Mərkəzi Asiya enerji sistemindən elektrik enerjisi axınının kəskin dəyişməsi nəticəsində yaranan enerji balanssızlığı Qazaxıstanda fövqəladə mühafizə sistemlərini işə salıb, nəticədə bir sıra regionlarda elektrik enerjisi kəsilib. Bu barədə Qazaxıstan Energetika Nazirliyinin mətbuat xidmətinin yaydığı hesabatda bildirilir. “2026-cı il avqustun 14-də Mərkəzi Asiya enerji sistemindən elektrik enerjisi axınının kəskin dəyişməsi ilə əlaqədar enerji sistemində enerji artımı baş verib.
Nəticədə fövqəladə hallardan mühafizə sistemləri işə salınıb, bu da Qazaxıstanın bəzi regionlarında bir neçə istehlakçının elektrik enerjisinin kəsilməsinə səbəb olub”, - nazirlik bildirib. Nazirlikdən verilən məlumata görə, KEGOC sistem operatoru hazırda bərpa işləri aparır, bir sıra rayonlarda enerji təchizatı artıq bərpa olunub. Vəziyyət nazirliyin nəzarətindədir.
Bundan əvvəl KEGOC Qazaxıstanın Vahid Enerji Sistemində texnoloji nasazlığın baş verdiyini, bunun nəticəsində 500 kilovoltluq Aqadır-Ulken L-5300 və L-5320, həmçinin Aktoqay-Taldıkorqan L-5400 xəttinin ayrılması barədə məlumat vermişdi. Nəticədə Qazaxıstanın Vahid Enerji Sisteminin Cənub zonası və Mərkəzi Asiya enerji sistemi təcrid olunmuş şəkildə fəaliyyətə başladı. İlkin əməliyyat məlumatlarına görə, qəzaya Mərkəzi Asiya enerji sistemində baş verən elektrik enerjisinin artımı səbəb olub.
Qazaxstanda istehlakçılara elektrik enerjisinin verilməsində yaranan məhdudiyyətlər 2810 MVt həcmində qiymətləndirilib. KEGOC bərpa tədbirlərinə başladığını bildirib. Qaraqanda, Abay və Ulytau bölgələrində ümumi gücü 295 MVt olan məhdudiyyətlər artıq aradan qaldırılıb, enerji təchizatının tam bərpası üzrə işlər davam etdirilir.
Energetika Nazirliyi bərpa işlərinin gedişi ilə bağlı əlavə məlumatın daha sonra veriləcəyini bəyan edib. Mənbə: https://www.trend.az/casia/kazakhstan/4215151.html © 2026 Trend İnformasiya Agentliyi.
Xülasə — davamını mənbədə oxuyun.
