agabalaeev

308 0 0 0

10. nəsil yazar

Entry: 308

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

unudulmaz film səhnələri

+26 əjdaha

ögey ana filmində ismayılın rəhmətə getmiş anasının divardakı şəklinə baxıb ağlaması. ailəlikcə hər o filmi izləyəndə həmin səhnə gələnə yaxın anam "biraz qabağa at" deyirdi. səbəbini anlamırdım. bir dəfə elə oldu ki atamla mən baxası olduq filmə. həmin səhnə gəldi. gördüm ki kişinin gözləri dolub, yanağından yaş süzülür. gizləməyə çalışır. ilk dəfəydi ki onu belə görürdüm. heç ümumiyyətlə onun ağladığını görməmişdim. hər şeyi içinə atırdı. nənəmi qəfil itirmişdik. görməməzlikdən gəlib filmə baxmağa davam etdim. bəlkədə buna görə unudulmaz bir film səhnəsi olaraq qalacaq

23 əjdaha! 15.06.2022 00:44, agabalaeev

#351678 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

oğlanlardan oğlanlara tövsiyələr

+23 əjdaha

bir qızla yaşadıqlarınızı heçkəslə paylaşmayın. fərqi yoxdu qədeşlər, istəyir sevgiliniz olsun, fuckbuddy və yaxud pul qarşılığında ehtiyacınızı ödəyən birisi. aranızda nələr yaşanıbsa ikinizin arasında qalmalıdır. hərdən dost tanış detallarına kimi danışır qürurla. doğru hərəkət deyil bu, üstəlik kənardan eşidildikdə iyrənc təəssürat yaradır

21 əjdaha! 21.08.2022 20:49, agabalaeev

#357828 şikayət

sahibsiz əşya və şübhəli şəxs

+16 əjdaha

quşlar cəh-cəh vurub eləmirdi. nə də günəşin şüaları gözümə düşürdü. xlor satanın səsinə oyanmışdım. yenə bir bazar ertəsi daha. güllü-çiçəkli yorğan bütün bədənimi ələ keçirmişdi. düyünlərini açıb yataqdan qalxaraq bir-başa mətbəxə keçib soyuducunu açdım. 1 həftə bundan əvvəl araz marketdən aldığım şoru çıxardım. bir bibidən almışdım. düzü bibidən şübhələnirəm. mənə qəribə baxır hər dəfə. nəysə. bibini düşünmək üçün vaxtım azdı. tələsməliyəm. siyirtmədən çay qaşığını götürüb şordan biraz yedim. zibilə qalsın. suyunu buraxmışdı. götürdüyüm kimidə soyuducuya atdım. dadı qəribə idi. yemək üçün başqa nə var nə yox deyə şkafı qurcalamağa başlamışdım ki, balaca qardaşımın xırda nesquik topları gözümə sataşdı. çoxdandı yeməmişdim. necə hazırlayırdılar bunu? qutunun üstündə süd şəkli var idi. hə hə xatırlayırdım. südü içinə töküb yeyirdik deyəsən. amma süd yox idi. onun yerinə çaydandan su töküb tələsik yeyib bitirdim. dadlı idi əslində. sonra mətbəxdən çıxıb paltarlarımı geyindim və həyətə düşdüm. dişlərimi fırçalaya-fırçalaya pişiklərimə baxırdım. biri yenə hamiləydi. sayları günü-gündən artırdı. işləri gücləri ancaq yemək, yatmaq birdə çoxalmaqdı. deyəsən evimizi ələ keçirəcəklər.

çantamıda götürüb yola qoyuldum. yol boyunca insanları müşahidə edirdim. insanlar yenə qaşqabaqlıydı. bir xala mənə elə baxırdı ki, dedim döyüb eləyəcək bu dəqiqə. nə olub görəsən insanlara? heç kəsin üzü gülmürdü. məncə haqlıydılar da. həyat çox sıxıcı və yorucudu..

birdən birə məni valeh etmişdi. o qoxu, o ləzzət.. manatlıq dönər almağa qərar verdim. doymadığımın fərqinə vardım. lavaşda bir dənəsini gillətdikdən sonra əhmədlinin müqəddəs tunelinə daxil oldum. tonla insan içəri axın edirdi. qatarların səsi və əsən o qəribə qoxulu metro küləyi. hər səfərində o nostaljik hissi yaşadır. metroda itən o balaca uşaqlıq illərim.. bakıkartda balansımın artıqlamasıyla dolu olduğundan, əmin addımlarla keçmək istəyirdim ki, polis əminin sumkamı istədiyini gördüm. o çantaları yoxlayan şeyin adı nədi bilmirəm ora qoydum yüngül çantamı. maraqlıydı görəsən içindəkiləri kompyuterdə göstərir? onsuzda içində elədə bir şey yox idi. sadəcə iş forması və üç dörd dənə ədv çekiydi. çantamdan nəşə çıxmadığına məyus olan polis məni buraxdı. tam kartı vurub keçirdim ki dərnəgül qatarının qapılarının açıldığını gördüm. böyük ehtimal çata bilərdim. amma özümü yormayacam. birazda qaçışan insanları izləməyə qərar verdim. bir dənə qaqaşın əli qapının arasında əzilmişdi. kimisi də qapı bağlandığı üçün biri içəridən, biri də çöldən şüşədən baxışıb gülüşürdülər. metronu buna görə sevirəm əslində. hər gün yeni insanlarla tanış olma şansı və yeni macəralar..

iki üç dəqiqə sonra içərişəhər qatarının taqqıltısı eşidilirdi. arxa planda yenə həmin sözləri təkrarlayan qadının səsi eşidildi: "hörmətli sərnişinlər. metropoliten ərazisində şübhəli şəxslər gördükdə, habelə stansiyalarda və vaqonlarda sahibsiz əşya aşkar etdikdə dərhal polis əməkdaşlarına və yaxud metropoliten işçilərinə məlumat verməyinizi xahiş edirik." qatarı gözləyən insanların sayı artmışdı. qatarın vaqonları sürətlə gözümün önündən keçirdi. mənzərə ürək açan deyildi. vaqonlardakı insan sayı çox idi. hər nə də olsa gözlənilən haldı. hamı işə tələsirdi. qatar dayanan kimi özümü içəri atdım. daha əvvəlki kimi insanlara yol vermirdim. çünki hər dəfə gentleman'lik edib qadınlara içəri keçməsi üçün yol verdikcə özüm arxaya düşüb çöldə qalırdım. biraz sonra qatar hərəkətə keçmişdi..

cəmi 3 stansiya sonra blinçikə dönmüşdüm. insanlar vaqonlarda bir birinə təcavüz edirdi. gombul bibilər mənə rəhm etmirdi. qabırğalarım sıxılırdı. əslində, bu bibilər azərbaycanı təmsil edə biləcək sumo güləşçiləri ola bilərlər. bir təhər bağlı qapılara tərəf keçib söykəndim. ən azından insanların arasında sıxılmaqdan yaxşıydı. lakin yanımda dayanmış şəxs diqqətimi çəkirdi. maraqlıdı ki, nə əcəb sadəcə mən ona baxırdım. ətrafdakıların elədə diqqətini çəkməmişdi. yay vaxtı şlyapa və plaş geyinmiş şəxs əlindəki bənövşəyi çantayla dayanmışdı. turist zad idi bəlkədə. amma əmin olmaq çətin idi. böyük eynəyi sifətini gizləyirdi. şübhəli görünürdü..

qatarı dəyişmək üçün 28'də insan dalğasıyla birlikdə düşdüm. biraz nəfəsimi dərib telefona gəlmiş bildirimlərə baxdım. ordumun mənə ehtiyacı var idi. bilirəm amma bağışlayın, vaxtım yoxdu. yandakı oturacaqda oturub sonrakı qatarı gözləməyə başladım. qəribədi.. bayaqkı o çanta. şübhəli görünən şəxsin çantası düz ayağımın dibində, divarın küncünə söykənmiş halda dayanmışdı. xatırlamağa çalışdım. o da mənimlə birgə düşmüşdü ki? bəlkə də burda qoyub getmişdi, yadından çıxmışdı. çantanı götürüb polisə yaxınlaşmağa qərar verdim...

10 əjdaha! 31.07.2022 02:19, agabalaeev

#355610 şikayət

yazarların hazırda harada olub nə etdikləri

+17 əjdaha

istirahət məqsədiylə rayona gəlmişəm guya. indidə həyatı sorğulayıram. fərqli bir topluluğun içinə düşmüşəm. soyuducudakı yumurtaların arasında qalmış yarım limon kimiyəm. oturub toy kasedlərinə baxırıq. mənə deyirlər sən nə vaxt tərpənirsən? səbəb? bunlar oynamağa toy axtarırmış. zarafat etmirlər. ciddi-ciddi deyirlər. qızını mənə vermək istəyən bibi var idi. qızı məndən 10 yaş balacadı. deyir böyüyəcək alarsan. eləbil məhsul zad alıram. başqa taliplərdə var imiş. deyəsən şəhərdən gələnlərə böyük adam kimi baxırlar. arada çıxıram gəzirəm belə maraqlı yerdi. insanları çox istiqanlıdı. arada ayaq uydurmaq üçün onların ləhçəsindən istifadə edirəm. bu dəfə inək zad otarmağa getməsəmdə, ağac doğramağa göndərdilər. ağacla biryerdə əlimidə doğradım. balta eləbil m.ö qalıb. günəşin altında gəzməkdən irqim dəyişdi.

14 əjdaha! 12.08.2022 15:57, agabalaeev

#357027 şikayət

sözlükdə ateist yazarların üstünlük təşkil etməsi

+19 əjdaha

nəyinki sözlükdə, bir çox sosial mediada, platformada üstünlük təşkil edirlər və bunu normal qarşılayıram. səbəbləri çox sadədir. amma əsas məsələ müsəlmanların/inanclıların bu cür yerlərdə özlərini ifadə etməkdə çətinlik çəkməsi və fikir bildirməməsidir. müşahidələrimə əsasən "inanclı" insanların çoxu cahildir. bəli acı da olsa həqiqət budur. araşdırmırlar, nə üçün inandıqlarını sorğulamırlar və bu cəsarəti özlərində görmürlər. din, tanrı və s. mövzularda müzakirə etməyə çəkinirlər ki, məncə bunun səbəbi lağa qoyulacağı, mağara adamı kimi görünəcəyi qorxusudu.(amma kim bilir, az ehtimalla da olsa bəlkədə artıq ateistlərlə debata girməkdən bezib). bir vaxtlar məndədə bu problem var idi. amma indi vecimədə deyil. qoy lağa qoysunlar, təhqir etsinlər nə istəyirlərsə. sən əgər həqiqətən inanclısansa keyfiyyətin özünü göstərəcək. əgər doğru olduğuna inandığın bir şey varsa, heç nədən çəkinmə. sorğula,araşdır, müzakirə et və öyrən. yalnız olsan belə qorxma, tək döyüş)

16 əjdaha! 04.09.2022 02:06, agabalaeev

#358659 şikayət

dovşan

+15 əjdaha

tanış qədeşə ad günündə dişi dovşan hədiyyə vermişdilər. bir adama niyə ad günü hədiyyəsi olaraq dovşan alsınlar bu da ayrı sualdı. o da verdi mənə ki, bəs sizdə həyət evidi saxlayarsız. bu gah evə girib çıxırdı, gah da həyətdəki yarpaqları şumlayırdı. dedim sap qalmasın bir erkək dovşan alaq başı qarışsın. etməz olaydım. bir neçə ay ərzində artıq dovşan ferması açmışdım deyə bilərəm. həyətdə torpağa ayaq basırsan çökür yıxılırsan. uzun tunellər, yolunmuş tüklər və tonla bala dovşan. anası torpağı qazıb içəridə doğurdu, məndə ordan toplayıb yeşiyə yığıb evə gətirirdim. evdə özüm baxıb yetişdirirdim. anasını vaxtaşırı içəri salıb əmizdirməsi üçün şərait yaradıb yenidən geri qaytarırdım. ta ki balalar böyüyənə qədər. əslində anası özü balalarını təkbaşına böyüdə bilərdi. ancaq səbəb bu idi ki, həyətimizdə dəhşət siçovul basqınları olurdu. torpağın altından balaları tutub parçalayırdılar. hətta bir dəfə dovşan tapdığımı zənn edib siçovul balası tapmışdım. istədim öldürüm, amma hər nə qədər düşmən tayfasından olsa da rəhmim gəldi dəymədim. yatdığım yerdə bala dovşanlar gəlib saçımı yeyirdilər. hətta yadıma düşür bir dəfə anası gizli yerdə doğmuşdu deyə balalarının birindən başqa hamısı öldürülmüşdü. o həmin bir dənəsi sağ qalmışdı necəsə. bu tək başına çölə çıxan kimi tutdum gətirdim evə qorumaq üçün. bu tək mənimlə ünsiyyətdə olurdu deyə heç qorxu yox idi bunda. ayrı qala bilmirdi məndən. əhliləşdirilmiş it kimi idi. amma yetimi axırda küçə pişiyi yemək istədiyi anda çatdırdım özümü. lakin gec idi. pəncəsiylə vurub yaralamışdı. gördüm yerdə çabalayır can verir. birazda çırpınıb öldü. pis mənzərə idi. oğlum kimiydi. onu xüsusi olaraq dəfn etmişdim. sonralar sayları artdıqca iç savaşlar çıxmağa başladı. bir birini öldürürdülər. azmış kimi toyuq hinimizi gəmirib dağıdırdılar. sayları əlliyə altmışa çıxmışdı qısa müddət ərzində. artıq baxmağa gücüm çatmırdı deyə əlac olaraq sata bildiyimi lalafoda satdım, yerdə qalanıda kəsib yedim.

13 əjdaha! 11.08.2022 11:13, agabalaeev

#356916 şikayət

sözaltı günlük

+14 əjdaha

vaxt çox tez keçir sözlük. uzun müddət sonra bu gün kəndimizə, dayı gilə getmişdim. saçı başı ağarıb kişinin. yenədə o köhnə zarafatlarından qalmır, amma bilinirki o deyil. iş, güc, problem çökdürüb. ilk dəfə nənəm və babamın məzarlarına getdim. yan yana dayanmış şəkilləri mənə baxırdı önümdə. bizimkilər daşını öpdülər. mən isə bir müddət dayanıb dua etdim. bəlkədə nənəm məni indi görsəydi, qürur duyardı. babamda yaxşı biriydi amma çox imkan olmadı vaxt keçirməyə. heyif ki ikinizdə tez getdiniz. böyüdüyüm o yollar, o çəpərlərə baxdıqca nostaljik hisslər məni boğurdu. ehh uşaqlıq. onların deyimiylə mağarın altında şıllaq atdığım günlər üçün darıxdım. uşaqlarla ağaclara daş atdığımız günlər üçün. toyuq cücələri qovaladığımız günlər üçün.. kənd xalqıyla görüşdükcə daha əvvəlki kimi o həyəcan hissi gəlmir. sadəcə xatirələr canlanırdı gözümün önündə. bir qədeş var idi qohumdu. vaxt var idi bizdə qalırdı hər gecə cola, tum alırdı səhərə kimi söhbət edib deyib gülürdük. gözümü yumdum açdım ki evlidi, bir qızı da var. çoxlarına anormal gəlsə də, körpə uşaqları sevmə, öpüb qucaqlama kimi şeylər məndə yoxdu. mən uşaqlara, körpələrə adi yad insanlar kimi yanaşıram. buna görə duyğusuz deyirlər mənə. amma qədeşin balaca qızını görəndə bir anlıq doğmalıq hissi gəldi. baxıram deyirəm hardansa kiməsə oxşadıram. birdən yadıma düşdü ki, köhnə sevgimin əvvəl göstərdiyi uşaqlıq şəklindəki halına oxşayır. eyni toppuş yanaqlar, eyni gözlər.. çox ənqrəbadi hiss etdim.. hər şey gözümün önündən film lenti kimi keçirdi. hər anın dadını çıxarmaq lazımdı. keçmiş sadəcə pis və yaxşı xatirələrlə doludur. uşaqlıqda keçirdiyim o gözəl duyğuları yenə yaşaya bilməyəcəm, bilirəm. amma əsas odur ki, yaşadıqlarımı hər zaman xatırlayıb gülümsəyəcəm...

13 əjdaha! 06.08.2022 22:45, agabalaeev

#356262 şikayət

amerika deyiləndə ağıla gələn şeylər

+12 əjdaha

belə bir mənzərə canlanır gözlərimin önündə: qar yağır, bir-birinə oxşayan böyük bacalı evlərin ətrafına işıqlar düzülüb. ailədəki uşaqlar sevinclə yataqlarından qalxıb qaçaraq yolkanın altındakı hədiyyələri açırlar. uşaqların valideynləri onlara baxaraq gülümsəyib qucaqlaşırlar

11 əjdaha! 29.06.2022 09:34, agabalaeev

#352812 şikayət

yazarların bacarmadığı sadə şeylər

+10 əjdaha

yazarların cinsiyyətini tutuzdura bilməmək/qarışdırmaq

9 əjdaha! 03.09.2022 02:08, agabalaeev

#358618 şikayət

ömründə steyk yeməyən insan

+10 əjdaha

hər zaman dadı mənə maraqlı gəlmişdir. ixtisasım aşbaz olduğu üçün pulsuz yoxlamaq bu günə qismət oldu. fikrimi soruşsaz, abardıldığı qədər deyilmiş. nə pis nə yaxşı. orta bir şey. ciddi deyirəm, mən yenədə aftoşun manatlıq lavaş dönərini seçirəm
(baxma: xeyri yoxdu, ruhumuz kasıbdı )

9 əjdaha! 15.06.2022 00:09, agabalaeev

#351672 şikayət

azərbaycana və ya azərbaycanlılara xas xüsusiyyətlər

+11 əjdaha

fikir vermişəm kənd yerinin adamlarında daha çox olur. nəyi var dirəşmək. fərqi yoxdu bu müzakirədədə ola bilər, hansısa bir qərarı vermək istəyəndədə. dəxli oldu olmadı işinə qarışıb üstəlik dirəşəcəkki bunu etmə, mən deyəni elə və s. kimi. çalışırsan insani dillə başa salasan yox alınmır. baxırsanki heç o şəxsin burda nə xeyri var nə də ziyanı. amma gəl görki mənasız qarışıb burnunu soxur, fikir bildirir.

10 əjdaha! 17.08.2022 17:06, agabalaeev

#357478 şikayət

yazarların linçə səbəb olacaq fikirləri

+16 əjdaha

kişiləri qadınlardan yaradılış da daxil olmaqla bir çox sahədə üstün hesab edirəm

15 əjdaha! 21.08.2022 20:16, agabalaeev

#357825 şikayət

bakı ləhcəsi

+10 əjdaha

damarlarımda bakılı qanı axdığı üçün bəzən instinktiv olaraq danışıram və çox vaxt elədə bilinmir. amma mənim qədeşim, eyni zamanda şefim olan şəxs bildiyin full paket bakılıdı. il olacaq 2023, bu adam hələdə bakılılara məxsus papaq, şalvar, plaş(və ya köynək) və uzun burun ayaqqabı geyinir. yeriyişindən danışığından bakı enerjisi yayılır. qədeşə baxdıqca sovet vaxtına səyahət edirsən. adam bildiyin full paket bakılıdı. yaşca aramızda çox fərqdə yoxdu. bakının simvoludu demək olar. şəhərə çıxdıqda avtomatik diqqətləri öz üstünə çəkməyi bacarır. modern dünyadakı son nümunədi. bu yaxınlarda çoxsaylı təklif və istəkləri nəzərə alaraq ayaqqabısını nike olaraq dəyişdi. amma geyim hələdə eynidi.

9 əjdaha! 02.12.2022 17:05, agabalaeev

#363502 şikayət

ana tərəfindən döyüldükdən sonra yatmaq

+9 əjdaha

çox şirin günlər idi. hətta sonra anam döydüyü üçün peşman olub ağladığı olurdu. indi əsəbləşdikdə sadəcə çiynimə yumruq vurub çimdik atır və mənim gülüşümlə bərabər oda gülüb sakitləşir)

8 əjdaha! 08.10.2022 00:55, agabalaeev

#360653 şikayət

yeni doğulmuş uşağın hər ay tamamında o mövsümə aid meyvəylə şəklini çəkən ana

+9 əjdaha

bizimkilərdə mənim şəkillərimi karaşokda çəksinlər. onsuzda deepweb kimi uşaqlıq keçirmişəm bu heçnədi

7 əjdaha! 07.08.2022 23:30, agabalaeev

#356388 şikayət

yazarların ən pis pərt olduğu an

+10 əjdaha

hardasa ikinci ya da üçüncü sinifdə oxuyurdum. o vaxtlar deyəsən d vitaminim çatmırdı ya necəsə tez-tez kürəyim tərləyirdi. eləbil deşiy butulkaydım. dəhşət tərləyirdim. anam məni hər məktəbə ötürəndə sırada uşaqların içində kürəyimə parça qoyurdu ki sonra xəstələnməyim. uşaqlar zillənib mənə baxırdı deyə çox utanırdım. sırf buna görə belə mənə ayrı seçkilik edirdilər. hətta yadıma düşür böyük sinif uşaqları mənə baxıb gülürdülər. anama əsəbləşirdim buna görə. hər dəfə məni bilərəkdən pərt etdiyini düşünürdüm. ehh uşaq ağlı. amma indi anlayıram ki, sadəcə mənim yaxşılığımı istəyirmiş. analarımızın qədrini bilək)

9 əjdaha! 21.06.2022 02:58, agabalaeev

#352004 şikayət

sahibsiz əşya və şübhəli şəxs

+7 əjdaha

əsəbləşib var gücümlə çantaya bir təpik vurdum. buda halisünasiyadır deyib evimizə keçdim. bəlkədə yatıb dincəlməliydim. hamısı yorğunçuluqdan ola bilərdi. qəribəydi.. qulağıma əcaib səslər gəlirdi. evimizə daxil olduqda qəribə bir məxluq gördüm. məni görən kimi sağa sola tullanaraq keyfiyyətsiz replikalar söyləyirdi. ehtiyatlı davranmalıydım. evimizi bu yaratıqdan xilas etməliydim. mətbəxdən oxlovu götürüb məxluqun üstünə atıldım. var gücümlə başına doğru zərbələr endirməyə başladım. başını tutub ağlamağa başladı.yaxından baxanda anladım ki bu primat balaca qardaşım imiş. "oh my god!" deyə qışqırdım. qardaşıma nə olmuşdu belə? internet uşağın səviyyəsini aşağı salmışdı. amma gec idi. başından qan axırdı. burnunun suyunu çəkə-çəkə atamın yanına qaçdı. vəziyyət yaxşıya doğru getmirdi. atam əsəbi halda sərt addımlarını yerə çırparaq üstümə doğru gəlirdi. atamın cavanlıqda maraton üzrə çempion olduğunu nəzərə alsaq, ondan qaçmaq məntiqsiz olardı. parlaq zəkama güvənirdim. şirin dilimi işə salmalıydım. qollarımı yana açaraq atamın üstünə doğru qaçaraq getdim:

-canım ataaaaa..

ağzımın üstündən yumruğu yapışdırmışdı. o dəqiqə yerə sərilmiş, ardıncada atam üstümə çıxaraq məni şillələməyə başlamışdı. zalım oğlu eləbil nusret idi ət şillələyirdi. huşumu itirirdim yavaşdan..

oyandıqda tək yadımda qalan anamın məni onun əlindən zorla alması idi. sifətim yaman göynədirdi. keyimişdi. zibil.. yenə başım sancırdı.. beynim.. çox ağrıyırdı.. divanda məni uzandırıb üzümə buz qoymuşdular. qardaşım ortalıqda yox idi. atam isə mətbəxdə anamla mübahisə edirdi:

-rədd et dedim onu. işəyaramazın biridi. artıq pul çatdıra bilmirəm. tullayacam maştağaya getsin

-sən necə atasan? heçmi pis olmursan? günah deyilmi bəs?!

birazda mübahisə etdikdən sonra atam qapını çırpıb getdi. anam hönkür-hönkür ağlamağa başladı. niyə ağlayırdı axı görəsən? məncə atam əla boksyordu. əksinə sevinməlidi. bəlkə də sevinc göz yaşları tökürdü. ayağa qalxıb valideynlərimin yataq otağına keçdim. güzgüdə üzümə baxdım. botoksla ərsəyə gəlmişdim eləbil. yatağa uzanıb yatmaq, dincəlmək istəyirdim. yatağa tullandım. altan şüşə səsləri gəldi. əyilib baxdıqda boş içki qabları gördüm. ailəmi buna görə sevirəm. geri dönüşümü mənimsəyərək təbiəti qoruyurdular. xəyallarla birlikdə yuxuya dalırdım.

gecənin ilərləyən saatlarında, səhər çağı oyanmışdım. əla hiss edirdim özümü. ruhum quştək yüngülləşmiş, zəkam daha da parlaqlaşmışdı. bunun şərəfinə telefonumda ceyhun zeynalovun "maaş günü" mahnısını açıb polnu xod qoşaraq rəqs etməyə başladım. birdən arxadan bir zombi kürəyimdən yapışaraq məni çəkişdirib telefonu əlimdən alıb mahnını söndürdü. cəld tərpənərək başımı tutub divarın küncünə sığındım.parlaq ideyalarla dolu mükəmməl beynimi ondan qorumalıydım. amma yox.. bu anam idi. sən demə yanımda o da yatıbmış:

-oğul nə edirsən sən?! atan yatıb axı indi durub əsəbləşəcək.

-acımışam ana, dönər istəyirəm

-gəl gedək sənə kolbasa çörək verim. həmdə vitaminlərini iç. yoxsa arıqlayarsan yenə

kolbasanı o qədər də sevmirdim. amma anamın xətrinə yeyərdim. səssizcə mətbəxə keçib əyləşdim. on dəqiqə sonra artıq qızarmış kolbasa çörəyim mədəmdə idi. vitaminlərimidə içdikdən sonra ağırlaşmışdım. başım ağrıyırdı. bəlkədə beynimin oksigenə ehtiyacı var idi. balkonda oturub telefona girdim. ordum bir həftəydi ki, mənə ehtiyac duyurdu. onların hal əhvalıyla maraqlanıb düşmən məntəqələrini məhv etdikdən sonra mariya yadıma düşdü. ona mesaj yazmağa qərar vermişdim, amma nə yazacağımdan əmin deyildim. cəsarətli olmalıydım. nə də olsa, o vodka yoldaşım idi:

-evə gələndə çörək alım?

təxmini üç dəqiqə sonra cavab gəlmişdi:

-dont forget vodka))

məni öz silahımla vurmağa çalışırdı. diqqətli davranmalıydım. düşmən sirrini öyrənmək üçün daha çox yazışmalı idim bəlkədə. biraz keçməmiş sonrakı mesajını atmışdı:

-indi necəsən? yaxşısan?

-yaxşıyam. nə olmuşdu ki?

-yadından çıxıb?

-nə dediyini başa düşmədim mariya

-mənimlə ayrıldıqdan sonra yolda gedən turistlərin çantalarını əlindən alıb qışqırırdın(gülüş emojisi)

nə danışırdı bu SSRI nümayəndəsi?! heçnə anlamırdım. məntiqimi işlədərək turist axınının ölkəmizə olan maddi xeyrindən danışmağa başladım. o isə gülüş emojisiylə reply edirdi. onsuzda gülməkdən başqa bir şey bacarmırdı. üstəlik sabah mənimlə görüşmək istəyirdi. sevgimiz getdikcə yeni pillələrə dırmanırdı. yaraşıqlı görünməliydim. bu sifətlə cəmiyyət içərisinə çıxmağa utanırdım. amma sevgi qurban tələb edirdi. görüş yerini təyin etdikdən sonra sağollaşdıq..

güzgünün qarşısına keçib yaralarımı təmizləməyə başladım. tumbuçkadan atamın üzqırxan maşınını götürüb saqqalıma düzəliş etdim. saçımada hacı şakiri sürtüb formaya saldım. geyim olaraq kostyum geyinib qalstuk taxdım. saatlar sonra hazır idim. yunan heykəlləri qədər gözəl idim. qızlar artıq qarşımda aciz idi. möhtəşəmliyimə dayana bilməyəcəkdilər. amma mən çox rəhmli idim. buna görədə saçımı daha az darayaraq yaraşığımdan azaltdım. iyirmi qəpiklik parfümdən də istifadə edib metroya doğru yola düşdüm.bu dəfə fərqliydi. insanlar mənə baxıb gülürdülər yol boyunca. metroda vəziyyət daha da gözəlləşmişdi. hərkəs mənim möhtəşəmliyim qarşısında zəif qalmışdı. hərkəsin gözü mənim üstümdəydi. uzaqda yerləşən stansiyaların melodiyası bu xoş auranı daha da yüksək səviyyəyə qaldırırdı..

içərişəhər stansiyasında düşüb parkda gözləməyə başladım. ağaclara baxdım, qazona baxdım, fəvvarəyə baxdım. hamısı yerindəydi. bu görüş qüsursuz olmalı idi. amma o yenə gəlmişdi.. niyə axı həyat?! nə üçün yenə pozdun bu ahəngi?! "şübhəli şəxs" yenə çantasıyla birgə üstümə doğru gəlirdi. artıq üzləşmə vaxtı gəlmişdi deməli. sarı pişiyim gəlməmiş onun işini bitirməli və daha sonra nişan tədbiri üçün banket zallarının qiymətləriylə maraqlanmalıydım. bunları düşündüyüm anda ilk hücum cəhdi "şübhəli şəxs" tərəfindən gəldi..

5 əjdaha! 03.08.2022 00:14, agabalaeev

#355905 şikayət

intihar edənlərin 80% kişi olması

+8 əjdaha

bəzi "yazarların" yazdıqlarına baxdıqda həqiqətən niyə kişilərin intihar etdikləri ortaya çıxır. adəmi cənnətdən qovduranda həvva idi)

7 əjdaha! 27.08.2022 19:57, agabalaeev

#358206 şikayət

logan paul

+7 əjdaha

böyük izləyici kütləsinə sahib, bir vaxtlar viner olan amerikalı çılğın youtuber. dwarf mambayla olan döyüş səhnələri daha çox gülməli gəlir. ölüm və ya digər səbəblərdən dəfələrlə ev heyvanı dəyişmişdir. qardaşı jake paul'la arasında daha yaxşı övlad olma kimi bir rəqabət hiss edilir bəzi videolarında. səhv etmirəmsə, ksi'la arasında olan qızışmadan sonra ilk boks maçında məğlub olmuşdur. daha sonra barışaraq qardaşlaşıb "prime" adlı sport içkisi yaradıb satışa buraxdılar

5 əjdaha! 01.08.2022 03:11, agabalaeev

#355734 şikayət

zamanla geridə qaldığı üçün darıxılan şeylər

+7 əjdaha

maraqlıdır ki, payız fəsliylə əlaqəli bir şeydir darıxdığım o "şey". beynimi gücə salsamda, nə qədər çalışsamda alınmır. yadıma düşmür. sanki o çox sevdiyim şeyi payızın yağışlı, islaq küçələrində atıb getdim. hər yağış yağanda gələn o doğmalıq hissi, qeyri iradi gülümsəmələr. darıxdığım payız fəsli ya da xatirələr deyil. bilmirəm bəlkə də mənim halımda olan başqalarıda var. belə baxanda gülməli çıxır, darıxdığım şeyi xatırlamıram amma darıxıram. kaş xatırlayardım o darıxdığım şeyin nə olduğunu. hətta deyərdim həyatımın ən xoşbəxt günü idi o şeyi itirdiyim gün..

4 əjdaha! 01.08.2022 03:25, agabalaeev

#355735 şikayət

mazqini xarab eləyən şeylər

+7 əjdaha

təzə idmana başlamış balaca qardaşın gedib-gəlib kibrit qollarını üzümə sürtərək "əzələlərimi öp bitch" deməsi. sonrada olmayan krılalarını sıxıb güzgüdə arnold show edir. amma qürur duyuram əsas odur avara avara gəzməkdənsə, özünə xeyirli işlə məşğuldu

5 əjdaha! 07.08.2022 23:33, agabalaeev

#356389 şikayət

zülqərneyn

+7 əjdaha

quranda adı keçən tarixi şəxs. peyğəmbər olub olmadığı mübahisəyə açıq mövzudur. adının mənası "iki buynuz sahibi" deməkdir. bunu dəbilqəsində olan iki buynuzla əlaqələndirirlər. bəziləri onun makedoniyalı isgəndər, birinci dara, ikinci kir, və ya Oğuz xan olduğunu düşünür. yazılana görə o tanrıya iman etmiş etmiş və qiyamət gününə inanırdı. tanrı tərəfindən ona güc verilmişdi, istədiyi yerə xüsusi vasitələrlə səyahət edə bilirdi və qüdrət sahibi idi. şərqə və qərbə səyahət edərkən fərqli millətlərlə rastlaşmış və onların problemlərini ədalətlə həll etmişdir. qarşılaşdığı bir cəmiyyət ondan yəcüc və məcüc tayfasından şiyakət edir və müəyyən məbləğ qarşılığında onlar üçün sədd çəkməyini istəyirlər. çünki onlar fitnə-fəsad törədib soyğunçuluq edirdilər. zülqərneyn sadəcə insan qüvvəsi tələb edib dəmir və mislə sədd çəkir beləcə yəcüc və məcüc tayfasını əngəlləmiş olur. lakin qiyamət günündə yəcüc və məcücün səddi aşacağını xəbərdarlıq edir. zülqərneyn'in hansı dövrdə yaşadığı dəqiq deyil. amma dəmirlə işləyə bildiyinə görə, dəmir dövründən sonra yaşadığı düşünülür. quranda onun haqqında yetərli məlumat verilmədiyindən sirrli bir şəxs olaraq qalmaqdadır

5 əjdaha! 29.08.2022 17:41, agabalaeev

#358320 şikayət

sözaltı günlük

+8 əjdaha

əziz soz6 günlük. bu gün doğum günümdür. dünyaya gəlməyimin üstündən 18 il keçir. doğum günlərini qeyd etməyi heç sevməmişəm. bir insanın öz doğulduğu günü qeyd etməsi məntiqsiz gəlib həmişə. nəticədə hərkəs doğulur və ölür. ailəm mənim üçün necə də xoşbəxtdir. ümidləri böyükdür və qürur duyurlar. ancaq mənim üçün vəziyyət fərqlidir. həyatımda son vaxtlar çox dəyişikliklər oldu. ilk doğum günümdür ki qeyri adi hiss edirəm. və eyni anda heçnə hiss etmirəm. əmin deyiləm. özümə sual verirəm: bu 18 ildə nələr etdim? nələr bacardım? arxaya baxanda boşluq görürəm. öz içində boğuşan, düşüncələr içində üzən qəribə bir gənc görürəm. nəysə. dedim bura qeyd edim hiss etdiklərimi. bəlkə nə vaxtsa oxuyaram. indi gedib yağışda islanaraq gətirdiyim tortumu kəsdikdən sonra günü sonlandıracam. əlvida əvvəlki mən.

5 əjdaha! 11.03.2022 17:57, agabalaeev

#347054 şikayət

yazarların neçə yaşı olursa olsun etməyəcəyi şeylər

+7 əjdaha

spirtli içki və siqarət

5 əjdaha! 08.11.2022 18:52, agabalaeev

#362242 şikayət

səhərə bir mahnı paylaş

+6 əjdaha

(youtube:

)

5 əjdaha! 01.09.2022 05:05, agabalaeev

#358495 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

agabalaeev

son bəyənilənlər:

oxuyucuların bəyəndikləri: