Son yazılanlar
kreuzweg
the suffering of light
the suffering of light
the suffering of light
bir krzysztof kieslowski filmi. tanınan digər adı: camera buff
kinokamerası olan adam. kino çəkməyə böyük həvəsi yaranan adam. kino çəkməklə kino çəkməmək arasındakı fərqi görən adam. kino çəkəndən sonra həyatla bağlı bir çox şeyləri düşünən adam.
--sitat--
- nə çəkirsən?
- hərəkət edən hər şeyi
- ...sonra anladım ki, dünyada rahatlıq və sükunətdən daha dəyərli şeylər var
--sitat--
*
жить
vasili siqarevin 2012ci ildə çəkdiyi sayca 2ci filmi.
filmi nə qədər az anlayırsansa bir o qədər çox sevirsən. filmin adı yaşamaq olsa da, ölümdən bəhs edir. sonra başa düşürsən ki, ölənlərin doğmalarının yaşamından gedir söhbət; doğmalar üçün ölənlər dərhal ölmürlər.
film əvvəlcə puzzle kimi gəlir. hər səhnə bir parçadı, parçaları toplayıb mənzərəni tamamlamalısan. bir-birinə uyğun gələn ilk iki parçanı filmin yarım saatından sonrasında tapırsan. film tam bitəndən sonra geri qayıdıb əvvəllərə bir də baxanda ən sonuncu parçaları da orda tapıb yerinə qoyursan.
alınan mənzərə qorxuludu: dirilər ölür, ölənlər dirilir, sonra yenə ölürlər. ananın qızlarının ölümünə inanmaması, dəfn zamanı dəliyə dönməsi, ekiz qızların qəbirdən çıxarılması səhnəsində, qrişkanın qatarda oturub-oturub yavaş-yavaş ağlamağa başlaması dəhşətli səhnələrdi.
filmdə yaşayanlar bədbəxtdirlər, bunun səbəbini də düz-əməlli bilmirsən. əsas olan bədbəxtliklərini bilməyindi, səbəbi heçnədi.
filmdə çox kiçik detallar var ki, onlar sonradan istifadə olunmur, nəsə mənası olduğu açıqlanmır, amma mənasız da görünmür: qrişka barmağını yeyəndə oğlanın onun əlinə vurması, velosipedli atanın açıqcası, nikah zamanı şamın sönməsi və sair.
ağacdələn hissəsinə gəlincə. bir çox simvolik açılımlarda ağacdələn müsbət məna ifadə edir: şans qapını döyür *
ağacdələnin səsi
, bu səsi eşidən adamın qarşısına bir şans çıxacaq. amma xristian simvolikasında dağıdıcı xüsusiyyətinə görə ağacdələn mənfi (şeytan) obrazını simvolizə edir.
soundtrack də əladı
)
gözəl filmdi. emir kusturica da qəribədi. filmdən sonra metroda haçan qatar gələn tunelə baxsam, bu film yadıma düşür.
komediyası gülməli, dramı ağlamalı bir filmdi. yuqoslaviya tarixini yaxşı bilənlər üçün çox incə göndərmələr var.
filmin director cut-ı 320 dəqiqədi.
--sitat--
qardaş qardaşı öldürməyincə müharibə, müharibə deyil
--sitat--
(baxma: ey monaqua)
)
şərqi-rus qəzetinin mətbəəsini təşkil etmək üçün naxçıvanın şahtaxtı kəndindəki ata-baba mülkünü satıb, tiflisə mətbəə avadanlığı alıb aparır.
mirzə fətəli axundovdan sonra əlifba islahatı keçirməyə cəhd göstərən adamdı. onun təklif etdiyi əlifba bir az fərqli idi. və bu iddiaları o qədər də dəqiq işlənməmişdi, ona görə də islahat cəhdi uğursuz nəticələndi.
ümumiyyətlə, müəyyən mənada ziddiyyətli şəxsiyyətdir; bəzən dindarların tərəfində olurdu, bəzən demokratların. amma buna baxmayaraq, maarifçilik tarixində yeri olan şəxsdir.
cəlil məmmədquluzadə ilə tiflisdə bir yeməkxanada rastlaşıblar. elə ordaca mirzə cəlilin poçt qutusu hekayəsini oxuyub qəşş edib gülmüşdü. sonra da mirzəni şərqi-rusda işləməyə dəvət edir. bu dəvət sayəsində tiflisə bir neçə günlük gələn mirzə cəlil ömürlük orda qalmalı olur.
məhəmməd ağa şahtaxtinskinin yaratdığı azərbaycan qəzeti.
1903-1905-ci illərdə fəaliyyət göstərən qəzet əvvəlcə həftədə 3 gün, sonra isə gündəlik buraxılmağa başladı.
qəzet cəlil məmmədquluzadə, ömər faiq nemanzadə, əli nəzmi, məmməd səid ordubadi kimi dövrün görkəmli publisist və ədibləri ilə əməkdaşlıq etmişdi.
şərqi-rusun özəlliyi onda idi ki, 1891ci ildə kəşkül qəzeti bağlandıqdan sonra yeni əsrdə (12 il sonra) yaranan ilk anadilli qəzet idi. qəzetin cəlil məmmədquluzadənin jurnalist kimi yetişməsində müstəsna rolu olub. mirzə cəlil burada mirzə ələkbər sabirlə, ö.f.nemanzadə ilə və başqaları ilə tanış olur; şərqi-rus molla nəsrəddin jurnalının yaranmasına zəmin hazırlayır.
bu sifarişi verən: pampiniformis
(bax: mükəmməl üçlüklər)
kino adamları üçün çəkilmiş kino adamları haqqında film. tənqidçilər söyülür deyə tənqidçilər bu filmə oskar verdilər. inceptiondan daha çox iç-içəlik var bu filmdə. reallıq harda bitir, kino harda başlayır; aktyor haçan rola girib, haçan özü olur - bilmək olmur.
çəkiliş texnikasını (sanki bir kameradan heç pauza verilməmiş kimi çəkmək) bəyəndim, birnəfəsə izlədir adama
bu yaxınlarda youtube kanalları bağlanan adam. kanalın saxlanması üçün petisiya elan eləmişdi, ama yetərsiz sayda səs topladığı üçün kanallar silindi. bu isə o deməkdi ki, youtube-dakı azərbaycan kinosunun ən böyük bazası bağlandı. həqiqətən böyük itkidi. çünki tvdə heç vaxt göstərilməyəcək filmlərimizə orda rahatlıqla baxa bilirdik.
adamın kanalların bağlanması barədə yazdığı status:
"kino kanalları (vusal1981 və azərbaycan kinosu-3) da bağlandı. əlvida 4700 video. itirən mən olmadım arxivim özümdə qalır.itirən siz olduz. burdan bütün 1430 özünü dostum sayan və kanalda hər ay izləyən 2 milyondan çox şəxsə deyirəm bu sözləri. serial kanalında 170 nəfər dəstək çıxdı (hər birinə təşəkkür edirəm). bu millətə elədin eləmədin birdir. vaxt kececek hec ele bil bele bir iş olmamış kimi her sey unudulacaq. unutqanıq, qədrbilməzik öz mədəniyyətimizə belə sahib çıxa bilmirik. heyif əziyyətimə, keçirdiyim yuxusuz gecələrə. istər vikipediyada, istərsə də youtube-da. nə jurnalistlər olaraq bu məsələni çoxluğa çatdırdınız, nə də dostlar olaraq öz aranızda yaydınız. biganə yanaşmağınız bu vəziyyətə gətirib çıxardı, murdar adamların əl qolunu açdı. indi bundan sonra nə edək vüsal yazmağınızın da mənası yoxdu. divanınızda oturub çayınızı içə içə bəhbəhlə kanala baxa bilirdiz, amma kömək istəyəndə əksəriyyətiniz biganə yanaşdız. bu kanalların bağlanmasında dəstək olmayan hər birinizin günahi var. bunları müzakirə açmaq üçün yazmıram bura. yazılan heçbir fikrə də münasibət bildirməyəcəm. artıq gecdir!.
günah özünüzdədi."
qəzamız mübarək
(baxma: oğlanların oğlanı) -*
ən problemli dil məsələlərindən biri.
əgər transliterasiya olarsa:
nəyə əsasən aparılacaq? həmin adın aid olduğu dilin orijinalda necə səslənməsinə? onda məsələn, fotoqraf alec sothun adı necə yazılacaq? axı bizdə "th" hərf birləşməsinin səsini göstərən işarə yoxdu.
əgər transliterasiya olmazsa:
nəyə əsasən saxlayacaqsan sözü? yaxşı, tutaq ki, ingilis adları saxladın. bəs yapon, ərəb və s. qeyri-dillərdə olan adları neyləyəcəksən? nəyə əsasən, atıram, harun ər-rəşid yazacaqsan? ingilislərin yazdıqları kimi? yoxsa ərəblərin tələffüz etdikləri kimi?
bakı 2015 avropa oyunlarına hazırlıq tədbirlərindən biri. yuxarıdakıları qohumluqla, yerlibazlıqla yox, ağılla, intuisiya ilə, hissiyyatla seçsəydilər, onda təkcə sahibsiz heyvanlar yox, həmçinin başqa məsələlər belə vəhşicəsinə dırnaqarası həll olunmazdı.
əgər küçə heyvanlarının olmasını istəmirsə, məsələn, təklif edirəm ki, hökumət yeni bir qurum yaratsın (dəqiq bilmirəm, bəlkə də var həmin orqan) və həmin orqan millətə elan eləsin ki, ev heyvanlarına sahib çıxanlar gəlib qeydiyyata alınsınlar. həmin qeydiyyatla onlar aylıq olaraq müəyyən miqdar pul alsınlar həmin qurumdan. pulun bir qismi, saxladığı heyvanın xərclərini, bir qismi isə bu əməlinə görə vətəndaşa təşəkkür əlaməti kimi verilsin *
bir növ maaş
bu yolla pul görə də olsa, millət heyvanla normal davranmağı öyrənər, bəlkə hələ heyvan sevgisi də yaranar. ama ən azından küçə heyvanlar sivil şəkildə küçələrdən yığışdırılar.
ölkənin hər sahəsinə pr menecer lazımdı. bu sözüm elə başa düşülməsin ki, mən pizdec təklif vermişəm, mən ivy leeyəm falan. bu sadəcə təklifdi. və inanın çox şeyin, həddən artıq çox şeyin təbliğatı ya heç aparılmır, ya da düzgün aparılmır deyə millət ölkədə yaşamaq istəmir, içi mən qarışıq hamı nifrət edir, hamı ya çıxıb gedir, ya da getmək istəyir.
sizə bol mayonezli dönər sifariş verirmiş kimi "mənə bir komediya de, bol göndərməli olsun" desələr, mütləq lebowskini deyin. gözəldi. dəhşət gözəldi. bir az da diqqətli baxmağı tələb edir.
coen qardaşlarının, demək olar ki, həmişə eyni heyətlə işləməsi üslubunu bəyəndim. zatən filmə baxanda "bu aktyorları hardasa görmüşəm elə bil" demə şansın azdı. çünki əvvəl gördüyün filmdəki obrazlardan tamamilə fərqli rollara girirlər.
bir neçə spoiler və maraqlı şeylər:
* dude boulinq komandasında olsa da, heç vaxt boulinq oynadığı görülmədi.
* film boyunca dude 1.5 dəqiqədən bir 147 dəfə "man" deyib
* çinlilərin dude-un xalçasına işəməsi 17 dəfə xatırladılıb
* dude demək olar ki, filmin bütün səhnələrində var
* walterin tez-tez donny-yə "shut the fuck up!" deməyinə səbəb donny rolunu oynayan steve busceminin fargo filmindəki boşboğaz roludur
hər dəfə bu parodiyaya baxanda gülürəm, true detectivelə yaxşı qarşılaşdırılıb -*
)incə zarafatları olan yazardı. oxuyub zövq alıram. yaşa be qubadlı -*
kinoteatrda baxacağımın günlərini saydığım halda qəfildən nümayiş olunmamasına qərar verilən film. buna görə də internetdən baxmağa məcbur oldum. mənə ağır gəlir. ümumiyyətlə, the return-dən sonra zvyagintsevin filmləri mənə ağır gəlir. bir də bu leviafan volvo maşınları ilə evin yıxılması mənə ağır gəldi. pulun, hakimiyyətin insanların qürurunu da, evini də necə dağıtmasının şahidi oluruq.
filmdə bir neçə mövzu var, hamısı da iç-içə girib. bir şey qəribədir ki, zvyagintsev heç bir hissə qapılmır. filmdə bir rus soyuqqanlılığı var. qadını dostu ilə yatır - heç bir hiss yox. boğazacan məğlubiyyət var - heç bir hiss yoxdu. evi yıxılır - heç bir hiss yox. (hiss deyəndə tamaşaçıya çatdırılan hissi nəzərdə tuturam) yəni, məsələn, başqa bir rejissor çəksəydi, ev yıxılma səhnəsində bir melanxolik soundtrack verərdi, daha da dramatikləşdirərdi. eləcə də digər səhnələr. zvyagintsevin belə soyuq başla yanaşması xoşuma gəldi.
ümumilikdə, yaxşı filmdi, gözəl filmdi. amma nə edəsən ki, mən hələ nə əhdi-ətiq, nə də əhdi-cədid oxumamışam. düşünürəm ki, müəyyən ədəbiyyatları oxuyandan sonra yenidən baxmaq olar.
13-24 may tarixlərində keçirilməsi planlaşdırılan festivaldı. baş tutacaq yarışma cannes adına 68ci festival olacaq. artıq əsas jüri heyətinin prezident(lər)i açıqlanıb: coen qardaşları
bir drum həvəskarı olaraq izləmişdim. əslində elə də böyük gözləntilərim yox idi ki, sonda da şoka düşüm. imdb-də nahaq o qədər xal yığdığını yuxarıdakı yoldaşlar qeyd ediblər. sadəcə musiqilərindən bəziləri zövq verir. məsələn, aşağıda paylaşdığım caravan parçası.
spoiler olduğunu verək ki, filmdən zövq almaq istəyənlər gedib zövqlərini alsınlar.
--spoiler--
filmin özünə gəlincə, 1-2 məqamda j.k.simmonsun aktyorluğunu bəyənmədim. ümumilikdə ssenari çox standartdı. bu tipli ssenarini, vann damın, silvestr stalonenin filmlərində də görmək olar. diqqət yetirin: ən vacib yarışa hazırlaşan gənc. o hələ hazırlaşdığı şeyə (remboda döyüşə, whiplashda konsertə) tam hazır deyil. hazırlaşmaq üçün həddən çox çaba göstərmək. səni hazırlaşdıran ustadın həddən çox sərtliyi. qanın tökülməsi. əlinə nəsə ( remboda parça, whiplashda leykoplastr) bağlamaq. ən vacib yarışmaya tam hazırlıqlı olmadan gəlmək. yarışmanı poxa döndərmək. və nəhayət ən sonda (remboda sonuncu raundda, whiplashda sonuncu musiqi nömrəsində) tamamilə məğlub olmasına baxmayaraq, come back etmək və 1ci olmaq... bunlar hamısı amerikan filmlərinin klişeləridir. nə fərqi var ki, sən döyüşürsən, yoxsa drum çalırsan... hə, bir də bura baş qəhrəmanın qız sevməyini, ondan ayrılmağını-zadı əlavə etsən, tam amerikan filmi olacaq. ümumiyyətlə, o qızı ssenaridən çıxartsan belə, filmdə nəyinsə çatışmadığını heç hiss də etməyəcəksən. ümumiyyətlə, başıva dönüm, hansı drummerin stick tutduğuna görə əli qanayıb?
filmi maraqlı eləmək üçün oğlan konsertə gecikməli idi. heç bir səbəb tapa bilmədiklərinə görə qəzaya uğradırlar adamı. guya adam böyük olmaq üçün qızdan ayrılır, amma bu tip ayrılıqlar da film üçün şablondu. belə şeylərnən kəf gəlmiyin camaata -*
--spoiler--
)
həə, barton fink haqqında ətraflı danışacaqdım axı.
deməli, roger ebert düşünür:
"goodman, as the ordinary man in the next room, is revealed to have inhuman secrets, and the movie leads up to an apocalyptic vision of blood, flames and ruin, with barton fink unable to influence events with either his art or his strength.
the coens mean this aspect of the film, i think, to be read as an emblem of the rise of nazism. they paint fink as an ineffectual and impotent left-wing intellectual, who sells out while telling himself he is doing the right thing, who thinks he understands the “common man” but does not understand that, for many common men, fascism had a seductive appeal. fink tries to write a wrestling picture and sleeps with the great writer’s mistress, while the holocaust approaches and the nice guy in the next room turns out to be a monster."
gözəl tapıntıdı. hətta mən 3-5 gün bu tapıntının şokundan ayılmamışdım.
tanım: coenlərin baxdığım ən mükəmməl filmi
mükəmməl bir film.
məşhur kinotənqidçi roger ebert yazır ki, əgər insan oğlu uzaq ulduzlara getsəydi və özüylə yalnız bir disk apara bilsəydi, sözsüz ki, bu baraka filminin diski olardı. dialoq yoxdu; demək ki, tərcüməyə ehtiyac da yoxdu. film möhtəşə şəkillərin, kadrların dili ilə, təbiətin səsi ilə danışır. çünki bu film planetimizin pasportudur. *
axırıncı cümləni mən deyirəm, ebert yox
dəhşətli dərəcədə gözəl təsvirlərlə dolu bir filmdi. xüsusilə də documentary və landscape janrlarını sevən fotoqraflar baxsın. demək olar ki, hər kadrda "kaş orda olardım", "necə şəkillər çıxardı ala burdan"-filan dedirdən kinodu. filmin təsirilə əlimə kamera alıb bayıra çıxdım, gördüm yox əşi, bura azərbaycandı.
deməli,
-filmi 5 nəfər çəkib; 6 qitə, 26 ölkəni 14 ay gəzməklə
-tokio küçəsindəki zen rahibi səhnəsi əslində planlaşdırılmamışdı. çəkiliş qrupu fabrikdən otelə geri qayıdarkən yolda bu rahiblə rastlaşıblar və başlayıblar onu çəkməyə. çəkdikdən sonra yaxınlaşıb kisəsinə pul qoyublar. nə çəkilişdən əvvəl, nə çəkiliş vaxtı, nə də sonra rahib başını qaldırıb kameraya baxmayıb.
))Son bəyənilənlər
