Dövlət Gömrük Komitəsinin məlumatına görə, bu ilin yanvar-iyul aylarında Azərbaycana xaricdən yalnız elektrik mühərrikləri ilə işləyən 596 avtomobil idxal edilib. Komitədən verilən məlumata görə, idxal olunan elektrik avtomobillərinin dəyəri 15,475 milyon dollar təşkil edib. Ötən ilin müvafiq dövrü ilə müqayisədə idxal olunan elektrik avtomobillərinin sayı 584 ədəd və ya 2 dəfə, dəyəri isə 22,7 milyon dollar və ya 2,5 dəfə azalıb.
Ümumilikdə yanvar-iyul aylarında Azərbaycana 807,4 milyon dollar dəyərində 41 105 avtomobil idxal edilib. Ötən ilin müvafiq dövrü ilə müqayisədə avtomobil idxalı həcm ifadəsində 22 296 ədəd və ya 35,2%, dəyər ifadəsində isə 363,6 milyon ABŞ dolları və ya 31% azalıb. Dövr ərzində ölkəyə 63,709 milyon ABŞ dolları dəyərində sürücü daxil olmaqla, 10 və daha çox adamın daşınması üçün nəzərdə tutulmuş 428 ədəd motorlu nəqliyyat vasitəsi, o cümlədən ümumi dəyəri 660,018 milyon ABŞ dolları olan 36,169 minik avtomobili və ilk növbədə insanların daşınması üçün nəzərdə tutulmuş digər motorlu nəqliyyat vasitələri idxal edilib.
Mənbə: https://www.trend.az/business/4215576.html © 2026 Trend İnformasiya Agentliyi.
Xülasə — davamını mənbədə oxuyun.
