Qazaxıstan xarici işlər nazirinin müavini Yermuxambet Konuspayev Azərbaycanın Qazaxıstana yeni təyin olunmuş səfiri Alimirzamin Əsgərovun etimadnaməsinin surətlərini qəbul edib, Qazaxıstan Xarici İşlər Nazirliyindən bildiriblər. "Görüş zamanı tərəflər siyasi, ticarət-iqtisadi, mədəni-humanitar sahələrdə ikitərəfli əməkdaşlığın daha da gücləndirilməsi perspektivlərini, həmçinin ikitərəfli tədbirlərin qarşıdakı cədvəlini müzakirə ediblər", - nazirlikdən bildirilib. Görüşdə iki ölkə arasında beynəlxalq təşkilatlar çərçivəsində əməkdaşlığın aktual məsələləri ətrafında da fikir mübadiləsi aparılıb.
Görüşün sonunda səfir dövlətlərarası münasibətlərin strateji tərəfdaşlıq və müttəfiqlik münasibətləri ruhunda davamlı şəkildə inkişaf etdirilməsi üçün hər cür səy göstərməyə hazır olduğunu qeyd edib. Bundan əvvəl Qazaxıstanın ticarət və inteqrasiya nazirinin müavini Aset Nusupov Trend-ə eksklüziv müsahibəsində bildirib ki, Qazaxıstan-Azərbaycan münasibətləri öz tarixinin ən dinamik dövrlərindən birini yaşayır. “2024-cü ilin sonuna ikitərəfli ticarət dövriyyəsi 536 milyon dollar təşkil etdiyi halda, 2026-cı ilin yanvar-may aylarında qarşılıqlı ticarət artıq 150 milyon dolları ötüb.
Bu temp qorunub saxlanılarsa, 1 milyard dollar həddinə doğru inamla irəliləməyə imkan verəcək”, - deyə o bildirib. Onun sözlərinə görə, bu məqsədə nail olmaq üçün konkret alətlər toplusu, o cümlədən Ticarət-İqtisadi Əməkdaşlığın İnkişafı üzrə Yol Xəritəsi hazırlanıb. Nazir müavininin qeyd etdiyi kimi, sənəd ticarət səbətinin şaxələndirilməsini, xüsusilə ixrac məhsullarının dar çeşidindən asılılığın azaldılmasını və Qazaxıstanın qeyri-resurs mallarının Azərbaycan bazarında mövcudluğunun genişləndirilməsini nəzərdə tutur.
Digər bir istiqamət biznes missiyaları və sənaye sərgiləri, o cümlədən QazTrade SC-nin iştirakı ilə birbaşa B2B əlaqələrinin inkişafıdır. Bundan əlavə, yol xəritəsində beynəlxalq avtomobil daşımaları üçün artıq iki ölkə tərəfindən elan edilmiş rəqəmsal icazə sisteminin tətbiqi nəzərdə tutulur. Rəqəmsal gömrük rəsmiləşdirilməsi sistemlərinin sinxronlaşdırılması da nəzərdə tutulub ki, bu da inzibati maneələrin azaldılmasına və yüklərin emal müddətinin qısalmasına kömək edəcək.
"Beləliklə, Azərbaycan logistika, ticarət və enerji sahələrində bizim üçün strateji tərəfdaşdır. Biz əminik ki, ikitərəfli münasibətlərin potensialı hazırkı rəqəmləri əhəmiyyətli dərəcədə üstələyir və bizdə bunu reallaşdırmaq üçün bütün alətlər var", - A. Mənbə: https://www.trend.az/casia/kazakhstan/4215137.html © 2026 Trend News © 2026
Xülasə — davamını mənbədə oxuyun.
