Azərbaycan Respublikasının Prezidenti İlham Əliyev 2026-cı il avqustun 23-24-də Özbəkistan Respublikasında dövlət səfərindədir. Azərbaycanın xarici siyasəti Mərkəzi Asiya ölkələri, o cümlədən Özbəkistanla əlaqələrin inkişafına xüsusi önəm verir. İki ölkə arasında dostluğa, qardaşlığa əsaslanan münasibətlər indi müttəfiqlik münasibətləri səviyyəsinə çatıb.
Azərbaycan və özbək xalqlarının ortaq tarixi, dili, dini, mədəniyyəti və adət-ənənələri var. Bu yaxınlıq iki ölkə arasında siyasi, iqtisadi, humanitar və digər sahələrdə əlaqələrin inkişafı üçün möhkəm zəmin yaradıb. Azərbaycan-Özbəkistan əlaqələrinin inkişafında ümummilli lider Heydər Əliyevin də böyük xidmətləri olmuşdur.
Onun 1997-ci il iyunun 18-19-da Özbəkistana rəsmi səfəri ikitərəfli əməkdaşlığın gələcək istiqamətlərinin müəyyənləşdirilməsində mühüm rol oynamışdır. Prezident İlham Əliyevin siyasi iradəsi və diqqəti ilə iki ölkə arasında münasibətlər yeni inkişaf mərhələsinə qədəm qoyub. Prezident İlham Əliyev ilə Özbəkistan Prezidenti Şavkat Mirziyoyev arasında qarşılıqlı etimada və hörmətə əsaslanan münasibətlər əməkdaşlığın genişlənməsinə mühüm töhfə verir.
Son beş ildə Prezident İlham Əliyev Özbəkistana iki dövlət və dörd işgüzar səfər edib. Həmin müddət ərzində prezident Şavkat Mirziyoyev Azərbaycana iki dövlət və yeddi işgüzar səfər edib. Belə intensiv siyasi dialoq iki ölkə arasında münasibətlərin yüksək səviyyədə olduğunu nümayiş etdirir.
Son illər iki ölkə arasında strateji tərəfdaşlıq və müttəfiqlik münasibətlərinin hüquqi bazası da xeyli genişlənib. Çoxlu sənədlər, o cümlədən Strateji tərəfdaşlığın dərinləşdirilməsi və hərtərəfli əməkdaşlığın genişləndirilməsi haqqında Bəyannamə, Ali Dövlətlərarası Şuranın yaradılması haqqında Müqavilə, Müttəfiqlik Münasibətləri haqqında Müqavilə imzalanmışdır. Azərbaycanla Özbəkistan arasında ümumilikdə 220-yə yaxın sənəd imzalanıb.
Azərbaycan və Özbəkistan beynəlxalq və regional təşkilatlar çərçivəsində də səmərəli əməkdaşlıq edirlər. İki ölkə BMT, İslam Əməkdaşlıq Təşkilatı, Türk Dövlətləri Təşkilatı, İqtisadi Əməkdaşlıq Təşkilatı, Qoşulmama Hərəkatı və digər çoxtərəfli platformalar çərçivəsində qarşılıqlı fəaliyyət göstərir. Mərkəzi Asiya dövlət başçılarının Məşvərət Görüşləri də Azərbaycanın Mərkəzi Asiya ölkələri ilə əməkdaşlığının dərinləşdirilməsi baxımından xüsusi əhəmiyyət kəsb edir.
Xülasə — davamını mənbədə oxuyun.
