Azərbaycan və Çin arasında hüquq-mühafizə orqanlarının əməkdaşlığı müzakirə olunub. Bu barədə Azərbaycan Baş Prokurorluğunun mətbuat xidmətindən Baş prokuror Kamran Əliyevlə Çinin fövqəladə və səlahiyyətli səfiri Lu Mey arasında keçirilmiş görüşün yekunlarına dair məlumat verilib. Məlumata görə, baş prokuror Azərbaycan ilə Çin arasında ənənəvi dostluq və tərəfdaşlıq münasibətlərinə, bütün sahələrdə işgüzar əlaqələrin mövcudluğuna toxunub, ölkələrin hüquq-mühafizə orqanları arasında əməkdaşlıqdan danışıb.
O, Çinin uzun illərdir müxtəlif beynəlxalq platformalarda Azərbaycanın haqlı mövqeyini və siyasi təşəbbüslərini dəstəklədiyini, dövlət başçılarının siyasi iradəsi və müntəzəm təmasları nəticəsində son illər Azərbaycan-Çin münasibətlərinin dinamik inkişaf edərək hərtərəfli strateji tərəfdaşlıq səviyyəsinə yüksəldiyini diqqətə çatdırıb. Görüşdə xüsusilə vurğulanıb ki, Prezident İlham Əliyevin 2025-ci ildə Çinə səfərləri və ötən ilin aprelində Çinin Sədri Si Cinpinlə “Azərbaycan və Çin arasında hərtərəfli strateji tərəfdaşlığın yaradılması haqqında Birgə Bəyannamə” imzalanması bunun mühüm göstəriciləridir. Dövlətlərarası münasibətlərin yüksək səviyyəsi Azərbaycan və Çin prokurorluqları arasında əlaqələrin inkişafına da müsbət təsir göstərmiş, əməkdaşlığın genişləndirilməsi və qarşılıqlı maraq doğuran məsələlər üzrə təcrübə mübadiləsi üçün əlverişli zəmin yaratmışdır.
Görüş zamanı o da vurğulanıb ki, Çin Ali Xalq Prokurorluğunun baş prokuroru Yinq Yonq ilə cari ilin aprel ayında Şanxayda keçirilən görüşün qurumlararası əlaqələrə xüsusi töhfə verdiyi bildirilib. Sonra cinayətkarlığın müxtəlif formalarına qarşı mübarizə, praktiki əməkdaşlıq məsələləri, o cümlədən hüquqi və institusional əməkdaşlığın genişləndirilməsi perspektivləri ətrafında fikir mübadiləsi aparılıb və razılıq əldə olunub. Səmimi qəbula görə minnətdarlığını bildirən Mei ikitərəfli münasibətlərə toxunub.
Bu xüsusda o, Çinin Azərbaycanla yüksək səviyyədə və uğurla inkişaf edən əlaqələrə böyük önəm verdiyini vurğulayıb. Mənbə: https://www.trend.az/azerbaijan/politics/4215066.html © 2026 Trend İnformasiya Agentliyi.
Xülasə — davamını mənbədə oxuyun.
