Trend xəbər verir ki, ABŞ və İsrailin 28 fevral-7 aprel tarixləri arasında İrana endirdiyi aviazərbələr nəticəsində İranda həlak olan 3375 nəfərin şəxsiyyəti İranın Məhkəmə Tibb Təşkilatı tərəfindən müəyyən edilib. İranın Ədliyyə Tibb Təşkilatı Abbas Məscidinin məlumatına görə, şəxsiyyəti müəyyən edilənlərdən 2875-i kişi, 496-sı qadındır. Müharibə nəticəsində ən çox ölüm halı Tehran, Hormozqan və İsfahan əyalətlərində qeydə alınıb.
Məscidi əlavə edib ki, şəxsiyyətləri müəyyən edilənlərdən 7-si 1 yaşdan aşağı, 255-i 1-12, 121-i isə 13-18 yaş arasındadır. Təşkilatın nümayəndəsi bildirib ki, ölənlər arasında 1761 nəfər 19-40 yaş arasında, 907 nəfər 41-60, 223 nəfər isə 61 yaşdan yuxarıdır. Lakin ölənlər arasında Əfqanıstan, Suriya, Türkiyə, Pakistan, Çin, İraq və Livan vətəndaşları da var”.
ABŞ və İran arasında nüvə proqramı ilə bağlı konkret nəticələrin olmaması səbəbindən fevralın 28-də ABŞ və İsrail İrana qarşı hərbi hava hücumlarına başlayıb, İran isə həmin gün İsrail və ABŞ-ın bölgədəki obyektlərini raket və PUA-larla vurmağa başlayıb. Aprelin 7-də Pakistanın vasitəçiliyi ilə tərəflər arasında iki həftəlik atəşkəs razılaşması əldə olunub. Aprelin 11-də İslamabadda ABŞ və İran arasında keçirilən danışıqlar razılıq əldə olunmadan başa çatıb.
Mənbə: https://www.trend.az/iran/4173877.html © 2026 Trend İnformasiya Agentliyi.
Xülasə — davamını mənbədə oxuyun.
