istifadəçi adı olmayan adam

61 0 0 0

4. nəsil yazar

Entry: 61

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

london

+23 əjdaha

2 həftə turist səfəri etdiyim birləşmiş krallığın paytaxtı.
mənim kimi turistlərə məsləhətlərim:
1) nəqliyyatın bu şəhərdə bizim öyrəşdiyimizə tərs hərəkət etdiyi hər zaman ağlınızda olsun. bilirəm, bilirsiniz. amma həqiqətən neçə dəfə maşın, velosiped, avtobus vurmağından saniyələrlə qurtuldum. nəzəri olaraq adam bilir, amma praktikada ancaq siqnalı eşidəndə çatır.
2) heathrow aeroportuna düşən kimi "oyster card" alın. nəqliyyatda hər yerə istifadə edin. əgər 1-2 həftə qalacaqsınızsa "oyster card"ı 1 həftəlik limitsiz zone 1-2 üçün olanını doldurun.
3) oxford streetdə gəzin, o baş bu baş. dəfələrlə, günlərlə. bütün dünya oradadır. siz də olun. -*
4) ucuz yemək üçün pret-a-manger və ya tesco-nun sandviçlərindən başqası yalandır. pret-a-manger-də alanda "take away" seçin, oturub yeyəndə daha bahalı çıxır.
5) metrodan çox istifadə etməyin, avtobuslara minin, çıxın 2-ci mərtəbədə oturun. elə şəhər turu kimi bir şeydir. bunun üçün 2-ci maddəyə əməl etməlisiniz əvvəlcə.
6) bir az pulunuz varsa fərqli mətbəxlər dadın. dünyanın qalan yerlərini kənd kimi fikirləşin, londonu da şəhər. həmin şəhərdə bütün kəndlərin mətbəxi var. siz də dadın.
7) halal yemək kimi bir kriteriyanız varsa onda əmin olun bakıdan daha çox "halal food" yeri tapacaqsınız. subway-lərin bəzilərinin qapısında "halal" sözü yazılır, oralarda rahat yeyə bilərsiniz. bir də şimalda hackney tərəflərdə türklər daha çox məskunlaşıb, oralarda çoxlu türk restoranları tapa bilərsiniz.
8) küçədə, metroda, avtobusda vs. dalaşan adamlar görsəniz uzaq durun, aralamağa vy. döyülən tərəfə kömək etməyə çalışmayın. burada başqasının işinə qarışılmır. ciddi deyirəm, ölə, yaralana bilərsiniz. sadəcə uzaq durun.
9) "thank you", "sorry", "it is ok" kimi sözləri leksikonunuzda bol edin, gülümsəyin, siz də çox görəcəksiniz insan münasibətini. bakıdan gətirdiyiniz "yaxçı oğlan" obrazını qoyun çemodanınıza qayıdanda təzədən geyinərsiniz. geyinməsəniz də olar, bir şey itirməzsiniz.
10) hyde parkın yanında santander velosipedi icarəyə götürüb, hyde parkı fırlanın.
11) 1-ci maddəni bir də təkrarlayıram. yolu keçəndə diqqətli olun. sağa baxın. -*
12) london eye, madame tussauds, london aquariumu gəzin. maraqlıdır. london eye-a çalışın günəş batana yaxın minin ki, yuxarıya çıxanda gün batmış olsun, işıqlı şəhər daha gözəl görsənir.
13) "publara gedin", özüm demirəm. onu mənsiz də bilirsiniz. hər tərəf pubdır, 5-ci gün axşamları hər pubın qabağında uzun bir növbə olur.
14) restoranlarda porsiyalar çox böyükdür. dadını çıxarın, türklər demiş. çox yeyən deyilsinizsə, onda başda yarım porsiya sifariş edin.
15) marketlərdən pendir alın yeyin, növbənöv ləzzətli pendirləri var.
16) buckingham palace-a səhər gedin, 11:30-da əsgərlərin növbə dəyişməsini görün.
17) ərəblərdən, pakistanlılardan çalışın heç nə almayın.
18) əgər elektronik əşyalarınız çoxdursa, gəlmədən əvvəl london üçün "perexodnik" alın. londonda bahadır.
hələlik bu qədər, yadıma düşdükcə, yazaram.

18 əjdaha! 11.05.2016 12:36, istifadəçi adı olmayan adam

#213337 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

mustafa kemal atatürk

+11 əjdaha

bura yığışan kamalist türklərin gic-gic danışmaqlarına baxmayaraq itaət üçün yaradılmış türklərin bütlərindən biri. "şəxsiyyət kultu" ("kişilik kültü", "cult of personality") məfhumundan bixəbər məxluqlar bunlara orta məktəbdə nə öyrədiblərsə onu da tutuquşu kimi təkrarlayırlar. ən böyük qorxularımdan biri bizim millətin də bir neçə ildən sonra bu mövzuda bunlara oxşayacağıdır.
seçmə haqqı verdi deyənlərə də türk tarixində məclisin artıq osmanlının son dövrlərindən etibarən fəaliyyət göstərdiyini deyin, error verəcəklər.

10 əjdaha! 14.04.2016 10:52, istifadəçi adı olmayan adam

#210533 şikayət

ielts vs toefl

+8 əjdaha

tanım: ingilis dili səviyyəsini ölçən iki beynəlxalq imtahanın qarşılaşdırmasıdır.

- toefl, abş mərkəzli, ielts birləşmiş krallıq mərkəzli imtahandır.
- toefl kompüter vasitəsilə ("computer based"), ielts kağız-qələmlə ("paper based") verilir.
- toefl-da hər bölmə maksimum 30 bal, maksimum imtahan balı 120 baldır. ielts-də hər bölmə maksimum 9 bal, maksimum imtahanda balı bütün bölmələrin maksimum ortalaması olan 9-dur.
- toefl danışıq bölməsi (speaking), mikrofonla kompüterə qeyd edilir və daha sonra mərkəzdə yoxlanılıb, qiymətləndirilir. ielts-də bu bölmə, canlı şəxsin qarşısında təkbətək söhbət kimi keçir, qiyməti də həmin adam verir.
- toefl eşitmə (listening) bölməsi, qulaqcıqla kompüterdən qulaq asılır. ielts-də imtahan zalında quraşdırılmış qurğulardan hər kəslə birlikdə qulaq asılır.
- toefl əsasən abş universitetlərində, ielts isə birləşmiş krallıq, avstraliya, kanadada qəbul edilir. hər ikisini qəbul edən universitetlər daha çoxdur.

6 əjdaha! 16.04.2015 17:02, istifadəçi adı olmayan adam

#158297 şikayət

dilek doğan

+5 əjdaha

irqçi kamalist türk dövlətinin qurbanlarından biri. türklərin öz cinayətlərinə haqq don geyindirməyinin bir neçə metodu var, biri də budur: "biz bu cinayəti etməsəydik, o filan cinayəti edəcəkdi." bu qız da bu "ideya"nın qurbanlarından biridir.

5 əjdaha! 03.05.2016 15:54, istifadəçi adı olmayan adam

#212543 şikayət

xəzər tv nin türkiyədəki hadisələrə reaksiya verməməsi

+4 əjdaha

hamının səhv bildiyi kimi xəzər tv samanyolu tv-nin bir qolu deyil. ümumiyyətlə, heç nə haqqında heç bir şey bilməyib məsələlər haqqında yekun rəy vermək isə hamının bildiyi kimi azərbaycanlılara məxsus bir xüsusiyyətdir.

4 əjdaha! 19.07.2016 12:33, istifadəçi adı olmayan adam

#221923 şikayət

namaz

+6 əjdaha

quranla qılınması məcbur edilmiş, necə qılınması gərəkdiyini isə peyğəmbərin praktiki olaraq öyrətdiyi islamın əmrlərindən biri.
23 il boyunca endirilmiş kitaba, unudub deyə ora namazı necə qılındığını qoymayıb iddia etmək, absurddur. əslində bunun özü belə, quranın məhəmməd peyğəmbərin (s.ə.v) yox, allah-taala (c.c.) tərəfindən nazil olduğunun sübutudur. demək ki, bu kitaba nə isə əlavə edib, çıxartmaq məhəmməd peyğəmbərin (s.ə.v) iradəsindən kənarda olub.

6 əjdaha! 17.03.2015 12:26, istifadəçi adı olmayan adam

#152787 şikayət

dilek doğan

+3 əjdaha

bunlara (daha əvvəl şüursuz şəkildə etdiyim sözə görə də üzr istəyirəm, ən azından öz səhvlərimi başa düşən adamam -* ) başa salmaq olmur ki, heç kim dilek doğanın dhkp-c-yə mənsub olduğuna etiraz etmir. etiraz edilən faşist dövlət məmurunun içəri girib silahsız insanı güllələməsinədir. dhkp-c mənsubudur, terroristdir, hər nədir, sən onun evinə basqın edən vaxt üstündə silahı yoxdur ki... apar polis idarəsinə istintaqını elə. amma içindəki faşizmi, irqçiliyi və sadizmi vətənsevər qılıfında camaata sırıma.

3 əjdaha! 03.05.2016 19:27, istifadəçi adı olmayan adam

#212561 şikayət

yol bağlayıb namaz qılan müsəlmanlar

+3 əjdaha

(bəzən) məscid və həyətində yer qalmadığı üçün fərz (və vacib) namazlarını məcburən məscid kənarında əda edən (qılan) islam dininə mənsub şəxslər.

2 əjdaha! 04.09.2017 15:57, istifadəçi adı olmayan adam

#259891 şikayət

dissertasiya yazmaq

+3 əjdaha

son günlərə qədər "dissertasiya yazmalıyam" stresiylə nə yeyib-nə içdiyini bilmədən dərdi çəkilən, faktiki olaraq isə son bir neçə gündə icra edilən elmi fəaliyyət.

3 əjdaha! 16.04.2015 15:16, istifadəçi adı olmayan adam

#158283 şikayət

oyuncaq alanda fikir verilməsi gərəkənlər

+2 əjdaha

tanım: oyuncaq seçiminə təsir edən faktorlar. (guya tanım oldu da bu.)
- çox az yaşlı uşaqlar üçün ağzına atıb uda biləcək qədər kiçik detalları olmamalıdır.
- zəhərli detalları olmamalıdır.
- çox səs-küylü olmasa yaxşı olar. (ciddi deyirəm, baş-beynin gedəcək. oyuncağı aldığın günə nifrət eləyəcəksən. sənin özünün getməsə də evdə-qonşuda o səsi eşidən hər kəs səni "buna bu oyuncağı alanın ..." deyə başlayan cümlələrin içində yad edəcək.)

2 əjdaha! 22.04.2015 10:33, istifadəçi adı olmayan adam

#159107 şikayət

sözaltı radio

+2 əjdaha

edith piaf - je ne regrette rien

2 əjdaha! 04.05.2016 17:23, istifadəçi adı olmayan adam

#212653 şikayət

istək liseyləri

+2 əjdaha

xalq arasında "türk liseyləri" kimi tanınan "çağ öyrətim işlətmələri" mmc-nin bağlanmış liseylərinin bazasında qurulmuş tədris qurumları.
rəsmi səhifəsi: http://www.istek.edu.az/
sifarişi verən: istifadəçi adı olmayan adam

2 əjdaha! 04.05.2016 16:57, istifadəçi adı olmayan adam

#212647 şikayət

işi son dəqiqəyə buraxmaq

+2 əjdaha

tanım: bir işi gecikdirərək, axırına yaxın tələsik eləmək.
mənim bu mövzuda hipotezim var: deməli işin axırına az qalanda, bədən həyəcannan adrenalin ifraz edir, o da beynin işləməyinə müsbət təsir edir. buna görə biz çox vaxt aylarla edə bilmədiyimiz şeyi, son günlərdə edə bilirik. yəni əslində işin əvvəlində o effektivliklə işləyə bilməyəcəkdik, çünki həmin adrenalin yoxdur.
məsuliyyətsizliyə bu cür donu tarix görməmişdi məncə.

1 əjdaha! 18.04.2015 01:05, istifadəçi adı olmayan adam

#158525 şikayət

fethullah gülen

+2 əjdaha

haqqında məlumat sahibi olmadan rəy verənlərin sayının çox olduğu şəxs. "prometey" dedi deməli yunanlara işləyir, papayla görüşdü, deməli xristianlığı yayacaq, amerikada yaşayır, deməli cia agentidir, bunlardan əlavə şəriət gətirəcək vs. kimi iddialara da hədəfdir ki, bu iddiaların hər biri bir digərini təkzib edir. amma yenə də eyni adam bunların hamısına birdən inana bilir. http://www.herkul.org/yazarlar/neden-herkul/ məqaləsində sayta "herkul" adının seçilməyinin səbəbi detallı izah edilmişdir.

2 əjdaha! 12.05.2016 16:10, istifadəçi adı olmayan adam

#213431 şikayət

green card

+1 əjdaha

2017-ci il üçün müraciətlərinin cavabı 3 may 2016 edt 12:00-da açıqlanacaq viza lottereyası. maraqlananlar üçün, edt 12:00 bakı vaxtı ilə 20:00 olur.

1 əjdaha! 03.05.2016 15:39, istifadəçi adı olmayan adam

#212541 şikayət

molla

+1 əjdaha

dinə aid məsələləri bilən adamlara verilən ad. sözün etimoloji kökü ərəb dilində "mövla" ("sahib", "əfəndi") sözüdür.
tarixən, mədrəsə tələbələrinə fiqh (islam hüququ), kəlam (islam əqidəsi), hədis, vs. sahələrində verilən təhsildən sonra əhaliyə dini təbliğlə məşğul olmuş sinif.
azərbaycan cəmiyyətində (daha doğrusu post-sovet müsəlman ölkələrdə) mənfi təəssüratlı olan sözdür. bunun da əsas səbəbi, xalqın dindən yaranan etibarını zamanla mollaların bir hissəsinin sui-istifadə etməyidir.

1 əjdaha! 15.04.2015 13:14, istifadəçi adı olmayan adam

#158136 şikayət

recep tayyip erdoğanı diktator bilən beyinsizlər

+1 əjdaha

vaxtilə erdoğanın "səmimiyyətinə" aldanmış birinin açdığı başlıq.
bu mövzuda azərbaycanlıların arqumentləri çox zəifdir (hətta bir çoxuna arqumentdən daha çox "yeniyetmə kaprizi" demək olar):
1- "bizdən ki, yaxşıdırlar.": bizdən yaxşı olmaqları erdoğanın diktator olmadığını sübut etməz. tutaq ki, diktatorluq 100 ballıq sistemdə 50dən aşağı demokratiya səviyyəsi olana deyilsin. 35 və 45i müqayisə edib, demək olmaz ki, 45 diktator deyil.
2- "görmürsən onlarda heç olmasa məhkəmə var, seçki var, diktator elə şey eləyər?" məhkəmə, seçki, mətbuat vs.i türkiyədə erdoğan qurmayıb, ondan əvvəl var idi, erdoğan onları tədricən monopoliyasına almağa çalışır. bu prosesi hələ qurtarmayıbsa, bu o demək deyil ki, o diktator deyil. sadəcə olaraq əlindəki imkanlar o qədərinə (hələ ki,) icazə verir. bundan əlavə türk cəmiyyəti də reaksionerdi, öz müqavimətini göstərə bilən insan da az deyil.

1 əjdaha! 04.05.2016 18:20, istifadəçi adı olmayan adam

#212661 şikayət

big 4

+1 əjdaha

əsasən audit xidmətləri ilə tanınsalar da maliyyə xidmətləri göstərən 4 böyük şirkət. auditdən başqa məsləhət, vergi məsləhətləri kimi bir çox xidmət göstərirlər.

1 əjdaha! 17.03.2015 12:18, istifadəçi adı olmayan adam

#152786 şikayət

pwc

+1 əjdaha

tam adı pricewaterhousecoopers olan maliyyə xidmətləri məşğul olan big 4 şirkətlərindən biri. azərbaycan ofisinin saytı http://www.pwc.com/az/en/ dir.

1 əjdaha! 25.04.2015 19:42, istifadəçi adı olmayan adam

#159591 şikayət

gülən camaatı

+2 əjdaha

özlərini "xidmət" ("hizmet") adlandıran sünni islamı əsas alan hərəkat. hərəkata yönəldilmiş suallara, ittihamlara vs. http://www.hizmetesorulanlar.org/ dan cavablar verilir. hərəkatın lideri fethullah gülendir. əsas məqsədləri qloballaşan dünyada modernliklə ayaqlaşa bilən müsəlman yetişdirmək, xüsusilə son zamanlarda terrorizmlə assosiasiya olunan islamın imicini bütün dünyada düzəltməkdir. bunun üçün də tənqidlərə baxmayaraq dialoq fəaliyyətləri məşğul olur, təhsil mərkəzləri, xəstəxanalar vs. açılmasını təşviq edirlər. müsəlmanın modern cəmiyyətin hər bir sahəsində olmağı əsas hədəfləridir.

2 əjdaha! 25.04.2015 19:22, istifadəçi adı olmayan adam

#159587 şikayət

memar əcəmidə sataşan oğlanı döyən qız

+1 əjdaha

bir dövrü bağlayıb, bir dövrü açmışdır. bu qızla tanış olma məsələlərində bundan sonra heç nə əvvəlki kimi olmayacaq. demədi demə.

1 əjdaha! 16.04.2015 09:27, istifadəçi adı olmayan adam

#158259 şikayət

azərbaycandakı siyasətə münasibət bildirməyib səhər-axşam ərdoğanı söymək

+1 əjdaha

türkiyə siyasətiylə azərbaycan siyasətindən daha çox maraqlanan insanların davranışlarından biri.
bunu tənqid etmək absurddur. hər kəsin öz maraq dairəsi var, kimi istəyər azərbaycan siyasəti ilə maraqlanar, kimi istəyər mozambik filləri, kimi istəyər rus qızları ilə, kimi də istəyər türkiyə siyasəti ilə. dondurma haqqında yazana, "bəs niyə şokolad haqqında yazmırsan?" sualı vermək nə dərəcədə absurddursa, eyni ilə bu tənqid də o qədər absurddur. hərənin öz hesabı-kitabı, planı-proqramı var, hər kəsin öz maraq dairəsini seçmək ixtiyarı var.

1 əjdaha! 22.05.2015 13:18, istifadəçi adı olmayan adam

#165403 şikayət

fethullah gülen

+1 əjdaha

üstünə atılan böhtanlara "moon təriqəti" əlavə edilmiş şəxs. həyatı boyu həm özü, həm də liderlik etdiyi hərəkat sistematik böhtana məruz qalmışdır:
- milliyyətçi azərbaycanlılara, "bunlar kürdçülüyü yayır, uzaq durun."
- dindən uzaq azərbaycanlılara, "bunlar mollalığı yayır, uzaq durun."
- dindar türklərə, "bunlar xristianlara, cia-ə işləyir, uzaq durun."
- amerikana, "bunlar işidçidir, amerikada şəriət gətirəcək, uşaqlarınızı müsəlman edəcək, uzaq durun."
- rusa vs., "bunlar türkçüdür, uzaq durun."
- əfqanıstan vs. kimi islam həssasiyəti olan ölkələrə, "bunlar xristianlığı yayır, uzaq durun."
- afrikaya, "bunlar müstəmləkəçidir, uzaq durun."

inanmırsınızsa, açın yoxlayın xəbərləri. hansı cəmiyyət hansı mövzuda həssasdırsa, türkiyədən bir qrup gəlir və bu hərəkatın həmin o həssas olunan mövzuda anti-təbliğat apardığı böhtanını atır. eyni adamların bir ölkədə atdığı böhtan başqa bir ölkədə atdığı böhtanla tamamilə ziddiyət daşısa da, əksəriyyət çox detallarla məşğul olmur və deyilənə inanır. "qara pr" dedikləri yəqin elə budur.

1 əjdaha! 01.06.2016 17:55, istifadəçi adı olmayan adam

#215817 şikayət

səlahəddin dəmirdaş

+1 əjdaha

(bax: selahattin demirtaş)

1 əjdaha! 06.06.2016 16:40, istifadəçi adı olmayan adam

#216651 şikayət

bakıda yaşamaq

+2 əjdaha

tanım: azərbaycan respublikasının paytaxtı bakı şəhərində uzun müddətli məskunlaşmaq.
bakıda yaşamaq hər gün saysız-hesabsız etikadan bixəbər məxluqlarla rastlaşmaq, onlarla məcbur qarşılıqlı münasibətdə olmaqdır.
bakıda yaşamaq həftədə bir neçə dəfə "uçan kulyoklar" görməkdir.
bakıda yaşamaq əksər hallarda başqasının haqqına riayət etməmə səbəbindən yaranmış tıxaclarda saatlarla gözləməkdir.
bakıda yaşamaq metroda sərnişinlərin bir-birinə yapışıb getməsidir.
bakıda yaşamaq avtobus sürücülərinin içi dolu sərnişin olmasına baxmayaraq bir-birilə yarışa çıxmağıdır.

2 əjdaha! 20.04.2015 18:32, istifadəçi adı olmayan adam

#158837 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

istifadəçi adı olmayan adam

son bəyənilənlər:

oxuyucuların bəyəndikləri: