Azərbaycan Respublikasının Prezidenti İlham Əliyev Malayziyanın Kralı Sultan İbrahimə təbrik məktubu ünvanlayıb. Məktubun mətni Azərbaycan Prezidentinin rəsmi saytında dərc olunub. Malayziyanın milli bayramı – Müstəqillik Günü münasibətilə Sizə və Sizin simanızda bütün Malayziyanın xalqına şəxsən öz adımdan və Azərbaycan xalqı adından ən səmimi təbriklərimi yetirməkdən məmnunluq duyuram.
Azərbaycan ilə Malayziya arasında dostluq və qarşılıqlı hörmət ənənələrinə əsaslanan tərəfdaşlıq münasibətlərinin hazırkı səviyyəsi sevindiricidir. İnanıram ki, Azərbaycan-Malayziya dövlətlərarası münasibətləri və qarşılıqlı faydalı əməkdaşlığımız bundan sonra da həm ikitərəfli, həm də beynəlxalq təşkilatlar çərçivəsində uğurla inkişaf edəcək və genişlənəcəkdir. Bu xoş gündə Sizə möhkəm cansağlığı, xoşbəxtlik, ali dövləti fəaliyyətinizdə uğurlar, dost Malayziya xalqına davamlı sülh, rifah və firavanlıq arzulayıram”, - məktubda deyilir.
Mənbə: https://www.trend.az/azerbaijan/politics/4219073.html © 2026 Trend İnformasiya Agentliyi.
Xülasə — davamını mənbədə oxuyun.
