Tacikistan və ABŞ ikitərəfli əməkdaşlığın cari məsələlərini müzakirə ediblər. Tacikistan prezidentinin mətbuat xidmətinin məlumatına görə, bu barədə bu gün Bişkekdə Tacikistan Prezidenti Emoməli Rəhmon, ABŞ-ın Mərkəzi və Cənubi Asiya məsələləri üzrə xüsusi elçisi Sercio Qor və ABŞ-ın respublikaçı senatoru, Senatın enerji və təbii ehtiyatlar komitəsinin üzvü Stiv Daynes arasında keçirilən görüşdə müzakirə olunub. "Görüş zamanı iki ölkə arasında əməkdaşlığın cari məsələləri müzakirə olunub", - məlumatda deyilir.
Emoməli Rəhmon deyib ki, Tacikistan C5+1 mexanizminin regional dialoq və əməkdaşlıq üçün mühüm platforma kimi rolunu yüksək qiymətləndirir. Danışıqlarda ticarət-iqtisadi əməkdaşlığın inkişaf etdirilməsi, o cümlədən energetika, sənaye və mədənçıxarma sektorlarına investisiyaların cəlb edilməsi üçün əlverişli şəraitin yaradılması müzakirə edilib. Bundan başqa, tərəflər regionda və dünyada təhlükəsizlik və sabitlik, münaqişələrin siyasi və diplomatik yollarla həlli yollarını müzakirə ediblər.
Görüşdə qarşılıqlı maraq doğuran digər məsələlər ətrafında fikir mübadiləsi aparılıb. Mənbə: https://www.trend.az/casia/tajikistan/4219236.html © 2026 Trend İnformasiya Agentliyi.
Xülasə — davamını mənbədə oxuyun.
