İşğal dövründə Qarabağ və Şərqi Zəngəzurdakı yüzlərlə tarixi-mədəni abidə dağıdılıb və müxtəlif dərəcəli zədələnib. Hazırda 434 ədəd dəymiş maddi ziyanın ümumi məbləği 700 milyon 154 min manat qiymətləndirilir.
Modern.az xəbər verir ki, bu barədə Mədəni İrsin Qorunması, İnkişafı və Bərpası üzrə Dövlət Xidmətinin rəisi Səbinə Hacıyeva Bakı İqlim Fəaliyyəti Həftəsi 2026nın dördüncü günündə çıxışı zamanı bildirib.
Onun sözlərinə görə, işğaldan azad edilmiş ərazilərdə dövlət qeydiyyatında olan 749 ədəd 575 ədəd inventarlaşdırma işləri aparılıb. Onlardan 196-sı Şuşa şəhərində yerləşir.
İnventarlaşdırma çərçivəsində abidələrdə çöl tədqiqatları aparılmış, onların rəqəmsal xəritələri hazırlanmış, foto və dron çəkilmələri həyata keçirilib. Əvvəlki vəziyyətin müəyyənləşdirilməsi üçün arxiv sənədləri və digər mənbələr araşdırılıb.
Monitorinqlərin nəticələrinə əsasən, azad edilmiş ərazilərdə 68 abidə tamamilə dağıdılıb, 115 abidə isə genişmiqyaslı dağıntı məruz qalıb. Digər abidələrdə müxtəlif səviyyəli zədələr qeydə alınmışdır.
Tamamilə dağıdılmış abidələr arasında dövlət qeydiyyatında olan 9 türbə, 3 qəbiristanlıq və 7 məscid var. Bundan başqa, 25 məscid, 14 türbə və 2 sərdabənin müxtəlif dərəcəli zədələndiyi müəyyən edilib.
Xülasə — davamını mənbədə oxuyun.
