Özbəkistanda fəaliyyət göstərən "Texnopark" Azərbaycana lift və eskalatorların tədarükü üzrə danışıqlar aparır. "Report"un Daşkəndə ezam olunmuş müxbirinin verdiyi məlumata görə, bunu jurnalistlərə "Texnopark"ın ixrac şöbəsinin meneceri İqor Em deyib. "Hazırda lift avadanlıqları, eskalatorlar və iqlim avadanlıqlarının tədarükü ilə bağlı danışıqlar aparılır.
Lakin konkret nəticələr əldə etmək hələ mümkün olmayıb", - o bildirib. İqor Em qeyd edib ki, hazırda "Texnopark" Azərbaycana ildə təqribən 12-15 partiya polad panel radiatorlar ixrac edir. O bildirib ki, şirkət Azərbaycanda keçirilən sənaye sərgilərində iştirak edir, burada potensial tərəfdaşlarla danışıqlar aparır və ixrac həcminin artırılması imkanlarını müzakirə edir.
"Bizim Azərbaycanla əməkdaşlığı inkişaf etdirmək üçün böyük potensialımız və istəyimiz var. Öz tərəfimizdən bunun üçün lazım olan hər şeyi edəcəyik", - menecer əlavə edib.
Xülasə — davamını mənbədə oxuyun.
