İran Şanxay Əməkdaşlıq Təşkilatının (ŞƏT) Parlament Assambleyasının yaradılmasını təklif edir. Bu barədə İran Prezidenti Administrasiyasının informasiya portalında İran prezidenti Məsud Pezeşkianın Qırğızıstanın paytaxtı Bişkekdə keçirilən ŞƏT sammitində çıxışına istinadən məlumat verilib. “İran ŞƏT-ə üzv dövlətlər arasında parlamentlərarası dialoqun gücləndirilməsi, qanunvericilik sahəsində təcrübə mübadiləsi və əməkdaşlığa dəstək məqsədilə ŞƏT-in Parlament Assambleyasının yaradılması təşəbbüsü ilə çıxış edib”, - o qeyd edib.
Pezeşkian bildirib ki, eyni zamanda təşkilatın terrorizm, radikalizm, yeni təhlükəsizlik təhdidləri ilə mübarizə imkanlarının gücləndirilməsinə ehtiyac var. Bununla bağlı İran ŞƏT-in təhlükəsizlik araşdırmaları üzrə strateji mərkəzinin yaradılmasını təklif edib. Bu mərkəz üzv ölkələrin elmi və ekspert imkanlarından istifadə etməklə, prosesləri dəyərləndirməklə, regional təhlükəsizlik və sabitliyin möhkəmləndirilməsi üçün konkret məsləhətlər verməklə köməklik göstərə bilər.
"İranın fikrincə, çoxtərəfliliyin gələcəyi dialoqun qorunub saxlanmasından və səmərəli əməkdaşlıq mexanizmlərinin yaradılmasından asılıdır. Bu baxımdan, regional və beynəlxalq əməkdaşlığı gücləndirmək üçün ŞƏT-in əhəmiyyətinin və mövqeyinin yüksəldilməsində fəal və konstruktiv iştirak etməyə hazır olduğunu bildirir və təşkilatın birliyinin, səmərəliliyinin möhkəmləndirilməsi istiqamətində yeni təşəbbüsləri dəstəklədiyini bildirir.
Mənbə: https://www.trend.az/iran/4219366.html © 2026 Trend İnformasiya Agentliyi.
Xülasə — davamını mənbədə oxuyun.
