çernyayevski

383 0 0 0

4. nəsil yazar

Entry: 383

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

işləmək

+40 əjdaha

3 aydır fasiləsiz olaraq zehni və fiziki olaraq iliklərimə qədər hiss etdiyim tək duyğu yorğunluqdu. beynim bildiyim şeylər xaricində heçnə qəbul etmir və bildiyim şeyləri də unuduram deyəsən. çökmüşəm sözün əsl mənasında. qarışığam və özümü unutmuşam. günü 14 saat və bəlkə bəzən daha çox olan işimin həftənin bir gün istirahətini sadəcə yatmaqla keçirən mən sabahı günü əvvəllər boş vaxtlarımda etdiklərimi təkrarlamadığım üçün özümü lənətləyirəm,amma gələn istirahət günü yenə eyni şey olur - yatıram. əsəbiləşməkdən,insanların mənasız kaprizlərini çəkmək və mənasız suallarına bütün gün cavab verməyə məcbur olmaqdan,adam yerinə sayılmayacaq cinsdən olanların sözlərini eşitməkdən və bunların hamısına sadəcə standart azərbaycansayağı maaşa görə tab gətirməkdən bezmişəm.
böyümək,məsuliyyətlərinin olması çox pis şey imiş.

36 əjdaha! 18.07.2017 00:08, çernyayevski

#257306 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ingilis dilində bağlayıcılar

+79 əjdaha

bağlayıcılar sözlər,söz birləşmələri və cümlələr arasında əlaqə yaradan ikinci dərəcəli nitq hissəsidir.

1) and - tərcüməsi "və" deməkdir. məs:
the sky was cloudleas and the sun was shining brightly - səma buludsuz idi və günəş parlaq şəfəq saçırdı.

2) but- tərcüməsi "amma", "ancaq, "lakin" deməkdir. məs:
the sun has set but it is still light - günəş batıb lakin hələ də işıqlıdır.

3) or - tərcüməsi "yoxsa", "yaxud" deməkdir. məs:
we must hurry or we shall miss the train - biz tələsməliyik yoxsa qatara gecikəcəyik.

4) if - şərt budaq cümlələrində işləndikdə "əgər" kimi tərcümə edilir. məs:
we shall go for a walk if he comes in time - əgər o vaxtında gəlsə,biz gəzməyə gedəcəyik.
mübtəda,xəbər və tamamlıq budaq cümlələrində işləndikdə "ki" bağlayıcısı kimi tərcümə edilir. məs:
he asked me if ı would join them - o məndən soruşdu ki,onlara qoşulacağammı?
qeyd: bu mənada "if" bağlayıcısı "wheter" bağlayıcısı ilə eyniyyət təşkil edir.

5) unless - "if not" deməkdir. inkarlıq ifadə etdiyindən xəbər həmişə təsdiqdə işlənir. məs:
i won’t be able to help you unless he/she comes.

o gəlməsə,mən sizə kömək edə bilməyəcəm.

6) so - tərcüməsi "buna görə" deməkdir,səbəb budaq cümlələrində işlənir. məs:
it was not a long journey,so the boys were not tired at all - bu uzun səyahət deyildi,buna görə də oğlanlar qətiyyən yorulmamışdılar.

7) because (since,as,for) - tərcüməsi "çünki" deməkdir,səbəb budaq cümlələrində işlənir. məs:
1. he walked slowly because he was tired - o yavaş yeriyirdi,çünki yorğun idi.
2. she never goes to the greengrocer's as (because,since,for) he has a kitchen-garden - o heç vaxt tərəvəz mağazasına getmir,çünki bostanı var.

8) as - bu bağlayıcının yuxarıdakı mənasından başqa həm də zaman və tərzi-hərəkət budaq cümlələrində işləndikdə "anda,əndə" şəkilçiləri və "kimi" mənalarında işlənmə xüsusiyyətləri var. məs:
1. shut the door as you go out - çölə çıxanda qapını ört.
2. ı did my exercises as you explained - mən tapşırıqlarımı sən izah etdiyin kimi etdim.

9) though (although) - tərcüməsi "baxmayaraq" deməkdir. güzəşt budaq cümlələrində işlənir. məs:
though (although) the work was difficult it was finished in time - baxmayaraq iş çətin idi,o vaxtında qurtardı.

10) in spite of (despite) - bu bağlayıcılarında tərcüməsi "baxmayaraq" deməkdir. məs:
in spite of the train we finished our work in time - yağışın yağmasına baxmayaraq biz işi qurtara bildik.
qeyd: "in spite of' - dan fərqli olaraq "despite" bağlayıcısı "of" sözönsüz işlənir. məs:
despite the thick fog we could easily find the way - qalın dumana baxmayaraq biz asanlıqla yolu tapa bildik.

11) so...that - nəticə budaq cümlələrində işlənir, "so" bağlayıcısından sonra sifət və ya zərf işlənir. məs:
the book was so good that ı couldn't put it down - kitab o qədər yaxşı idi ki,mən onu əlimdən yerə qoya bilmirdim.

12) such...that - nəticə budaq cümlələrində işlənir,"such"- dan sonra isim işlənir. məs:
it was such news ı couldn't tell it anyone - bu elə bir xəbər idi ki,mən onu kimsəyə deyə bilməzdim.

13) either...or - bu bağlayıcının dilimizə üç cür tərcüməsi var.
1. həm,həm də. məs:
either he or his brother is diligent - həm o, həm də qardası çalışqandır.
2. ya,ya da. məs:
the teacher is either in the library or in the classroom - müəllim ya kitanxanada,ya da sinif otağındadır.
3. gah,gah da. məs:
either it was raining or strong wind was blowing - gah yağış yağırdı,gah da güclü külək əsirdi.

14) neither...nor - tərcüməsi "nə,nə də" deməkdir. məs:
we expect them to arrive neither today nor tomorrow - biz onların nə bu gün,nə də sabah gəlməsini gözləyirik.
qeyd: həm "either...or" həm də "neither...or" bağlayıcılarında xəbər "or" və "nor" - dan sonra işlənən mübtəda ilə uzlaşır.

15) as if (as though) - tərcüməsi "sanki" deməkdir,müqayisə budaq cümlələrində işlənir. məs:
you speak as if (as though) you can do it - siz elə danışırsınız ki,sanki bu işi bacarırsınız.

16) in order that (so that) - tərcüməsi "o məqsədlə ki" deməkdir,məqsəd budaq cümlələrində işlənir. məs:
he raised his hand in order that (so that) ı could see him - o əlini qaldırdı ki,mən onu görə bilim.

17) even if - tərcüməsi "hətta,əgər" deməkdir,güzəşt budaq cümlələrində işlənir. məs:
ı shall help him even if he objects - o etiraz etsə də belə mən ona kömək edəcəyəm.

18) even though - tərcüməsi "hətta baxmayaraq" deməkdir,güzəşt budaq cümlələrində işlənir. məs:
even though it was raining heavily they comtiuned their game - hattə güclü yağışın yağmasına baxmayaraq onlar oyunlarını dəvam etdirdilər.

19) not only...but also - tərcümədi "nəinki yalnız...həm də" deməkdir. məs:
in summer one must not only go to the seaside but also climb mountains - yayda nəinki yalnız dəniz kənarına həm də dağlara da dırmanmaq lazımdır.

20) both...and - tərcüməsi "hər iki...və" deməkdir. məs:
studies and physial work develop both the mind and the body - təhsil və fiziki iş hər iki beyni və bədəni inkişaf etdirir.

21) wheter...or - bu bağlayıcıdan iki seçim qarşısında qalarkən istifadə olunur. məs:
ı didn't know wheter to get up or to go on lying on the bed in my clothers - mən bilmirdim yataqdan qalxım yoxsa paltarlı yataqda uzanmaqda dəvam edim.

22) than - tərcüməsi " -dan,-dən" şəkilçilərinə uyğun gəlir,müqayisə bildirir. məs:
this room is larger than taht one - bu otaq o birindən daha genişdir.

23) as...as - müqayisə bildirir. məs:
this book is as interesting as that one - bu kitab o kitab kimi maraqlıdır.

24) so...as - müqayisə bildirir,yalnız inkar cümlələrində işlənir. məs:
this boy is not so strong as me - bu oğlan mənim kimi güclü deyil.

68 əjdaha! 05.07.2016 05:26, çernyayevski

#220289 şikayət

salam verən ateist

+17 əjdaha

mənasız başlıqlardan biri. bu adam ateistdisə,allahı qəbul etmirsə,"salam" sözünü də sadəcə olaraq nitq etiketi olaraq görür.lap görməsin,natamam sinonim olmayaraq salam əvəzinə hansı sözü işlətsin? elə öz dilimizdə.heç görməklə əlaqəsi olmasa belə,sözün dilə yatması deyə bir şey var.bu da uzadılası,amma mənasız uzadılası mövzulardandır fikrimcə.

16 əjdaha! 02.01.2016 00:14, çernyayevski

#192393 şikayət

yazarların başına gələn maraqlı hadisələr

+17 əjdaha

tam da bugün. bilmirəm maraqlıdı,qorxuludu ya nədi amma həqiqətən həyatımda yaşadığım ən böyük aksiyon idi. adını çəkmək istəmədiyim hətta bir daha addım atmıyacağım məkanda itlər tərəfindən qovalanmağım. itləri bugünə qədər çox sevirdim,amma artıq fobiya yarandığını belə hiss edirəm. yolda qaçarkən məndən də çarəsiz olan yaşlı xala var idi və ona qaça-qaça kömək edin deməkdən başqa çarəm yox idi. sağolsun onları qova bildi ardından da mən tərəf gəlib maraqlandı mənlə. qaçarkən özümü hansısa filmdə hiss edirdim hətta,qarışıq hisslər içində idim bir sözlə. qaçdıqdan sonra fikir verdiyim ikinci məqam o oldu ki,həyatımda ilk dəfə idi belə sürətli qaçmışdım. hələ də qarnımın tam üstündə həmin o hiss qalıb. şişirdilmə kimi görünə bilər amma həqiqətən həyatımda bugünə qədər yaşadığım ən maraqlı hadisə idi.

16 əjdaha! 18.01.2016 02:01, çernyayevski

#194819 şikayət

həyatda öz yerini tapa bilməmək

+15 əjdaha

uzun müddətdi işlədiyim iş yerimdən və ailəm kimi sevdiyim insandan ayrıldıqdan sonra məni düşüncəsi ilə dərindən yaralayan və məqsədlərimin bitdiyi nöqtədə olduğumu üzümə çırpan vəziyyət. etməli olduğum bir çox şeyə yenidən başlamalıyam,yenə eyni şeyləri yaşamalıyam. düşünməkdən,düşüncələrimin dərinliklərinə batmaqdan və orda itməkdən yorulmuşam. 18ci ilində sadəcə 9 ay işləyən və sadəcə bu müddətdə haqsızlıqlarla üz üzə gələn mən - artıq dözə və özümü tapa bilmirəm. insanlar necə bu qədər il burda bu şərtlər altında yaşaya bilib ki? öz yaşayacağı müddəti özünə biçəcək olan mən nə qədər daha bunları təkrarlamaq istəyərəm ki? sadəcə bir neçə qısa müddətli işlərimin bitməsini gözləyir və bu müddətdə qalan ağlımı da itirməməyi arzu edirəm özümə.

11 əjdaha! 18.01.2018 23:22, çernyayevski

#266692 şikayət

cırıq ayaqqabı və ya paltar geyinmək

+15 əjdaha

hal hazırda kurtkamın qolu cırıqdı və geyinməyim deyə anam özü cırmışdı.("rəngi solub falan,ayıbdı") tikmişəm amma yenə də cırıqları var.mən həqiqətən onun içində özümü tam rahat hiss edirəmsə,yaxşı hərəkət edə bilirəmsə sırf cırıqdı deyə geyinməməzlik etmərəm şəxsən.utanıb falan da eləmirəm. utanmağım lazım olduğunu düşünənlər düşüncələrindən utansın,çox da vecimədi.

12 əjdaha! 21.12.2015 17:03, çernyayevski

#191105 şikayət

azərbaycanlı qızlar

+13 əjdaha

ən nifrət etdiyim məxluqlardı.feminist baxışlı və qız olmağıma baxmayaraq hamısına nifrət edirəm

12 əjdaha! 10.12.2015 06:19, çernyayevski

#189899 şikayət

sözaltı etiraf

+13 əjdaha

allahın və yaxud da allah kimi təsəvvür edilən anlayışların varlığına inanmaq istəyirəm. əmin olmaq istəmirəm,sübut etmək və ya etdirilməsini istəmirəm,sadəcə inanmaq. allaha inananların çoxu həqiqətən çox xoşbəxtdir. çünki ən ümidsiz,çarəsiz anda belə "allah var" deyə bilirlər və buna həqiqətən inanırlar,bəlkə də başqa çarələri yoxdu,amma yenə də bir şeylərin ümidinə qala bilirlər. bəs mən? ən çətin vəziyyətdə belə zibil kimi ortalıqda qalmaqdan ziadə heç kimin nəyinki ümidinə qalmaq,heç elə biri belə ağlıma gəlmir. bu yaxında iki dəfə yoxladım. söhbət dua etməkdən və ya allahdan nəyisə diləməkdən gedir. düzü yaxşı şeylər baş verdi,hətta gözləmədiyim şeylər. amma bu mənim bəlkə də "çox istəməyimdən və düşüncəmdən" asılı bir şey idi. tək təsəllim bu qədər olanların,ən ilk olanın belə təsadüfi olmaması düşüncəmdir. mən həqiqətən bu inancsızlıqdan çox yorulmuşam,allahı hardan tapmaq olar? - bu sualın belə cavabını heç vaxt tapa bilməyəcəyəm.

11 əjdaha! 29.06.2016 00:18, çernyayevski

#219568 şikayət

onsuz da səs vermisən dirəşmə

+14 əjdaha

artıq yaşanmayacaq hadisədir. səhvliklə əliniz dəyibsə eyni düyməyə bir dəfə də basdıqda geri alınır və dirəşəcəyiniz hansı düymə idisə artıq ona rahatlıqla basa bilərsiz. hətta bugün bir nəfərin mənim entrymlə yoxladığının şahidi oldum. ilk öncə favori etdi,daha sonra maraqlı,daha da sonra umbay.qısaca hisslərimlə oynadı

14 əjdaha! 03.01.2016 01:21, çernyayevski

#192604 şikayət

sözlükdə türkcə yazılmasına icazə verilsin kampaniyası

+13 əjdaha

bircə bu qalmışdı dediyim başlıq. hər şeyi qoyun qırağa həqiqətən ağını çıxartdız. format budu dəyişməsini də istəmirik,dəyişərsə də ədalətsiz dəyişilmə olar ki,dəyişilicəyini də ağlımın ucundan belə keçirtmirəm. şriftə görə belə formata uyğun deyil mesajı verilir burda,nə başqa dil? türkcə yazan umbay dəstəsinin də yazar olmasına qətiyyətlə qarşıyam. sırf bomboş səbəbdən ötrü sözdə yaxşı yaxınlaşıb,əslində kinayə qarışıq altdan-altdan soxduğunuz sözlər falan. bugünə qoymağıvız həqiqətən iyrənc mənzərədi. indi duraq biz də incinin,ekşinin formatının anasını ağladaq yəni? çıxın gedin işivizlə məşğul olun.

13 əjdaha! 03.04.2016 03:45, çernyayevski

#206967 şikayət

discount market

+14 əjdaha

market sistemində hard discount və soft discount kimi iki növü olan,ilk dəfə 1960-cı ildə almaniyada aldi market ilə təməli qoyulmuş market sistemidir. adından az da olsa anlaşıldığı kimi "endirim marketi" kimi mənası var.

hard discount sistemində əsas olan az çeşidin olması ( "less is more"adlandırırlar bu prinsipi) və bunun yanında sadəcə 1 neçə brend məhsulun olmasıdır. marketləri daha çox məhəllə araları kimi məkanlarda olur. reklam kimi marketing üsullarına ehtiyacları olmaz və maksimum az istifadə etməyə çalışarlar. əlavə enerji istifadə edəcək bir çox şeydən qaçınarlar. qablaşdırmaları daha az keyfiyyətli (hətta keyfiyyətsiz) olar,bunun üçün əlavə pul xərcləməzlər. keyfiyyətlə qiymət arasında balans yaradıb (ki bu balans dediyimiz şeyin mahiyyəti daha çox keyfiyyətin aşağı olmasıdı),az məsrəf edərlər.

soft discount sistemi prinsip olaraq hard discountla eynidi. lakin daha geniş çeşidi var və hard discount sistemində heç cür görmədiyimiz vitrin və məhsul yığımına önəmini burda nisbətən daha çox görürük.

azərbaycanda azərsunun - sərfəli (daha sonra al market), veysəloğlunun - oba və adını unutduğum və ya bilmədiyim 2-3 bu cür market var.

iş baxımından məcbur qalmadıqca seçim edilməməsi lazım olan marketlərdir. cinsi ayrı seçkiliyin neqativ və ya pozitiv heç bir əlamətini görməzsiz. işçilərə kölə kimi davranılar və bütün o saydığım,boyun qaçırdıqları şeylərə işçinin əziyyəti,əzilməsi və bacarıqlarından iyrənc şəkildə istifadə edərək gəlir halına gətirmələrinə nail olarlar. bir işçi eyni anda marketdaxili bütün işləri görər. sadəcə bunu düşünün - marketdaxili bütün şöbələr,kassa,nəzarət (mühafizə sistemi),mal qəbulu - sistemə işlənməsi,gün sonu hesabatı,qiymətə nəzarət və.s və i.a saya bilmədiyim onlarla prosses 1 işçiyə məxsus olar. düşündüzsə ayılın çünki azərbaycan xaric heç yerdə,discount sistemli market olmasına rəğmən heç yerdə görməyəcəyiniz haqsızlıqdı bu.

11 əjdaha! 07.04.2018 02:10, çernyayevski

#271091 şikayət

ingilis dilində inkar cümlələr

+17 əjdaha

bu formada olan cümlələrin aşağıdakı diqqət tələb edən xüsusiyyətləri var:
1) inkar əvəzliklərinin (no,none,neither,no-one,nobody,nothing,nowhere),inkar ədatının (not), inkar zaman zərfinin (never), inkar tərkibi bağlayıcısının (netiher...nor) iştirak etdiyi cümlələr inkar cümlələri hesab edilirlər. məsələn:
1. i have no time to help you - sizə kömək etməyə vaxtım yoxdur.
2. he did not give me a pen - o mənə qələm vermədi.
3. never be late for lessons - heç vaxt dərslərə gecikmə.
4. i could see neither him nor his friends - mən nə onu,nə də onun dostlarını görə bildim.

2) yuxarıdakı cümlələrdən də məlum olduğu kimi bir sadə cümlənin tərkibibdə inkarlıq ifadə edən dil vahidlərindən sonra xəbər təsdiqdə işlənir. lakin tabeli mürəkkəb cümlələrdə həm baş,həm də budaq cümlə,tabesiz mürəkkəb cümlələrdə isə onu təşkil edən tərəflərin hər bjri ayrı-ayrılıqda inkar formasında işlənə bilər. məsələn:
1. i shall not go home if he doesn't come - əgər o gəlməsə,mən evə tək getməyəcəm. (şərt budaq cümləsi)
2. it didn't rain yesterday and it won't tomorrow either - dünən yağış yağmadı və sabah da yağmayacaq. (tabesiz mürəkkəb cümlə)
3. yeri gəlmişkən burada bir məsələyə də diqqət yetirmək lazımdır ki,yuxarıdakı cümlələrdən də göründüyü kimi "too" və "also" (həmçinin) ədatları təsdiq və sual cümlələrində işləndiyi halda,inkar cümlələrində isə "either" (həmçinin) ədatı işlənir.
4. "neither...nor" tərkibi bağlayıcısı işlənən cümlələrdə əgər 1-ci tərəfdən (yəni "neither"-dan sonra), və ya 2-ci tərəfdən (yəni "nor"dan sonra) bizim üçün məlum olmayan təkdə işlənmiş və sayıla bilən isim işlənərsə,onda həmin ismin qarşısında qeyri-müəyyən artikl işlənir. məsələn:
we can see neither a pen nor a pencil on the table now - biz indi stolun üstündə nə qələm,nə də karandaş görürük.
əgər bu tərəflərdən hər hansı birindən sonra bizə məlum olmayan,sayıla bilməyən və ya cəmdə işlənən isim işlənərsə,onda artikl işlənmir.məsələn:
1. he gave us neither tea nor coffee to drink - o bizə içməyə nə çay,nə də kofe verdi.
2. neither magazinea nor newspapera are interesting nowadays - son günlərdə nə jurnallar,nə də qəzetlər maraqlı olur.
əgər tərəflərdən birindən sonra bizə məlum olmayan və sayıla bilən təkdə işlənən isim,digərindən sonra isə sayıla bilməyən və ya cəmdə işlənən isim gələrsə,onda sayıla bilən ismin qarşısında isə heç bir artikl işlənmir. məsələn:
he sent neither money nor a book - o nə pul,nə də kitab göndərdi.
onu da qeyd etmək lazımdır ki,əgər haqqında söhbət gedən isim bizə məlumdursa,onda həmin ismin qarşısında "the" müəyyənlik bildirən artikl işlənir. məsələn:
he gave back neither the monet nor the book i had givven to him - o mənim ona verdiyim nə pulu,nə də kitabı qaytardı.
qeyd 1. "not...or" şəklində ifadə edilən inkad cümlələrində də bu cür işlənmə xüsusiyyəti var. məsələn:
i have not money or a friend in this town - mənim bu şəhərdə nə pulum,nə də dostum var.
qeyd 2. inkar cümlələrində yalnız "never" inkar zaman zərfliyi ilə işlənən "either...or" tərkibi bağlayıcısı da "neither...nor" bağlayıcısı ilə yuxarıda qeyd edilən xüsusiyyətlərə malikdir. məsələn:
he never used to drink either tea or coffee while working - o işləyərkən heç zaman nə çay,nə də kofe içərdi.

5) "no" inkar əvəzliyindən sonra heç bir artikl işlənmədiyindən "no...or" şəklindən ifadə edilən inkar cümlələrində də 1-ci (yəni "no"-dan sonra) və 2-ci (yəni "or"-dan sonra) tərəfdə işlənən qarşısında heç bir artikl işlənmir. məsələn:
he had no house or money - onun nə evi nə də pulu var idi.

6) iki həmcins üzvün "and" bağlayıcısı ilə bağlandığı cümlədə "both"təyini əvəzliyi işlənərsə,onda xəbər inkarda ola bilməz. məsələn:
"they both didn't come and play two days ago" cünləsi bu şəkildə ifadə edilə bilməz. bu cümlə belə olmalıdır:
they neither come nor played two days ago - onlar iki gün bundan əvvəl nə gəldilər,nə də oynadılar.

7) "need" felinin işləndiyi cümlələrin inkad forması da diqqət tələb edir. çox zaman səhv olaraq "he needn't anybody's help" şəklində verilən cümlələri düzgün inkar cümləsi hesab edirlər. əgər bu cümlədə "need" feli əsas fel kimi işlənsəydi,onda onun inkadı "don't" (doesn't,didn't və.s) need kimi olardı,yəni zamandan asılı olarəq müvafiq köməkçi fellə işlənərdi. yox əgər modal fel kimi işlənsəysi,onda "needn't" - dən sonra fel işlənərdi. bu şərtlər ödənilmədiyindən yuxarıdakı cünlə düzgüb inkar cümləsi hesab edilə bilməz.

8) "have to" modal felinin işləndiyi cümlələrin də inkar forması nisbətən çətin dərk edilir. belə ki,çox zaman bu modal felin inkar formasını səhv olaraq "haven't to" "hasn't to" və ya "hadn't to" şəklində ifadə edirlər. yadda saxlamaq lazımdır ki, "have to" modal felinin inkar forması sual cümlələrinsə olduğu kimi "do","does", və ga "did" köməkçi fellərinin vasitəsilə düzəlir. (bax: ingilis dilində modal fellər) məsələn:
he didn't have to do shopping - o bazarlıq etməli olmadı.

14 əjdaha! 21.12.2016 01:07, çernyayevski

#240294 şikayət

2 aprel 2016 sözlüyün anasının sikilməsi

+10 əjdaha

bunu bura yazmıyacaqdım amma görürəm düzələn deyil. sırf reklam olunsun deyə heçnə etməməyiniz,etməyinizi keçdim üstəgəl duz,istiot səpirmiş kimi umbay entrlərini açılmış etməyiniz sözlük üçün həqiqətən əziyyət çəkmiş insanlara qarşı ən yumuşaq dildə desəm hörmətsizliyin yekəsidi. 4-cü nəsil yazar olmağıma baxmıyaraq mən belə əziyyət çəkdiyimi,xeyir verdiyimi düşünürəm,eləcə də hamı. silkələnin,özünüzə gəlin yox eliyin bunları burdan yoxsa həqiqətən bura girilməz olacaq.

10 əjdaha! 03.04.2016 15:51, çernyayevski

#207527 şikayət

zəhlə tökən səslər

+11 əjdaha

uşaq ağlaması.heç çəkə bilmirəm,başımı götürüb qaçmağım gəlir.daha sonra saat səsi.daha da sonra 7 yaşımdan buyana məni yay-qış demədən canımdan bezdirən o qız lələyən budilnik səsi.

11 əjdaha! 30.12.2015 22:40, çernyayevski

#192181 şikayət

niyə kitab oxumalıyıq

+11 əjdaha

bir çox gənclərimizin söz ehtiyatı yoxdur. məncə kitab oxumaqda ən başlıca fayda söz bazasını gücləndirməkdi.

şəxsən mən kitab oxumağa yeni başlayanda qandığım bir qrafanın da olmadığının fərqinə vardım. hələ də oxuduqda belə düşünürəm. təbii ki,oxuduğumuz kitabdan da çox şey asılıdır. məsələn ahmet batman,elif şafak kimi yazarlardan kitab oxumamışam. daha doğrusu oxuya bilməmişəm,o yazıçılardan öyrənəcəyim heç bir şey yox idi və indi də elədi. və yaxud də evlənməyin fılan qədər qaydası falan. kimə lazımdı axı bunlar. kitabı doğru məlumat,zövq almaq üçün oxuyarlar fikrimə,ən azından bu məndə belədir.

10 əjdaha! 27.01.2016 00:28, çernyayevski

#195717 şikayət

timidus

+9 əjdaha

ilk əvvəl demək istəyərdim ki,bir çox yazar haqda fikirlərimi əvvəllər bir neçə dəfə bildirsəm də,artıq bildirməmə qərarı almışdım. profilini deaktiv etdiyini öyrəndiyim an "nətər yəni" dedim öz-özümə və yazma istəyi gəldi.
sözlüyə ilk gəldiyim vaxtlar elə bilirdim tək moderator timidusdu. nə problemim və ya başa düşmədiyim məqam olsa kömək əlini uzadıb sağ olsun. daha sonralar isə bir neçə dəfə ortaq və ya fərqli mövzular haqda bir neçə dəfə söhbət etmə imkanımız olmuşdu.dəyərli,itirsəniz üzüləcəyiniz,getsə yeri görünən insandı. mənfi şərh edənlərin belə fikirlərinin hansısa bir nöqtəsində müsbətini tapacağı biridir həmçinin. çox güman ki,qayıdacaq. yəni,ümid edirəm.

9 əjdaha! 07.08.2016 02:57, çernyayevski

#223874 şikayət

fiziki qüsur

+10 əjdaha

ən çox qıcığıma gələn söz.bu entry heç olmasa sözlük insanlarının fiziki "qüsur" sözünü işlətməməsi üçündü. bu haqqda çox uzun yazmaq olar amma vaxtında adını vermiyəcəyim şəxs tərəfindən dəfələrlə vurğulanıb bu mövzu."qüsur" sözünün mənası "ayıb olan şey" "nöqsan" "eyib" deməkdir.fiziki qüsurlu nədi axı? hansı beyin cəhətdən fiziki "qüsurlu" insan və yaxud da məxluq bu sözü kəşf edib? bunun yerinə "fiziki məhdudiyyətli",heç olmasa onu ərinib demirsiz "əlil" deyə bilərsiz.amma qüsur? həmin şəxsə görə bu nə qədər ağır sözdü bilə-bilməzsiz.xahiş edirəm diqqət edək.

8 əjdaha! 05.01.2016 22:47, çernyayevski

#193051 şikayət

gecələri yatmayan insan

+11 əjdaha

bəzən səhərin ilk işıqlarında işə getməli olduğunu bildiyi halda yatmayan insandır. çöldən gələcək səslərə qulağı möhtac,hər hansı qidanın gözünün yorğunluğunu alacağı ümidinə qalmış və ürəyi ilə eyni dərəcədə ağzında dolub daşmış sözlərin çıxmasına istəklidir. çarəsiz,bitkin və eyni zamanda kədərlidir.

8 əjdaha! 17.02.2018 04:08, çernyayevski

#268698 şikayət

natiqlik

+12 əjdaha

natiqlik və niqt mədəniyyəti eyni deyil. nitq mədəniyyəti dilçiliyin bir sahəsidir. natiqlik isə həm sənət,həm də elm.

1) sənət kimi insanlardan peşəkarlıq tələb edən sənətdir.
2) elm kimi natiqliyə "ritorika" da deyilir.

natiqliyin əsas tələbləri bunlardır.

1) düzgün,dəqiq,ifadəli danışmaq.

2) aditoriyanı,səviyyəni və dinləyicilərin xarakterini nəzərə almaq.

3) nitqin intonasiyası və ritminə riayət etmək.

4) nitqə uyğun üz və əl-qol hərəkətləri etmək.

5) mümkün qədər yığcam danışmaq və mətləbdən uzaqlaşmamaq.

6) nitqə əvvəlcədən hazırlaşmaq,çıxışın mərhələlərini müəəyyənləşdirmək və nəticələr çıxarmaq.

7) reqlamentə (ayrılan vaxt) uyğun olaraq nitqin sürətini tənzimləmək.

natiqliyin aşağıdakı xüsusiyyətləri də vardır.
1) emosianal danışıq,yəni hiss-həyəcanın olması.

2) ritarik fiqurlardan istifadə (sual və nida cümlələri)

3) fikrini əsaslandırmağı bacarmaq,sitatlar gətirmək.

4) jest və mimikadan istifadə etmək

5) obrazlı danışmaq

6) sözü vaxtında və yerində işlətmək.

7) fərqli intonasiyalarda və fərqli jest və mimikalarda danışmaq.

natiqliyin beş sahəsi vardır:

1) bədii natiqlik - bədii əsələrin (şeir,hekayə,monoloq və.s) xüsusi məharətlə oxunmasıdır.

2) akademik natiqlik - "elmi natiqlik" də adlanır. müxtəlif elm sahəsinə aid mövzuların dəqiq,aydın və məntiqli şəkildə konkret vaxtda izah edilməsi.

3) siyasi natiqlik - siyasi prosseslərlə bağlı müxtəlif tədbirlərdə siyasətçilərin,dövlət nümayəndələrinin,diplomatların,partiya rəhbərlərinin və s. cəlb edici və səlist çıxışları.

4) inzibati-idarə natiqliyi - idarə və təşkilatlarda işlə əlaqədar müəssisənin vəzifəli şəxslərinin və işçilərin peşəkar danışması.

5) işgüzar natiqlik - "biznes natiqliyi" də deyilir. müztəlif mövzuda digər idarə və təşkilatlarda aparılan səmərəli, inandırıcı danışıqlardır. işgüzar natiqlikdə əsas tələb şərikləri,rəqibləri inandırma bacarığıdır.

10 əjdaha! 20.04.2016 15:43, çernyayevski

#211186 şikayət

işləmək

+14 əjdaha

fiziki cəhətdən yorulmaqla birlikdə ruhən də çöküş yaşayacağınız dövr deyə xarakterizə edə bilərəm. işlədiyiniz işə görə də dəyişən bir şeydi təbii ki. lakin azərbaycanda sıradan bir tələbə ən uzağı hansı mövqedə iş tapar güya?
ilk ağla gələnlərdən biri ofisiant. sözlükdə başlıq olaraq axtarsanız entrylərdən yola çıxaraq deyə bilərəm ki,işləyənləri canından bezdirmiş hala gətirən bir iş olduğunu anlamaq çətin deyil ki,üstəlik aldığın məbləğ yaşadığın və yorulduğun vaxta dəymirsə sözünü belə etməyə dəyməz. ikinci olaraq üstündən yarım il və hətta bəzən daha çox müddət keçdikdən sonra işə buyur edən kfc,mc donalds kimi fast food şirkətləri. saatı 1.60-2.00 azn kimi dəyişən pul aralığı da bir çox tələbənin heç yolda xərclədiyi günlük gediş-gəlişini qarşılamır. bir digəri isə reklam paylama və ya yapışdırma - mənim də daha əvvəl və hal hazırda etməkdə olduğum zad. paylamaq heç də,yapışdırmaq bidaz riskli işdir. polisi,iti,qurdu - hər kəs ilişir adama. tapşırdıqları bölgələr də xırdalan,hövsan və.s kimi yerlər olur,yəni alırsan başıva bəlanı. günə max 400 reklam - 10 azn olur bir çox hallarda. ən sərf edən tərəfi istədiyin vaxt edə bilərsən bunu - səhər,axşam,gecənin 5-i,heç fərq etməz. paylamaqda isə bu xüsusiyyət yoxdu. müəyyən saat aralığında saya bilməyəcəyiniz qədər reklam paylamalısan,iyrənc insanlardan gördüyün rəftar da bir artıq. əlini uzatmayıb götürməyənləri hardasa anlamaq olur,amma iyrənc baxışların və üstəgəl söz atılmaların tək hədəfi olmaq insanı həyatdan da,işləməkdən də,məcbur olduğu şəraitdən də soyudur bir nöqtədə.
bu ölkədən də,hal-hazırda olduğum mövqe və şəraitdən də qurtulacağım günü iplə çəkirəm.

14 əjdaha! 21.01.2017 20:56, çernyayevski

#243434 şikayət

suflyor

+76 əjdaha

tamaşa zamanı aktyorlara rolların sözlərini yavaşcadan söyləyən şəxs,teatr işçisi.

74 əjdaha! 05.11.2016 01:29, çernyayevski

#236176 şikayət

depressiyaya salan musiqilər

+9 əjdaha

albinoni-adagio in g minor. cənazə mahnısı məsələn.

8 əjdaha! 02.12.2015 14:57, çernyayevski

#189265 şikayət

dialektlərdə az bilinən sözlər

+10 əjdaha

naxarta- nə qədər
deşdəbəkur-tısbağa
lapdan-qəfildən

10 əjdaha! 02.01.2016 02:05, çernyayevski

#192430 şikayət

ametist

+8 əjdaha

ametist kvars qrupuna məxsus təbii daş növüdür.

əsas rəngi bənövşəyidir və həm təbii olduğundan əmin olmaq,ki,əgər əminsizsə fayda və enerjisini daha düzgün və qüvvətli şəkildə almaq üçün seçərkən tünd-bənövşəyi olmasına diqqət yetirmək lazımdır.

insanda olan neqativ enerjini özünə çəkə bilmə kimi yönü var. bununla birlikdə pozitiv enerji bəxş edir lakin verdiyi enerji daşıyanı dəli-dolu deyil daha çox sakit,səssiz kimi xarakterizə edər.

bir müddət istifadə etdikdən sonra sırf neqativ enerji toplama xüsusiyyətinə görə,bütün daşlarda olduğu kimi bir növ sıfırlamaq lazımdı. bunu da dəniz suyu ilə etmək olar.

7 əjdaha! 22.04.2017 03:30, çernyayevski

#251394 şikayət

hər deyilənə inanan saf insan

+9 əjdaha

mənəm o deyəsən. əsasən birini yeni tanıyanda olur. reaksiyaları falan yad olduğundan tuta bilmirəm yalan danışır ya həqiqətən. istər-istəməz heç yalan danışdığı haqqında düşünmürəm belə.bir də çox qəribə bir şey olur ki,bu kimi hallarda 1 saat qarşımdakı danışırsa 5 dəqiqə mən danışıram. bir onu bilirəm olduğum ortamlardan kimi tanımışamsa çürük çıxıb.

9 əjdaha! 17.11.2016 23:56, çernyayevski

#237458 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

çernyayevski

son bəyənilənlər:

oxuyucuların bəyəndikləri: