arabist

1,151 0 0 0

3. nəsil yazar

Entry: 1,151

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

tarixin ən böyük umbaylamaları

+50 əjdaha

eramızdan əvvəl 218- ci ildə karfagenin məşhur sərkərdəsi hannibal alp dağlarını aşmağa çəkinən ordusunu əslində dağın təhlükəsiz olduğuna inandırmaq üçün öz əsasını sərt bir şəkildə zərblə dağa vurur.
zərbədən qar uçqunu baş verir və hannibal bir neçə fil, 2000 civarında da at olmaqla 18 000 əsgərini itirir.

48 əjdaha! 13.03.2016 04:05, arabist

#203450 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

fermi paradoksu

+42 əjdaha

digər adı fermi hart paradoksu olan məşhur bir paradoksdur. bu paradoksu 1950- ci ildə öz dost tanışları ilə nahar edən məşhur amerikalı fizik enrico fermi ortaya atmışdır.
nə deyir fermi?
fermi deyir ki, bu qədər böyük bir kainatda bizdən başqa mədəniyyətlərin mövcudluğu ehtimalı çox yüksək olduğu halda niyə onlar tərəfindən ziyarət edilmirik? niyə radio siqnallarımıza cavab verilmir?

sözlüyün bilgi gücdür şüarını hətta yuxusunda belə sayaqlayan yazar bəylər və xanımlar! kəmərlərinizi bağlayın! və gözünüzü 4 açaraq beyin diqqətinizi bura yönəldin. sizinlə bir "ədəd oyunu " oynayaq.

hazır olduğunuzu hesab edərək başlayıram :

isti yay günlərində çılpaq gözlə gördüyümüz ulduzlar nəinki kainatın, süd yolu qalaktikamızın da çox "kiçik" hissəsidir.
kiçik sözünü dırnaq işarəsinə alarkən tərəddüdə qapıldım. çünki, sayı 2500- ü keçməyən ulduzlar görüş əhatəmizdə olsa da, bizdən təxminən 1000 işıq ili uzaqlıqdadır.1 işıq ilinin 9 trilyon yarım kilometr olduğunu bilərək bu ədədi 1000- ə vurmaq ədəd oyununun sizə düşən hissəsidir.

bizim süd yolu qalaktikamızda təqribi ulduz sayı 100-400 milyard arasıdır. kainatın özündə də bizim qalaktika böyüklüyündə təqribən milyardlarla qalaktika var.

alimlərin hesablamalarına görə bütün kainatda olan ulduzların sayı 250x10 ^ 22 dir. həmçinin alimlərin fikrincə bu ulduzların 5% - i yəni, 500 kvintlyon ulduz bizim günəşimizə bənzəyir.
-500 kvintlyon nədir ya şeyx?
- 500 kvintlyon 500 - ün yanına 18 ədəd sıfır qoymaq deməkdir ya buneyyə!
deməli ulduzların ümumi sayı haqqında 5%- i 500 kvintlyon olan bir ədəd düşünməliyik. düşünə bilmədik? onda hər qum dənəsinə 10 000 ulduz düşdüyünü düşünək.
nə isə. heç mövzu ulduz da deyil.

alimlər deyir ki, kainatda günəşə bənzəyən bu 500 kvintlyon ulduzun minimum 22%- ində bizim yer kürəsinə bənzəyən planetlər var.
biz "yox şişirdirlər" məntiqi ilə yanaşaq və düşünək ki, günəşə bənzəyən 500 kvintlyon ulduzun cəmi yüzdə birində dünyamıza bənzəyən planet var. bu yenə 5 kvintlyon kimi nəhəng bir ədəd edir.

gəlin oyunu kainat "level" indən öz samanyolu qalaktikamıza endirək və daha xırda düşünək:

öz qalaktikamızda 100- 400 milyard arası ulduz olduğunu fərz edək. həmçinin fərz edək ki, minimum (100 milyard) ulduzun minimum (yüzdə biri) günəşə bənzəyir. bu 1 milyard ulduzun günəşə bənzəməsi deməkdir. bəli?
yenə minimum ədəd götürüb bu 1 milyard günəşə bənzər ulduzun sadəcə 1%- ində bizim planetə oxşayan planetin mövcud olduğunu düşünəndə edirmi 10 milyon?

indi isə, bir qədər "game pause" edək:

ehtimal olunan mədəniyyətləri kateqoriyalara bölən kardeshev cədvəli adında bir cədvəl var.
bu cədvəl bizim planetimizi 0 - ıncı səviyyədə hesab etməklə 3 kateqoriya təqdim edir:

1) öz enerjisini kamil şəkildə istifadə edən mədəniyyətlər.
2) öz günəşlərindən aldıqları enerjini kamil şəkildə istifadə edən mədəniyyətlər.
3) bizim xəyalımıza gətirə bilməyəcəyimiz səviyyədə texnologiyası inkişaf etmiş super mədəniyyətlər.

planetimizə yuxarıdakı qeyddə hesabladığımız üzrə 10 milyon planetin bənzədiyini, bunların yüzdə birində (100 000) də həyat olduğunu, bu yüz minin də yüzdə birinin yəni, 1000- nin 3 cü səviyyə mədəniyyətdə olduğunu fərz edək:
bəs hardadı onlar? bütün bu reallıqlar və ehtimallar məşhur everybody is where? "hər kəs haradadır? " sualını ortaya qoymurmu?

paradoksu gücləndirən amil isə, budur ki, yerbənzəri planetlərdə və günəşbənzəri ulduzlarda bizim planetə ekstra fərq aşikar edilməmişdir. başqa sözlə planetimiz və günəşimiz tipik sayılır.bəs başqa mədəniyyətlər bizi niyə tapmır?

dünyamızın yaşı təqribən 4 milyard yarım dır. yerbənzəri bir ayrı x planetinin yaşı da 8 milyard olsun.
gəlin 4 milyard yarımı 45; 8 milyardı da 80 kimi götürək.
samanyolu qalaktikasında ulduzlararası səyahəti həyata keçirib " kaloniyalaşdırma " prosesini başa çatdırmaq təxminimizcə 3 milyon 750 min il tələb edir. bu 3 milyonlar 8 milyardı müqayisə etmək 80- lə 3- ü müqayisə etmək demək deyilmi?

editos: (bax: wow siqnalı) məsələsi var ki, bunun bu paradoksu həll edib- etmədiyini bilmirəm. hart 1975- ci ildə ferminin dediyi paradoksu yenidən irəli sürsə də, wow siqnalı 1977- ci ilə aiddir.
wow siqnalının seti layihəsini müdafiə etmək üçün uydurulduğu iddiası da var. doğrudurmu? bilmirəm düzü.

30 əjdaha! 08.03.2016 18:11, arabist

#202597 şikayət

allahın varlığının sübutları

+33 əjdaha

var qardaş var.heç kəs şübhə eləməsin.indi mən dolayı yolla sübutunu yazıram qalanıyla işim yoxdu.hamı özü bilər.

italyan alimi fiboniççi riyaziyyatda böyük önəm verilən "qızıl nisbət"i kəşf elədi.bu nisbət təqribən 1.618 ə bərabərdir.bu nisbətin əsas ədədləri "fiboniççi"ədədləri adlanır.fiboniççi ədədlərinin özəlliyi bundadır ki,hər fiboniççi ədədi özünnən əvvəlki iki fiboniççi ədədinin cəmidir.və hər fiboniççi ədədi ədədini özünnən öncəki fiboniççi ədədinə böləndə 1.618 alınır.bu ədədlər bunlardır:0;1;1;3;5;8;13;21;34;55;89;144;233;377;610;987;1597 və s,indi baxaq
89:55=1,618
144:89=1,618
və ya 144=55+89 (özünnən əvvəlki iki fiboniççi ədədinin cəmi olması)

keçək vücudumuza:

hər bir insanda üzün uzunluğunun onun eninə nisbəti,

dodaqla qaşların bitişdiyi yer arasındakı məsafənin burnun uzunluğuna nisbəti,

üzün uzunluğunun çənə ucu ilə qaşların bitişdiyi yer arasındakı məsafəyə nisbəti,

ağzın uzunluğunun boynun eninə nisbəti,

ümumi başdan ayağa qədər olan məsafənin (boyun uzunluğunun)göbəkdən ayağa qədər olan məsafəyə nisbəti və s.hər bir insanda 1.618 dir.boy insannan insana dəyişə bilər amma bu qanuna uyğunluqlar dəyişmir.məsələn 170 sm boyu olan insanın göbəyi ilə ayağı arasındakı məsafə təqribən 106 sm dir.
yaxşı bunun mövzuya nə aidiyyatı? tələsmiyin.
yerin şimal qütbü ilə cənub qütbü arasındakı məsafə 20004 km dir.məkkənin şimal qütbünə məsafəsi 7632 km,məkkənin cənub qütbünə məsafəsi 12373 km.
şimal qütbü ilə cənub qütbü arasındakı məsafənin məkkəylə cənub qütbü arasındakı məsafəyə nisbəti qızıl nisbətdir.metrləri saymadan hesablayaq:20004:12373=1,616 (qızıl nisbət də 1.618 dir sadəcə metrləri saymadan hesabladığımızün kəm gəldi yəni)belə bir sual ortaya çıxa bilər ki onda məkkəylə eyni paraleldə olan şəhərlər hamısı qızıl nisbət sayılmazmı?cavab xeyir.çünki yer kürəsini ellips kimi düşün.bir birinin tuşunda iki paralel nöqtə qoy.onlar eyni paraleldə olsa da pik nöqtəyə olan məsafə eyni olmayacaq.
bir sübut daha:quranda məkkə ifadə edilməkçün "bələdul əmin","ummal qura"kimi sözlər işlədilir.yalnız ali imran surəsi 96-cı ayədə məkkə sözü keçir.bu ayədə də məkkə sözü qızıl nisbətdədir.necə?baxaq:ayədə 47 hərf var.ayənin əvvəlinnən məkkə sözünə kimi 29 hərf var.ayənin əvvəlinnən sonuna qədər olan hərf sayının(47) ayənin əvvəlinnən məkk sözünə qədər olan hərf sayına nisbəyi qızıl nisbətdir.
47:29=1.618
bu qədər təsadüf olur yəni?

24 əjdaha! 09.05.2014 04:14, arabist

#118549 şikayət

suriyada döyüşən azərbaycanlılar

+20 əjdaha

burda lazımsız, guya "cihad"a görə valideyn gözünü yollarda qoyan fərsiz övladlardır.
"qərib cinlər diyarında" filmində bir marağlı sitat var.qərib deyir:
-riqdas daha yoxdu ata akşadın ordusuyla onu məğlub elədik!
və gələn cavab:
-bədbəxt! heç bilirsənmi kiminəçün vuruşursan?
bax bular da bu gündədir.suriyadakı hökumət davasına din donu geyindirən bir qrup şarlatanın yoldan çıxardığı başdanxarablar içərisində təəssüf ki, həmvətənnərimiz də var.

17 əjdaha! 26.04.2014 00:43, arabist

#115529 şikayət

işıq sürəti

+17 əjdaha

daha da dəqiq ədədləri əzbər bilib öyrənməyə həvəsi olanlar üçün 1 saniyədə 299792km 458m-ə bərabər olan möhtəşəm sürətdir. bu sürət 1 saniyədə yer kürəsini 7 dəfə dövr etmək, los anceles və nyu york arasındakı 4000 km-i isə, həmin vaxtda 75 dəfə gedib gəlmək deməkdir. deməli biz öz dilimizdə 1 saniyənin içində 7 yə qədər çətinliklə saydığımız halda vakuumda işıq üçün bunu etməmək etməkdən daha çətindir. -* əgər saatda 1000km-lik sürətlə uçan təyyarəmizlə aya gedə bilsək 16-17 gün sərf edəcəyiksə, işıq bunu 1,3 saniyədə- yəni siz bu cümləni oxuyub bitirəndə azı iki dəfə edir.
işıq sürəti haqqında yuxarıdakı #183347 saylı entry gözəl bir yazı dili ilə ifadə edilib. lakin, mən bu entry-nin onnan daha uğurlu olmayacağını düşündüyüm halda yenə yazım deyirəm. -*
fizikanı ən az səviyyədə belə bilməyənlər üçün "işıq sürəti sabitdir" ifadəsini açmağa çalışacam:
əgər siz avtomobil idarə edirsinizsə, və 120km/saat sürətiniz varsa, arxadan gələn avtomobil 150km/saat sürətlə sizi keçərsə, siz o avtomobilin sizə görə 30km/saatla getdiyini görəcəksiniz və o avtomobil sizdən uzaqlaşınca onu az-çox təqib edə biləcəksiniz.
işıq isə, bu sürəti bizim klassik məntiqimizə meydan oxumaqla yığır. fərz edək ki, siz işıq sürətinin 99,9%-ni yığmısınız və ya məsələn 1 saniyədə məsələn 299791km458m yol gedirsiniz.bu vaxt yola çıxan işıq yenə həmin 300 000km-ə yaxın olan sürətini yığacaq və sizi sizdən xəbəri yoxmuş kimi o andaca ötüb keçəcək. yəni, siz o yolda gedən avtomobil kimi o işığı təqib edə bilməyəcəksiniz. hal bu ki, siz işıqdan cəmi saniyədə 1 metr gerisiniz və klassik məntiq bu təqibin qısamüddətli də olsa baş verməsinin təbiiliyini müdafiə edir.
yuxarıdakı entry-də deyildiyi kimi albert eynşteyn cismin bu sürətə çatanda zamanın bu cismi müşahidə edən cismə görə yavaşladığını deyərək bizi zaman haqqında yenidən düşündürə bilmişdik. insanda sual yaranır ki, zamanın sürətdən asılılığı nədir? və ya isaac newton zamanın heç nədən asılı olmadığını deyərkən niyə yanılır? mən bu məsələ haqqında yazarımız edward wittenlə də fikir mübadiləsi apardım. bir nəticə hasil olmadıqca təslim olmadım. bir fizikin cavabı "bunu sağduyu ilə qarşılaşdırmaqla dərk edə bilməzsən" olsa da, bunu məntiqimizə otuzdura biləcəyimiz bir nümunə tapdım. nə qədər başa sala bildiyimi entry-mə verəcəyiniz qiymətdən anlayacam. başa düşməyənlər qərəzsiz olaraq umbay və ya maraqlı versin. -*

bayaqkı avtomabili götürüb yenə saatda 120 ilə idarə edək və bayaqkı kimi yenə 150 ilə yanımızdan bir zapı keçsin. -* zapını 30km/saatla gedirmiş kimi görəcəyimizdən əlavə əgər nə zapı, nə də biz yolboyu düz getsək, və istiqaməti dəyişməsək, həmçinin avtomabilləri dayandırmasaq, 1 saatdan sonra biz bu zapıdan 30km geri qalarıq.
- bu nədi ay ərəb?
-bu sürətin zamannan asılılığıdır ay əcəm. -*
amma işığı təqib edəmmərik demişdik. əgər biz işıq sürətinnən də azca az sürət yığaraq işığı təqib edə bilsəydik, (məsələn işıqdan cəmi 30 km/saat sürətlə yavaş gedərkən işıq arxadan gələndə onu o 150 ilə gedən avtomabili izlədiyimiz kimi izləyə bilsəydik) işıq da zamannan asılı olardı və 1 saata bizi sadəcə 30 km qabaqlayardı. hal bu ki, biz saniyədə 298000 km yığsaq belə, işıq bizdən 299792km458m daha sürətli gedir. bizim işığı izləməyimiz mövzu belə ola bilməz.
işıq sürətində zamanın yavaşlaşmasının bir ayrı səbəbi də bu sürətdə cismin atomlarının yavaş hərəkət etməsidir.
işıq sürətinə yaxınlaşanda zamanı yavaşlaşdıra biliriksə, işıq sürətinin özünü yığmaqla zamanı dayandıra bilərik. amma albert deyib ki, bu hələ mümkün olan şey deyil. çünki bu sürəti yığmaq üçün bizim kimi maddə yox, işığın fotonları kimi enerji olmaq və hansısa bir kütləyə sahib olmamaq lazımdır.
işığın sürətini ötüb zamanı geriyə doğru çevirmək mülahizəsi isə, bir başqa mövzudur.
- ay əbu nuri!bəs işıq yavaşlayırmı?
-yavaşlayır ya vələdi -*
buna işıq sınması deyirik. işıq suda və ya şüşədə sınaraq kalan sürət itirir. hətta, pəncərəmizdə sürətinin 1/3-ni itirərək 1 saniyədə 200000km-ə qədər enir. bu sınmalar nəticəsində biz bu entry-i oxuyub neyi var bilik qazadgsafda -*
nəysə..hörmətlər!!! qatış-qutuş oldum. -*

15 əjdaha! 10.02.2016 16:19, arabist

#197756 şikayət

faydalı məsləhətlər

+16 əjdaha

1)tv-yə baxanda mümkün qədər işığı söndürməyin.
2)kompyüter qarşısında çox oturursunuzsa və evdə kaktus yoxdursa, yanınıza su qoyub tez-tez için. bu şüanı udur.
3)hər gün ən azı 20 dəqiqə piyada gəzməklə ürək-damar xəstəlikləri riskini azaltmış olarsız.
4)yatarkən sağ tərəf üstə yatın. ürəyə güc düşməməkçün.
5)soğan doğruyarkən gözünüz acılanmamağçün saqqız çeynəyin.
6)əgər zehni işlə məşğul olacağsızsa, (işiniz zehi işdirsə və ya övladınızın dərs oxuması üçün) otağı göy rəngə boyayın. çünki, bu rəng yaddaşı stimullaşdırır.
7)əgər hipertaniyadan (yüksək qan təzyiqi) əziyyət çəkirsinizsə, isti suda duş qəbul edin. amma, əksinə hipotaniyadan (aşağı qan təzyiqi) şikayətiniz varsa, soyuq və ya sərin suda yaxalanın.
8)qoz-fındığı çox yeyin. çünki, o stresin, gərginliyin dərmanıdır.
9)sumaq isə əsəbləri qıcığlandırır. çalışın mümkün qədər az istifadə edəsiz.
10)çalışın axşam vaxtı və hərarətiniz olanda yumurta yeməyəsiz. çünki çox ağır qida olduğuyçün mənfi reaksiya verə bilər.

13 əjdaha! 30.04.2014 04:27, arabist

#116233 şikayət

pəhləvilər sülaləsi

+14 əjdaha

banisi 1878- ci ildə mazandaranda doğulmuş rza xan pəhləvi olan və farsların "dudmani pəhləvi" adlandırdıqları hakimiyyəti 54 ili- 1925- 79- u əhatə etmiş sülalə.
pəhləvilərin iki nümayəndəsi şah olmuşdur: yuxarıda qeyd etdiyimiz rza xan pəhləvi və oğlu məhəmməd rza pəhləvi.
bu sülalədə ölkədə bərqərar olan rejimə farslar "dövlət e şahənşah ye iran" (iran şahənşah dövləti) deyirlər.
pəhləvilər nəhayət sasanilər dövlətindən sonra, özü də 13 əsr sonra iranda şahlıq edən ilk görkəmli fars sülaləsidir. bəlkə də buna görə ilk şah olan rza pəhləvinin dövründə fars millətçiliyi bu qədər ön plana çıxmışdır.
rza xan pəhləvi ölkədə 1797- dən bəri hakim olmuş qacarlar sülaləsini öncə 1921- ci ilin 21 fevralında hərbi çevriliş etməklə, sonra 1923- cü ildə baş nazir olmaqla və ən sonda 1925- ci ildə məclis tərəfindən şah elan olunmaqla hissə- hissə devirmişdir.
rza xan pəhləvinin iran üçün xidmətləri sənayeləşmənin təməlini atma, ölkədə dəmiryolu tikintiləri və.s kimi sadalana bilər. amma, bütün bu islahatlar radikal millətçiliyin fonunda aparılmışdır. təhsilin tək və alternativsiz dilifars dili olmuşdur. həmçinin, ölkənin millətçi nasist almaniyası ilə də gizli yaxınlaşmaları olmuşdur.
elə o səbəbdən də iran ikinci dünya müharibəsi illərində "bitərəf" olsa da, almaniya ilə bu yaxınlaşmalar qərbin və ssrinin gözündən yayınmamışdır.
1941- ci ilin iyul- avqust aylarında ingiltərə cənuba, ssri isə, şimala girib iranı işğal etmişdir.

pəhləvilər sülaləsinin hökm etdiyi zamanı bu ildən istifadə edərək iki kateqoriya ayırsaq, yanılmarıq. rza şah pəhləvi təqiblərdən qaçaraq cənubi afrika respublikasına sürgün olunmuş, hakimiyyətdən oğlunun xeyrinə əl götürmüşdür. o 1944- də car- da vəfat etmişdir.

ikinci nümayəndə olan və 1941- ci ildə- 22 yaşında ikən şah olan məhəmməd rza pəhləvinin siyasəti isə, atasını xatırlatmayan bir xətt üzrə getmişdir.
bu siyasət güclü qərbyönlü siyasətdir. irandakı ruhaniləri ciddi şəkildə narahat edən bu idarə üsulu iranın bütün təhsil, hüquq və başqa sistemlərinə sirayət etmişdir.

məhz bu dövr (xüsusən 60-70- ci illər) avropa mənşəli təfəkkürlərin və kitabların iran xalqı tərəfindən tanındığı dövrdür.
ümumiyyətlə, məhəmməd rza pəhləvi dövrünün bəzi tərəqqilərini göz ardı etmək ona qarşı haqsızlıq olar.
xarici siyasətində qərbi əsas götürən, sənayeləşmənin iran modelini hazırlayan, iranı inkişaf etmiş ölkəyə çevirən bu liderin əsas uğuru iqtisadiyyat sahəsində üzə çıxır.
məsələn: 1963- cü ildə əksər hissəsi torpaq islahatları olan ağ inqilab "enqilabi səfid" iranı feodalizm məngənəsindən xilas etmiş, kapitalizmə təkan vermişdir. islahatlarda sosialist yönümlü fərmanlar da yox deyil. belə ki, mülkədarların torpaqlarının 500 hektardan artıq olması halında qalan hissəsi hökumətə məxsus sayılmışdır.
islahatların mənfi cəhəti isə, kəndlilərin diqqətdən kənarda qalması idi ki, bu şah rejiminin sonunu gətirən amillərdən biri olacaqdır.

məhəmməd rza pəhləvinin əsas səhvləri isə bunlardır: ölkədə demokratik islahatlara meyilli olmamaq.
əleyhinə danışanları təqib edib sürgünə yollamaq üçün qurduğu savak polis sistemi.
iştirak etdiyi kef məclisləri ilə rəqiblərinin əlinə "kozr" vermək.
ölkəni çatdırdığı iqtisadi inkişaf səbəbi ilə bir qədər həddini aşmaq.
son bəndin adı nə demək istədiyimi ifadə etmir deyə açıram:
öncə ağlıma bununla bağlı iki ifadə gəlir. onları vurğulamaq istərdim. deməli mədəni dildə desək, səmimiyyətdən sui istifadə, loru dildə desək, şadlığına şitlik etmək.

qeyd etdiyim kimi məhəmmədin iqtisadiyyat sahəsində olan uğuru danılmazdır. o ölkəsini neftin köməyi ilə bir xeyli dirçəltmişdir. xüsusən 1974-77- ci illərdə iranın neft qiymətinə təsir gücünün artması, opecdə söz sahibliyi iranı neft zəngininə çevirmişdir. problem isə, onda olub ki, iranın nefti həddən artıq bahalaşdırma təşəbbüsü qərbi, abş-ı "küsdürmüşdür."
zənnimcə bu dövrdə kasetlərlə iraqdan səsini yayan ayətullah xomeyninin ətrafına ruhaniləri yığa bilməsində, 1977- dən iranda başlayan xaosda və 1979- cu ildə 11 fevralda inqilabın qələbəsindən sonra abşa sığınmaqda çətinlik çəkməyində iranın yürütmüş olduğu neft siyasətinin də rolu var. belə ki, məhəmməd rza şah yalnız xərçəng xəstəliyinə görə vaşinqtona qəbul olunmuşdur. burada inqilabçıların 4 noyabr 1979- da hücum edib diplomatları girov aparması məsələsi də öz yerində...

beləliklə 1 aprel 1979- cu ildə iran islam respublikası yaradılmış, pəhləvilərin şah idarə sistemi ləğv olmuşdur. bu haqda daha genişmiqyaslı iran inqilabı adlı başlıqda yazaram. təbii ki, ömür vəfa eyləsə. -*

10 əjdaha! 07.04.2016 06:09, arabist

#209335 şikayət

yazarları düşündürən suallar

+16 əjdaha

görən niyə leytenant rütbəsi mayor rütbəsinnən aşağı olduğu halda general leytenant rütbəsi general mayor rütbəsinnən üstündü?

14 əjdaha! 25.04.2014 18:14, arabist

#115470 şikayət

ərəb dilinin müxtəlif dialektləri

+13 əjdaha

bir birinnən əhəmiyyətli dərəcədə fərqlənən dialektlərdir.
7-ci əsr islam yayılan dövrdə danışılan hicaz dialekti klassik ərəb dili kimi qəbul edilmişdir.
bu dil onlar tərəfinnən "ərəbiyyətəl füsha"(fəsih-düzgün ərəb dili)olaraq adlandırılır. klassik ərəb dili çox az dəyişikliklərə uğrayaraq bu gün yerini "msa"(modern standart ərəb dili)nə vermişdir.
bu dil ərəb mediyasında,müxtəlif ərəb ölkələrinin bir-biri ilə beynəlxalq münasibətlərində geniş istifadə olunur. hər oxumuş,savadlı ərəb msa-nı rahat anlıyır və danışır.
indi isə müxtəlif dialektləri gözdən keçirək:

misir dialekti və ya məsri: qeyri rəsmi ərəb dialektlərinin ən geniş yayılanıdır. bu dialekt ərəb dili ilə kopt(qibti) dilinin sintezidir. məhşur ərəb mahnıları da bu dialektdə oxunur. misirlilər sözün ilk hərfi "q"hərfidirsə onu tələffüz etmirlər. məsələn: qəhvə (əhvə),qəlb (əlb). həmçinin "q"hərfi sözün ortasında olanda da ixtisar olunur. msa-da "əqulu"(deyirəm) misirdə (əulu). standart ərəb dilində ilk hərfi "c"olan sözlər isə,misir dialektində "q"kimi oxunur. (cədid-qədid yeni, cəmil-qəmil gözəl)
dialektlərlə standart ərəb dilinin tək fərqi bu da deyil. mənsubiyyət şəkilçiləri standart ərəb dilində "kə"(kişi cinsi),"ki"(qadın cinsi)
amma dialektlərdə sait samitdən önə keçir:
həyatək(sənin həyatın),həyatik (sənin həyatın qadın cinsi).
bunnan əlavə misirlilər "necəsən?"deyə soruşanda "izzayək?"(k.c) izzayik (q.c). deyir. amma standart ərəb dilində "keyfə halukə?"(haluki q.c)
"nə?"sualı msa-da "ma,maza" ,misir dialektində "eyh"dir.
ma ismukə (adın nədir? ismiki q.c)
ismak eyh(adın nədir? ismik q.c misir dialekti)
başqa fərqlər də var:
msa-da "ənə əşrəbu"(mən içirəm)
misirdə "ənə bəşrəb (mən içirəm).
msa-da hə(bəli)"naam",misirdə "ayva"
msa-da yox(xeyir) "laa"
misirdə "ma"və ya "miş"

körfəz dialekti, (səudiyyə,küveyt,qətər,bəhreyn,bəə,cənubi iraq-bəsrə)
modern standart ərəbcəyə yaxındır. bununla yanaşı iraq ərəbcəsi də standart ərəb dilini xatırladır.
iraqda "necəsən?" şunək? (şuniç qadın cinsi)
şu ismək (ismiç q.c adın nədir?)
şuxbərək (nə xəbər?,nə yenilik var? bu söz modern standart ərəbcədə "ma əl cədid?"kimidir.) qalan əksər sözlər standarta çox yaxındır "qəlb","qəhvə"kimi sözlərdə misir dialekti kimi "q"götürülmür.
amma suriya,livan dialektləri misir dialektini xatırladır.
livanlılar fransız sözlərinə daha çox meyl edirlər (əlcəzair kimi olmasa da)

məğrib dialekti: afrikanın şimal qərbini aid etmək olar. burda danışılan dil ərəb,bərbər sintezidir və asiya ərəbləri onu rahat anlaya bilmirlər. mərakeşdə "necəsən?" "vəşrək lə bəs?"dir məsələn.
əl cəzair,tunis dialektləri də standart ərəbcədən uzağdır. (xüsusən tunisdə ərəb,tamazixt sintezli dialekt)
liviyalılar isə o qədər fərqli danışır ki, artıq öz dialektlərinə"əd dəricə" (ləhcə) adı veriblər.

10 əjdaha! 30.05.2014 21:26, arabist

#122385 şikayət

sırf müsəlman olduqları üçün fələstinə kədərlənmək

+12 əjdaha

məncə sırf müsəlman olduğu üçün fələstinlilərə daha çox kədərlənməkdir. bu isə nəyinsə ortaq olmasınnan irəli gəlir.
deyək ki, siz qardaşınızın, bacınızın xəstəliyinə niyə üzülərsiniz? çünki, ortaq valideynlərə sahib olmaq sizi yaxınlaşdırır. məktəbdə paralel sinfin sinif rəhbərinin ölümünə öz sinif rəhbərinizin ölümü qədər üzülməzsiniz. çünki, daha yaxındı o sizə. sevgiliniz gedən maşında iraq olsun sevgiliniz ailəsi ilə birgə həlak olsa, ailəsinnən çox sevgilinizə üzülərsiniz. çünki, daha yaxındır sizə.
həmişə insanları bağlayan və hətta sevgini də əmələ gətirən iki şey var:
1) ortağlıq,
2) yaxınlıq.
din də bu cürdür. biz həm holokostda qırılan yəhudiyə, həm də fələstində qırılan müsəlmana üzülürük. amma müsəlmana görə daha çox pis oluruq çünki, ortaq nə isə var.
biri buna ayrıseçkilik deyə bilər. amma ilk ayrıseçkilik 48-ci ildə fələstinə müstəqillik verilməyəndə zahir olmuşdu.

12 əjdaha! 20.07.2014 15:14, arabist

#127384 şikayət

dədə qorqud

+16 əjdaha

dastannan və filminnən gördüyüm qədəri ilə oğuz igidlərinə qırağdan "tırka"verib ad qoyacaq deyə onları it kimi boğuşdurub qazan tipli adlar qoyan dədəmiz.* glş
üstəlik qopuzu olanı vurmazlar deyə ömrü boyu əlində qopuznan "fırranıb"hamıdan çox yaşayıb.* glş

not:ad qoyma məsələsində primadonnamız ilhamə xanım quliyevanın sələfidir.

(baxma: nə qazırsan oğul)

14 əjdaha! 23.05.2014 04:19, arabist

#121260 şikayət

tarixin ən böyük umbaylamaları

+11 əjdaha

1945- ci ildə mayın 9-unda avropada müharibə bitsə də, asiyada hələ də davam edirdi.
iyun ayının 26-sında keçirilən potsdam konfransında müttəfiqlər yaponiyanın təslimi planını hazırlayıb ölkəyə nota göndərdilər.
yaponların cavabı gecikmədi:
onlar cavab olaraq mokusatsu yazdılar.
bu sözün yaponca iki mənası var:
1) qəbul etmək
2) vecə almamaq və ya xor baxmaq.
təəssüf ki, tərcüməçilər yapon baş nazir kantaro suzukinin "fincanının boş tərəfini gördülər. "
elə yaponiyaya atılan iki atom bombası bu mokusatsunun güdazına getdi.

yadıma düşmüşkən editos: mokusatsu sözünün simvollardan ibarət olan kanci əlifbasında hərfi tərcüməsi "səssizcə öldürmək" dir.
gündəlik işlədiləndə isə, mənası qısa olaraq "iqnor etmək" dir.

10 əjdaha! 13.03.2016 04:24, arabist

#203451 şikayət

şimali sentinel adası

+11 əjdaha

dünyadan təcrid olunmuş və hindistan hökuməti tərəfindən ziyarəti qadağan edilmiş müəmmalı bir adadır.
adada təxminlərə görə 200 insan yaşamaqdadır.
bu adadakı sakinlər qəribə şəkildə adadan olmayanları rədd edir, bura enmək istəyən təyyarələrə və helikopterlərə daşla, alovlu oxla hücum edirlər.
ehtimal olunur ki, onlar bizləri yadplanetli və ya işğalçı zənn edirlər.
adaya enmək və sakinlərlə bir şəkildə ünsiyyət yaratmaq səyləri dəfələrlə boşa çıxmışdır deyə sakinlər haqqında demək olar ki, hər şey təxmini biliyə və fərziyyələrə söykənir.
bilinən odur ki, sentinellilər geyimi kəşf etməyiblər, texnoloji tərəqqidən nəsiblərini almayıblar, hətta, ehtimallardan biri də belədir ki, adalılar odu 80- ci illərdə kəşf edə biliblər.
amma, burada yaşayan qəbilələrin təxmini 60 000 il yaşı olduğu, o vaxtlar adaya afrikadan köçüb gəldiyi düşünülür.
həmçinin ada əhalisi kannibaldır.
təxminlər deyir ki, sakinlər əvvəldən yamyam olmayıblar, bir dövr quraqlıq onlarda bu vərdişi yaradıb.

sentinellilərin bizdən daha gümrah olduğu güman edilir. çünki, vəhşi həyat, ovlama qabiliyyəti, təbiətlə əlaqə onlarda daha güclüdür.

bir dəfə adada baş vermiş tsunamidən sonra hindistan hökuməti ərzaq yardımı göndərmək istəmiş, amma onların təbii fəlakətdən zərər çəkmədikləri aşikar edilmişdi.
aydın olmuşdu ki, özlərinin məskunlaşdıqları mağaralar bu fəlakətlərdən qorunmaq üçün özləri tərəfdən ideal hala gətirilib.
ərzaq yardımı isə, gizlicə meşəlik əraziyə qoyulmuşdu.

10 əjdaha! 14.03.2016 19:16, arabist

#203655 şikayət

baba

+11 əjdaha

dünən saat tam səhər 9:00-da itirdiyim insan.
bu adda yazar olduğunnan əvvəl başqa yerə yazmaq istiyirdim. amma sonra düşündüm ki, babaya ən layiqli başlıq elə babanın özüdür.
əziz sözlükçülər, inanın heç bir noğul-nabat nənə-baba kimi şirin olmur.
üstəlik bu sözü sizə nənə-babalarınnan ömründə bir dəfə belə nağıl eşitməyən bir insan deyir.
itirdiyim ata-babamdır. çox zəhmli bir kişi idi. yanınnan keçərkən yenə nəyisə irad tutacaq deyə qorxardıq. xəstəliyi isə, yaşca mənnən də böyük idi. 1988-ci ildə keçirdiyi infarkt, 2007-də paralic, 2008-də yüngül infarkt keçirmişdi. amma onunla belə sağlam adam idi. mənə adını vermişdi. mən onun böyük oğlunun böyük oğluyam deyə məhəbbəti bir ayrı idi. (çox bildirməsə belə.)
kişi məni özünə oxşadırdı. nə var-nə var sakitliyi sevirdim.
amma mən onun atılan dırnağı da deyiləm. o səliqəli mən pinti...necə səliqəli?
hər yeri dizə kimi palçıq olan bir yerdən bu insan şalvarının ətəyi belə batmadan keçirdi. təmiz insan idi. mənsə düz yolda harda palçıq var orayla gedirəm sözlük.

düşünün bu iyirmi neçə ildə bir dəfə də bu insanı öz qoyduğunu axtaran görmədim. şişirtmirəm inanın. paltarları gül kimi, sənədləri çekləri nizamla, intizamla...
mayda ödədiyi ilə iyulda ödədiyinin rəfdə olub, iyunda ödədiyinin yoxa çıxması söhbəti yox idi rəhmətlikdə.
mən "oxşar" isə, axşam yatanda çıxardığım corabı səhər 1 saat axtarıram.
yox baba, mən sən ola bilmirəm.
dediyim kimi babam çox ciddi idi və 2007-ci ildəki paralicin əsəb travması onu daha da zəhmli etmişdi. amma bəzən gülürdü də. gülüşünü çox sevirdim. darıxacam, darıxıram da....
keçən il uğurlu və rüvşətsiz imtahanlarım barədə danışanda qürrələnib gülmüşdü. bu yaşıma rəğmən novruzda rayona gələndə sarı beşliyi çıxarıb "al, bu da qurşağpayun" deyirdi. mart ayının hələ 6-sı ikən atamı yığıb "qızları təbrik elə" deyirdi. hər il ramazan bitəndə oruc tutduğumu bildiyinnən mənə zəng eliyib xüsusi bayramlaşardı. amma bu il olmadı. bayramı mən gəlməli oldum.
29 iyul günü azan azana qarışdı. bizim sabirabadda (anonimlik gedir deyəsən) vəfat edənçün məsciddə azan verilir. dünən bayram namazının azanı sonrası bir azan da babaya veriilib.
bu kişi inanın ki, cavanlığında "ateist" olub. sumqayıtın, şamaxının "yeyib içən oğlanı" olub. amma 2007-ci ildə paralicdən qabaq həcc ziyarətinə getdi. 2010-da məşhəd, kərbəla. artıq məscid cərgəsində dayanıb namaz əda eliyirdi. ölümü öncəsi dilinnən təkbir və şəhadət düşmürmüş.

bu gün sözlük mənə həyat ibrəti verdi. dünən taraz girmədiyimnən bildirişim də kəsilmişdi. ölüm də belədir. yavaş-yavaş unudulursan.
onsuz da insan sözünün kökü ərəbcə "nas" (unudan) dır.
unutmağa, unudulmağa məhkumuq.

11 əjdaha! 30.07.2014 05:37, arabist

#128403 şikayət

sözlükdəki məzhəb davası

+13 əjdaha

təəssüf ki təxminən bir aydır ki, "bala-bala" inkişaf eliyən davadır.

bir ateistlə bir müsəlmanın entry-si burda alt-alta rahat yazıla bilirsə iki müxtəlif məzhəbdən olan müsəlman nəyi bölüşdürə bilmir? anlamıram. əzizlərim bir insanla rahat dolanmağımız üçün onlarla ortaq nəsə tapmalıyıq deyilmi?
müxtəlif məzhəbdəyiksə, eyni dinimizə görə,
birimiz deist digərimiz müsəlmanığsa, tanrını tanıdığımıza görə,
birimiz inanclı digəri ateistdirsə, insan olduğumuza görə mehriban olmalıyıq.
heç kəs heəç kəslə razılaşmağa məcbur olmadığı və fikir azadlığının mövcud olduğu bir mühitdə birimizin digərinə səviyyəsiz, digərimizin ağıldankəm deməyinə nə ehtiyac var?
atın bu aqressivliyin, emosianallığın daşını.

12 əjdaha! 06.07.2014 21:26, arabist

#126241 şikayət

xoşladığın qızın öncədən sekslə məşğul olmasını öyrənmək

+14 əjdaha

artıq o qızı xoşlamamaq deməkdir.
əvvələn ağıllı insan öz ciddi münasibətində diqqətli olur. bir misal var ki, "oğruluğu və fahişəliyi 40 günnən artıq gizlətmək olmur." bu misalın mənası budur ki, insan bir neçə günnən artıq maskalana bilməz. düzgün analiz apara bilən insan (oğlan, qız fərq etmir.) müəyyən müddət sonra bağlandığı və ya sınadığı insanın necə biri olduğunu anlaya bilir. təbii ki, cütlüyün (və ya cütlük olmağa namizədlərin) biri digərinin bekar olduğu halda onnan qabağkı seks həyatının olduğunu bir yolla öyrənsə mütləq onnan soyuyacaq. bu məsələni "hansı əsrdə yaşayırıq? kim kimlə istəsə əlaqədə ola bilər" tipli cümlələrlə guya "müasirlik" mövzusuna bağlamaq zənnimcə məntiqsizlikdir.
kişilərin "sahib olma", qadınların "etibarlı himayədarının olması" istəyi instinktivdir. şəxsi əşyamıza toxunulduğunda narahat olduğumuz kimi qadınımıza da bizdən başqasının toxunması bizim üçün arzuolunmazdır.
eyni zamanda qadın da ona himayədarlıq edən "ev" ə "oğru girməsi" ni istəməz.
əgər sən bir qızın (oğlanın) sənnən əvvəlki cinsi həyatı haqqında öyrəndiyin mənfi amilə reaksiya vermirsənsə, bunun yeganə səbəbi ona qarşı fikrinin ciddi olmamasıdır.

13 əjdaha! 01.08.2014 01:46, arabist

#128637 şikayət

arabist

+10 əjdaha

gün etibarı ilə çox çətinliklə geri gəlmiş yazar...

Mesaj qutusun (24) yazılmış və çox güman ki 24 - ün 4 misli olan faiz ehtimalla unudulmuş yazar... (

Qaydaları, tərzləri, unutmasına rəğmən sözlüyü unutmamışdır...

Vaxt aşırı girməyə çalışacaqdır!

(baxma: 3 - cü nəsil yazarlar)

(baxma: əfsanənin qayıdışı zad )

(baxma: sözlükdə necə təbəssüm işarəsi qoyulduğunu unutmaq )

8 əjdaha! 17.01.2020 03:17, arabist

#291867 şikayət

11 mart 2016 sözaltı radio yayımı

+9 əjdaha

evdə olmadığım üçün təəssüf ki, canlı olaraq dinləyə bilmədiyim yayımdır. amma, gəlib dinlədim.
təbii ki, asan deyil efirdə 1 saatı doldurmaq. çünki doğrudan da danışmaq yazmaq kimi deyil. nələrisə editləmək, cümlələri "bişirmək" olmur.

açığı sözlüyün dilimizə hansı ifadəni gətirdiyi barədə konkret bir fikrim olmasa da, bu yayımın dilimizə timidus azərbaycancası gətirdiyini düşünürəm. -* qınamıram təbii. xəyallarını da artıq bəlkə azərbaycanca qurmur tim. -*

sözlük əksər azərbaycanlı üçün hələ də maraqsızdır yəqin ki. çünki cəmiyyətdə dinləmə mədəniyyəti ilə başa salma mədəniyyəti, yazma mədəniyyəti ilə oxumaq mədəniyyəti 4- ü də bir- birinə paralel olaraq zəif formalaşıb.

yazma mədəniyyəti deyəndə gözəl və səlis yazmağı nəzərdə tutmuram. ümumiyyətlə nələrsə yazmağın əhəmiyyətini dərk etməyi nəzərdə tuturam.

hərdən adam düşünür ki, bəlkə həddən artıq təvazökarıq biz?
bir məşhur portuqaliya atalar sözündə "həddən artıq təvazökarlıq göstəriş əlamətidir" deyilir.

məsələ ondadır ki, görəsən niyə gözəl yaza bilməməyi "yaza bilməmək" səviyyəsinə endirib heç nə yazmırıq.
əgər əbu yəhya bu sözlükdən getsə, heç nə itməz bəlkə amma, sən yazmasan, o yazmasa, bu yazmamaq "biz" mərhələsinə çatarsa, sözlük çox şey itirəcək. itirəcəksə, deməli dəyərliyik.
yayımda bu mövzuya toxunub timidus. ..

bu arada elə çujoy poxmel gedən umbay kişi olub. -*

8 əjdaha! 12.03.2016 01:51, arabist

#203203 şikayət

yaran lətifələr

+10 əjdaha

deməli iki dost balığa gedir.
dostlar qırmağı atırlar qızıl balıq düşür. balıq yalvarır:
-noolar qurban olum məni buraxın sizin hərənizə bir yumurta verəcəm sındırarsız və dərhal arzu tutarsız yerinə yetəcək.
dostlar razılaşırlar. evə gələndə dostun biri yumurtanı sındırır və başlıyır:
-maşın, ev, vəzifə, xidmətçilər, kalan pul...
bu dost varlanır. pul adamı unutdurduğu üçün 3-4 ay fırlanır. birdən birgə qırmağa getdiyi dostu yadına düşür. deyir gedim görüm o neyniyiree?
dostugilə çatanda görür ki dostunun köhnə daxmasının ağzında, iki-üç qolu zorlu kişi bunun ağzını o məsələ......
deyir:
-ayə bu nə haldı düşmüsən?
dostu cavab verir:
-danışmayee qardaş evə çata-çatda ayağım ilişdi mismara yıxıldım, öz-özümə dedim ki, "ay mənim ağzımı belə-belə eləsinnər. mən bu yumurtanı niyə boş-boşuna sındırdım?"
indi dediyim nətər yerinə yetibsə mənnən əl çəkmirlər. * glş

10 əjdaha! 01.07.2014 03:41, arabist

#125771 şikayət

xalidə əhmədovanın talış ləhcəsinə irad tutması

+9 əjdaha

aşıq tellini tanımadığını düşündüyüm haldır. o qəsdən gürcüstan ləhcəsi ilə "olajax" deyir. hal bu ki, illərin efir təcrübəsi var. teymur mustafayev "əmüüz" deyir. hal bu ki, 70-ci illərdə də efir az olanda çəkilişə gedirdi. yəni 40 illik təcrübə. hələ minimal götürəndə. biri var "ləhcə ilə oxuma" deyə. anlaşılandır. bu ləzgi, aran, naxçıvan və bu kimi ləhcələrə də deyilər və ümumiləşdirmə sayılmaz. sırf "ağzının talış ləhcəsini təmizlə" ifadəsinnən qan iyi gəlir. ola da bilər ki, o cür demək istəməyib, elə çıxıb. amma, ifadəsinə görə üzr istəyə də bilərdi. talışların haqlı olma faizi 100-dür.

9 əjdaha! 18.01.2015 11:23, arabist

#144996 şikayət

allah mənə də şəhidlik nəsib etsin deyən adam

+9 əjdaha

şəhidliyin yalnız vətən uğrunda ölməkdən ibarət olduğunu düşünən bir insanın açdığı başlıq.
hal bu ki,neçə-neçə namusunu qorumaq üçün,təcavüzdən yaxa qurtarmaq üçün özünü asan,dağdan-dərədən atan xanımlar var.
kimsə onlara intihar etdi deyə bilər. amma xeyir canım o şəhid olmuşdur. üstəlik namusunu,ailəsini qoruyarkən neçə-neçə canını tapşıran oğullar var. onlar şəhiddir.
vətən uğrunda döyüşən niyə şəhid olmasın axı? 20 il bunnan qabaq qarabağda özünümüdafiə dəstələrimiz o kəndlərdə azərbaycanlı qadınlara erməni dığaları təcavüz etməsin deyə vuruşmuşdular. onlar da şəhiddir. erməni bizim qadınların qarnına süngü soxanda qarşısını alarkən can verən oğlanlarımız şəhid deyil?
bəli insana canınnan daha əziz olan dəyərlər vardır. bu təkcə hektarlarla vətən torpağı deyil. eyni zamanda qadınların namusu,ismətidir.

p.s şəhidlik məsələsinin yalnız islamda olduğunu düşünənlər. televizorunuz xarab olub? o gün rusiyayla ukrayna uğrunda ukrayna müdafiə naziri ilə oğlu çiyin-çiyinə vuruşurdu. şəhidliyin geridə qalmış məfhum olduğunu sananların avropaya kor-koranə inteqrasiya etmək istədiklərinə şübhə eləmirəm!

6 əjdaha! 30.05.2014 22:42, arabist

#122396 şikayət

gələcək təxminləri

+9 əjdaha

bəzilərinin reallaşması hardasa şübhə doğurmayan təxminlərdir.
çox yaxın gələcəyə daha da inkişaf etdirilməsi planlaşdırılan nano texnologiyası bizim nəvə-nəticələrimizin bizdən "miras" apardığı xəstəlikləri yayan hüceyrələri taparaq xəstəliyi elə ana bətnindəcə məhv edəcək. bu elə təxminən xərçəng xəstəliyinin,şəkərli diabetin erasının bitəcəyi anlamına gəlir. bu texnologiya ilə insan ömrü 150 ilə çıxarıla biləcək. amma, gələcəkdə 3-4 metr boyu olan nəhəng nəsillərin meydana gəlməsinə təkan verməklə bağlı proqnozlar nikbin deyil. boyumuzun artması üçün lazım olan hipofizləri artırmaq çətin olmasa da 3-4 metr boyun sümük və əzələ sistemimizlə uyuşmadığını nəzəriyyələr qətiətlə təkid edir.
nano-nun da qara məqsədlər üçün istifadəsi qaçılmaz olacaq. həşərat görünüşlü xırda cihazlar asanlıqla ən yaxşı halda cəsus kimi bizimlə bağlı videolar çəkəcək, pis halda isə bizi "dişləyib" qanımıza öldürücü zəhər inyeksiya edəcək.
yuxarıda qeyd edildiyi kimi qalxarkən unutduğumuz yuxuların video görüntüsünü görmək mümkün olacaq.
robotlar xidmət sektorunu və əyləncə mərkəzlərini bir mənada işğal edib işsizliyin radikal formada artmasına rəvac verəcək.
artıq darta- darta qaldığımız adapter kabelləri ləğv olunmaqdadır. 2013-dən bəri isə, başın, gözün hərəkəti ilə toxunmağımıza ehtiyac olmadan istifadə oluna bilən cihazlar sınaqdan uğurla çıxıb.
böyük ehtimalla bizim və ya, övladlarımızın görəcəyi "düşüncəni yazan telefon" ların proyekti də var.
heç şübhəsiz gələcəkdə insanlıqişıq sürəti ilə (1 saniyədə 300 000 km) və ya bunnan artıq sürətlə hərəkət edə bilən kosmik raket düzəltmək üçün dəridən- qabıqdan çıxacaq. bu gün kainatda gördüyümüz ən uzaq göy cismləri 13,7 milyard işıq ili uzaqlıqdadırsa, işığa meydan oxuyan raketlər ucsuz- bucaqsız bir səfərə çıxa bilərək başları qarışdıran paralel dünya müəmmalarına bir dəfəlik, konkret cavab tapacaq.
bəlkə də süni intellekt növbəti dünya müharibələrinin birində nəvə- nəticələrimizin ən qatı düşməni olacaq...!

9 əjdaha! 06.02.2016 03:02, arabist

#197145 şikayət

azərbaycanda youtuber olmaq

+9 əjdaha

abşda çöpçü olmaq kimi bir şeydir. -*
bizdə baxış "necəsən yuuusiiif?", "xala sənin haranı yesin? ", "mamon necədi qaqaaaaaş?" və bu kimi videolara gəlir. həə heç 89 illik ili 67,5 qəpikdən kredit verən səbuhi də pis yaşamır.
(baxma: sibirdə dəvə südü satmaq)
(baxma: havay adalarında fış fış eliyib nəfəslə doldurulan hovuz alveri eləmək ) -*

9 əjdaha! 15.02.2016 04:59, arabist

#199079 şikayət

timidusun esgeri

+8 əjdaha

şəhərlər və ölkələr başlıqlarını dəstəklədiyim yazar.
sözlükdə bu başlıqlar açılmalıdır və haqqında ən primitiv məlumatlar yer almalıdır ki, əsgər də bunu edir. əgər bu başlıqlar hərəsi iki-üç gün vaxt intervalı ilə açılsaydı, bu cür sərt reaksiya ilə qarşılanmazdı yəqin. amma onun da ürəyi belə istiyir. ən azından yazarların bürcləri, yazarların çaylarına atdıqları şəkər tozu miqdarı kimi inkişafımıza zərrə qədər xeyri olmayan başlıqlar açmır.
mən sözlüyün şeyx muhəmməd bin rəşid əl məktumu olaraq -* bacardığım qədər bu başlıqlardakı məlumat həcmini genişləndirəcəyimə dair ərəb sözü verirəm. -*
(təntənəli şəkildə mənlik deyil -* )

(baxma: timidusun ləşkəri)
(baxma: something wrong) -*

8 əjdaha! 12.02.2016 04:18, arabist

#198129 şikayət

tarixin ən böyük umbaylamaları

+8 əjdaha

28 noyabr 1942- ci il saat 22:15- də bostonda bir hind qozu qoruğunda şükranlıq həftəsi qeyd edilərkən işçilərdən biri qaranlıq ərazidə elektrik düyməsini tapmaq üçün bir kibrit yandırır.
kibrit əlindən düşən kimi qoruqdakı sintetik və tez alışan süni palma dekorativ ağacları saniyələr içində od tutur.
yanğın panikası ilə hamı çölə qaçmaq istəsə də, bir xırda problem var:
obyektin qapısı yalnız içəri doğru açılır. qapıya tərəf qaçan izdiham isə, qapının yaxınlığında qapını içəri açmaq istəyənləri sıxışdırıb qapını açmağa qoymur.
bu xırda detal 492 nəfərin faciəli ölümünə səbəb olur.

7 əjdaha! 13.03.2016 06:07, arabist

#203457 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

arabist

son bəyənilənlər:

oxuyucuların bəyəndikləri: