Növbəti buğda partiyası Azərbaycandan keçməklə Rusiyadan Ermənistana tranzit edilib. Bu barədə “Azərbaycan Dəmir Yolları” QSC-nin (ADY) mətbuat xidmətindən məlumat verilib. Məlumata görə, avqustun 13-də Biləcəri stansiyasından Böyük Kəsik stansiyası istiqamətində çəkisi 420 ton olan 6 vaqon buğda yola salınıb.
İndiyədək Rusiyadan Azərbaycan üzərindən Ermənistana tranzitlə 40 min tondan çox taxıl, 9 min tona yaxın gübrə, 1136 ton propan, 133 ton alüminium, 1114 ton kömür, 67 min ton taxta daşınıb. Bundan əlavə, indiyədək Azərbaycandan Ermənistana 15 min tona yaxın dizel yanacağı, 5 min tona yaxın RON-92 və RON-95 markalı benzin ixrac edilib. Mənbə: https://www.trend.az/business/4215181.html © 2026 Trend İnformasiya Agentliyi.
Xülasə — davamını mənbədə oxuyun.
