Bakı, Azərbaycan, 5 noyabr. İnformasiya texnologiyaları (İT) sahəsində fəaliyyət göstərən Estoniya şirkətlərinin Azərbaycana cəlb edilməsi imkanları qiymətləndirilib.
Bu barədə Azərbaycanın rəqəmsal inkişaf və nəqliyyat naziri Rəşad Nəbiyev "X" hesabında məlumat verib.
"Biz Estoniyanın iqtisadiyyat və sənaye naziri Liina Vahtrasla görüşdük.
Görüşdə Estoniya İT şirkətlərinin ölkəmizə cəlb edilməsi, yerli şirkətlər ilə əməkdaşlıqlarının təşviqi və Azərbaycanda biznes fəaliyyətinin genişləndirilməsi imkanlarını müzakirə etdik.
Eyni zamanda, iki ölkə işçiləri arasında münasibətlərin möhkəmləndirilməsi, qarşılıqlı işgüzar forumların təşkili və digər birgə tədbirlər haqqında fikir mübadiləsi aparmışıq", - deyə məlumatda qeyd olunub.
Nabiyev əvvəlki yazısında bildirib ki, Azərbaycan və Estoniya arasında informasiya-kommunikasiya texnologiyaları (İKT) sahəsində əməkdaşlıq imkanları müzakirə olunub.
Xülasə — davamını mənbədə oxuyun.
