazmaqla fövqəl olunulmur. elə bunun ən bariz örnəyidir yazarımız. istərdim ki, yazar informasiya dolu entriləri ilə sözlüyü daha faydalı bir yerə çevirməyə çalışsın, amma, təəssüf ki, daha çox "həqiqətlər" adıyla sözlükdə açıq-aşkar anti-türk söhbətləri edir. #102886 entrisinə görə nəyə görə özümü niklaltısında yazmağa layiq hesab etmədiyimi görə bilərsiniz. bir yazar, öz səviyyəsini bu qədər mi bəlli edər? yəni, budur sənin yazarlığın? əgər fövqəlsən isə namaz haqqında daha yaxşı üslubda da yaza bilərdin. amma, elə deyilsən. heç vaxt da ola bilməyəcəksən. #214437 entrisində yazıb ki, axmaq xalqların azadlığa haqqı yoxdur. bəs, sənin ümumiləşdirmə edərək bir xalqın haqları haqqında danışmaq haqqın var mı? yəni, bu qədər sadədir sənin azadlıq anlayışın? elə vsyo axmaqdırlar deyə azad olmasın? adama deyərlər, nə edib maarifləndiribsən camaatı. əsl fövqəl boş-boş danışmaz, dolu-dolu öz işini görərdi. #210408 entrisində ədəbiyyat kitablarını şovinist kitablarla bir siyahıya qoyub. əsl fövqəl ədəbiyyatı sevər, onunla qürur duyardı, təhqir etməzdi, cənab. #202477 entrisinə baxın, cənablar. sizcə də, artıq şərhə ethiyac var? #207151 heçnə demirəm, insan öz milliyyətinə nifrət edə bilər, amma ki, bunun təbliğatını aparmaq qəbul edilməzdir. bura sözlükdür, sənin təbliğat ərazin deyil. #220399 və #219905 tipli yazılarını get facebook profilində yaz, bura yeri deyil.
bu arada, celal şengörün yutubda serial videoları vardı və sən onun hər kəliməsilə razılaşaraq hamsını da sözlüyə yazmızan ( #219418 , #219421 , #219434 ). əsl fövqəlin öz fikirləri olar, başqasını sorğusuz qəbul etməz, cənab. #218147 entrisində statistika doğrudur, bəy (onu da celal şengördən öyrənib) amma ki, istanbulun o dönəmdəki planını bilmədiyin üçün belə alçalıdıcı, yox, daha çox cahilcə danışırsan. celal şengör bunu görsə utanardı. #217982 özünə güldürməyə davam edir fövqəlimiz.
nəysə, daha artıq da yazardım amma o, belə bir tənqidi yazıya layiq deyil. həmçinin bizlərin dəyərli vaxtını almağa da layiq deyil. özünüz bilərsiniz, cənab. siz yazmağa davam edin, biz də baxıb-baxıb gülək. həmçinin, siz olmasaydınız bu sözlükdə fövqəl olmayan "fövqəllər" kateqoriyasına kimi əlavə edə bilərdik?
qeyd: entridəki cənab və bəy kimi müraciət formaları ədat rolunu daşıyır, qətiyyən heç bir hörmət əlaməti olaraq görülməməlidir.
ədəbiyyatda aleksandr düma, viktor hüqodur, tarixdə napolyonlar, lüdoviklərdir, inqilablardır, incəsənətdə cladue monet, paul gauguin, henri matissedir, arxitekturada chenonceau, chambord şatolarıdır.
bir turistə görə dünyanın ən yaxşılarından olan qalaları, qalereyaları, müzeyləri görəbiləcəyi tək-tük ölkələrdən biri olmasıdır.
qısaca, fransa deyəndə ağla gələn ilk şey renesans, intibahdır ki, bu da hər ölkədə baş verməyib.
(bax: renaissance )
qeyd: digər tarixi şəxsləri də yazmamağımda səbəb mətnin kiçik olmasını istəməyimdir, yoxsa nə həddimə onlar arasında ayrı-seçkilik etmək.
4 il əvvəl səfillər romanına başlamaq istəyirdim. atama demişdim ki, şəhərdən gələndə alıb, gətirərsən. gətirəndə gördüm ki, 1500 səhifəlik orijinal versiyanı alıb. dedim, ə nolsun ki çoxdu, mütləq oxumalıyam. heç 500 səhifə oxuya bilmədim.
bundan 2 il sonra yenidən başladım və hal-hazırda bu əsər ən sevdiyim əsərdi. kozettanın saflığını, jan valjanın mərdliyini, javerin vüqarını, fransa inqilablarını heç vaxt unutmaram.
onu demək istəyirəm ki, kitabı oxuya bilmirsinizsə, çox da şey eləməyin. qoyun qırağa, 1-2 il keçsin oxuyarsınız. əminəm ki, bu səfər dəyişiklik hiss edərək həmin kitabı bitirə biləcəksiniz.
hal-hazırda "zərdüşt belə deyirdi" adlı fəlsəfə kitabını oxuya bilmədiyim üçün qoydum qırağa. anlaşılmır deyə yox, sıxıldığım üçün. vaxt gələr, bunu da bitirərəm. -*
izlənməsi maraqlı olan və davamlı paylaşımlar edən bloglardır:
1) ittihadveterakki
blogda osmanlının 1890-1918-ci illər arasında keçirdiyi dövrdən tarixi şəkillər, məlumatlar paylaşılır. izlənməsi lazımdı.
2) archimaps
tarixi binaların dizayn planlarını paylaşan əvəzolunmaz blog.
3) britishimerialglory
adından da bəlli olduğu kimi britaniya tarixindən və bundan əlavə, polşa tarixindən də maraqlı paylaşımlar edən blog.
4) caravaggista
amy adlı incəsənət tarixçisinin intibah dövrü paylaşımları.
4) greatwar-1914
1-ci dünya müharibəsindən möhtəşəm paylaşımlar edən blog.
5) historicaltimes
daha çox rəngləndirilmiş tarixi şəkilləri paylaşmağa üstünlük verən blog.
6) lesnienka
avropadan militarist paylaşımlar edən blog.
6) neoprusiano
orijinal tarixi paylaşımlarıyla tumblr'a rəng qatan blog.
7) peashooter85
yaxın tarixin antik silahlarını yayımlayan blog.
8) saddestblogger
meme paylaşımları sizi güldürə biləcək ingilis dilində olan blog.
9) sovtime
sovetin vaxtından paylaşımlar edən blog -*
10) syuminiki
tam olaraq nə paylaşmağa üstünlük verdiyini çözə bilməmişəm amma maraqlı blogdu.
11) turanramazanli
creative paylaşımlar edən azərbaycanlı blog.
12) v-ersacrum
möhtəşəm tarixi incəsənət əsərləri paylaşan blog.
13) zolotoivek
1880-1940 arası rusiyasından paylaşımlar edən blog. azərbaycan da var, təbii ki.
türkiyənin ən yaxşı 2 tarixçisindən biri. hal-hazırda 100 yaşında vəfat etdiyini eşitdim. ruhu şad, məkanı cənnət olsun. türkiyə tarixçiliyinə böyük zərbədir bu.
ən böyük haqqıdır. yüzillərdir düşmənlərimiz belə bizə türk deyir, biz niyə özümüzə başqa ad qoyaq? türk dilində danışdığımız halda özümüzə azəri deyək? azəri məsələsi də son 20-30 ildə yaranmış şeydi. (baxma: əliyevlərin azəri siyasəti) . antropologiya məsələsini də dərinləşdirsək heç bir milliyyətin saf olmadığını anlayarıq, buna görə də bu məsləyə heç girişmək belə lazım deyil. yenə deyirəm, türksənsə özünə türk demək ən böyük haqqındır. bir belə şanlı tarixi, mədəniyyəti, dili qırağa qoyub niyə azəri desin ki? (bax: ne mutlu türküm diyene)
gözümüzün önündə tapdalanan, təhqir olunan, ləkələnən tarix. bəli, sözün əsl mənasında təhqir olunan tarix. belə getsə, gələcəkdə bu tarixin vərəqlərində bizlər ləkə kimi görünəcəyik. diktaturaya boyun əyən, susan, tez bezib hər şeydən qaçan insanlar kimi tanınacağıq. bu tarix gələcəkdə bizlərdən utanacaq, xəcalət çəkəcək. 1-2 paraqrafa sığdıraraq bizim necə də aciz olduğumuzu göstərəcək. kim istəyər ki, bu belə olsun, hə? dəyişmək olar indidən hər şeyi. bəziləriniz deyəcək ki, alınmayacaq. amma babəkdə də alınmamışdı. nə oldu bəs? hal-hazırda o, bu tarixin şanlı səhifələrində özünə yer tapıb. qoy, alınmasın, nə olar, indi alınmasa sonra alınar (bax: fransa inqilabı )
. heç kim bizdən anarxiya tələb etmir. bəs nə edək, axı kütlə cahil kütlədir. gəl, onda ilk maarifləndirməkdən başlayaq (bax: molla nəsrəddin)
. insanları öyrədək, başa salaq. başa düşməyənə nifrət etməyək, başa salmağa daha da çox cəhd edək. mədəniyyətsizdirlər? bəs, nə edək, oturaq hər gün pc başında? biz onlara mədəniyyət öyrədək. hələ başqalarına öyrətməsən də olar, öz oğlun/qızından başla. ailən və dostlarından başla. nifrət edərək yox, deyinərək yox, qaçmaqla yox, ağılla, şüurla, sözün əsl mənasında fəaliyyətlə başlayaq bu tarixə şanlı vərəqlər əlavə etməyə. hər şey bizim əllərimizdə deyil mi? bizlər də, özümüzə oxumuş deyən bizlər də bunu etməsə kim etsin bəs? mütləq başqalarının mı nəsə etməsini gözləməliyik? fikrimcə, gələcəkdə bu tarixi oxuyacaq insanların "bəs, niyə xalq heç nə etmirdi o dövrdə?" suallarına layiq deyilik biz. hələ ki, layiq deyilik.
1. marşrutda gənc bir qızın yanında durub "dur mənə yer ver, mən narin və zərif bir qızam" baxışıyla sənə baxması.
2. film izləyərkən və ya kitab oxuyarkən fikrimizin bir anlıq ayrı yerdə olmasını anladıqdan sonra yenidən həmin hissəni izləmək/oxumaq məcburiyyətində qalmaq.
3. məhlədə futbol oynayarkən topu götürüb şit şit hərəkətlər edən dayı/qaqaş.
(bax: entebbe əməliyyatı)
(baxma: ildırım əməliyyatı)
1976-cı ildə israil gizli xidməti olan mossadın terroristlərə və uqanda hərbi qüvvələrinə qarşı apardığı hərbi əməliyyat.
səbəb isə, 250 sərnişin daşıyan air france təyyarəsinin israildən parisə gedərkən 4 terrorist tərəfindən qaçırılması və uqandanın entebbe aeroportuna endirilməsi idi.
terroristlər, israilin də aralarında olduğu həps cəzası çəkən dostlarının azadlığını tələb edirdi. dönəmin israil müdafiə naziri shimon peres şantaja getməyəcəklərini və əsrləri xilas edəcəklərini söyləyərək əməliyyatın yaxın zaman ərzində baş verəcəyini bildirmişdi. mossad terroristlərin israillilərdən başqa sərbəst etdikləri sərnişinləri sorğu-sual etdikdən sonra anlamışdı ki, terroristlər uqanda höküməti ilə bərabər işləyirdilər. həmçinin, girovların saxlanıldığı yerin detallarını da öyrənmişdilər.
uzun müzakirələrdən sonra, yenidən terroristlər razılığa gəlmədiyinə görə israil içərisində 100 xüsusi təyinatlı əsgərinin, 4 c-130 təyyarəsinin olduğu əməliyyata başladı.
aeroporta enişdən sonra əsgərlər mercedes markalı, uqanda bayraqlı avtomobillərdən istifadə edərək kimsənin diqqətini çəkməməyi planlayırdılar. avtomobillər girovların saxlanıldığı yerə çatdıqdan sonra uqanda əsgərləri hadisəni anlayıb atəş açmağa başladılar, elə bu zaman israil əsgər olaraq ilk və tək itkisini benjamin netanyahunun qardaşı olan dəstənin komandiri jonathan netanyahunun ölümü ilə verdilər.
yarım saatlıq atışmadan sonra 50ə yaxın uqandalı əsgər və bütün terroristlər öldürülmüş, 4 girov ölümündən başqa bütün girovlar xilas olunmuşdu.
bu əməliyyat, dosta güvən verdiyi, düşmənə isə qorxu saldığı üçün çox əhəmiyyətli bir yerə sahibdir. həmçinin, mossadın ən böyük uğurlarından biri olaraq sayılır.
rahiblərinkinə bənzəyən qara geyim geyən və qara atlara minən, xalq canına qorxu salan, bir çox əsfanələrə səbəb olan, dönəmin rusiyasının çarı ivan tərəfindən qurulmasına qərar verilmiş çarın itləri.
simvol olaraq kəsilmiş it başı və süpürgədən istifadə edirdilər, çünki inanırdılar ki, kəsilmiş it başı düşmənlərin qoxusunu almağın süpürgə isə onları bir-bir "təmizləməyi" təmsil edir.
o qədər çox əfsanəyə səbəb olmuşdular ki, bir qrup kəs onların çarla birlikdə kremldə bütpərəstliklə məşğul olduğuna inanırdı.
çarın düşmənlərini öldürməkdə çox yaradıcı imişlər, insanları qaynar suya ataraq, əllərini ata, ayaqlarını isə ağaca bağlayaraq parçalatmaq, böyük şişlərə keçirdib yarmaq, yandırmaq kimi üsullardan istifadə edirdilər.
qurum, elə qoruduqları çar tərəfindən həddindən artıq bəlaya səbəb olduqlarına görə 1572-ci ildə ləğv olunub.
yazılmış misralara beynimdə minus qoşaraq və sonlara yaxın sözü uzatmağı əlavə edərək gülə-gülə entry'lərini oxuduğum başlıq. var olun, bəylər.
(baxma: bu gün də güldük )
bulanıq olan, mənbəsi rəsmi olaraq bilinməyən və düzgünlüyü şübhə altında olan propaqanda növlərindən biridir. əsas istifadə olunan şey "rəvayətlərdir". buna görə də yalan olduğunu da sübut etmək olmaz. bəyaz propaqanda kimi sərhəd tanımır, qara propaqanda kimi sərbəst və azaddır.
müsbət tərəfi odur ki, insan üzərində propaqanda hissi yaratmır və rəvayət kimi olduğundan içinə hər cür xırda şey qatılaraq düşmənin zəifləməsi hədəf seçilir və bu rəvayətlər uğurlu olarsa dildən-dilə çox tez yayılır.
bu propaqanda növündən kapitalist sistem olan abşssri'ə qarşı məharətlə istifadə etmiş və bu yol sovet hökümətinin çökməsində çox böyük rol oynamışdır.
dini dövlət işinə qatmaqdır.
1517, misir. yavuz sultan səlim məmluk hökmdarına nə üçün müharibədə məğlub olduğunu soruşur. sultan isə cavabında "mən də sizin toplardan almaq istədim, amma əhali kafir icadıdır deyib qarşı çıxdı" - deyir.
bu ölkədə hal-hazırda 248 məktəbdə talışca dərs keçirilir. həmçinin, hər bir talış özünün talış olduğunu cəmiyyət içində rahatca deyir. zatən multikulturalist bir ölkədə talışların haqlarının pozulmasını iddia etmək cahillikdir. talışların yox, bütün ölkə vətəndaşlarının haqları pozulur, bu da ki, başqa məsələdir artıq.
ən yaxın dostlarımdan biri talışdı, özü də ən qatılarından. halbuki, atası bu ölkənin silahlı qüvvələrində xidmət edir. həmçinin, istəyirəm ki, qarabağ müharibəsində döyüşən talışları xatırlayasınız. elə bu dəqiqə də, əksəriyyəti müharibəyə gönüldən hazırdırlar.
bu arada, 200.000 nəfərlik etnik qrupun müstəqil olmasını istəmək yenə deyirəm, cahillikdir. celal şengörü özünə ideal seçən birinin belə bir şey istəməsi də çox qəribə görünür.
hələ türkçülərin talışları sıxışdırdığını iddia edirlər. deyəsən, siz hələ sıxışdırılma nədir bilmirsiniz. sıxışdırılma olsaydı, bu dəqiqə lənkəran ideoloji müharibə bölgəsinə çevrilərdi. amma lənkəranda heç bir problem yoxdur bu mənada, elə?
kadir mısıroğlu tərəfindən söylənən və bənzərləri çox olan iddia. cahilliyin pik nöqtəsi, sözün əsl mənasında. adam rəsmən cahildir, bəlkə də trolldur, çıxıb tv-də xalqla məzələnir. amma, troll deyil böyül ehtimal. problem əslində insanların zehniyyətindədi. habertürk də ilber ortaylı ve celal şengör olan proqramda bir izləyici mail atıb, bunlar yerinə kadir mısıroğlu nu tələb etmişdi. yəni ki, inandırıcı olmasa da, bunları izləyən və dəyər verən kütlə var türkiyədə. bax, bu biabırçılıqdır. hələ bunu tv-ə çağırıb tarixçi adı ilə suallar verirlər. nəyisə dəyişdirmək lazımdırsa, şablon olacaq, amma ilk bu lənət sistem dəyişməlidir. bu kimi hadisələrin qarşısının alınmasına çalışmayan, insanları maarifləndirmək yerinə daha da cahil edən sistem. həqiqətən də reaksiya olaraq, nə demək olar, nə etmək olar, bilmirəm. çətindi.
düzəliş: gündəm məsələsinə gəlincə, bunlara baxıb ibrət götürmək lazımdır. dünyanın düz olduğunu iddia edənlərin də ölkə gündəmi ilə əlaqəsi yoxdu, amma dünya gündəmi ilə var. müzakirəyə açıq mövzudur, fikrimcə.
(bax: deadpool)
bilirəm, əsas janrı komediya deyil, amma əmin olun ki, sizi kifayət qədər güldürə biləcək tək-tük filmlərdən biridi. bəlkədə, daha-daha artıq güldürə biləcək.
buzz aldrin ilə birlikdə vəfat etmiş sovet kosmonavtı yuri gagarinin şərəfinə aya onun medallarından birini simvolik olaraq yerləşdirib tərk edən şəxs.
həmçinin məşhur; that's one small step for a man, one giant leap for mankind.
bu, insan üçün kiçik, insanlıq üçün isə böyük bir addımdır.
cümlələrinin sahibi.
boksçu insanların, yox, sadəcə boksçuların yox, bütün idmançıların idealı, əfsanə şəxs. bugün səhər-səhər vəfat etdiyini öyrəndim. allah rəhmət eləsin, ruhu şad olsun. çətindi.
hislərini və düşüncələrini bəlli etmək istəməyən adamın üz ifadəsi. ilk dəfə poker oyununda yaranmışdır, deyə bilərik. belə ki, əlindəki kartların yaxşı və ya pis olduğunu bəlli etmək istəməyənlər məcburi poker face olmalıdırlar.
(bax: face palm)
abş-ın ilk prezidenti, həmçinin abş-ın ilk peşəkar casusu deyə biləcəyimiz biri. azadlıq müharibəsi zamanı ingilisləri yanlış məlumatlarla yönləndirmiş, saxta hərbi manevrlər etmiş və digər saxta məlumatlarla düşmən qüvvələrinin başqa yerlərə yönlənməsini təmin etmişdir.
bundan əlavə, 1779-cu ildə guya nyu-yorka hücum hazırlığı planını ortaya atmaqla ingilis birləşmələrini parçalamağa nail olmuş və azadlıq müharibəsinin qələbə ilə başa çatmasında önəmli rol oynamışdır. həmin bu taktika 165-il sonra normandiyada da istifadə olunub.
güclü bir casus şəbəkəsi də qurmağa cəhd göstərən biridir həm də, amma buna müvəffəq ola bilməyib.
qeyd: entry əli çimənin "tarixin məxfi servisləri" kitabından əsinlənərək yazılıb.
2009-cu ildə, abş-ın ohayo ştatında qurulmuş alternative rock ilə məşğul olan musiqi qrupu.
indiki üzvləri tyler joseph və josh dun, köhnə üzvləri isə nick thomas, chris salih olmuşdur. hal-hazırda da fəaliyyət göstərirlər. sifarişi verən: adil memmedov
