Qazaxıstan xarici işlər nazirinin müavini Arman İsaqaliyev və İsrailin Qazaxıstandakı səfiri Yoav Bistritski ikitərəfli əməkdaşlığın daha da genişləndirilməsi perspektivlərini müzakirə ediblər, Qazaxıstan Xarici İşlər Nazirliyinin mətbuat xidmətindən bildiriblər. "Görüş zamanı tərəflər aktual regional və beynəlxalq məsələlər ətrafında fikir mübadiləsi aparıb, siyasi, ticarət-iqtisadi və investisiya sahələrində ikitərəfli əməkdaşlığın daha da genişləndirilməsi perspektivlərini müzakirə ediblər", - nazirlikdən bildirilib. Tərəflər həmçinin ən yüksək və yüksək səviyyədə əldə olunmuş razılaşmaların icra vəziyyətini nəzərdən keçirib, qarşıdan gələn tədbirlərin qrafikini razılaşdırıblar.
Bundan əvvəl Yoav Bistritski Trend-ə eksklüziv müsahibəsində bildirib ki, Qazaxıstanın İbrahim sazişlərinə qoşulması İsraillə müxtəlif sektorlar üzrə əməkdaşlıq üçün yeni imkanlar açacağı gözlənilir. 2025-ci ilin noyabrında Qazaxıstan İbrahim Sazişlərinə qoşulmaq niyyətini rəsmən elan etdi. "Qazaxıstan və İsrailin 34 ildir diplomatik əlaqələr saxlamasına baxmayaraq, biz İbrahim razılaşmalarına qoşulmağın yeni imkanlar açacağına inanırıq", - səfir bildirib.
Səfir izah edib ki, bu addım iki ölkəni daha da yaxınlaşdıracaq, əməkdaşlıq səviyyəsini yüksəldəcək və kibertəhlükəsizlik, rəqəmsal texnologiyalar və süni intellekt kimi yeni sahələrdə iştiraka imkan yaradacaq, eyni zamanda su idarəçiliyi və ərzaq təhlükəsizliyi daxil olmaqla, region üçün strateji əhəmiyyətli sektorlarda potensial yaradacaq. Mənbə: https://www.trend.az/casia/kazakhstan/4215083.html © 2026 Trend İnformasiya Agentliyi.
Xülasə — davamını mənbədə oxuyun.
