bu gün etibarı ilə sözlükdən əbədi olaraq uzaqlaşdırılmış eks-moderator və yazar.
sözlükdə vaxtı ilə ona verilmiş vəzifədə qazandığı təcrübələrdən sui-istifadə edərək, öz nikaltısı da daxil olmaqla bir çox başlığa fərqli yazarlar tərəfindən yazılmış entry-ləri silib. bununla da həm soz6.com saytının, həm də onun istifadəçilərinin təhlükəsizliyini təhdid edən bağışlanmaz addımlar atıb. özünə aid olduğu təsbit olunan başqa bir profil də arıtq ban olunub. sözlükdə ona aid olduğu təsbit olnunan bütün profillər ban olunacaq. geri qayıtmaq cəhdləri də əngəllənəcək.
qərara etirazı olanların fikrinə hörmətlə yanaşırıq. ancaq qərarımız dəyişməzdi. istifadəçilərin təhlükəsizliyini təhdid edən şəxsin saytda olmasına icazə verə bilmərik.
graviton tərəfindən silinən başlıqlara görə zərər çəkən yazarlardan üzr istəyir, saytda belə bir təhlükəsizlik probleminin olmasının məsuliyyətini tam üzərimizə götürürük. gravitonun nikaltısı da daxil olmaqla silinən başlıqlardakı bütün entry-ləri geri gətirməyə çalışacağıq.
hörmətlə.
bu gün səhər saatlarında graviton tərəfindən silinən 84 başlıqdan bəziləri:
edit: sayın 125 olduğunu təsbit etdik.
aşağıdakı yazarlar umbay edilmişdirlər. stresslərini atıb, sözlüyə dincəlmiş vəziyyətdə qayıtmaları xahiş olunur. diletant uzaqlaşdırılmışdır.
1. nightred 10 gün
2. hərtərəfli insan 10 gün
3. NevaBiGG 10 gün
4. derek 20 gün
5. Can vermə qəmü eşqə ki, eşq afəti-candır 30 gün. https://i.imgur.com/C3Bou9n.png
6. diletant sözlükdən uzaqlaşdırılmışdır. https://i.imgur.com/qRnAZI0.png
sual; saytın adı niyə soz6-dır? niyə soz7 yox?
cavab; heç bir mənası yoxdur, yada var ama biz bilmirik, kefimizə düşdü domaini aldıq.
sual; soz6.com kimlərin əsəridir? xaricdən maliyələşdirilən qüvvələr?soros *
pu çocukları
? dəyirmanınıza kim su tökür? cavab; soz6.com bir şeyləri dəyişdirə biləcəklərinə inanan bir qurup gəncin əsəridir. sözlükdə yazar olan hər bir yazarın əsəridir. dəyirmanımıza su tökən yoxdur, olsa da içib zəhərlənməyə niyyətimiz yoxdur.
sual; məqsədiniz və qazancınız nədir? cavab; sayt vasitəsilə pul qazanıb hər moderə bir ədəd sıfır yeddi marka lada avtomobili, iki tank və üç üzeyir mehdizadə cd-si alıb nə sizə nə bizə düz qarabağa gedib hər bayramımızı qarabağda qeyd edərək xalqımızın illərdir qursağında qalmış istəyini yerinə gətirmək.
sual; lisenziyanız var? hüquqlarınızı kim qoruyur? cavab; heç bir haqqımız qorunmur, qorunuyanımızda yoxdu onsuz da. amma, saytdakı yazılardan istifadə edərkən qaynaq göstərmək məcburidir. əks halda sizinlə məşğul ola biləcək hüquq müşavirətçimiz olmasa da bir gün yolda gedərkən sizi görüb "qaqaş bi dəyqə olar sənə?" deyəcək moderatorlarımız var. digər bir tərəfdən seyid rəsul ağa və ətağa ziyarətgahlarına hər aybaşında nəzirlərimizi əksik etmirik. bizə qarşı olacaq hər hansısa bir problemdə bildikləri bütün bədduaları edəcəklərinə göydəki işığa and veriblər.
sual; necə yazar ola bilərəm? aranıza necə qoşulum? cavab; qaydaları öyrənmək ən vacib işinizdir, format qaydalarını a4 vərəqinə çap edin, arasına üzərlik qoyub kağızı yaxşıca bükün. sonra seyid rəsul ağa ziyarətgahına gedin, seçimə bağlı olaraq ətağa ziyarətgahıda ola bilər bu sizə qalıb. ziyarətgaha getdikdən sonra arxa-arxaya dizin dizin iməkləyərək içəri girdikdən sonra gətirdiyiniz kağızı ziyarətgah önündə yerə qoyaraq iki rəkat namaz qılıb, tanrılardan bu qaydaları öyrənməkdə sizə kömək etmələrini diləyin. bildiyiniz bütü duaları oxuduqdan sonra mümkündürsə zəmzəm suyu, mümkün deyilsə krant suyu ilə birlikdə qaydalar yazılı olan vərəqi yeyin! bu sizə yazar olmağa kömək edəcək. toteminiz qəbul olsun. amin !!
madam ki yazar profillərində xəbərdarlıq etməyə yer yoxdu, bura yazaq.
yazdığı və silinmiş aşağıdakı entry səbəbi ilə xəbardarlıq edilən yazar. bənzər tipli formata uymayan problem təkrarlandığı təqdirdə keçici umbay edilmə ehtimalı var:
başkıq: xocalı soyqırımı
entry: kişisizsə bundan da yazın da ay humanistlər.öldürülən 73 uşaqdan da yazın daaa
səbəb: tərif misal və ya bax deyil. format xarici şüvənlik.
əlavələr:
1) bir yazar sözlükdən uzaqlaşdırılıbsa bu fikirləri səbəbilə deyil, formatı pozduğu üçündür.
məs: formatı pozaraq başqa entryə cavab yazaraq irqçi bir entry yazmısınızsa entry başqa entrylərə cavab yazdığınız üçün silinmiş olacaq, irqçiliyiniz üçün yox.
2) entryləriniz tez-tez qaydalara uymadığı üçüm silinirsə bunun özü bir uzaqlaşdırılma xəbərdarlığıdır. nəzərə alın ki heç bir moder oturub sizin entrylərinizə nəzarət edib bir-bir entry silmək zorunda deyil. növbəti səhv entrynizi gördüyündə sizi birbaşa umbay etmə haqqına sahibdir.
3) başqa yazarlar qaydaları pozub deyə, siz də pozub sonra "onlara bir şey deyilmir mənimki niyə silinir" deyə özünüzü müdafiə etməyiniz əbəsdir. hərə özünə cavabdehdir.
4) sözlük "ədalətli" və "demokratik" olma şüarını çoxdan buraxıb. bunu dəfələrlə qeyd etmişik. odur ki, bizi demokratik olmaqla günahlandırmamışdan əvvəl, demokratiyanın sözlük sistemi olub olmadığını bir düşünün.
yeni əlavə:
entryə daha əvvəl səs verib vermədiyinizi görmək üçün entrynin altındakı entry nömrəsinə klikləyərək açılan səhifədən görə bilərsiniz artıq. əjdaha və favori səsləri yaşıl , umbay səsi isə qırmız rəngdə görüləcəkdir. test etmək üçün bu entryə səs verib sonra da buradan baxa bilərsiniz: #217060 (sözlük serverinə artıq hesablama yükü düşməsin deyə hər yerə yerləşdirilmir bu xüsusiyyət, sadəcə entry səhifəsindən baxmaq olar)
yazar profilinə yuxarı sağ tərəfdə profili əjdahalama və umbaylama funksiyası əlavə edilmişdir.
yazarları həm motivasiya etmək üçün, həm də troll yazarları günüzünə çıxarmaq üçün faydalı olacağını ümid edirik. bilgi verən, faydalı yazan yazarları əjdahalayaraq daha da motivasiya etmək lazımdır.
(əgər rəqəmdən sonra nida işarəsi varsa, demək ki o yazara səs vermisiniz artıq)
(funksianın işləməsi üçün saytı yeniləyin)
#191222
15 yaşında gəlin olmur, o yaşda qız uşağı torpağa veriləndə yox gəlin gedəndə ölür.
yaşınının ən gözəl vaxtında, ömrünün baharında, kitablara sarılacağ yaşda, kişiyə sarılmağ ölməkdir. onun qatili anası, atası deyil cəmiyyətdir. sənsən, mənəm, hamımızıq. o toyda qol qaldırıb oynayanlar, "allah xoşbəxt eləsin", "allah övlad qismət eləsin", " bir yastığda qocalsınlar", "allah can sağlığı versin" deyib rumka qaldıranlardır.
düzəliş: məsləhətxanadan yeni bildirim və ya mesaj gəldiyi zaman bundan sonra linkə kliklədikdən sonra bir başa ən son yazılmış və yazarın oxumamış olduğu şərhlər hissəsində açılacaq səhifə.
xüsusilə 50-100 şərhlik məsləhətlərdə çox köməkçi olacağını ümid edirik.
müəyyən yazarların tək bir yazar olaraq entry/post yaza biləcəkləri şüuraltı profil
(baxma: sözaltı kollektiv şüur)
mod və partizanlar üçün test mərhələsindədir. daha sonra yüksək karmalar üçün də əlavə edilə bilər.
yazar sözlük qaydalarını pozan entry yazmış, entry-si moderatorlar tərəfindən düzəldildikdən sonra da entry-yə düzəliş edərək əvvəlki vəziyyətinə geri qaytarmışdır.
entry moderatorlar tərəfindən silindikdən sonra da entry-ni canlandırma üçün geri göndərmiş və gizli baxlarla modlara mesaj göndərməyə çalımışdır. əvvəllər də özü ilə problemlər yaşadığımıza görə saytdan uzaqlaşdırma qərarını aldıq. maraqlananlar nikaltısını oxuya bilərlər. belədi. https://i.imgur.com/8PKnpd9.png https://i.imgur.com/hYY7PoX.png
mənfi isifadələrinin qarşısımı almaq üçün aqibətinin nə olacağına qərar verilənə qədər hələlik yığışdırılmış funksiyadır. ola bilər ki ən azı bir ay əvvəlin entrylərini sahibsiz edə bilmə və ya nickaltına sahibsiz yaza bilməmə və.s kimi formada geri dönsün ya da heç dönməsin.
Artıq başlıqlardakı umbay entryləri moderatorlar tərəfindən təsdiqlənməsə yazarlara görünməyəcək. Həmçinin, umbayların başlıq açma icazəsi ləğv edildi.
Problemlərin həlli üçün *veyselxan*a təşəkkür edirik.
)
