Norveçdə keçirilən silsilə mədəniyyət festivallarında Azərbaycanın zəngin mədəni irsi, musiqisi, ənənəvi rəqsləri, mətbəxi və adət-ənənələri nümayiş etdirilib. Komitənin dəstəyi, Oslodakı Azərbaycan Evinin və Norveç Azərbaycanlıları Gənclər Təşkilatının (NAYO) təşkilatçılığı ilə Osloda Qafqaz Mədəniyyəti - 2026 festivalı keçirilib. Azərbaycandan dəvət olunmuş “Ritm Dance Group”un rəqqaslarının çıxışları tamaşaçıların böyük marağına səbəb olub.
Proqramda Azərbaycan milli musiqisi də diqqət mərkəzində olub. Kamança ifaçısı, Drezden Simfonik Orkestrinin solisti, Norveç Musiqiçilər İttifaqının üzvü Şəbnəm Hüseyn ənənəvi Azərbaycan bəstələrini ifa edib. Oslodakı Nizami Gəncəvi adına azərbaycandilli həftəsonu məktəbinin şagirdləri vətənə, sülhə həsr olunmuş mahnılar ifa ediblər, tələbə Səlim Abbaszadə isə Azərbaycanın milli dəyərlərini əks etdirən rəsmlər təqdim edib.
Festival çərçivəsində Azərbaycanın dövlət rəmzləri, kəlağayı hicab nümunələri, milli atributlar və digər mədəni əşyalardan ibarət sərgi də təşkil olunub və bu, ziyarətçilərə ölkənin zəngin irsi ilə daha yaxından tanış olmaq imkanı verib. Osloda keçirilən digər multikultural tədbir olan ERAS Festivalı da müxtəlif xalqların mədəniyyətləri, musiqisi və adət-ənənələri ilə yanaşı, Azərbaycanın milli irsini də ön plana çıxarıb. “Ritm Dance Group”un Azərbaycan ənənəvi rəqslərindən ibarət çıxışları alqışlarla qarşılanmış, Şəbnəm Hüseynin milli musiqidən ibarət kamança ifaları isə bədii proqrama əlavələr vermişdir.
Musiqi və rəqs çıxışlarından sonra Oslodakı Azərbaycan Evinin sədri Ramil Əliyev iştirakçılara Azərbaycan musiqisi və mədəniyyəti haqqında danışıb. O, həmçinin qonaqları Azərbaycana səfərə və ölkənin zəngin tarixi və mədəni irsi ilə tanış olmağa dəvət edib. Norveçdə Azərbaycan mədəniyyətinin təbliği “Dünya uşaqları” mədəniyyət festivalında davam etdirilib.
Tədbirdə NAYO Azərbaycanın zəngin mədəni irsi, milli musiqisi və ənənəvi rəqsləri haqqında məlumat verib. Oslodakı Azərbaycan Evinin dəvəti ilə Azərbaycan Diasporla İş üzrə Dövlət Komitəsinin dəstəyi ilə iştirak edən “Ritm Dance Group”un rəngarəng çıxışları festivalın diqqət çəkən məqamlarından olub. İndi sizə xəbərlərlə xidmət etmək üçün buradayıq.
Çox xərc çəkmir, amma diqqətinizə dəyər. Açıq, müstəqil, keyfiyyətli jurnalistikanı dəstəkləməyi seçin və aylıq abunə olun. Onlayn qəzetimizə abunə olmaqla siz bütün xəbərlərə, təhlillərə və daha çox şeylərə tam rəqəmsal giriş əldə edə bilərsiniz.
Xülasə — davamını mənbədə oxuyun.
