Sözlüyün kraçivası

35 0 0 0

8. nəsil yazar

Entry: 35

blok başlıqlarını gizlət

vətən üçün ölməyi istə

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

tək cümləlik hekayələr

+22 əjdaha

ilk dəfə Ernest Hemingway tərəfindən yazılmışdır. Onun qabliyyətini sınamaq istəyən birisi 10 sözdən ibarət təsirli hekayə yazmasını istəyir. Hemingway isə 6 söz ilə belə bunu bacaracağını göstərir:
"For sale:

Baby shoes. Never worn. "

Daha sonra da başqaları tərəfindən yazılan və bəyəndiklərimi sizlərlə bölüşürəm:

-mən evə qızılgül gətirmişdim, amma açarlarım uyğun gəlmədi...

-Bağışla, əsgər, biz çəkmələri cüt satırıq.

-yataq otağımızdan iki nəfərin səsi gəlir, mən qapını döyürəm...

-bu bizim qızıl toyumuzdur, amma süfrə tək nəfərlikdir...

-mən aşağı atıldım, sonra fikrimi dəyişdim.

-o arvadının qatilinə butulka ilə süd verirdi.

-mən doğma qəlb gördüm, o isə məni görmədi...

16 əjdaha! 09.09.2019 23:45, Sözlüyün kraçivası

#290004 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

vətən üçün ölməyi istəyəcək qədər axmaq olmaq

+14 əjdaha

Yenə əvvəlcə başlığın adını görüb əsəbləşdim. Çünki bizim millət bax elə budur. Öz inamına, öz əqidəsinə əks bir əqidə gördükdə onu "axmaq" adlandırır, qınayır və o insanı təhqir etmək üçün çoxlu arqumentlər irəli sürməyə başlayır. Gəlin belə danışaq. Gözünüzün önündə ananız yaxud atanız, bəziləriniz üçün sevgiliniz öləcək olsa və siz öz canınız bahasına o ölümü, zülmü dayandırmalı olsanız nə edərsiniz? Öz canınızdan əziz deyilsə hər halda onun uğrunda ölərdiniz, onu qoruyardınız. Yaxşı bəs eyni şey vətən üçün olanda necə? Bəzi insanlar buna bir qarış torpaq uğrunda "qəhrəmanlıq" kimi baxır. Elə deyil. Müharibə yalnız o bir qarış torpağı almaq üçün deyil ki. Düşmən bizim sərhəddimizə hücum edir, əzizlərimizin, bizim canımızı almaq, qanımızı içmək, xocalıdakı kimi soyumuzu kəsmək istəyir. Və mülkü əhali arasında yalnız kişilər deyil, uşaqlar, qadınlar, yaşlılarımız var. Bunları söz olsun deyə yazmıram, həqiqətən bir qadın özünü necə qoruya bilər əli silahli düşməndən? Hansı kişi özünə sığışdırar onun anası düşmənin əlinə keçsin, təcavüzə uğrasın, belinə samovar bağlansın? Bunların qarşısını almaq üçün, soyumuzu qurutmaq istəyən, vandalların arzusunu gözündə qoymaq üçün hərbçilərimiz öz canları bahasına mübarizə aparır. Bəli, mən də istəmirəm müharibə olsun. Ancaq əgər düşmən hücuma keçirsə, mülkü əhalini-bizi hədəf alırsa əlbəttə ki, bu başlıqda özünü yırtan bəziləri kimi oturub gözləmək lazım deyildi.
Bizim millət buna görə acizdi- vaxtilə qanına qarışan erməni qanındanmı irəli gəlir ya nədi bilmirəm, amma bax bu içimizdəki düşmənlər, bir-birimizdən belə diksinəcək həddə gəlməyimiz bizim ən böyük acizliyimizdir. Çünki biz vahid amal uğrunda birləşə bilmirik. Çünki biz xocalıda "ayaqlarım donub" deyən qız uşağını, Qazıyevin baxımsız, pis vəziyyətdə qalan yazıq əsgərlərini, tanksız, topsuz düşmənlə mübarizə aparan, bugünkü gündə başında qəlpə ilə gəzən elə mənim dayımı tez unuduruq. Çünki biz 2017 ci ildə ölən balaca zəhramızı tez unuduruq.

Vətən üçün ölməyi istəmək- deyildir onun doğrusu. Vətəni canı bahasına qorumaqdır. Müharibə bu dünyada ən son istəyəcəyim şeydir. Emin piri "sərhədləri itirilmiş məmləkətin küncündəyəm" deyir. Bax elə mən tam ordayam, həmişə ən qaynar təmas nöqtəsi olan bir yerdə yaşayıram. uşaqlıqdan həmişə cəbhədən gələn atəş səslərinə oyanan və artıq buna alışmış olan biriyəm. Ən son istəyəcəyim şey şəhidimizin olması, döyüşün başlamasıdır. iyirmi bir ildir mən müharibəyə alışmışam, arxa cəbhədə bu gözlər nələr görüb. danışmağa ən çox mənim haqqım var. Və vətən uğrunda ölənlərə- bizi qoruyanlara "axmaq'' deyən bu acizləri susdurmağa da. Hə sən ölməzsən bildik. Amma mənim əzizlərimə də axmaq deyə bilməzsən!

9 əjdaha! 14.07.2020 14:21, Sözlüyün kraçivası

#300125 şikayət

sözaltı günlük

+11 əjdaha

"Uşaqlıq və ahıllıq çağları bir-birinə bənzəyir. Hər iki yaş dövründə fərqli səbəblərlə insan olduqca müdafiəsiz olur. Bədənimizin çevrəsində görünməz bir zirehin yaranması yeniyetməlik dövründə başlayır. Bu zireh uzun bir müddətdə yaranır və gənclik dövründə qalınlaşır. inkişafı bir az da incininkinə bənzəyir, yara nə qədər böyük və dərindirsə ətrafında yaranan zireh də o qədər güclü olur. Amma sonra, uzun zaman geyilən bir geyim kimi ən çox istifadə olunan yerlərindən köhnəlir, tikişləri sökülür və ani bir hərəkətdən yırtılır. Əvvəl heç bir şey hiss etməzsən zirehinin hələ də səni möhkəm sardığını zənn edərsən, amma bir gün birdən- birə səfeh bir şey qarşısında uşaq kimi ağlamağa başlayarsan."

iki yaş arasındakı fərq gözlə görünmür bəzən.
Ancaq daxilən mütləq nələrsə dəyişmişdir. Hər yeni yaş bir əvvəlkindən bir ağrı daha artıqdır, və bir ümid daha əskik... (bəzən əksinə ola bilir)

Bugün diz çöküb baxçadakı gülün ləçəyinə toxunanda anladım ki, günlərdir mən hərgün bunu təkrarlayıram...

Yaz aylarında mən bu çiçəyi qoparıb, uzun-uzun baxdıqdan sonra güldanda suya qoyardım. Amma günlərdir mən o çiçəyə toxunduqca məni dayandıran bir hiss var. Daha mən onu qopara bilmirəm. Çünki indi dərk edirəm ki, mən onun qoxusunu sevdiyim və güldanda otağıma çox yaraşdığını düşündüyüm üçün onu qırmaq haqqına sahib deyiləm. Yəni əslində bunu edə bilərəm, amma bu sevgi deyil. Bu mənim o gülü sevdiyimi göstərməz. Bu özünü sevməkdir. Sevgi- həmin varlığı öz mövcudluğu ilə, öz yerinə və olduğu kimi qəbullanmaqdır. Andre Moura isə məndən daha artığını deyərək sevgiyə belə tərif verir "sevgi - onu olduğu kimi qəbullanmaq deyil, həm də elə olmasını arzulamaqdır."

insanlar bir şeyi sevmək üçün həmin şeyin özlərinə nə qatdığını hesablayır. insan ən çox özünü sevir. Və özündən verdikcə sanki deyir "al, mənim parçalarımı, onlar səndə durduqca mənim ən sevdiyim həm də sən olacaqsan". insan ən çox sevdiyindən(özündən) verdikcə (fədakarlıq etdikcə) gerçəkdən sevdiyi aşkar edilir. Çünki sevgi, almaq deyil. Sevgi özündən verməkdir. Və sevgi əslində düstur, qanun, hökm tanımır. Sevginin ölçü vahidi yoxdur. Sevgi azaddır. Heçkəs sevməyi qadağan edə bilməz. Çünki sevgi ən zərərsiz olandır. Çünki ən yaxşı müəllimlər öyrətməyi sevənlərdir, ən yaxşı həkimlər işini sevənlərdir, ən yaxşı sevgili səni sevəndir, bitkilər ən çox torpaqlarını sevdikləri zaman qol budaq atır, qələm ən çox yazmağı sevənin əlinə yaraşır...

Bu dəfə lap qəribə, qarışıq işlər, sözlük. Yenə çox pərən, pərən...

Birkarantingünündən 2020.04.18

10 əjdaha! 18.04.2020 19:54, Sözlüyün kraçivası

#294005 şikayət

sözaltı günlük

+10 əjdaha

Olduğum yerlərdə həmişə sevilən biri idim. Ətrafımdakılara mümkün qədər mənfi enerji verməməyə çalışdığım üçün daim ətrafıma toplanan insanlar olurdu.

Bir çox səbəblərdən bu başlığa nə vaxtsa belə entry yazacağıma inanmazdım.

Amma bugün nə qədər tənha olduğumu anladım. Düşün, bugün əməliyyata tək girmişəm. O qədər təhlükəli idi ki, həkim başımda dualar edə-edə, qorxu içində tamamladı əməliyyatı.
Çox qorxurdum, günlük...

Uşaq vaxtı diş çəkdirəndə anam əllərimdən tutardı. Onun əllərini sıxıb güc tapardım.
Bugün öz əllərimi sıxdım...
Bugün mənə vurulan hər iynədə gözümdən yaş axdı... ağrıdan deyil, tənhalıqdan...
əllərimi sıxdıqca acıyırdım özümə...
Ətrafımdakılar da acıyırdı mənə, qalxıb sağ salamat evə qayıda bilim deyə dualar edirdilər...
indi də yaram ağrımır, ürəyim sancısından yaramınkını hiss etmirəm belə...
Ailədən uzaqda yaşamaq, özünə ailə olmağa çalışmaq çox qəliz məsələdir...

7 əjdaha! 15.10.2019 17:57, Sözlüyün kraçivası

#290602 şikayət

yazarların paylaşmaq istədikləri şeirlər

+9 əjdaha

Vaqif Səmədoğlu

Nəyin istisindən yananlar arzulayacaq kölgəmi?
Hansı rənglə çəkəcəklər xəritələrdə ölkəmi?
Şeirlərimi sevəcəklərmi divarlar arxasında?
Nə parlayıb sönəcək son günümün yaxasında?
Bazarda ətin qiyməti düşəcək,yoxsa meşə cəngəlliyinin qoyduğu qiymətdə qalacaq?
Öpüşəcək,öldürəcək,düşünəcəklərmi yenə qaranlıqda?
insan xoşbəxt olacaqmı məhəbbətin doğduğu bir anlıqda?
Qatarlarda axşamüstü çay paylayacaqlarmı içməyə?
Pasport, viza gərək olacaqmı sərhədlərdən keçməyə?
Andersenin nağıllarını oxuyacaqlarmı?
Əlifba biləcəkmi hamı?
Kür daşacaq,yoxsa bəndlər ovcundan töküləcək Xəzərə?
insan bir ömrü boyu öləcək neçə kərə?
Yol azacaqlarmı?
Məzar qazacaqlarmı?
Məsciddə yuyacaqlarmı meyidləri?
Kim sulayacaq bulvardakı söyüdləri?...
( 1963)

4 əjdaha! 29.03.2020 16:09, Sözlüyün kraçivası

#293319 şikayət

cümləyə fərqli dildə söz soxuşduran insan tipi

+8 əjdaha

(baxma: Takçto buranın palajeniyasına mən baxıram brat! )

8 əjdaha! 20.07.2019 23:31, Sözlüyün kraçivası

#288672 şikayət

sözaltı günlük

+8 əjdaha

Salam, günlük.
Uşaqlıqdan həmişə günlük yazan olmuşam. Böyüdükcə bunları bir- bir yandırıb qurtulacaqdım güya. Amma alınmır oxuyuram o ana, o günə dönürəm. Özümü, travmalarımı, xoşbəxtliyimi və s. Xatırlayıram. artıq Psixoloq olduğum üçün bunların şüuraltıma təsirlərini daha aydın anlayıram. Özümü tanıyıram.

Sözaltı günlük isə fərqlidi. Çünki bura yazdıqlarımı sizlər oxuyacaqsınız.
Bilirsinizmi, insan həyatında məncə ən pis şey istəmədiyin insanlarla yaşamaqdı. Əsasən tələbəlikdə başımıza gəlir. Kənardan adi, keçici görünsə də daxilən əzab verir. "Dəyməz" -deyirsən, onsuzda sevmədiyin unidə, sevmədiyin ixtisası oxuyursan. Dəyməz bu qədər əsəbə, problemə. Sonra biraz keçir deyirsən - başım xarab olub. Diplomu bir qəpiyə dəyməyən bu ölkədə diplomsuz sürünmək istəmirəm.bəli hamımız bilirik, burada oxumaq da, inkişaf da, savadlanmaq da dildə olan, cəmiyyətin az qismi tərəfindən icra edilən şeydir. Yəni oxumağım da bir zibilə dəymir. Amma gəl, gör ki, sevirəm! Oxumağı, öyrənməyi, yaşamağı, nəfəs almağı- sevirəm! Bu ölkə belə ala bilmir bu yaşama istəyimi əlimdən.
Çox əlaqəsiz, pərən-pərən yazıram, günlük. Çünki beynim də belə qarışıqdı. Həm sən anlayarsan məni, mən kim üçünsə psixoloqamsa sən də mənim üçün terapiya üsulu olarsan, sənin də mənə faydan bu cızma- qara yazılarımı sevmək; ya sevmiş kimi göstərmək, beynimdəkiləri tökmək üçün məndə həvəs yaratmaq olar.
Sevilirsən sözlük, duyğusal gecədi...

6 əjdaha! 01.10.2019 00:26, Sözlüyün kraçivası

#290329 şikayət

yad qadına məktublar

+8 əjdaha

"Sevmək- sonradan zərurətə, inadkar istəyə, beyindən çıxmayan zəhlətökən ideyaya qədər böyüyüb, artan hansısa imkan haqqında fikirləşərkən keçirdiyin həyəcan deməkdir"
"Mən düşünmürəm ki, qadın kişinin hakimiyyətə yolunu aça bilər, amma bir məsələ ilə razılaşıram ki, bəzən qadın kişini həmin hakimiyyət üçün layiqli edir"
"Tarix bizim qulağımıza pıçıldayır; göz qabağında olmayan, az görünən qadınları daha çox seviblər"
"Mənin nikbinliyim yalnız ondan ibarət idi və indi də yalnız həmin şeydən ibarətdir; mən inanıram ki, biz hadisələrə müəyyən dərəcədə təsir etmək iqtidarındayıq və bütün səylərimizə baxmayaraq hətta bədbəxtliyi dəf edə bilməsək də əgər ona ləyaqətlə sinə gərməyi bacarsaq , deməli biz onun üstündə qələbə çalacağıq"
"Gənclikdə arzu edilənlə sonradan əldə edilən arasında kəskin fərq təbii ki, mövcuddur"
kitabları oxuyarkən bəyəndiyimiz cümlələrin altını cızarıq. Bu kitab elə bir kitabdı ki, qadın- kişi münasibətləri haqqında bir çox yazıçıların da fikrinə istinad edilir, həmçinin yazıçı öz fikirlərini məharətlə ifadə edir. Buna görə də kitabı başdan ayağa xətləmə istəyi yaradır.
Nəysə bu münasibətlərin içindən çıxa bilmirsinizsə bir göz gəzdirin,məncə. Əgər başlasanız dayan bilməyəcəksiniz onsuzda.

5 əjdaha! 21.07.2019 00:18, Sözlüyün kraçivası

#288677 şikayət

telefondan kitab oxumaq

+6 əjdaha

bu sifarişi verən: Qapını döyüb qaçan adam
Əsl kitab, kitab qoxusunun ləzzət eləməsi falan söhbətləri bir yana məncə telefondan kitab oxumaq ən əla seçimdi. Hər şeydən əvvəl gecə normal kitab oxumaq üçün gərək işıqları yandırasan. Otaqda tək deyilsənsə sıxıtılı vəziyyətdi. Ən rahatı telefona pdf atıb hər boş anında, ya da olduğun yerdə olmaq istəməyəndə başqa aləmə keçmək üçün çıxart telefonu mütaliəni dad!

5 əjdaha! 23.07.2019 22:40, Sözlüyün kraçivası

#288799 şikayət

sözlüyün ən ürək moderatoru

+6 əjdaha

Hamınız ürəksiniz ,əzizlərim, əvvəllər sözlük istifadəçisi olmuşam. Məni bu umbaylıqdan tez çıxarsaydınız, sözlük əhlini fikirlərimlə işıqlandırardım. (Bilirəm bu entryə görə umbaylıq kariyeramı uzun tutacaqsız, amma bunu eləmək xəyalım idi. Sizə də mənə də uğurlar.)

6 əjdaha! 14.07.2019 17:33, Sözlüyün kraçivası

#288437 şikayət

c vitamini

+5 əjdaha

Son 3-4 entrysinə baxdıqdan sonra içinə tünzalə ağayeva qaçdığınnan şüphələndiyim yazar.

4 əjdaha! 14.07.2019 20:31, Sözlüyün kraçivası

#288440 şikayət

avtobusdakı insan modelləri

+9 əjdaha

Onsuz da avtobuslarda 5-10 tutacaq turba var. O turbaları striptiz turbası kimi qamarlayıb, başını turbaya diriyib, əlində telefon, qulağında nauşnik sənin tutunmaq haqqını yeyən embesil tipi.

8 əjdaha! 14.07.2019 22:25, sistem robotu

#288452 şikayət

mükəmməl sözlər

+4 əjdaha

Kim bilir neçə nəfər ayrı- ayrı yataqlarda bir- birini qucaqlayaraq yatır.

Özdemir Asaf

2 əjdaha! 30.09.2019 00:38, Sözlüyün kraçivası

#290311 şikayət

kitablaşmaq

+2 əjdaha

Necə incə, necə gözəl şeydir; səndə güclü hisslər yaradan, özününkü saydığın hekayələrə, həyatlara aparan bir kitab, bir film, ya da bir musiqini kiminləsə bölüşmək... dərin duyğuların sahibi insanlar bilir, birinə qəlbini açmaqdır bu bir növ. Çünki Kitabda altını cızdığın hər cümlədə sən varsan və bəzən yaraların...

1 əjdaha! 23.08.2019 19:25, Sözlüyün kraçivası

#289668 şikayət

efesli heraklit

+4 əjdaha

Heraklit antik yunan filosoflarından biridir. Və milet məktəbi nümayəndəsidir. Heraklitin bu fikrini ilk oxuduğumda yox bir neçə təkrarda qavramışdım. inanılmaz təsir edir. " eyni çayda iki dəfə yuyunmaq olmaz, çünki oradan hər dəfə fərqli sular axır".

4 əjdaha! 16.07.2019 16:08, Sözlüyün kraçivası

#288513 şikayət

insanlara ölümündən sonra verilən dəyər

+4 əjdaha

(bax: sağlığında qiymət verin insanlara) deyir cabir novruz. Qəşəng də deyir özaramızdı.

4 əjdaha! 14.07.2019 22:27, Sözlüyün kraçivası

#288453 şikayət

14 iyul 2020 birlik yürüşü

+2 əjdaha

Neçə ildə bir dəfə olur belə şeylər. Yazıq millət hər dəfə eyni ümidlə çıxır meydana ki, bəs gedək alaq bizim olanı. Başqa vaxtlar belə çıxışlar, "birlik göstəriləri" millətdə mənəvi tətmin yaradırdı bir müddət bəs edirdi onlara. Amma bu dəfə lazım deyildi həqiqətən. Bu əla bir görüntü- qürurverici birşey deyil. ilk dəfədir ki, belə bir topluluğu görmək məni sevindirmək əvəzinə təşvişə salır. Ön cəbhədəkilər orda vuruşarkən biz arxa cəbhədəkilər yoluxmadan qırılmasaq yaxşıdı. Heç hənanın yeri deyildi.

1 əjdaha! 15.07.2020 01:15, Sözlüyün kraçivası

#300205 şikayət

düşürsən yadıma

+5 əjdaha

Yadıma da yad düşürsən..

(C)

silinmiş entry.

5 əjdaha! 01.10.2019 00:29, Sözlüyün kraçivası

#290331 şikayət

sözaltı günlük

+3 əjdaha

Bugünlərdə hamımızın düşünmək üçün bol zamanımız var. Elə bu da əslində bizi gerçəkliklə üzləşdirmək üçün yaxşı bir şansdır. Amma hər kəsin belə düşünmədiyi dəqiqdir. Fikirlər subyektivdir və insanlar izolyasiya müddətini necə "dəyərləndirəcəyinə" özləri qərar verir.

Mənə dəhşətli gəlir dünyanın başına gələnlər. Amma yenə də qəlbən sarsılmıram, başımıza gələ biləcək ehtimallar da məni çox qorxutmur. Məsələnin ciddiliyinin fərqindəyəm, sadəcə vecimə deyil.)

Mən əvvəlcə bugünləri oxuyaraq keçirməyi planlayırdım. indi də oxuyuram sadəcə heç nədən zövq almadığımı hiss edirəm. Nədənini sorğuladıqca gəldiyim nəticəni bölüşmək istədim;

Bertrant Russel'dən gələcək nəsillərə nə məsləhət edəcəyini soruşduqda 2 məsləhəti olduğunu bildirir. Biri intellektual, digəri əxlaqi:

1. Hər hansı bir mövzunu incələrkən, yaxud bir fəlsəfi fikri dəyərləndirərkən sadəcə gerçəklərin apardığı doğrulara baxın. Əsla diqqətinizin inanmaq istədiyiniz və inanmağınızın ictimai cəhətdən sizə daha yararlı olacağını düşündüyünüz fikirlərlə yayınmasına icazə verməyin. Sadəcə və sadəcə əlinizdəki gerçəklərə baxın.

2. Əxlaqi məsləhət isə çox sadədir; sevgi müdriklik, nifrət isə axmaqlıqdır.
Hər keçən gün daha çox əlaqələrin artdığı dünyamızda tolerant olmalı və bəzi insanların bizim xoşumuza gəlməyəcək şeylər söyləyə biləcəyini anlamalıyıq. Ancaq bu şəkildə birlikdə yaşaya bilərik. Əgər birlikdə ölmək yerinə birlikdə yaşamaq istəyiriksə bu planetdəki insan irqinin davamlılığı üçün qeyd-şərtsiz lazım olan tolerant olmağımızdır.

Mən də onun məsləhətinin birincisini nəzərə alaraq çalışıram gerçəkliyə gözlərimi açım, baxım. Çətindir, həm də ki, incidir... Nəysə başımıza gələnlər, gələcək olanlar deyil, daha çox bu yaşananların planlarımızı necə alt- üst etməsinə təəccüblənirəm. Bir ay, ay yarım əvvəl oturub həyat planları qururdum, qururduq) planlarımın hamısı olduğu kimi uçub getdi). Qəribəsi isə odur ki, dünya normala dönsə belə o planların heç birini gerçəkləşdirmək olmayacaq. Və tamamilə yeni planlar qurub ona uyğun davranmalı olacağam. Həyatımı kərpic- kərpic qurmağa başlamışdım, və düşünün ki, ilk kərpici qoyanda əlimin üstünə, yox elə lap başımın ortasına bir daş düşdü) və ayılıb, özümə gəlib ayağa qalxanda kərpiclərimi də götürüb başqa bir yerdə yenidən qurmağa başlamalıyam...

Bu yaşadıqlarımızı; həyatın müvəqqəti olaraq dondurulması, don açılanda sağ qalanlardan olsaq davam edəcək olmamız; bunları düşündükcə Paulo Coelhonun "Kimyagər" də yazdığı bir hissəni xatırladım. Baş qəhrəman uzun müddət qoyun sürüsü almaq üçün yaşlı bir adamın yanında çalışıb pul toplayır. Yaşlı adamın isə Məkkəyə getmək kimi bir xəyalı olur. Oğlan istədiyindən də artıq pulu çalışıb topladıqdan sonra yaşlı kişi ilə vidalaşır. Və öz kəndinə gedib qoyunlarını almağın vaxtı gəldiyini deyir. Yaşlı kişi isə cavabən deyir ki, "get yolun açıq olsun amma bil ki, nə sən qoyunları almayacaqsan, nə də mən məkkəyə getməyəcəm". Həqiqətən də belə olur. Heç bir şey oğlanın planladığı kimi getmir, həyatı tamamilə dəyişir.

indi düşünürəm ki, ilin əvvəlində oturub birlikdə xəyallar qurduğumuz adamlarla bilmirdik ki, həyat bizə gülürmüş : "sən saydığını say, gör fələk nə sayır"... o vaxtlar kimsə mənə çıxıb desəydi ki, nə sən qoyun almayacaqsan, nə də o məkkəyə getməyəcək inanmazdım).

Belə qəribə, qarışıq işlər, sözlük... yenə çox pərən-pərən yazıram.

Birkarantingecəsindən.2020.03.30

3 əjdaha! 30.03.2020 00:41, Sözlüyün kraçivası

#293323 şikayət

dərsin ilk günü

+1 əjdaha

universiteti niyə sevmədiyimi bir daha anladığım gündür.

1 əjdaha! 17.09.2019 00:42, Sözlüyün kraçivası

#290122 şikayət

Notice: Trying to access array offset on value of type null in /var/www/soz6/sonhefte.php on line 66

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

dünya dönüyor

+1 əjdaha

Başlığı oxuduğum andan etibarən beynimdə- dönüyor aman dünya, başım duman
Yakıyor ama acıtmıyor senin sevdan...
Mahnısını oxuyuram

1 əjdaha! 16.07.2019 16:03, Sözlüyün kraçivası

#288512 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1337

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1344

Sözlüyün kraçivası

son bəyənilənlər:

oxuyucuların bəyəndikləri: