Sabunçu rayonunda neft kəmərindən oğurluğa cəhd edən 2 nəfər saxlanılıb.
Modern.az DİN-ə istinadən xəbər verir ki, sentyabrın 2-də gecə saatlarında Sabunçu rayonu Maştağa qəsəbəsi, Savalan yaşayış massivinin yaxınlığından keçən magistral yeraltı neft kəmərində yanğın baş verməsi haqqında polisə məlumat daxil olub.
Yanğın söndürülükdən sonra əraziyə baxış zamanı neft kəmərinə qanunsuz müdaxilə məqsədilə əlavə avadanlıqların qurulduğu müəyyən edilib. Polis əməkdaşlarının həyata keçirdikləri tədbirlərlə neft kəmərinə qanunsuz müdaxilə edərək və ya oğurluğa cəhd göstərməkdə şübhəli bilinən 31 yaşlı Kənan Əliyev və əvvəllər məhkum olunmuş 29 yaşlı Araz Yaqubov müəyyən olunmuş saxlanılıblar.
Qeyd edək ki, yanğın hadisələrinin də məhz bu şəxslərin neft kəmərinə qanunsuz müdafiə səbəbindən baş verdiyi müəyyən edilib.
Xülasə — davamını mənbədə oxuyun.
