Qazaxıstan Prezidenti Kasım-Jomart Tokayev Azərbaycanın Qazaxıstanda yeni təyin olunmuş fövqəladə və səlahiyyətli səfiri Alimirzamin Əsgərovun etimadnaməsini qəbul edib, Qazaxıstan prezidentinin mətbuat xidməti məlumat yayıb. Mərasim Astanadakı Müstəqillik Sarayında bir sıra ölkələrin səfirlərinin etimadnaməsini təqdimetmə mərasimi çərçivəsində keçirilib. Görüşdə Tokayev Qazaxıstanın Azərbaycanla əlaqələrin daha da möhkəmləndirilməsində və çoxşaxəli əməkdaşlığın genişləndirilməsində maraqlı olduğunu vurğulayıb.
Dövlət başçısı Qazaxıstanın beynəlxalq əməkdaşlığın inkişafına sadiq olduğunu qeyd edərək, səfirlərə ölkənin iqtisadi potensialı, həyata keçirilən siyasi islahatlar, xarici investisiyaların cəlb edilməsinə yönəlmiş tədbirlər barədə məlumat verib. Tokayev vurğulayıb ki, Qazaxıstan xarici investorlara qarşı açıq qapı siyasətini davam etdirir və ölkədə fəaliyyət göstərməkdə maraqlı olan beynəlxalq şirkətlərə şərait yaradır. Təbii ki, biz bütün xarici sahibkarları, eləcə də Qazaxıstana gəlib burada fəaliyyət göstərmək istəyən iri şirkətləri salamlayırıq.
Bildiyiniz kimi, dünyanın demək olar ki, bütün iri beynəlxalq şirkətləri artıq bizim bazarda təmsil olunur. Əminəm ki, bu əsaslı siyasət bundan sonra da davam edəcəkdir. Biz xarici investisiyalarla bağlı qəti və ardıcıl olaraq açıq qapı siyasəti yürütmək niyyətindəyik”, - Tokayev bildirib.
Qazaxıstan lideri ölkənin xarici siyasət prioritetlərini də açıqlayıb, Qazaxıstanın sülhsevər xarici siyasət kursunu davam etdirdiyini, regional və beynəlxalq səviyyədə əməkdaşlıq və dialoqu dəstəklədiyini qeyd edib. Tokayev Qazaxıstanda davam edən islahatların və transformasiya proseslərinin beynəlxalq tərəfdaşlarla əməkdaşlığın genişləndirilməsinə töhfə verəcəyinə əminliyini ifadə edib. Mərasim zamanı etimadnamələri Moldova, Vyetnam, Cənubi Koreya, Cənubi Afrika Respublikası, Slovakiya, Almaniya, Sloveniya və Namibiyanın səfirləri də təqdim ediblər.
Mənbə: https://www.trend.az/casia/kazakhstan/4216271.html © 2026 Trend İnformasiya Agentliyi.
Xülasə — davamını mənbədə oxuyun.
