Ailə hüququ sahəsində beynəlxalq əməkdaşlığın və səmərəli elmi-praktik dialoqun inkişaf etdirilməsi, müasir və qabaqcıl təcrübələrin öyrənilməsi, eləcə də ailə institutunun hüquqi müdafiəsinin gücləndirilməsi məqsədilə Bakıda III Beynəlxalq Ailə Hüqu Konfransı keçirilib.
APA xəbər verir ki, Çağ Universiteti, İnjuria Hüquq Platforması, Hüquq və İnsan Haqları İnstitutu və Beynəlxalq Ailə Hüquqşünasları İnstitutunun birgə təşkilatçılığı ilə keçirilən konfrans ailə hüquq sahəsində fəaliyyət göstərən hüquqşünasları, hakimləri, vəkilləri, vasitəçilərini, elm və təhsil icmaiyyətinin nümayəndələrini, Milli Məclis deputatlarını, dövlət qurumlarının nümayəndələrini, eləcə də vətəndaş cəmiyyət institutlarını bir araya gətirdi.
Hüquq və İnsan Haqları İnstitutunun İdarə Heyətinin sədri Məhəmməd Quluzadə qonaqları salamlayaraq Azərbaycan və Türkiyə arasında hüquq sahəsində əlaqələrin möhkəmləndirilməsinin, beynəlxalq təcrübələrin öyrənilməsinin və qarşılıqlı təcrübələrin genişləndirilməsinin əhəmiyyətinə diqqət çatdırıb.
O bildirib ki, bu formatda keçirilən görüşlər ailə hüququnun aktual məsələlərinin müzakirəsi, peşəkar dialoqun inkişafı və gələcək əməkdaşlıq istiqamətlərinin müəyyənləşdirilməsi baxımından əhəmiyyətlidir.
Çağ Universitetinin rektoru, professor Murat Koç çıxışında qeyd edib ki, Mersin və Ankarada keçirilən I və II Beynəlxalq Hüquq Təşkilatı konfranslarının davamı olaraq Bakıda təşkil edilən III Beynəlxalq Hüquq Təşkilatı Konfransının ailə hüququnun aktual məsələlərinin beynəlxalq müstəvidə müzakirəsi baxımından mühüm platforma olduğunu qeyd edib.
Rektor bu cür elmi tədbirlərin Azərbaycan ilə Türkiyə arasında hüquq sahəsində əməkdaşlığın və qarşılıqlı əlaqələrin daha da möhkəmlənməsinə töhfə verdiyini vurğulayıb.
Xülasə — davamını mənbədə oxuyun.
