İran Xarici İşlər Nazirliyi ABŞ administrasiyasının ölkəyə qarşı tətbiq etdiyi yeni və hərtərəfli sanksiyalara sərt reaksiya verib. Bu barədə nazirliyin yaydığı yazılı məlumatda deyilir. Bəyanatda Vaşinqtonun bu addımı “iqtisadi terrorizm” və “insanlığa qarşı cinayət” kimi qiymətləndirilib. O qeyd edib ki, sanksiyaların elan edilməsi İranda 1953-cü il çevrilişinin ildönümünə təsadüf edib və ABŞ-ın İran xalqına qarşı onilliklər boyu davam edən siyasətinin növbəti təzahürüdür.
Bəyanatda həmçinin vurğulanıb ki, geniş iqtisadi və ticarət məhdudiyyətləri İran vətəndaşlarının fundamental hüquqlarına birbaşa təsir edir. Xarici İşlər Nazirliyi bildirib ki, son il yarım ərzində ABŞ və İsrailin İrana təzyiq göstərmək və Tehranı öz şərtlərini qəbul etməyə məcbur etmək cəhdləri baş tutmayıb. Nazirliyin fikrincə, bu cür hərəkətlər İran xalqının öz müstəqilliyini, ləyaqətini və milli suverenliyini müdafiə etmək əzmini zəiflədə bilməz.
Mənbə: https://www.trend.az/iran/4216683.html © 2026 Trend İnformasiya Agentliyi.
Xülasə — davamını mənbədə oxuyun.
