Təfərrüatlar əlavə edilib: birinci versiya 16:27-də yerləşdirilib BAKI, Azərbaycan, 13 avqust. Azərbaycan Respublikasının Prezidenti İlham Əliyev “Toxumçuluq haqqında” qanunu təsdiq edib. Sənədin mətni Azərbaycan Prezidentinin rəsmi saytında dərc olunub.
Qanun müasir dövrün tələbləri, yeni iqtisadi, nəzarət və dəstək mexanizmlərinin tətbiqi, o cümlədən aqrar sahədə islahatların dərinləşdirilməsi zərurətini nəzərə almaqla bu sahədə normativ hüquqi bazanın təkmilləşdirilməsi məqsədi daşıyır. Qanuna toxumçuluq fəaliyyəti ilə bağlı bir sıra yeni anlayışlar daxil edilib, mövcud anlayışlar mahiyyətinə uyğun olaraq aydınlaşdırılıb. Toxumçuluğun məqsəd və prinsipləri ətraflı müəyyən edilir, sahənin obyekt və subyektlərinin əhatə dairəsi dəqiqləşdirilir.
Eyni zamanda, qanunda toxumun keyfiyyətinə nəzarət və sertifikatlaşdırma işlərinin beynəlxalq təcrübəyə uyğunlaşdırılması, toxum müfəttişlərinin səlahiyyət və vəzifələri, toxumun emalı, utilizasiyası, məhv edilməsi, qablaşdırılması, etiketlənməsi prosesləri aydın şəkildə müəyyən edilib. Sənəddə toxumçuluq sahəsində yeni elektron reyestrinin yaradılması, toxumçuluq operatorlarının rəqəmsal uçota alınması, seleksiya nailiyyətləri, toxum əkilməsi, bağlanmış müqavilələr haqqında məlumatların vahid informasiya sistemində toplanması nəzərdə tutulur. Bundan əlavə, qanun toxumçuluq sektorunun iqtisadi əsaslarını yeniləyir.
Belə ki, mövcud qanuna əsasən yüksək məhsuldar toxumlar kvota əsasında istehsal olunurdu ki, bu da bazar iqtisadiyyatı şəraitində rəqabətə mane olurdu. Özəl sektorun yüksək məhsuldar orijinal və elit toxum istehsalına cəlb edilməsi bu sahədə rəqabət mühiti yaradacaq, özəl seleksiya və özəl ilkin toxumçuluğun inkişafına şərait yaradacaq. Eyni zamanda, prezident İlham Əliyev “Toxumçuluq haqqında” qanunun tətbiqi və bununla bağlı bəzi sərəncamlarda dəyişikliklər edilməsi haqqında fərman imzalayıb.
Fərmana əsasən, Nazirlər Kabineti beş ay müddətində aşağıdakı normativ hüquqi aktları təsdiq edib ölkə prezidentinə məlumat verməlidir: - toxumçuluq sahəsində dövlət nəzarətinin həyata keçirilməsi qaydası; - Azərbaycanın tərəfdar çıxdığı beynəlxalq müqavilələrdə nəzərdə tutulduğu halda, xarici ticarət tərəfdaşı olan ölkənin toxumçuluq sahəsində texniki normativ hüquqi aktlarının Azərbaycanda tətbiq edilən eyni texniki normativ hüquqi aktlara ekvivalentliyinin tanınması qaydası; - ölkədə toxumçuluğun vəziyyətinin öyrənilməsi məqsədi ilə məlumatların toplanması qaydası, idarəetmənin səmərəliliyinin monitorinqi, təhlili, qiymətləndirilməsi və proqnozlaşdırılması qaydası; - toxumçuluq müfəttişlərinin şəhadətnamələrinin təsviri və nümunəsi; - toxumçuluq sahəsində risklərin idarə edilməsi qaydasını; - toxumçuluq operatorlarının seleksiya və toxumçuluq sahəsində informasiya resursunda qeydiyyata alınması qaydasını; - zərərli orqanizmlərin yayılmasının qarşısının alınması və aradan qaldırılması nəticəsində məhv edilmiş toxum və toxumluq bitkilərə görə çəkilmiş xərclərin ödənilməsinin məbləği və onların ödənilməsi qaydası; - Kənd Təsərrüfatı Nazirliyi tərəfindən tətbiq edilmiş cərimələrdən (o cümlədən inzibati xəta haqqında protokol tərtib edilərək baxılmaq üçün məhkəməyə göndərilmiş inzibati xətalara dair işlər üzrə təyin edilmiş cərimələr də daxil olmaqla) yığılmış vəsaitlərin İnzibati Xətalar Məcəlləsində nəzərdə tutulmuş istehsalat qanunvericiliyinin tələblərinin pozulmasına görə həmin Nazirliyin hesabına köçürülməsi; Bu arada Kənd Təsərrüfatı Nazirliyi üç ay müddətində aşağıdakı normativ hüquqi aktları təsdiq edib dövlət başçısına məlumat verməlidir: - toxumların istehsalı, emalı, qablaşdırılması, etiketlənməsi, daşınması, tədarükü, saxlanması, idxalı, ixracı, utilizasiyası, zərərsizləşdirilməsi və məhv edilməsi qaydalarını; - toxumların sort və səpin keyfiyyətlərinin müəyyən edilməsi və sertifikatlaşdırılması qaydalarını; - toxumluq bitkilərə tarla nəzarətinin aparılması və sahə müfəttişlərinin fəaliyyətinin təşkili qaydalarını; - hüquqi və fiziki şəxslərin öz əkinlərində sərgilərdə nümayiş etdirilməsi və təsərrüfat sınaqlarının aparılması məqsədilə idxal olunan toxumların miqdarı (kütləsi).
Prezident İlham Əliyev "Toxumçuluq haqqında" qanunu ləğv edib. Sənədin mətni Azərbaycan Prezidentinin rəsmi internet saytında dərc olunub.
Xülasə — davamını mənbədə oxuyun.
