İranın xarici işlər naziri Abbas Əraqçi bildirib ki, prezident Məsud Pezeşkian Azərbaycanla əlaqələrin daha da möhkəmləndirilməsi üçün bir vasitə kimi şəxsi ünsiyyət və dialoqa xüsusi önəm verir. Bu barədə İran prezidentinin mətbuat xidmətinin hesabatında deyilir. Əraqçinin sözlərinə görə, Pezeşkianın Azərbaycana səfəri ikitərəfli münasibətlərin inkişafında mühüm mərhələ olub və iki ölkə arasında qarşılıqlı fəaliyyətə yeni təkan verib.
O qeyd edib ki, bunda İran Prezidenti Məsud Pezeşkian ilə Azərbaycan Prezidenti İlham Əliyev arasında birbaşa və açıq dialoq mühüm rol oynayıb. Əraqçi vurğulayıb ki, liderlər arasında şəxsi ünsiyyət daha sıx qarşılıqlı anlaşmaya kömək edib və iki ölkə arasında əlaqələrin daha da inkişafı üçün əlverişli şərait yaradılıb. Onun sözlərinə görə, bu yanaşmanın mühüm nümunəsi Pezeşkianın Azərbaycan prezidenti İlham Əliyevlə telefon danışığı olub, İran lideri onu Azərbaycan dilində salamlayıb və bir neçə Azərbaycan atalar sözündən istifadə edib.
Pezeşkiyanın Azərbaycan prezidenti ilə telefon danışığı, Azərbaycan dilində salamlaması və bir neçə Azərbaycan atalar sözlərindən istifadə etməsi vəziyyəti tamamilə dəyişdi”, - deyə Əraqçi bildirib.İran XİN rəhbəri vurğulayıb ki, Pezeşkian dialoq və cəlb olunmasının əməkdaşlıq üçün yeni imkanlar açan və iki ölkə arasında qarşılıqlı anlaşmanı gücləndirən nəticələr verə biləcəyinə inanır.Mənbə: https://www.trend.az/azerbaijan/politics/4216106.html © 2026 Trend İnformasiya Agentliyi.
Xülasə — davamını mənbədə oxuyun.
