Azərbaycan Mərkəzi Bankı (AMB) Maliyyələşdirilmiş Hesab-fakturaların Reyestri Sistemini (FIRS) istifadəyə verməyə hazırlaşır. AMB-də bankların və bank olmayan kredit təşkilatlarının (BOKT) nümayəndələrinin iştirakı ilə sistemin yaradılması ilə bağlı təqdimat keçirilib. AMB-dən verilən məlumata görə, tədbirdə sistemin pilot rejimdə işləməsinin sınaqdan keçirilməsi və onun məhdud funksionallıqla ilkin istifadəyə verilməsi müzakirə olunub.
Təqdimat zamanı iştirakçılar FIRS-in mövcud iş mexanizmini, funksional imkanlarını, eləcə də sistem vasitəsilə toplanılması planlaşdırılan məlumatların əhatə dairəsini ətraflı müzakirə ediblər. Mərkəzi Bank həmçinin bankların və BOKT-ların FIRS-ə inteqrasiyasını təmin etmək üçün hazırlanmış müvafiq texniki şərtləri təqdim edib. Bundan əlavə, banklara və BOKT-lara sistemə inteqrasiya üçün zəruri texniki tədbirlərin müəyyən olunmuş müddətdə başa çatdırılmasının zəruriliyi barədə məlumat verilib.
Mənbə: https://www.trend.az/business/4216035.html © 2026 Trend İnformasiya Agentliyi.
Xülasə — davamını mənbədə oxuyun.
