sumqayıt avtovağzalında qutab gəmirən həmin oğlan

441 0 0 0

2. nəsil yazar

Entry: 441

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sumqayıt və abşeron avtomobillərinin bakıya buraxılmaması

+27 əjdaha

belə getsə, bakıya vizayla girəcəyik.

azərbaycanın avropa hüdudlarına düşən ərazilərinə baxdıqda isə görürük ki, bakı asiya şəhəridir, sumqayıt avropa şəhəri.

bakının " mən avropa şəhəriyəm" kimi əziklik sindromundan əziyyət çəkdiyi bu və bu kimi faktların özüylə də təsdiq olunur. (baxma: baku 2015 european first games)

təklif edirəm ki, sumqayıtda rəsmi bakının idarəetməsinə qarşı " pansumgaitism" cərəyanı baş qaldırsın, sumqayıtlılar coratdan şurabada " böyük sumqayıt" ideyası ətrafında sıx birləşsin və bakıya öz yerini bildirsin; sən, tipik şərq şəhərisən!

narahat olmayın, sumqayıt xəzər sahilində yerləşir, blokadaları elə güclü təsir edə bilməz uzaqbaşı " 20 yanvar"da 10 qəpiyə peraşki yeyə bilməyəcəyik, nasosnuda aerodromumuz da var, nəyimiz əksikdir?

azadlığı istəmirəm
zərrə-zərrə, qram-qram
relsləri qıram gərək
qıram! qıram!
azadlığı istəmirəm
bir ot kimi, bir kol kimi
istəyirəm qazofka kimi,
zavod kimi,
fabrik kimi:
çəkil, çəkil ey qəsbkar:
mən bu yurdun gur səsiyəm:
gərək deyil 10 qəpiklik peraşki,
mən corat qutabı yeyəsiyəm.

25 əjdaha! 14.09.2015 18:58, sumqayıt avtovağzalında qutab gəmirən həmin oğlan

#181074 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

1988-ci il sumqayıt hadisələri

+20 əjdaha

1988-ci il fevral ayının 28-də sumqayıtda azərbaycanlılarla ermənilər arasında baş vermiş etnik zəmində iğtişaşlar. düzdür, ermənilər əsas hədəf olsa da, ara yerdə ləzgi və digər millətlərin nümayəndələrinin getdiyi gəzən söhbətlər arasındadır. buna səbəb isə iğtişaş iştirakçılarının erməniləri müəyyən etmək üçün bəsit üsuldan istifadə etməsidir; ermənilər fındığı bizim dildə olduğu kimi deyə bilmədiklərindən iğtişaş iştirakçıları şübhəli şəxs qismində tutduqlarından "fındıq" deməsini tələb edirlərmiş. beləliklə də, fındıq deyə bilməyənlər təkcə ermənilər yox, ləzgi və digər millətlərin nümayəndəsi olmuşdur.

rəsmi rəqəmlərə görə 26 erməni, 6 azərbaycanlı hadisələrin qurbanı olub. ermənilərin dediyi rəqəmlərə görə isə bu rəqəm ən azı 100-ü keçib. sumqayıt hadisələrini ssri-nin süqutunun başlanğıcı da adlandırırlar. xocalı soyqırımını (26 fevral 1992) ermənilərin sumqayıt hadisələrinin ildönümünü yad etmək üçün təşkil etdikləriylə bağlı inandırıcı versiyalar səslənir.

hadisələr nəticəsində əhməd əhmədov adlı sumqayıt şəhər sakini haqqında ölüm hökmü çıxarılmış və güllələnmişdir. sonralar isə sumqayıt şəhərində əhməd əhmədovun xatirəsinə bulaq da istifadəyə verilmişdir.

azərbaycanda olan kütləvi rəyə görə bu hadisəni eduard qriqoryan adlı bir dənə erməni törədib. bu və bunun kimi bir sıra rəylərə gülməyim gəlir. elə bilirəm zarafat edirlər. məsəlçün, vikipediyanın azərbaycan versiyasında "sumqayıt hadisələri — 1988-ci ilin fevralında sumqayıt şəhərində ermənilər tərəfindən törədilmiş təxribat xarakterli qırğınlar" girişi satirik səslənir.

buna baxmayaraq, hadisələr zamanı azərbaycanlıların bəzisi erməniləri öz evlərində qorumuş, kütləyə təhvil verməmişdir.

həmçinin, rumıniya sosialist respublikasının prezidenti çauşeskunun edam olunarkən son sözünün "lənətə gəlmiş sumqayıt!" olduğu şahidlər tərəfindən bildirilir.

17 əjdaha! 28.02.2014 19:07, sumqayıt avtovağzalında qutab gəmirən həmin oğlan

#102780 şikayət

sözlük yazarlarının niklərinin hekayəsi

+22 əjdaha

adətən, sumqayıt avtovağzalında qutab gəmirirdim ordan yadıma düşdü ki, bəlkə qutab gəmirəndə qız zad görüb nə vaxtsa həmin qutab gəmirən oğlanı axtarmaq istədi

20 əjdaha! 19.08.2013 20:48, sumqayıt avtovağzalında qutab gəmirən həmin oğlan

#62080 şikayət

maxe

+21 əjdaha

bu gün n saylı hərbi hissələrin birində iki əsgərin yarı zarafat, yarı ciddi belə bir dialoquna şahid oldum:

- eşitdim maxe qalassan?
- maxe nədi, ala. arvadın axırıncı yolu qəhbəlikdi, kişininki maxelik.

21 əjdaha! 12.11.2015 21:35, sumqayıt avtovağzalında qutab gəmirən həmin oğlan

#186940 şikayət

bakı-sumqayıt qatarı

+18 əjdaha

bakı və sumqayıt şəhərlərini birləşdirən dəmiryolu xətti üzrə hərəkət edəcək qatarlar. sumqayıtlıları bakıya çatdıracaq troya atı.

bakı dəmiryol vağzalı-keşlə-biləcəri-xırdalan-güzdək-sumqayıt marşrutu ilə 8 qatar hərəkət edəcək, qatarlardan 3-ü ikimərtəbəli olmaqla hər qatar 4 vaqondan ibarətdir. bu 3 qatar “ stadler rail group” şirkətinin “ stadler minsk” zavodunda istehsal olunmuş "kiss" markalı elektrik qatarlarıdır.

ümumi sərnişin tutumu 919 nəfər olan qatarda 396 oturacaq var ki, bunun da 84-ü biznes-sinfinə aiddir. 2015-ci ilin sonunda ikimərtəbəli qatarlardan ikisi də gətiriləcək və beləliklə bu xətdə 5 ikimərtəbəli qatar hərəkət edəcək.

sərnişin qatarları səhər saat 6-dan hər iki istiqamətdə hərəkətə başlayacaq və 40 dəqiqəyə sumqayıtdan bakıya və əks istiqamətə çatacaq.

səhər saat 06:00-12:00 aralığında qatarlar həm bakıdan, həm də sumqayıtdan 30
dəqiqə intervalı ilə çıxacaq. 12:00-dan günorta saat 16:00 aralığında
elektrik qatarlarının hərəkət intervalı 1 saat olacaq.

günorta saat 16:00-dan gecə saat 24:00 aralığında isə elektrik qatarları yenə 30 dəqiqə intervalı ilə hərəkət edəcək.

növbəti mərhələdə bakı-xırdalan-sumqayıt qatarının dairəvi dəmiryolu xətti ilə hərəkət edəcəyi deyilir; tədricən sumqayıtdan abşeron rayonunun saray, goradil, fatmayi, pirşağı, kürdəxanı, zabrat, sabunçu, bakıxanov qəsəbələrini əhatə edən marşrut istifadəyə veriləcək və beləliklə, bakı-sumqayıt dəmiryolu xətti dairəvi olacaq.

qeyd edim ki, qabaqlar, daha doğrusu son vaxtlara kimi gediş haqqısı 30 qəpik olan sumqayıt-zabrat-sabunçu-bakıxanov (bax: razin) - böyükşor (hal-hazırda koroğlu adı ilə tanınır) istiqaməti üzrə hərəkət edən sovet istehalı elektriçkalar var idi. təxmini 52 dəqiqəyə (özüm hesablamışdım) koroğlu metrosunun yanındakı böyükşor adı ilə adlandırılan stansiyaya çatırdı. "dairəvi xətt olacaq" dedikləri indi sadaladığım xətti bakı-xırdalan-sumqayıt dəmiryolu xəttinə birləşdirməklə olacaq, daha doğrusu bakı-sumqayıt marşurut xəttini sadaladığım xətt ilə uzadacaqlar.

alqışlanası addımdır, çünki elə sovet dövründə də, sovetlər dağılandan sonrakı ilk onillik ərzində də sumqayıt camaatı bakıya əsas bu yolla gəlirdi. sonra iş elə gətirdi ki, sözügedən elektriçkalar, ancaq sumqayıtın zəhmətkeş qara camaatının istifadə etdiyi ucuz nəqliyyat vasitəsinə çevrildi; sumqayıt xloru bakıya bu xətt üzrə ayaq açmağa başladı. sizə danışıram, gediş haqqı 10 qəpik olan vaxtlardan.

yeni qatarlarda isə gediş haqqı 70 qəpik olacaq. ilk 3 günü pulsuz xidmət ediləcəyi deyilən qatarın bayaq oxudum şüşəsini sındırıblar, bilmirəm ya bilərəkdən olub, ya da hansısa bədbəxtin bədbəxt hadisəsi nəticəsində. heç 1 gün deyildi, ala.

17 əjdaha! 13.09.2015 23:38, sumqayıt avtovağzalında qutab gəmirən həmin oğlan

#180958 şikayət

sumgzeit

+17 əjdaha

2013-cü ilin oktyabrında Sumqayıtda yaranmış ambient/ exprimental/ depressiv black metal janrlarında ifa edən qrup. Bu ilin (2014-cü ilin) fevral ayının 4-də Eternal adlı ilk EP albomlarını virtualda yayımlayıblar.

Diskoqrafiyası:
1.intro
2.Le Secret

(youtube:

)

3.We've suffered enough

(youtube:

)

4.Close to the end

(youtube:

)

Qrup üzvləri:
Cavid Şərif - bəstəkar, gitaralar
Günay Şərif - piano, klaviş
Adil Hacılı - vokal
Orxan Əhmədov (Kira) - zərb alətləri

Qrupun albomlarını yayımladığı rəsmi bandcamp səhifəsi: Sumgzeit link

p.s Sevindirici haldır ki, qrupun ifalarını Youtubea yadellilər də yükləyərək, müsbət rəylər bildiriblər.

16 əjdaha! 25.02.2014 19:06, sumqayıt avtovağzalında qutab gəmirən həmin oğlan

#102287 şikayət

kaybedenler kulübü

+14 əjdaha

qaqaş, salam. ilk öncə onu qeyd edim ki, mən bir neçə gün bundan qabaq bu filmə baxmalı oldum. xüsusilə də beyaz zencinin "bu filme baxmayan insan var mı deye bezen de düşündüyüm olub." sətrlərini oxuyanda xəcalət çəkərək bu filmə baxmaq cəsarətini özümdə tapdım və nəhayət iki günün yekununda filmin son dəqiqələrini izlədim. buna kimi isə elə bilirdim kaybedenler kulübü kanal ddə, yoxsa hansısa kanalda gedən teatrfason bir şeydir.

uzun sözün kəsəsi necə deyərlər film haqqında təəssüratlarımı sizinlə bölüşmək istəyirəm. ilk öncə onu qeyd edim ki, s**m bu filmin videokamerasını. çünki, fikrimcə, bizi elə bir poxa salıb ki, hələ də çıxa bilmirik. filmə baxan kimi ağlıma pub, kitab dükanı, radio açan gənclər gəldi. onlar da elə fikirləşir kaybedenler kulübü həyatı yaşayırlar, guya həyatın dadını içkiylə çıxarırlar və s. və i.a filmdə ən təsirli yer qaqaşın qızı əmişdirəndən sonra aralarında yaranan şəxsi münasibətlər zəminindəki soyuqdəymələrdən sonra qızın amerikadan iş təklifi almışam guya son qərarım sənin "gitme" sözündən asılıdır söhbəti elədikləri dəniz sahili skameykada oturduqları yerdir. o da ona görə ki, həmin səhnədə the moody blues - melancholy man səslənirdi. yəni sırf soundtrack seçiminə görə.

qabaqlar melancholy man'ə qulaq assam da, sən deyən elə də videonun kimin yüklədiyinə və s. bu kimi təfərrüatlara yetərincə diqqət ayırmamışdım. filmə baxandan sonra yenidən melancholy man'ə qulaq asmaq həvəsi yarandı və belə məlum oldu ki, youtube'da ən çox izlənən (300 mini keçib) melancholy man videosunu yükləyən türkiyəlidir. bu sizə nə deyir? görün indi türkiyədə nə qədər adam emo-emo söhbətlər eləyir. oturub əlində pivəsi guya həyatda ən böyük zərbəni qadından alırlar, sonra da bir yerdə mikrofonu götürüb guya müxalifətlik eləyir "her şeye senzura qoyulsun hər adama da" kimi sarkazmatik sözlər. dur ostur, ala, guya bu problemlər məngənəsində boğulur. gijdıllax, azdan-çoxdan yayın evin var, qız tutub basıb sikirsən gəlib hələ camaatın qabağında cooldu nədir o havalara girirsən, indi bununla guya cəmiyyətə siyasi mesaj da ötürürsən?

çox davam eləmək istəmirəm. şair demişkən, sözüm elə burda bitsə, yaxşıdır.

14 əjdaha! 27.03.2014 04:15, sumqayıt avtovağzalında qutab gəmirən həmin oğlan

#109569 şikayət

qız qalasında lüt şəkil çəkdirən əcnəbi

+16 əjdaha

"gündəyməz" sözünün etimologiyasının piktoqrafik üsulla izahının verilməsi.

abırsızın belindən yuxarısı zaqar olub, aşağısı yox. adama dəyərlər, belə götlü oğulsan zaqar eləyəndə də götüaçıq zaqar eləyərdin də. risofka.

16 əjdaha! 07.05.2015 21:38, sumqayıt avtovağzalında qutab gəmirən həmin oğlan

#161900 şikayət

screenshot eləyən qızlar

+12 əjdaha

sonra da bütün günü ulaşırsız ki, sevgilim yoxdu, əlləyənim yoxdu, kərkinənim yoxdu. canınıza dərd yoxdu nəyə screenshot edirsiz? niyə qorxu yaradırsız? ayıb deyil heç? bu ölsün qorxudan tir-tir əsirəm ki, kimsə çıxıb "gə maç eliyim"imimi açıb olmayan bazarı da öldürəcək

silinmiş entry.

12 əjdaha! 09.11.2013 05:50, sumqayıt avtovağzalında qutab gəmirən həmin oğlan

#76364 şikayət

19 iyul 2013 söz6 yazarlarının bizim şəbəkə verlişinə dəvəti

+11 əjdaha

ala, mən niyə buna indi baxıram və ən əsası niyə rumpeltelskinin qız olduğunu indi öyrənirəm? vso da indi hər dəfə rumpeltelskinin divarında yatıb fürsət gözləyəcəm ki, "xanım, mən sizin fikrinizlə tamamilə razıyam"ı üç nöqtəylə yazım

10 əjdaha! 10.11.2013 23:18, sumqayıt avtovağzalında qutab gəmirən həmin oğlan

#76647 şikayət

1988-ci il sumqayıt hadisələri

+9 əjdaha

sumqayıt hadisələri vaxtı oğlu əsgərlikdə olan lida aleksanyan adlı erməni valideyn danışdığı xatirələrində qeyd edir:

"oğlum almaniyada əsgərlikdə idi. qətliamdan sonra yoldaşımla hərbi komissarlığa getdik. yerevana köçəcəyimizi deyib, oğlumuza sumqayıta qayıtmamasını demələrini xahiş etdik. yox deyib, ermənilərin doğulduğu yerə qayıtmalı olduqlarını söylədilər.

beləcə, qətliamdan sonra 10 ay gözlədik. noyabrda oğlum əsgərlikdən qayıtdı və ertəsi gün ermənistana gəldik."

8 əjdaha! 04.12.2015 20:51, sumqayıt avtovağzalında qutab gəmirən həmin oğlan

#189456 şikayət

internet klubda öz kompüterini yandırmaq istəyərkən başqasınınkını söndürmək

+9 əjdaha

adәtәn, adam çaş-baş qalır ki, bu prosessorlardan hansı oturacağım yerdәkinindir sağdakı, yoxsa soldakı? bu mәsәlәdә bir balaca tәlәsdinsә, "qaqa, başdan vurdu yoxdu, ayağdan tutana söyüş var" deyib döyüşә atıla bilәrsiz, ya da әn yaxşı halda kompüteri söndürülәn şәxs şoka düşmüş halda sizә baxarkәn fürsәtdәn istifadә edib "izvini, brat, taleyim belәdi" deyә bilәrsiz.

8 əjdaha! 12.09.2013 09:48, sumqayıt avtovağzalında qutab gəmirən həmin oğlan

#67684 şikayət

azərbaycanlıların tələffüz səhvləri

+8 əjdaha

"eşşək nə bilir zəfəran nədir" atalar sözündəki "zəfəran".

(baxma: zər palan)

8 əjdaha! 12.04.2015 01:04, sumqayıt avtovağzalında qutab gəmirən həmin oğlan

#157631 şikayət

ya cesur, o parçadakı adam neden uçmak istemiş

+9 əjdaha

yuxu qrupunun 1994-cü ildə türkiyədə işıq üzü görən "sumqayıt" albomundakı "xəyalpərəst" mahnısının giriş hissəsində səslənən ritorik sual.

deyərdim ki, bu sual ifadəyə çevrilib, artıq. replika xarakteri daşıyır. nəinki sözügedən mahnını paylaşanda, hətta ayrıca status kimi yazanda məna kəsb edir.

9 əjdaha! 19.08.2015 00:33, sumqayıt avtovağzalında qutab gəmirən həmin oğlan

#178419 şikayət

yaran lətifələr

+11 əjdaha

bir dəfə qarşıma çıxmışdı belə bir lətifə:

sovetin dövründə bir talış olur rusiyada hərbi xidmət keçməyə gedir. bu da kötük kimiymiş desant kimi seçirlər. bir gün deyirlər bəs uçuş var paraşütlə tullanış olacaq. talışa başa salırlar ki, bəs təyyarədən tullananda ipi çəkərsən paraşüt açılacaq, əgər bu işləməsə, onda bu birisi zadı çəkərsən paraşüt açılacaq, yox əgər bunda da paraşüt açılmadı onda məryəm ananı köməyə çağırarsan. nəsə, bu minvalla tullanışa hazırlıq başlayır təyyarənin qapısını açırlar hamı bir-bir tullanır talış da sonuncu. qapını bağlayırlar biraz keçir görürlər qapı döyülür. tez-tələsik qapını açıb görürlər talış. deyirlər noldu? talış da deyir: bağışlayın, xanımın adı necə oldu?

11 əjdaha! 19.08.2013 20:28, sumqayıt avtovağzalında qutab gəmirən həmin oğlan

#62067 şikayət

besame mucho

+7 əjdaha

Həmişə "Exsame muço" kimi bildiyim 1941-ci ilə aid məşhur Meksika mahnısıdır. Tərcüməsi "Məni çox öp" deməkdir. Mahnının yazarının dediyinə görə mahnını yazana qədər heç kimlə öpüşməyib. Sonra yəqin öpüşmək üçün bazarı yaranıb. Çünki, mahnı Beatlesdən

(youtube:

)

tutmuş Dave Brubeck'ə

(youtube:

)

kimi çox adam ifa edib. Azərbaycanda əsasən Andrea Bocelli ifasında tanınıb

(youtube:

)

. O da çox güman " Sprutla gələn italyan ab-havasıyla azərbaycanlıların italyan musiqisinə marağı sayəsində.

Sözləri:

öp məni, məni çox öp
Bu gecə sanki son gecəymiş kimi.
öp məni, məni çox öp
Səni itirməkdən qorxuram
Səni yenidən itirməkdən

Mənə yaxın olmağını,
gözlərinə baxmaq,
səni yanımda görmək istəyirəm.
Düşün, bəlkə sabah
çox uzaqlarda olacam.
Səndən çox uzaqlarda

öp məni, məni çox öp
Bu gecə sanki son gecəymiş kimi.
öp məni, məni çox öp
Səni itirməkdən qorxuram
Səni yenidən itirməkdən

P.S Ən ləzzətlisi Dave Brubeckin jazz ifasıdır mənə görə. Elə Dave müəllimin sayəsində bu mahnının adının "exsame muço" yox, "besame mucho" olduğunu bilmişəm.

4 əjdaha! 11.11.2013 02:45, sumqayıt avtovağzalında qutab gəmirən həmin oğlan

#76699 şikayət

sovet dövründə azərbaycanda yerləşən aviasiya alayları

+7 əjdaha

sovet dövründə azərbaycan ərazisində ümumilikdə 4 aviasiya alayı yerləşirdi. sözügedən alaylar:

- sitalçayda yerləşən 80-ci əlahiddə aviasiya alayı ( su-25-lərdən ibarət);

- sumqayıt-nasosnuda (hal-hazırda hacı zeynalabdin tağıyev qəsəbəsi) yerləşən 82-ci əlahiddə aviasiya alayı ( miq-25 pds-lərdən ibarət);
- kürdəmirdə yerləşən 976-cı əlahiddə aviasiya alayı ( su-24-lərdən ibarət);
- şəmkirdə- dəllərdə yerləşən 882-ci əlahiddə aviasiya alayı ( miq-25 pd və su-24 mr-lərdən ibarət).

7 əjdaha! 17.06.2015 00:40, sumqayıt avtovağzalında qutab gəmirən həmin oğlan

#171344 şikayət

tiflis zooparkından qaçan pinqvinin azərbaycan sərhədində yaxalanması

+10 əjdaha

bu barədə məlumatı zooparkın mətbuat müşaviri verib. onun dediyinə görə 15 dəqiqə (üstündən biraz olar keçib) əvvəl onlara zəng gəlib ki, sərhəddə krasnı most (bax: qırmızı körpü) yaxınlığında üzən pinqvin görüblər. bundan sonra zoopark heyəti pinqvini gətirmək üçün yola çıxıb.

bir sözlə pinqvin sərhədi keçə bilməyib.

qeyd edim ki, 14 iyun 2015 tiflisdə su daşqını hadisəsindən sonra tiflis zooparkının xeyli dustağı fürsətdən istifadə edərək həbsdən qaçıb. artıq onlardan bəziləri ölü, bəziləri yaralı, bəziləri də bu pinqvinin vəziyyətində tapılıb.

onu da qeyd edək ki, sözügedən afrika pinqvinini tiflis zooparkına 2014-cü ildə böyük britaniyanin torki şəhərində yerləşən living coasts zooparkı bağışlayıb.

yaddan çıxmışdı az qala qoy bir dənə də bunu qeyd edim: gürcüstanda daşqınlar zamanı bu cür hadisələrin yaşanması ilk deyil. təbii ki, xüsusən də kür daşqınları zamanı daşqın qurbanları nəinki sərhədə kimi, hətta qazax, ağstafaya kimi gəlirdi. daşqınlar olmamışdan qabaq ağstafa sakinlərindən biriylə söhbətimdə həmsöhbətim demişdi ki, 90-cı illərdə kürün güclü daşan vaxtları çayda üzən meyidləri, ev əşyalarını zadı tez-tez görürdük. həmsöhbətim, hətta həmin daşqınlardan birindən sonra çaydan təptəzə taykeş ayaqqabı tapdığını demişdi. sonra da qeyd etmişdi ki, heyif ki, o biri tayını tapa bilməmişdim.

10 əjdaha! 17.06.2015 15:26, sumqayıt avtovağzalında qutab gəmirən həmin oğlan

#171419 şikayət

cənub ləhcələri

+7 əjdaha

bu "cənub ləhcələri" sözü hardan hamının dilinə düşüb elmə məlum deyil. çox məntiqsiz bir şeydir. "cənub ləhcəsi" deyilən şey yoxdur, talışların türk dilində tələffüzü var. buna da hamı cənub ləhcəsi deyir. azərbaycanlı rusca danışanda "rus dilinin azərbaycan ləhcəsi" olur bəyəm? analoji olaraq belə müqayisələr aparanda "cənub ləhcələri" ya da bəzən "şimal ləhcəsi" kimi nəzərdə tutulan etniklərin azərbaycan türkcəsində danışmağı "ləhcə" adlanmır. ləhcə şəki ləhcəsidir, ləhcə naxçıvan ləhcəsidir, ləhcə təbriz ləhcəsidir və s. və i. a

lənkəran ləhcəsi deyə adlanan şivə isə cənub ləhcəsinə yox, şərq ləhcəsi altqrupuna daxildir. həmin bu şərq ləhcəsinə (dialektinə) isə bakı, şamaxı, quba ləhcələri muğan, lənkəran şivələri daxildir.

cənub ləhcəsinə isə hamının ağlına gələn lənkəran, masallı, astara, lerik yox, ordubad, naxçıvan, irəvan dialektləri (ləhcələri) daxildir.

7 əjdaha! 19.11.2013 21:47, sumqayıt avtovağzalında qutab gəmirən həmin oğlan

#78476 şikayət

dragostea din tei

+7 əjdaha

Azərbaycanda " umayeya hi umayeya ha ha" adı ilə tanınır. Dünyada isə "Numa numa" adı ilə tanınıb. Yəni içi mən qarışıq, çox adamın " Umayeya" ( və yaxud " Humayeya") kimi eşitdiyi həmin söz əslində " Numa"dır.

(youtube:

)

Sözügedən mahnı 2004-ci ilin ən xit yay mahnısı kimi qlobal məşhurluq qazanıb. Üstündən 14 il keçib, deyə bilərsiz, bu, hardan yadına düşdü? Bayaq internet tarixində fenomenlər haqqında oxuyanda qarşıma çıxan xülasədə "bir gecədə məşhurlaşan" Numa Numa Guy ləqəbli şəxsin məşhurlaşmasına səbəb olan " Moldavian pop group O-Zone"un Dragostea din tei adlı mahnısından söhbət gedirdi. Təbii ki, həmin cümlədəki moldovan sözü təəccübümə səbəb oldu. Ki Moldova hara dünya miqyaslı hara? Post-sovet, mdb, guam ölkəsi, yəni momentalnı özümüzlə müqayisə.

Ardınca Youtube-da həmin Numa Numa Guyın videosu

(youtube:

)

, qrupun klipinə baxanda məlum oldu söhbət " Humayeya"dan gedir.

Vallah, mən indiyənə kimi elə bilirdim fransız mahnısıdır, sən demə moldovan mahnısıymış. Əslində mənim, bəlkə də çox adamın da bu mahnını fransız mahnısı kimi bilməyində qəribə heçnə yoxdur. Çün Moldovan dili ( rumınca) də fransız dili kimi romanik dildir, hind-avropa mənşəlidir. Bura 2004-2005-ci il gəncinin "xarici mahnılar" ifadəsindəki "xarici"nin nə mənaya gəldiyini də əlavə edəndə (" inomarka maşın"dakı " inomarka" sözü), məsələ məlum olur. Belədə yenidən yuxarıda sözügedən post-sovet, mdb, guam ölkəsi söhbətinə gəlib çıxırıq.

5 əjdaha! 15.02.2018 20:16, sumqayıt avtovağzalında qutab gəmirən həmin oğlan

#268612 şikayət

xəzərin sahilində

+6 əjdaha

yuxu qrupunun blues stilində ifa etdiyi parça. Qrupun bassisti ibrahim Eminin dediyinə görə mahnının əsl adı "Sumqayıt bağlarında" olub sözləri atasına məxsusdur. Yalnız, bəzi dəyişikliklərdən sonra "Xəzərin sahilində" kimi ifa edilməyə başlanılıb. Bu ifanı Sumqayıtın himni də adlandıranlar da az deyil.

Sözləri:

Gördüm burda, gör nələr,
Yaşıl bağlar, dərələr.
Könlüm burda dincələr,
Xəzərin sahilində.

Qoca, cavan çalışır,
Qız oğlanla yarışır.
Söhbət sözə qarışır,
Xəzərin sahilində.

Susuz səhra, torpaq ac,
Əyni çılpaq, yalavac.
Tək dayanıb bir ağac,
Xəzərin sahilində.

Torpaq sarı, qum sarı,
Gözəldir ruzigarı.
Əl çalır yarpaqları,
Xəzərin sahilində.

Klipi:

(youtube:

)

Klip 1991-ci ildə Sumqayıtda Vahid Naxış tərəfindən çəkilib.

5 əjdaha! 10.11.2013 06:16, sumqayıt avtovağzalında qutab gəmirən həmin oğlan

#76536 şikayət

saqqallı olmağın müsbət cəhətləri

+6 əjdaha

saqqallı olmağın müsbət cəhəti qırxılması qarşılığında mənə 50 manat qazandırması və müəllimənin "gələn dəfə üzünü qırx bal yazacam" deməsi olub.

6 əjdaha! 08.11.2013 03:49, sumqayıt avtovağzalında qutab gəmirən həmin oğlan

#76153 şikayət

vəhabi

+7 əjdaha

wap chatlarda "islam" bölməsi ilə yanaşı "Erotik hekayə" bölməsi yaradan azərbaycanlıların, google'a "gelin nomresi" yazan azərbaycanlıların başa düşməyəcəyi qədər səmimi olan şəxslər.

Bu şəxslər Suriyada vuruşmaq üçün yaşamaq instiktindən əl çəkmiş şəxslərdir ki, bunlara "getsin Qarabağda vuruşsun" deyənlərin çoxusu 2003-ci ildə "Qarabağ partizanları" adlı qruplaşma kimi həbs olunan azı 3 il həbs alan 22 şəxsin "vəhabi" dedikləri həmin adamlar olduğunu bilmirlər. Bilsələr, yəqin özlərinin nə qədər osturaqçı, pafoslu riyakarlar olduqlarını görəcəklər.

(youtube:

)

(youtube:

)

Bu dəqiqə onsuz da Azərbaycanda əqidəsində (anarxistindən tutmuş, kommunistinə, kommunistindən tutmuş liberalına, liberalından tutmuş millətçisinə) səmimi olan çox az insan var, varsa da bunlardan da biri, hətta ən birincisi vəhabi kimi tanınan sələfilərdir. Təbii istisnalar hər yerdə var. Söhbət heç bunların əqidəsinin düz ya da səhv olmasından da getmir sizin nə qədər küyə getməyinizdən gedir. "Vəhabi" deyə adlandırılanlara qarşı bu şayələri kim yayır? Dövlət. Dövlət də bilir axı onları mitinq vaxtı "istefa" qışqıranlar yox, "Hacı Talehi 3 aya buraxacayıq" deyə vəd verib 8 ay keçməsinə baxmayaraq buraxılmayan Hacı Tale kimi müstəntiqi işdən vicdanına görə istefa verməyə məcbur edən bir insanın (glink: http://moderator.az/?xeber=32641 xəbər) Nardaranlı tərəfdarları devirə bilməyəcək, bilmədi bu hakimiyyəti ancaq "vəhabi kalaşnikovları" devirə biləcək.

(youtube:

)

Hələ bunun "vəhabilər bacılarıyla yatır" söhbəti var. Bu yaxınlarda bir yaxın uşaq məni belə danışdığıma, üstəlik saqqalıma görə "vəhabi" bilib bu "bacılarıyla yatmaq" söhbətinin nə olduğunu soruşdu. Mən də alternativ olaraq onun məzhəbinin alimlərinin "südəmər uşaqlarla" bağlı fətvasını göstərdim, dedi yalan deyirsən zad bunu vəhabilər uydurub əgər elə şey olsa "tüpürəcəm buna". Bəli, bəli getdi və bir gün mənim yadına salmağımla təsdiqlədi ki, hə deyirlər elə fətva var. Uşaqlar yadına saldı ki, "tüpürmək" zad demişdin dedim tüpürmə haqq yoluna gəl, imanlı ol. indi haqq yolundadır dinə sən deyən elə də baş qoşmur. Artıq hiss eləmək olar ki, kitab zad oxumağa başlayıb "yazı atmağ"ımı istəyir və s. və i.a

P.S "Bu bacısıyla yatmaq" söhbətinin bir sələfi aliminin "bilmədən ögey bacısıyla (atası zina edib uşaqları bilmir) evlənməyin halal yoxsa haram olması" ilə bağlı fətvasından irəli gəlir. O da belə əsaslandırıb ki, guya bu haqda heç bir qadağaya rast gəlinmir zad onçün də günah sayılmır. Bunları müzakirə eləməyin özü belə yersizdir bilmirdi ki, bu qərarı çıxardanda Azərbaycanda təsbehi ilə cəbhələrdə mövqe tutan qaqaşlar "peysər" çıxardar adamı? Heç bu fətvanı sələfilər özləri belə qəbul etmir hələ.

6 əjdaha! 16.11.2013 00:40, sumqayıt avtovağzalında qutab gəmirən həmin oğlan

#77443 şikayət

əliağa vahid

+5 əjdaha

əliağa vahid (18.11.1895-13.11.1965).

masazır kənd qəbirstanlığının girəcəyində yerləşən qəbrinin başdaşında yazılmış qəzəli:

vətəndir

könlüm yenə bül-bül kimi
şeydayi-vətəndir.
məcnun edən aşiqləri
leylayi-vətəndir.
yüzlərlə gözəl aşiqi
olsam da mən amma
qəlbim yenə də
sevdayi-vətəndir.
dünyaya gözəllik verən
əlbəttə vətəndir.
ondan da gözəl xəlqə
təcəllayi vətəndir.
qoymaz bu müqəddəs yerə
biganə toxunsun,
hər kəs ki, sədaqətlidir
əbnayi-vətəndir
tərifi behişt eyləməsin
xəlqimə heç kəs
cənnət də, behişt də bizə
səhrayi vətəndir
vahid, elə zənn eylə ki,
mən yusifi-əsrəm
məşuqə mənə eşqi
züleyxayi-vətəndir.

5 əjdaha! 03.09.2015 23:22, sumqayıt avtovağzalında qutab gəmirən həmin oğlan

#179989 şikayət

azərbaycanın avropa hüdudlarına düşən əraziləri

+6 əjdaha

azərbaycan ərazisinin on altıda bir hissəsi avropanın hüdudlarına düşür.

azərbaycanın avropaya düşən hissələri:

- qusar rayonu;
- quba rayonu ərazisinin çox hissəsi;
- xaçmaz rayonu ərazisinin bir hissəsi;
- şabran rayonu ərazisinin bir hissəsi;
- xızı rayonu ərazisinin yarıdan çoxu;
- sumqayıt şəhəri;
- novxanı qəsəbəsi.

qitənin sərhədləri fatmayi ilə mehdiabadın arasından keçir və buradan keçdikdən sonra şüvəlanın ərazisinin də çox hissəsi avropaya daxil olur. azərbaycanda avropanın sərhədinin hüdudları təxminən abşeron rayonun zirə qəsəbəsində tamamlanır.

zirənin yarısı asiya, yarısı isə avropa hüdudlarına daxildir. bakı tam olaraq avropanın hüdudlarına daxil olmur. bakıda şüvəlanın çox hissəsi, binəqədi rayonu, mərdəkan qəsəbəsinin bir hissəsi avropanın hüdudlarına daxildir. ümumilikdə, bakının mərkəzi hissəsi asiya, şimal-qərb hissəsi isə avropaya aid olur. (c)

qısaca desək, avropa şəhərinə getmək istəyənlər sumqayıta gələ bilər.

5 əjdaha! 30.05.2015 06:56, sumqayıt avtovağzalında qutab gəmirən həmin oğlan

#167626 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

sumqayıt avtovağzalında qutab gəmirən həmin oğlan

son bəyənilənlər:

oxuyucuların bəyəndikləri: