atlı lobya

9 əjdaha! 25.05.2016 01:13, atlı lobya

oturuşmamış bir zad. qərdeşim, adam yarım kilometrlik yazır, sonra kimsə girib umbay verir. ala xoşun gəlmir, lap əla, gəl razılaşmayaq, həqiqi sözümdür, razılaşmaqdansa, razılaşmayaq, umbaylayaq, söyüşək, döyüşək, amma danışaq da ala. istəyirsən söy, təhqir elə, amma bir şeylər elə də ala. mənə mövzu maraqlıdır ki, yazmışam o boyda, sənə də maraqlıdır ki, oxumusan. ortada hər iki tərəfdən çəkilmiş bu qədər əziyyət varkən, bir zəhmət çək, beynindən keçəni, nəylə razılaşmadığını, niyə razılaşmadığını, öz fikrini paylaş da ala, ölərsən? bu nə paxıllıq, bu nə simiclikdir ya kosmos! entrynin yanındakı "mesaj"-a basanda mesajda həmin entryə istinad verilir. səndən istənilən bir-iki kəlimə ilə fikrini çatdırmaqdır.

qeyd: söhbət təbii ki, bir cümləlik entrylərdən getmir, çünki onları yazmağa və oxumağa böyük əmək sərf olunmur.

silinmiş entry.

#214897 şikayət

elm oxuyacaq olanlara məsləhətlər

9 əjdaha! 16.05.2016 00:14, atlı lobya

hansısa elm sahəsi üzrə təhsil almaq istəyən insanlara verilmək istənən məsləhətlərin toplandığı başlıq. ənənəvi olaraq hər elm sahəsi fərqli mövzularla maraqlansa da, interdisiplinar (sahələrarası?) tədqiqatların daha geniş yayılmağa başladığı dünyada bəzi ümumi məsləhətlər vermək mümkündür deyə düşünürəm.

(bax: riyaziyyat)
ən başlıcası təbii ki, riyaziyyatdır. təbiətin dili riyazidir deyirlər; bu riyaziyyatçıların götlərindən uydurduğu şey deyil, həqiqətdir. riyaziyyatla arası olmayan insanlara (məsələn, bioloqlara, psixoloqlara və s.) belə indilərdə riyaziyyat lazım olur. ümumiyyətlə, hər elm sahəsində ən maraqlı işlərdən biri, bəlkə də birincisi, maraqlandığınız məfhumu riyazi olaraq təsvir edib, anlamaq olduğuna görə riyaziyyatdan qaçış yoxdur. qaçışa ehtiyac da yoxdur. riyazi gözəlliyi anlamağa çalışmaq lazımdır. yaşlı vaxtında bu həqiqətin fərqinə varmış bir bioloq olaraq deyirəm bunu. mənə heç kəs deməmişdi zamanında bunu, barı sizə kimsə demiş olsun. hər şeydən əvvəl riyaziyyatı sevin və bu dildə özünüzü ifadə etməyi bacarın. məsələn, biologiya oxuyursunuzsa, universitetdə sizə çoxlu faktlar əzbərlədəcəklər. onları bir təhər yola verin, boş vaxtlarınızda riyaziyyat oxuyun, özünüzü inkişaf elətdirin, o əzbərlədiyiniz faktları gələcəkdə özünüz rahatlıqla oxuyub daha yaxşı başa düşə bilərsiz.

(bax: proqramlaşdırma)
yenə də, sahədən asılı olmayaraq, gündəlik və nəzəri işlərdə mütləq lazım olacaq bir bacarıqdır. mənə indiyə qədər əsasən matlab, r, python lazım olub, amma qabağınıza çıxdıqca başqalarını da öyrənməyiniz məsləhətlidir. bundan əlavə, latexdən də istifadə etməyi bacarın.

(bax: statistika)
elmi iddialar riyazi açıqlamalardan fərqli olaraq təbiətcə statistikdir. statistika əldə olan məlumatı görmək üçün bir növ eynəkdir. elm adamları təcrübələrinə statistika eynəkləri ilə baxırlar. mücərrəd bir fenomeni başa düşmək üçün geniş eynək kolleksiyası və bu eynəklərin necə istifadə etməyi dərindən bilmək lazımdır.

(baxma: mühəndislik)
ümumiyyətlə, bəlkə də gələcəkdə elm karyerası istəyirsinizsə, bakalavr təhsilinizi mühəndislik üzrə oxusanız daha yaxşı olar. mühəndislikdə yuxarıda sözügedən məsələləri daha orqanik şəkildə öyrənə bilərsiz, bonus olaraq, maraqlandığınız elm sahəsi üzrə bilgilər də ala bilərsiz. bundan əlavə, mühəndislikdə, edərək, layihə-əsaslı öyrənmək məsələsi var ki, bu da çox vaxt quru-quru nəzəriyyə ilə məşğul olaraq öyrənməkdən daha yaxşıdır.

qeyd: bu entrydə söhbət fiziki (fizika və astronomiya, kimya, yer elmləri) və təbiət (biologiya, tibb) elmlərindən gedir.

silinmiş entry.

#213828 şikayət

sahibsiz entry

9 əjdaha! 05.04.2016 02:09, atlı lobya

içində bəzilərinin yazarların şəxslərinə hücum etməyi sevən insanlar olduğu bir qrup tərəfindən yığışdırılması istənən funksiya. qətiyyən yığışdırılmalı deyil. xüsusilə də, çaqqal-çuqqalın birləşib kimisə təkləyib, qışqır-bağır salıb, sözlükdən soyuda bildiyini nəzərə alsaq, bu funksiyadan beşəlli yapışmaq lazımdır. əgər bu bir mübarizədirsə—ki, bu bir mübarizədir artıq—qoy fikirlər, düşüncələr yarışsın, şəxslər, eqolar yox. arxasına hay-küyçü kütləni alıb, ora-bura qusan insanlara qarşı, təcavüzə məruz qalmadan bir fikir bildirmək üçün bu funksiyaya ehtiyac var.

silinmiş entry.

#208757 şikayət

ilmar qəhrəmanov

8 əjdaha! 10.05.2016 12:45, atlı lobya

nature indeksdə azərbaycanın elmi hasilatının arasında ümidsiz axtarışlar zamanı kəşf etdiyim, çuxanlı (salyan) doğumlu, hal-hazırda qravitasiya Fizikası üzrə max planck institutunda post-doc edən nəzəri fizik yoldaşımızdır. saytından link

araşdırması ilə bağlı daha ətraflı məlumat tapa bilərsiz.

silinmiş entry.

#213252 şikayət

40 satrap və çoban

9 əjdaha! 09.01.2016 18:49, atlı lobya

zənnimcə, odtüdə oxuyan sevgilisi onu marksist-leninist biri ilə aldatdığına görə əsəblərinə hakim ola bilməyən bir yoldaşımızdır. özünə səbr, uzun ömür və can sağlığı arzulayırıq. başın sağ olsun, rəis, həyatdı, olur belə şeylər.

silinmiş entry.

#193822 şikayət

azərbaycanda müstəqil kinoteatr

6 əjdaha! 03.07.2016 14:31, atlı lobya

bəlkə də açılmasını gözləyən bir pul qapısıdır. eyni zamanda, məqsədi təkcə pul qazanmaq olmamalı olan potensial bir təşəbbüsdür. internet ortamından görünür ki, azərbaycanda normal, kommersiyal olmayan kinonun tamaşaçısı var və kiçik də olsa bir kinoteatrı yola verməyə kifayətdir. film fiction jurnalının internet məkanında məşhurluğu bunun bir göstəricisidir. ölkədəki kinoteatrların vəziyyətini nəzərə alsaq, ucuz, dünya kinosunun klassiklərini göstərəcək bir kinoteatr açılsa, o kinoteatra gedəcək adamlar tapılacaq. amma bu kinoteatrın popkorn kinoteatrlarından ucuz olması çox vacibdir (və əslində mümkündür, çünki vizyonda olmayan kinoları daha ucuza göstərmək olar). bu layihə qarşısında duran ikinci əngəl isə altyazı istehsalının olmamasıdır. amma ilk başda ingiliscə altyazı ilə başlayıb, sonra altyazı istehsalı üçün maddi baza yığa bilər deyə düşünürəm. bir sözlə, müstəqil kinoteatr, hal-hazırda nəzəri olsa belə, maddi baxımdan özünü təmin edə biləcək bir təşəbbüs ideyasıdır deyə düşünürəm.
sifarişi verən: qu quşu körfəzi

#220089 şikayət

azərbaycan bayrağını qarabağdan asmaq

9 əjdaha! 21.06.2016 15:19, atlı lobya

(baxma: azərbaycan gerbini balkondan vurmaq)
(baxma: azərbaycan himnini hamamdan oxumaq)

#218637 şikayət

azərbaycan dilinin zəiflikləri

7 əjdaha! 13.11.2015 18:44, atlı lobya

belə görünür ki, əsasən leksikdir. azərbaycan dilində yazan yazıçıların azlığı, ümumiyyətlə, ölkədə elmin və sənətin inkişafına qoyulan maneələr nəticəsində ortaya çıxır və kəskin içərik azlığına gətirib çıxarır. vəziyyət, azərbaycandan xaricə çıxan kimi, aşağılıq kompleksinə girib, mümkün qədər tez gedib türklərə, ruslara, ərəblərə zada yapışan həmyerlilərimizin çoxluğundan daha da kəskinləşir.

(bax: azərbaycandan xaricə çıxanlara deyilən şeylər)

ümumiyyətlə, azərbaycan dilində içərik az olduğundan, insanlara hansısa sözü, məsələn elmi termini, azərbaycanca deyəndə ağızlarını büzürlər. deyən lazımdır, "gicdıllaq, nə sifət eliyirsən, əvvəl-axır bu söz girməlidir bu dilə, ya yox? güya sən o sözü ingiliscə deyəndə çönüb stephen hawking olursan?"

bir sözlə azərbaycan dilinin zəifliyi azərbaycan insanının zəifliyindən yaranır. azərbaycan insanının zəifliyi də öz növbəsində dili zəiflədir. belə bir dairəvi vəziyyət var ortada. dili zəif olan azərbaycanlı, mədəni olaraq rahat inkişaf edə bilmir, nəticədə, həyatı aşağılıq kompleksi ilə vuruşmaqda keçir. allahın alkaş rusu qarşısında əzilir, özündən dəfələrlə az savadı olan türkün qarşısında qılıqdan qılığa girir, qərbə gedəndə isə ümumiyyətlə yerə girir. bu müddət ərzində, çətinliklər qarşısında ən asan yola əl atır və başlayır cəmiyyətin fonunda əslində özünü təhqir etməyə ("bizimkilər vəhşidir," "bizimkilər qanmazdır," "bizimkilər bisavaddırlar," və sair və ilaxır).

bir az sevməliyik özümüzü, yoldaşlar (digər xalqları da o cümlədən, amma özümüz də qarışıq, hamını pənco-pənco). demirəm, azərbaycan dili müqəddəsdir, ya da azərbaycan insanı "nəcib irqdir" filan (bax: ya qarabağ ya ölüm), amma hər bir cəmiyyət kimi, bizim cəmiyyətin də müsbət və mənfi tərəfləri var (klişeni yapışdırdım). buna baxmayaraq, yenə də hər cəmiyyət kimi, biz də inkişafa qadirik. ağızlarını göyə tutub, heç bir pox eləmədən, azərbaycanlıları təhqir edənlər, məhz hazırki hakimiyyətin siyasətini davam etdirirlər. necə ki, indi azərbaycanda yerli insanların bir poxa yaramadığını hamıya inandırmağa çalışırlar (kino çəkirlər, başqa ölkədən rejissor gətirirlər, öz musiqiçilərinə imkan vermirlər konsert verməyə, ortabab belə olmayan rusu gətirib camaata dahi sənətçi kimi soxuşdururlar, memarları sıra ilə düzülüb, amma bir dənə layihəni yerli memara vermirlər, televizorlara zaurları çıxardıb, onların dillərindən vətənpərvərlik edirlər), bizi tənqid adı ilə təhqir eləyənlər də eyni inancı qorumağa çalışırlar. bunun fərqinə varmadığımız müddətcə, bu iş çok zor, yonca. əzməyin özünüzü, yoldaşlar.

silinmiş entry.

#187091 şikayət

1 məqalə dərc edənin laboratoriya müdiri olması

8 əjdaha! 11.05.2016 22:05, atlı lobya

sənan eminov yoldaşımızın mümkün olduğunu göstərdiyi bir şeydir. qərbdə bir çox ölkədə elm adamları phd dərəcəsini aldıqdan sonra ən azı 2-3 il post-doc vəzifəsində digər laboratoriya direktorlarının laboratoriyalarında işləyirlər. bu zaman ərzində gələcəkdə müstəqil şəkildə aparacaqları tədqiqat mövzularını müəyyənləşdirir və bu mövzularla bağlı tədqiqat aparırlar. daha sonra isə, professorluğun müxtəlif səviyyələrindən keçərək, sonda müstəqil tədqiqatçı olurlar. yəni, phd alandan müstəqil tədqiqatçı olana qədər 10+ il keçir.

vəziyyətin belə olması idealdırmı? yəqin ki, deyil. vəziyyəti belə edən əsas amil insanların müstəqil araşdırmaya hazırlığı yox, akademiyada iş yerlərinin həddən artıq az olmasıdır. belə olan halda, adamlar uzun müddət başqalarının rəhbərliyi altında işləməli ola bilirlər. bəs phd-sini təzə alanın laboratoriya müdiri olması normaldırmı? xeyr, deyil.

silinmiş entry.

#213375 şikayət

yazarların penis boyları

8 əjdaha! 26.05.2016 16:27, atlı lobya

(baxma: atası da deyir oğlum oxuyur)
(baxma: vallah elm üçün istəyirəm, yoxsa məni bilirsən)
(baxma: özüm ölüm statistika öyrənirəm, data lazımdır)

silinmiş entry.

#215098 şikayət

sözlükdə söz azadlığı

7 əjdaha! 05.04.2016 02:00, atlı lobya

timidusun canla-başla, sonuna qədər qorumağa çalışdığı və buna görə də alqışlanası bir məfhumdur. mahiyyəti, motivasiyası, arxasındakı arzunun bu olduğunu düşünürəm: hər mənada yaxşı fikirlər təbii seçmə nəticəsində seçilib, çoxluq tərəfindən dəstək görəcək.

lakin həm sözlükdəki entrylərə, həm də facebook səhifəsindəki rəylərə baxdıqda ağır bir faktla qarşılaşırıq. dəlixana, xaosun içində yenə primitiv, irqçi və cəmiyyət və ölkə üçün zərərli fikirlər daha çox səslənir və daha çox görünür. alternativ düşüncə, sülh ideyası və s. yenə də marjinallaşdırılır. sözlüyün içində kifayət qədər müharibə əleyhinə insan olmasına baxmayaraq, yenə də ortalıqda ancaq beyinsizlər, götləri ilə düşünənlər meydan sulayırlar ki, onların yazılarında bol-bol irqçilik və faşizm görmək mümkündür. sülh və humanist düşüncənin görünürlüyünün az olduğundan və bu düşüncəyə sahib insanların mobilizasiyasının həmişəki çətinliyindən, onlar bu həyatda (sözlükdə) qalma mübarizəsini uduzurlar. görünməyən şey dəstək ala bilmir çox vaxt, çox təəssüf ki.

düşünürəm ki, facebookda və burada birbaşa irqçiliyin qarşısı alınmalı və bu haqda xəbərdarlıq qaydalara yerləşdirməlidir. amma göründüyü qədərilə timidus yoldaş bu barədə puristdir, ona görə bu mübarizəni dişimiz-dırnağımızla aparmalı olacağıq deyəsən.

edit1: indi gördüm, #208422 entrynin ən çox səs verilənlərin arasında olması yuxarıda deyilənlərin bariz nümunəsidir. sonra deyirlər sözlüyə niyə ərgən yuvası deyirlər.
edit2: yox, indi gördüm, soxublar içlərinə. yaşasın söz azadlığı.

silinmiş entry.

#208751 şikayət

zəkalı qızların ortaq xüsusiyyətləri