İranın Energetika Nazirliyinin məqsədi elektrik enerjisini ÜDM-ə çevirməkdir. Bu barədə İranın Energetika Nazirliyi nazir Abbas Əliabadinin bu gün Kirmanşah vilayətində elektrik enerjisi layihələrinin başa çatdırılması və istismara verilməsi münasibətilə təşkil edilən tədbirdə söylədiyi sözlərə istinadən məlumat verib. Sənaye müəssisələrinin ciddi şəkildə elektrik enerjisi ilə təmin olunması üçün geniş yol xəritəsi hazırlanıb.
Belə ki, ölkədə daha çox ÜDM təmin etmək üçün sənaye obyektlərinin, fabriklərin tələbatı ödənilsin”, - deyən Əliabadi qeyd edib ki, elektrik enerjisi ilə təmin etmək üçün investisiya lazımdır.İnvestisiya cəlb etmək üçün sənaye sektorunun iqtisadi aspektində islahatlar aparılmalı, bu qiymətli məhsulun qiyməti dəyişdirilməlidir.
Elektrik enerjisinə qənaət etmək üçün motivasiya yaradılmalıdır. Elektrik enerjisinin qiyməti balanslaşdırılarsa, qənaət etməyə dəyər. Nazir həmçinin bəyan edib ki, İran bərpa olunan enerjinin istehsalı üzrə ən böyük potensiala malik ölkələrdən biridir.
Ölkədə müasir avadanlıq və qurğular istehsal olunub. İrana qarşı tətbiq edilən sanksiyalara və bütün çətinliklərə baxmayaraq, ölkə bu istiqamətdə səylərini davam etdirəcək. Əliabadi əlavə edib ki, “Hər ev bir elektrik stansiyası” devizi altında fəaliyyətlər davam edir.
Bu istiqamətdə bu gün Kirmanşah vilayətində 3 meqavatlıq günəş elektrik stansiyası istifadəyə verilir. Bu proses davam edəcək. Bu arada, bu gün Kirmanşah vilayətində elektrik enerjisi sənayesində 30 layihənin başa çatdırılması və istismara verilməsi ilə bağlı tədbir keçirilib.
Layihələrə ümumilikdə 31,9 trilyon rial (təxminən 20 milyon dollar) xərclənib. Mənbə: https://www.trend.az/business/4219515.html © 2026 Trend İnformasiya Agentliyi.
Xülasə — davamını mənbədə oxuyun.
