Türkiyənin keçmiş Baş naziri, Gələcək Partiyasının sədri Əhməd Davudoğlu haqqında araşdırma başlayıb.
Modern.az xəbər verir ki, Ankara Respublika Baş Prokurorluğu Davudoğlunun sosial şəbəkələrində paylaşılan və Türkiyə Prezidenti Rəcəb Tayyib Ərdoğana qarşı təhqir xarakterli ifadələr mövcud olan qiymətləndirilən sözləri ilə bağlı istintaq başlayıb.
Bildirilib ki, Davudoğlu barəsində Türkiyə Cinayət Məcəlləsinin prezidentə təhqiri nəzərdə tutan 299-cu maddəsinin 1-ci bəndi əsasında araşdırma aparılır. Həmin maddəyə əsasən prezidentə təhqir cinayətinə görə 1 ildən 4 ilədək həbs cəzası nəzərdə tutulur.
Qeyd edək ki, Əhməd Davudoğlu 2014-2016-cı illərdə Türkiyənin baş naziri olub. O, həmçinin uzun illər Ədalət və İnkişaf Partiyasının (AKP) rəhbərliyində təmsil olunub.
Xülasə — davamını mənbədə oxuyun.
