Azərbaycanın qonaqpərvərliyi, mənzərəli Qəbələ və Bakının heyranedici gözəlliyi XV Qəbələ Beynəlxalq Musiqi Festivalında iştirak edən moldovalı sənətçiləri valeh edib. "Report" yerli "Noi" portalına istinadən xəbər verir ki, Moldovanın "Flueraş" xalq mahnı və rəqs ansamblının baş baletmeysteri Yuri Bivol səfərlə bağlı təəssüratlarını bölüşüb. Onun sözlərinə görə, hələ 2012-ci ildə bu mədəni tədbirdə çıxış etmiş "Flueraş" ansamblı bu ilki dəvəti böyük həvəslə qəbul edib.
"Biz üç xoreoqrafik quruluş - Moldovanın müxtəlif bölgələrindən rəqslər təqdim etdik. Əgər əvvəlcə tamaşaçılar bir qədər təmkinli idilərsə, çıxışımızın sonunda onlar nəzərəçarpacaq dərəcədə canlandılar, coşqu ilə alqışladılar və hətta səhnənin qarşısında Moldova xorasını ifa edən rəqqaslarımıza qoşuldular. Bu, inanılmaz bir enerji mübadiləsi idi", - Bivol deyib.
Yuri Bivolun sözlərinə görə, festival iştirakçıların yaddaşında təkcə parlaq çıxışlarla deyil, həm də xüsusi ab-havası və Qəbələnin mənzərəli təbiəti ilə qalıb. Tədbir başa çatdıqdan sonra moldovalı sənətçilərə Azərbaycanda daha bir gün keçirmək və Bakıda ekskursiyada olmaq imkanı yaradılıb.
Xülasə — davamını mənbədə oxuyun.
