Z nəsli olmağın tək-tük üstün cəhətlərindən biri bolluca uşaqlıq şəkillərinin olmasıdır şübhəsiz. Ən çox sevdiyim şəkillərim arasında ilk 5-də olan o poza *
glş
Öz ata-anasının, yaxınlarının doğum gününü təbrik etməyən adamların votsap statuslarında dalbadal hərbi formada şəkillərini qoyub "doğum gününüz mübarək ali baş komandan" (son üç söz böyük hərflərlə) yazması məni güldürür. Kontaktınızda "ən vətənpərvər mənəm" yarışına çıxmağınız sizə heç nə qazandırmayacaq, hörmətli Azərbaycan xalqı. Həyat təkcə Qarabağdan, ölkə də təkcə yeni Azərbaycan partiyası və onun nümayəndələrindən ibarət deyil.
Gələcəyini heç yaxşı təsəvvür edə bilmədiyim və yaxın 10 il ərzində daimi yaşayış üçün tərk etməyi düşündüyüm dırnaqarası vətən, əslində dəyərsiz ölkə. Bacarmasam, qalıb mübarizə aparmaq kimi xülyalara getməyəcəm, cəhalətə qarşı bir fərd, bir can heç nə deməkdir. Vaxt gələcək, səni, məni, bizi yemək üçün vəhşiləşəcəklər, öz cahilliklərini aşmağa yox, ondan güc vasitəsitək istifadə etməyə çalışacaqlar. Onda bizim onlara qarşı heç bir silahımız olmayacaq, təəssüf ki, reallıq belədir.
Qəbul edirəm, Azərbaycana dair gələcəyi hər zaman aydın görürdüm, daha doğrusu, görmək istəyirdim, hər dəfə fərqli utanc hissi ilə rastlaşanda "eybi yox, bu da keçər" deyirdim, amma xeyli zamandır belə düşüncənin daşını atmışam, nə qədər bu sözü sevməsəm də, bura həmişə "xaraba" ünvanına layiq olub, istər insanı, istər idealları, istərsə də idarəçiləri həmişə bu xarabaya bərabər dəyərdə olublar, nə qram əskik, nə qram artıq. Azərbaycan budur, gördüyümüz xarabalıqdır. Bu xarabalığın düzəlməsi qeyri-mümkündür, çünki insanı buranın düzəlməsinə qarşı çıxır, bunu sikindirik arqumentlərlə dəstəkləyir və sənin söz deməyə, nəyisə cəhd göstərməyə həvəsin qalmır. Mənəvi sındırılma bu olsa gərək.
Nəysə, əlqərəz, Azərbaycan sevilməyə dəyər ölkə deyil, ümidvaram, bir gün hamımız istədiyimiz ölkədə, istədiyimiz şəraitdə yaşamağa layiq olarıq, burada məhv olmuş həyatlar görmək bizim bütün xoşbəxtliyimizi əlimizdən alır və almağa da davam edəcək.
Ad seçimində maraqlı addım atan üzvlərə sahib musiqi qrupu. Qrupun vokalisti tuna velibaşoğlu ad seçimini belə açıqlayır: Grup ilk kurulduğunda biz ingilizce cover’lar yapıyorduk. 2000 yılına kadar da böyle devam ettik. Fakat kendi bestelerimizi yapmaya başladığımızda ve dönem içerisinde de büyük konserler verip kitlelere ismimizi duyurmaya başladığımızda ismimizi Türkçe’ye çevirdik. Grubun ilk ismi aslında “Sex and Dirt”tü. Ama ismimiz duyulmaya başlayınca farklı bir şekilde değiştirmek yerine, o kitleyi de kaybetmemek adına “84” olarak değiştirdik. Yani doğum yılı veya başka bir anlamı yok.
Bir dəqiqə əvvəl rastıma çıxaraq qrupu xatırladan mahnını da atım onda*
glş
azərbaycanlı qrossmeyster, beynəlxalq turnirlərdə tarixi qələbələrə imza atmış şəhriyar məmmədyarov dünya çempionu maqnus karlsenlə oyunundan sonra ilginc açıqlamalar verib.
o, üstünlüyü əldən verməsinin səbəbi kimi ard-arda yarışlara çıxmasını göstərib: "karlsenlə 5 saatdan çox oynadım və açığı, çətin mübarizə oldu. debutdan böyük üstünlüyüm var idi, sonra bir az pis vəziyyət aldım. rəqib 5 saat udmağa çalışdı. buradan bir nəticəyə gəldim ki, bird aha 40-45 günlük turnirlərə qatılmayacağam. gərək az oynayıb, özümdə güc saxlayım. bu qədər arxa-arxaya oynamaq əlbəttə ki, biabırçılıqdır”.
qrossmeyester sponsorsuzluqdan şikayətlənib: "bu gün jurnalist mənə sual verdi ki, nədir səni bu qədər oynamağa məcbur edən? utandım deyim ki, pul! deyə bilmədim ki, mənim kimi peşəkar oyunçunun sponsoru yoxdur və hətta bütün yarışlara öz hesabıma gedirəm. buradakı insanların sponsor var. amma sabah oyun var, gərək yenə hazırlaşım. çox heyif, amma şahmat belə məni bezdirir. yorulmuşam. sabah yenə oynamaq lazımdır. arada fikirləşirəm ki, bu ölkədə məndən güclü nə qədər idmançı var ki, mənə 1 sponsor tapılmadı? azərbaycana sevgim sonsuzdur, amma heyif ki, mənim gücüm sonsuz deyil. bir gün mən o şəhriyar məmmədyarov olmayacağam, onda isə bu söhbətlər mənasız olacaq”.
p.s. azərbaycanlı olduğum üçün bir kəz daha utandığım an...
deniz baykal kimi parazitin rte ilə əl-ələ verib yürütdüyü qütbləşdirici elit müxalifəti ola biləcək ən qısa müddətdə passivləşdirib partiyanı və kadrlarını big tent halına gətirə bilmiş və yalnız bundan sonra nüfuzunu qaldıraraq seçkilərin favoritinə çevrilmiş əməkdar siyasətçi. Bu məşəqqətli yolda eşitdiyi hər cürə təhqir, gördüyü neçə-neçə hücum və sui-qəsdlər yolundan dönməsinə səbəb olmadı, elə buna görə də arzusuna nail olmağa bu qədər yaxınlaşa bildi.
illərdir ortabab iqtisadiyyat və sosial rifahın təmin olunduğu şəraitdə savadsızların, mənfəətgüdən şarlatanların və islamistlərin misilsiz dəstəyi ilə ölkəni idarə edən rte və akp-yə qarşı hərhansı bir qələbənin mümkünsüzlüyünü unudan ya da bilərək yadına salmayan kütlələr tərəfindən luzer adlandırılan bu şəxs:
1. 2014-də devlet bahçelinin təkidi ilə qalib olma ehtimalı olmayan ekmeleddin ihsanoğluna şərtsiz dəstək verdi, nəticədə məğlub oldular;
2. 2015-ci il seçkilərində Ərdoğan təkbaşına hökuməti qura bilmədiyi üçün bahçeliyə baş nazirlik təklif edərək birgə hökumət qurmağı təklif etdi, lakin bahçeli qəbul etmədi, nəticədə yüzlərlə insanın qanı bahasına 5 ay sonra Ərdoğan 50%-ə yaxın səs aldı;
3. 2017-də 69 yaşı olmasına baxmayaraq, millət vəkillərinin həbsinə etiraz etmək üçün Ankaradan istanbula yürüyüş təşkil etmiş, minlərlə insanı haqq, hüquq, ədalət şüarı altında birləşdirmişdi;
4. 2018-ci il seçkiləri ərəfəsində meral akşenerin iyi partisinin seçkilərdə iştirakına şərait yaratmaq üçün chp-nin 15 mamdatını müvəqqəti vermiş, beləcə "millət ittifaqı"nın əsasını qoymuşdur;
5. 2019-cu ildəki bələdiyyə seçkilərində baykalın elit baxış bucağına uymayacaq şəxslərin namizəd olmasında dirəşərək illər sonra istanbulu, ankaranı və digər böyük şəhərləri müxalifətə qazandırmışdır.
Bu və ardınca atılan konstruktiv addımlarla illər sonra müxalifəti qələbəyə yaxınlaşdıran adam heç cürə luzer hesab olunmamalıdır, oluna bilməz. indiyə kimi məğlub olduğu seçkilərdə payı olanlar bu gün ona müxtəlif ittihamlar irəli sürsələr belə, dövlətçilik mədəniyyətinə sahib olan və seçkiqabağı təşviqat kampaniyasında gözlənilməz nəticələr göstərən kılıçdaroğlu türkiyənin ikinci yüzilliyinin memarı olacaq. Onunla birgə Azərbaycanın da taleyinin dəyişəcəyinə inanıram və səbirsizliklə bir həftə sonrakı nəticələri gözləyirəm.
Uğur olsun, bay kemal!-*
Livana dəstək mesajı və maliyyə yardımı edəcəyini eşidəndə çox ağır qəhqəhə atdım, dünənki şərhlər birdən canlandı gözümdə. Öz ölkəsində ağzını aça bilməyən, elə erməni-erməni deyə yollarda qalan half-time patriotlar körpələrin ölümünə sevinirdilər. Hamının da əlinə iki şəkil düşüb, oradakı ermənilərin yürüşünü bütün ölkəyə aid edərək söyürlər. indi bu xəbər tam yerinə düşdü. Ha özünü cırmala, tök, hökumət sənin pulunu elə sənin düşmən saydığına verdi. Get, sms icazə də yoxdur, yığışın mitinq eliyin bləə, qorxmuyun bləə. Vicdan göstərəni sosial şəbəkədə söymək asan idi, 5 aydır ac-yalavac oturub etiraz etmədən erməni məsələsindən orqazm olursunuz. Haqqı tələb etmək istəyirsinizsə, bu meydan, bu şeytan.
1929-39-cu illəri əhatə edən və dünyanın gördüyü ən ağır iqtisadi böhrana verilən ad. böhranın başlanğıc nöqtəsi 1929-un oktyabrında wall street-də yerləşən nyu-york birjasında yaşanan çökmə oldu.
1929-cu ilə qədər abş iqtisadiyyatı davamlı artım müşahidə edilir, bu artım birjaya da öz təsirini göstərirdi, beləliklə 1929-cu ildə səhmlərin qiyməti maksimum səviyyəyə çatmışdı. lakin iqtisadiyyatın sənayə, kənd təsərrüfatı, bank sektoru, xidmət sahəsi kimi qollarındakı durğunluq böhranın xəbərçisi idi; işsizlik artmış, problemli kreditlərin həcmi böyümüş, quraqlıqla birgə əkilən sahələr azalmışdı.
1929-cu ilin 24 oktyabrında böhranın yaxınlaşdığını görən səhmdarlar birjadan tezliklə çıxmaq üçün yüksək qiymətdən bütün səhmlərini satmağa başladılar və bu da birjanın çökməsinə gətirib çıxardı ki, tarixdə həmin gün black thursday adlanır. Hesablara görə həmin gün ümumillikdə 13 milyona yaxın səhm satışa çıxarılmışdı.
bu böhran yalnız amerika qitəsi ilə sərhədlənmədi; birinci dünya müharibəsindən sonra yenidən ayağa qalxmaq üçün abş-dan kredit alan və ödəməkdə çətinlik çəkən avropa ölkələri böhranı çox daha ağır yaşamağa başladılar. sözsüz ki, bunun avropaya təsiri yalnız iqtisadiyyatla sərhədlənmədi - başda adolf hitler olmaqla ikinci dünya müharibəsinə addımlayan sağçı faşist liderlərin doğulmasına səbəb olmuşdu. (1925-ci ildə italiyada benito mussolini, 1933-cü ildə almaniyada adolf hitlerin hakimiyyətə gəlməsində, belçikada, danimarkada, finlandiyada, ispaniyada, isveçrədə sağçıların səsləri artmışdı.)
bank sektorundan söhbət açmışkən böhranın ilk illərində problemli kreditlərin həcminin genişləməsi nəticəsində 1931-33-cü illər arasında yüzlərlə abş bankı batdı. dövlətin bazara müdaxiləsinə qarşı çıxan hoover 32 seçkilərində franklin delano rooseveltə uduzur. Ruzveltin yeni xətt siyasəti abş tarixində dövlətin iqtisadiyyatda ilk dəfə bu qədər üstünlüyü ilə müşahidə edilmişdi. fed-in yaradılması ilə bazarda tənzimləmələr müşahidə edilir, və beləcə böhran səngiməyə başlayır.
nə qədər mübahisəli olsa da, ilk dəfə ötən əsrin 20-ci illərində amerikan iqtisadçısı george taylor tərəfindən dilə gətirildiyi düşünülən, qadınların geyindiyi ətəklərin uzunluğu ilə iqtisadi vəziyyət arasında qarşılıqlı əlaqənin olduğunu iddia edən fenomen. indeksə əsasən, iqtisadi bumun müşahidə olunduğu rifah dövrlərində qadınların qısa ətəklərə üstünlük verdiyi, həmin dövrə xas olan dəb trendində daha cəsur dizaynların edildiyi, lakin iqtisadi durğunluq və geriləmə şəraitində isə qapalı geyimlərdən və uzun ətəklərdən istifadə edildiyi iddia edilir. Aşağıdakı info-qrafikdə təxminən 100 illik zaman kəsiyində ətək uzunluğu və səhm bazarları arasındakı korrelyasiya əks olunub:
Məsələn, qrafikdən göründüyü kimi, verilmiş zaman kəsiyində ən uzun ətək boyu 1929-30-cu illərdə müşahidə olunub, yəni the great depressionun başlanğıcında. Və ya ikinci dünya müharibəsindən sonra başlayan sakitlik dövründə sivil dünya quruculuğu istiqamətində böyük addımların atıldığı, british invasion və hippi hərəkatı kimi axımların geniş yayıldığı 60-cı illərdə yenidənqurma ilə gələn rifahın təsiri ilə dəbdə olan ətəklərin uzunluqları da qısalıb:
Qiyasdan fərqli olaraq demək olar ki, ortalarda görünmürdü. Səhv etmirəmsə, neçə vaxtdır da Türkiyədə yaşayırdı, bura ilə bağlarını qoparırdı. Heyif oldu sadəcə, 20-li yaşlarının başında boş bir şey üstündə həbsə girib bütün həyatını alt-üst edəsən, tam hər şeyi yoluna qoymuşkən (intihardırsa, yolunda deyilmiş demək) 26 kimi bir yaşda bu həyatdan köçüb gedəsən.
Ağır gəlir insana.
Not: rest in peace! Biz-siz-hamımız heç kimin vecinə deyilik, nə qərblilərin, nə şərqlilərin.
Düzgün yeniliklər edən qurum. 2020-ci ilin dekabrında nazirlər kabineti tərəfindən beynəlxalq münasibətlər və regionşünaslıq ixtisaslarının yenidən 3-cü ixtisas qrupuna qaytarılması qərar a alınmışdı. iki gün əvvəl isə mərkəz birinci və üçüncü qrupların iki yarım qrupa bölünməsi xəbərini elan etdi. düzəlişə əsasən, 3-cü qrup 2022-ci ildən tarixi-coğrafiya(tc) və dil-tarix(dt), 2023-cü ildən isə 1-ci qrup riyaziyyat-informatika(ri) və riyaziyyat-kimya(rk) olmaqla iki yerə bölünəcək. bm və regionşünaslıq tc yarımqrupunda, yerdə qalan ixtisaslar isə dt yarımqrupunda, informatika yönümlü*
informasiya texnologiyaları, informasiya təhlükəsizliyi, kompüter elmləri və s.
ixtisaslar ri yarımqrupunda, mühəndislik ixtisasları isə rk yarımqrupunda olacaq.
sənəd qəbulu zamanı abituriyentin istəyindən asılı olaraq bir ya da iki yarımqrup üzrə qeydiyyatdan keçirilə bilər. Məsələn, rk üzrə blok imtahanını verən tələbə bir müddət sonra informatikadan fərq imtahanını da verərək ixtisas seçimində bütün ixtisasları kodlaşdırma şansı əldə edəcək. Həmçinin, informatika imtahanının bir müddət sonra kompüterlə təşkil edilməsi nəzərdə tutulur.
Azərbaycanlılar yenə hay-küylə, bilib-bilmədən qərarlara qarşı çıxırlar əlbəttə. Qram təəccüblü gəldisə...-*
azәrbaycanın müsәlman dünyasının bir parçası olması özü ayrı ironiyadır. azәrbaycan vә mәncә qazaxıstan әsas dini islam olub dindәn әn uzaq yaşayan ölkәlәrdir. Ki bunun nәyi pisdir? türkiyә, qırğızıstan, әfqanıstan kimi yozlaşmaqdansa belә hәyat daha yaxşıdır.
Öz əhəmiyyətini itirdiyini düşünürəm. Sanki üçüncü bir əl gələcək və iki tərəfi də sakitləşdirəcək. Bir gün gecə yatacayıq, səhər oyananda artıq döyüşlər bitmiş olacaq. Ortada qalan isə post-müharibə dövrünə məxsus problemlər qalacaq ki, onlardan da ən böyüyünü Moody's açıqlayıb - bank sektorunun tənəzzülü.
Bir neçə il əvvəl manatın ilk devalvasiyası olanda ölkədə nə qədər bank bağlanmışdı, o zaman neftin var, ya yox olmağı ölkəyə təsir etmədi. istehsal zəif olduğu üçün istehlak mallarının demək olar ki, hamsının (hətta yerli istehsal məhsulları da) qiymətini kəllə-çarxa çıxdı. Onun cəriməsini hələ də çəkirik, demək hələ uzun müddət də çəkəcəyik.
Mən bu müharibə başlayana kimi müharibəyə qarşı olmuşam, əvvəlki entrylərim buna sübut olar. Amma müharibə başlayanda emosiyalarımı qorumaq bahasına qələbə üçün ümidləndim, hələ də ümidliyəm, orası ayrı. Amma hər gün eşitdiyim bir şəhid xəbəri, insanların bir kənd uğruna küçələrdə mahnılarla, siqnallarla bayram etməsi, digər tərəfdən isə şəhid ailələrini, yaxınlarını görmək məni çox sıxır. Ətrafda demək olar ki, hər kəs mövcud hakimiyyəti dəstəkləyir, tərifləyir, hətta Heydər Əliyevə "gözünüz arxada qalmasın, oğlunuz torpaqlarımızı geri alır" mədhiyəsi düzür. Mənim üçün o kuliminasiya nöqtəsi məhz o şərh oldu. Bizim ən zəif nöqtəmizi çox yaxşı tutublar, mənə belə cənab prezident <3 yazdıran rejim bu millətə nələr eləməz?
Bundan sonra öz təmkinliyimi qoruyacam. Azərbaycanlılar tırkaya tez gedirlər, mən də tez gedirəm. innən sonra cənab prezident yazan entrym olsa, bu entry nömrəsini mənə ürək sözlərinizlə çatdırın zəhmət olmasa. Tez qələbə qazanmaq və daha çox cırılan maska görməmək ümidi ilə...
Arada yoxlama bölməsində izlədiyim yazarların karmalarına uyğun hansı tarixi hadisələr olub deyə yaddaşımı zorlayıram. Məsələn, indi qabağıma 1420 karmalı yazar çıxdı, ilk ağlıma gələn də qara Yusifin vəfatı oldu. O cümlədən, 1063 - alp Arslanın hakimiyyətə gəlməsi və 944 - bərdə faciəsi
Düzü, abituriyent vaxtı sözlüyü işlətmirdim, indikilər bu yolla xronologiya adlanan cəhənnəmə qalib gələ bilər-*
Səhərdən etibarən səhifələr bunun dezinformasiya olduğunu car çəkirlər. Amma aprel döyüşləri də belə başlamışdı. Doğru-düzgün məlumata da çata bilməyəcəyik yenə. Heç yadımdan çıxmaz, aprel döyüşlərində show tv 150+ ölüm olduğunu titrda bildirmişdi, reklamlardan sonra işıq sürəti ilə yığışdırıldı. Ondan sonra da heç bir yerli&xarici media qurumunda o rəqəmləri görmədik. Təki bu dəfə elə hadisələr yaşanmasın, amma nəsə yaxşı şeylər olmur ki, bu qədər gizlədirlər.
Qeyd: olan yenə günahsız əsgərlərə, fəryad çəkəcək analara, daxilən parçalanacaq atalara olacaq. "Hər şey vətən üçün" mövzusu da ancaq kasıblara aid olacaq.
dövlət məktəbinin 11-ci sinfində, azərbaycan bölməsində oxuyan biri kimi deyə bilərəm ki, rus bölməsi başı boş bir kütlə yetişdirir. ssri dövrünün rus bölmələri barədə heç nə fikir yürüdə bilmərəm, görməmişəm, yaşamamışam nəticədə. amma müasir rus bölmələri tam bir faciədir.
mənim əsas xarici dilim rus dilidir. birinci sinifdən müəllimimizin təkidi ilə dərslərdə rusca danışırdıq. ona görə də dili normal səviyyədə də bilirəm. yəni demək istədiyim budur ki, dil öyrənmək üçün heç də rus bölməsində oxumaq lazım deyil. bəzi valideynlər rusca bilməsələr belə, sırf uşağı rus dilli olsun deyə onun gələcəyini məhv edirlər. bədbəxt uşaq da əli aşından da olur, vəli aşından da, nə rus dilini təmiz öyrənir, nə də azərbaycan dilini. hətta 11 il rus bölməsində oxuyub "Сколько падежей есть в русском грамматике?" sualına 9-10 deyənləri görmüşəm (əslində, 6 падеж (hal) var).
digər bir bədbəxtlik isə müəllim mövzusundadır. abituriyent hazırlığı üçün seçim çox məhduddur və ya heç yoxdur. bakı-sumqayıtda yaşayanlar "dərs evi", "hədəf" kimi kursların yarıtmaz dərslərini keçə bilirlər, rayonda və bölgələrdə isə vəziyyət daha ciddidir. bundan ötrü də bu bölmələrin illik buraxılışında az bir qism universitetə daxil olur.
nəticədə demək olar ki, rus bölmələrindən kəllə uşaqlar gözləyən, ya da uşağının kəllə olması məqsədilə ona bu əziyyəti yaşadan azərbaycanlı valideynlər papaqlarını son dəfə qarşılarına qoyub düşünməlidirlər. bilməliyik ki, rusiya təhsil sistemi əla və ya yaxşı olsaydı, buraxılış imtahanlarından 100-150 balı güclə yığanlar attestatla rusiya, ukrayna, türkiyə yolunu asfaltlamazdılar.
Mühit, kasıblıqdan daha mühüm səbəbdir. Mən hələ də kiçik şeylərlə günümü gözəlləşdirməyi bacarıram, təki bunu canı-könüldən istəyəsən. Amma özünü görmədiyim çevrədə irili-xırdalı heç nə bu həyatı (bəli, təkcə gəncliyi yox, istənilən yaş dövrünü) doyaraq yaşamağa imkan yaratmır, yaratmayacaq.
Özümə lazımlı mühit qurduğum və qurmağa davam edəcəyim üçün həyatımın istənilən mərhələsini sevərək və istəyərək yaşamaqda qərarlıyam. Səhv zamanda doğulduğumu düşünənlərdənəm həm də-*
Çox absurd bir yerə bənzəyir, içərisində #noldupaşinyan heşteqli köynəklərin satılmasından tut, maket erməni əsgərlərinə qədər mənasız və ağıllarınca "qələbə" ab-havası yaradıblar. Belə ucuz işlər görəndə ölkəyə olan nifrətim dəfələrlə artır.
Həqiqətən soruşuram, özünüzü niyə məsxərəyə qoyursunuz axı? Heç mi oturub bunun necə populist əməl olduğunu düşünmürsünüz?
köçəri həyat tərzi yaşayan insanlarının qeyri-adi bir ənənəsi olduğu ölkə. belə ki, tayfadan biri ölsə, o insan dərhal dəfn edilmir. ölünün nəşi yuyulduqdan sonra onu yatağa uzadırlar və növbəti gün səhərə qədər yaxınları onun yanında qalıb ölü ilə "söhbət" edirlər. səhəri gün isə ölünü basdıranda onun yanına atının quyruğunu və dırnağını da qoyurlar. çünki at qazaxların və xüsusən də köçəri tayfaların simvolu hesab olunur və fərziyyələrə görə, tarixdə ilk dəfə məhz qazax torpaqlarında atlar əhliləşdirilib.
)
a alınmışdı. iki gün əvvəl isə mərkəz birinci və üçüncü qrupların iki yarım qrupa bölünməsi xəbərini elan etdi. düzəlişə əsasən, 3-cü qrup 2022-ci ildən tarixi-coğrafiya(tc) və dil-tarix(dt), 2023-cü ildən isə 1-ci qrup riyaziyyat-informatika(ri) və riyaziyyat-kimya(rk) olmaqla iki yerə bölünəcək. bm və regionşünaslıq tc yarımqrupunda, yerdə qalan ixtisaslar isə dt yarımqrupunda, informatika yönümlü*
informasiya texnologiyaları, informasiya təhlükəsizliyi, kompüter elmləri və s.
ixtisaslar ri yarımqrupunda, mühəndislik ixtisasları isə rk yarımqrupunda olacaq. 
