11. son dərəcə emosional olduğun zaman yaşanılması çətin olan məmləkət. belə yerlərdə duyğuların deyil də, göstərişlərin savaşı gedir. troll şəxsiyyətlər şükürlüdür, saxta şəxsiyyətlət olandan sonra. təsəvvür edin yaxın bir insanınız ölüb və siz bundan təsirlənib dənizə gəzməyə çıxmısınız. zənglər taybatay gələr, telefon zad da yaddan çıxıb. yası idarə edəcək minlə adam tapılar. tərs xarakterə sahib insanlar bir-birlərini düzəltməyə çalışır. öz həyat fəlsəfələrində qınamağı ön planda işlədənlərdən cındır adam tanımıram. hansısa bəd hadisəyə görə kiminsə qəlbini qırmaq düzgün deyil. tutaq ki, telefonu açdın səni axtarırlar. dərdin nədi deyən yoxdu ha? hamı bir ağızdan; hardasan? bacanağın ölübe? niyə yoxsan? hamı ordadı axı? heç utanmırsan? tələs, burda ol. deyiləsi çox söz var burda. Lakin, böyük mənasızlıq gəmisinə qapılıb yelkənləri sırf qınayanların gözünün dibinə kimi qaldırırsan ki, onlar hərəkət etdiyini görsünlər. yelkəni çıxsaq, gəmi də öz yerində hər şeyi ifadə edir. mövzudan yenə çox yayındım. uzun sözün qısası ailə önəmli şeydi, gərək elə bağ qurasan ki, ölümünə qədər bir süfrə başında ola biləsiniz.