eric clapton

Bir çox mahnısının arxaplan hekayəsinə malik olmasını çox sevirəm. Məsələn "tears in heaven" mahnısı yüksəkmərtəbəli binadan yıxılaraq həlak olan 5 yaşındakı oğlu Conor a ithaf edib.
"Layla" mahnısını isə əvvəllər Beatles qrupunun gitaristi George Harrison la evli olan Pattie Boyd üçün yazmışdır. Ona olan sevgisini bu mahnı ilə bütün dünyaya elan edib. Pattie Boyd, Harrisondan ayrılandan sonra onunla birliktə olub və bu zaman ərzində bir çox mahnısını ona həsr edib. 9 il dəvam edən evlilikdən sonra boşanıblar və ona həsr etdiyi son mahnı "Old Love" adlanır.

hestia

ilk Olimpos tanrıçalırından biri, Kronun qızı, Zevsin bacısı. Ailələrin qoruyucusu hesab olunurdu və hər bir ailə fərdi ona ibadət edirdi. Ən çox ailələrə, yuvalara fikir versə də, insanların toplandığı hər yer onun nəzdində idi. Mif hekayələrində onun haqqında çox az danışılır. Bunun iki səbəbi olduğu düşünülür: 1) Hestia vaxtının çoxunu Olimpos dağlnda keçirirdi və evindən ayrılmağa olduqca istəksiz idi (Hades belə ondan daha çox tərk edirdi yeraltı dünyasını). 2) onun haqqında az danışlırdı, çünki son dərəcə ləkəsiz bir tanrıça olaraq görülürdü və onun haqqında dedi-qodu edilməsi hörmətsizlik hesab olunurdu.
Hestia hüzura olan inancına görə heç vaxt evlənmədi. Amma Poseydon və Afina (Athena) - hər ikisi də Hestianı arzulayırdı və buna görə aralarında rəqabət yarandı. Hestia axırda Zevsə üz vurdu və onlara maneə olmasını istədi. Zevs onun bakirə qalmağına icazə verdi və onu öz qoruması altına aldı. Bir dəfə də Priapus, yatan zaman ona təcavüz etməyə təşəbbüs göstərdi amma uğursuz oldu - çünki həmin vaxtı bir eşşək yüksək səslə anırır və Hestia oyanır. Bu olaydan sonra Hestia şərəfinə keçirilən festivallarda eşşəklər çiçəklərlə bəzədilir.
Roma mifologiyasında Hestanın qarşılığı Vestadır. Romalılar Vestanın adına məbədlər inşa ediblər və orda işləyən rahibələr də Vesta Bakirələri adlanırlar, çünki onlar bu vəzifəyə başlayanda bakirəlik andı içirlər. Buna görə də onlar cəmiyyətin hörmətli üzvləri idilər, hətta kişilərlə bəzi eyni hüquqlara sahib idilər. Rahibələr həmin məbədlərə 6-10 yaşlarında götürülür və 30 il boyunca qulluq edirdilər. ilk 10 illikdə onlar yetişdirilir və tərbiyə olunurdular. ikinci onillikdə məbəddə yanan alovu mühafizə edir, onun sönməsini əngəlləyirdilər. Son 10 illərində isə yeni rahibələrin tərbiyəsi ilə məşğul olurdular. 30 ilin sonunda əgər istəsələr məbəddən ayrılıb ailə qura bilərdilər, lakin çoxusu məbəddə qalmağı seçirdi çünki bu onların həyat tərzi olmuşdu artıq.

pride and prejudice

Jane Austen tərəfindən yazılan sadəcə sevgidən ibarət olmayan roman.
Adından məlum olduğu kimi "qürur və qərəz". Mərkəzdə qürurlu bir insan olan mr.Darcy və ona qarşı (haqlı səbəblərdən) önyarğılı olan Elizabeth durur.
Çox axıcı olsa da obraz və hadisələrin cərəryan etdiyi məkanlar çoxdur. Bu biraz yora bilir.
Jane Austin həmin dövrün sosial vəziyyətini də yansıdıb. Bir çox qadının əsas qayəsi yaxşı bir evlilikdir - yəni varlı ər tapmaqdır. Bennet ailəsinin ağıldan qıt anası da qızlarını evləndirməkdən ötrü hər yola əl atır və ailənin kiçik qızları da onun təsirinə çox düşür. Baş obrazımız Elizabeth isə deyir "Evlənmək üçün dəlicəsinə aşiq olmağı gözləyəcəm. Elə deyəsən buna görə də evdə qalacam."
Bennet ailəsinin atası mənə ayrı ləzzət edir, onun səhnələri əyləncəlidir:
"Mr.Bennet: Hepsi de diğer kızlar gibi aptal ve cahiller. Ama Elizabeth kardeşlerinden daha zeki."
Mr.Darcy - gerçək həyatda belə bir kişi qarşıma çıxsa özümü ondan aşağı hissedəcəyim üçün yəqin uzaq duraram və çox xoşlanmaram, amma kitab və filmlərdə idealizə etməsən keçə bilmirəm. Bir çox qadının sevimlisi olmasının səbəbi onun məhz bir qadın tərəfindən yazılmağıdır. Soğuk-romantik kişi obrazının bir örnəyidir - bu örnəkdə olan obrazın olduğu başqa kitablar da oxumaq isətəyərəm

the big bang theory

1 il 6 ay sonra bitirdiyim, çox sevidiyim, izlədiyim ikinci sitcom. Bitirməyim çox uzun çəkdi çünki belə seriallarda arada uzun fasilələr verirəm. 12 sezon boyunca çox gülüb əyləndim. Bu serialla bağlı ən sevdiyim nöqtə personajların inkişafıdır. Bu yazıda əsas obrazlar haqqında fikirlərimi bildiricəm (spoiler var)
Penny - olduqca gözəl olan tolerant bir obrazdır. yüksək eq sü digər personajlar açısından serialı olduqca tarazlaşdırır serial boyunca çox az dəyişim göstərir. istədiyi peşə üçün illərlə əlləşir bacara bilmir və istəmədiyi bir işdə çalışır (bu məni üzdü açıqcası) həmçinin leonardla yaxşı bir cütlük olduqlarını düşünmürəm və son bölümdə uşaq istəməməyinə baxmayaraq səhvliklə olmuş uşağı dünyaya gətirəcək olması... yenə də sevirəm bu obrazı
Sheldon - seriala əsas rəng qatan personaj. Çox güldürücü olsa da xarakteri bəzi bölümlərdə adamı çilədən çıxarır. Başdan sona çox böyük inkişaf sərgilədi. Mənə ən ləzzət edən tərəfi aşırı dürüstlüyüdür - Özümün bəzən nəzakət xətrinə etməli olduğum şeyləri birbaşa yapışdırmasına biraz həsəd aparıram. Nobel aldıqdan sonrakı nitqi isə...
Leonard - travmaları ən çox üzə vurmuş obraz. Belə pis deyil ama daima qarşısındakı insanı məmnun etməyə çalışması sinirimi az pozmadı - bu anasıyla olan münasibətdən irəli gəlir. 12 sezon boyu çox az inkişaf edə bilib. Ssenaristlər deyəsən son sezonda bunu anlayıb bir bölümü leonardın bunu aşmağına ayırıblar. Həm işini həm də insanlara qarşı davranışlarını dəyişməyə başlayır.
Amy - Bəzi bölümlərdə olduqca anlaşlı bəzi bölümlərdəsə anlayışlılığa zidd Sheldonsayağı davranışları gözə çox batır. Bunu ilk bölümlərdə Sheldonla uyumlu bir obraz olması üçün etmişdilər sonrakı bölümlərdə yəqin gördülər ki, 2 dənə Sheldon artıqlıq edir. Amy nin sevməyənləri çoxdur kimimə gəlir ama mənim çox da mənfi düşüncələrim yoxdu məncə olmasa olmazdı Sheldon un üstündə əməyi çoxdur.
Raj - çox da sevmirəm. Sırf ilişkisi olsun deyə (əslində bunu əvvəl Leonard və Howard da edirdi) ne hallara girdi. Maddi cəhətdən özünü ailəsinin üstünə yıxması və bu barədə rahat əhlikef olması, sırf evlənmiş olmaq üçün yeni tanıdığ biriylə evlənəyə addım atması falan... Amma hind aksenti şiriniydi dnskmbhc
Howard - ilk sezonlarda zehlem gedirdi. Ama sonra çox dəyişdi və sevdiyim bir obraz oldu. Kılıbıklığı narahat edir bəzən amma o da dominant bir ana ilə böyüməyindən və ardından dominant bir qadınla evlənməyindən gəlir.
Bernadette - en sevmediyim obraz. Dediyim dedik bir qadındı. Howardın istəklərini çox vaxt görməzdən gəlirdi və ətrafındakı insanları defelerle deyişmeye çalışırdı.

sepsis

ilk öncə sepsis nədir? - bədənin bir infeksiyaya qarşı verdiyi reaksiyanın səbəb olduğu, həyati təhlükə daşıyan bir xəstəlikdir. Yəni immunitet sisteminin infeksiyaya qarşı qana keçirdiyi kimyəvi maddələr, bütün orqanizmdə iltihaba səbəb olur. Bu o halda baş verir ki, bədənin bu cür kimyəvi maddələrə qarşı reaksiyası irreqular olsun.
Səbəbləri - Hər cür infeksiya sepsisə səbəb ola bilər. Lakin çox vaxt pnevmaniya və qarın boşluğu, ifrazat orqanlarının və bakteriyemiya adlı qanın infeksional xəstəliyi nəticəsində ortaya çıxır. infeksiyonal mənşəli olduğundan hər bir şəxsdə görülə bilir. Lakin yaşlılar, 1 yaşından kiçik uşaqlar, hamilə qadınlar, zəif immunitetə və ya xroniki xəstəliyə sahib şəxslər daha çox risk altındadılar.
Yoluxucudur mu? - Sepsisin özü yoluxucu deyil. Lakin sepsisə səbəb olan infeksiya yoluxucu ola bilər. Və bu zaman da yoluxan bədəndə də sepsis yarana bilər - bu bədəndən asılıdır.
Ağırlaşmalar - Sepsis ağırlaşdıqca, insanın beyin, ürək və böyrəklər kimi həyati orqanlarına qan axışı pozulur. Əllər, ayaqlar, barmaqlarda qan laxtaları meydana çıxa bilir. Bu laxtalar orqan çatışmazlığına və qanqrenə səbəb ola bilir. Xəstələr yüngül formada olan sepsisdən xilas ola bilirlər. Lakin sepsis şok zamanı ölüm riski 40-50% arası dəyişə bilir.
Müalicə - Erkən başlanan və ciddi müalicə, fərdin xilas olma ehtimalını artırır. Sepsisli xəstəyə xəstəxanada palataya yatıraraq, yaxın müşahidə altında yanaşmaq lazımdır.
Həkimlər sepsis müalicəsi üçün bir sıra dərman vasitələrindən istifadə edirlər

84 charing cross road

Təsadüfi olaraq qarşıma çıxmış gerçək hadisələrə əsaslanan film - kitabı da var. Kitabqurdu olan ABŞ lı Helene xüsusilə ingilis ədəbiyyatına maraq duyur. Amma istədiyi kitabları orda tapa bilmir. Londonda Marks and Co adlı kitab mağazası ilə əlaqəyə keçir və beləcə 18 il boyunca dəvam edən məktublaşma başlayır. Xüsusilə də Frankla aralarında böyük dostluq yaranır. Aralarındakı söhbət daha çox kitablardan gedir- təəssüf ki, o kitabların böyük hissəsini heç eşitməmişəm buna baxmayaraq həmin söhbətlər belə mənə xoş gəldi. Sadəcə Frank yox dükanın digər işçiləri və həmçinin Frankın ailəsı də Helene ə qarşı böyük maraq və rəğbət bəsləyirlər və ona məktublar yazırlar. Bu söhbətlərlə yanaşı 50 ci illərin abu-havası və önəmli hadisələrinə də toxunulub. Məsələn 2.Elizabet in tac mərasimi səhnəsi mənə çox təsirli gəldi - televizor qarşısında mərasimi izləyən insanların anlıq ayağa qalxması, Times meydanında yeni ili qarşılama anları və.s
Baxması həvəs və səbir istəyir, əgər o abu-havanı hiss edə bilməsəniz məncə sıxılasınız.