Özbəkistana media turu çərçivəsində Azərbaycanın media nümayəndələri Daşkənddə yerləşən “Texnopark” Məhdud Məsuliyyətli Cəmiyyətində (MMC) olublar. Press-turda Azərbaycanın aparıcı KİV-lərinin 20 nümayəndəsi iştirak edir. İştirakçılar arasında Trend İnformasiya Agentliyinin baş redaktoru Emin Əliyev də var.
2019-cu ildə yaradılmış müəssisə yeddi əsas istehsal blokundan ibarətdir və hazırda dəyəri 465 milyon ABŞ dolları olan, təxmin edilən istehsal gücü 1 milyard ABŞ dolları olan 18 layihəni həyata keçirir. Müəssisə həmçinin sendviç panellər, sənaye isti su qazanları, günəş kollektorları, su qızdırıcıları, bazalt daş istilik izolyasiya materialları, qolf arabaları istehsal edir. 4000-dən çox işçisi olan “Texnopark” MMC Pietro Fiorentini (İtaliya), Samsung Electronics (Cənubi Koreya) və Ferroli (İtaliya) kimi iri beynəlxalq tərəfdaşlarla əməkdaşlıq edir.
“Texnopark” MMC-nin ixrac üzrə mütəxəssisi İqor Em şirkətin ixrac imkanlarını vurğulayaraq qeyd etdi ki, hazırda onun məhsulları MDB və Avropanın 10-a yaxın ölkəsində satılır. Azərbaycanlı jurnalistlər müəssisənin istehsal gücü, texnoloji prosesləri, istehsal olunan məhsullarla da tanış olublar. Mənbə: https://www.trend.az/azerbaijan/politics/4216289.html © 2026 Trend İnformasiya Agentliyi.
Xülasə — davamını mənbədə oxuyun.
