Azərbaycan jurnalistləri Daşkənddəki (Özbəkistan) Çorsu bazarını ziyarət ediblər. "Report"un Daşkəndə ezam olunmuş müxbiri xəbər verir ki, ziyarət Özbəkistana mediatur çərçivəsində baş tutub. Ziyarət zamanı jurnalistlər bazarın əsas ticarət sıralarından keçib, o cümlədən milli mətbəx yeməklərinin təqdim edildiyi, "yemək sırası" adlandırılan yerə, eləcə də ənənəvi özbək çörəyi, təzə tərəvəz və meyvələr, quru meyvələr, ədviyyatlar və digər məhsullar olan sıralara baş çəkiblər.
Mediatur iştirakçıları, həmçinin bazarda təqdim olunan milli mallar və yerli qastronomik ənənələrlə tanış olub, satıcılarla söhbət edib və özbək mətbəxi təamlarının dadına baxıblar. Daşkəndin tarixi hissəsində yerləşən Çorsu bazarı təkcə şəhərin əsas ticarət mərkəzlərindən biri deyil, həm də Özbəkistanın mədəniyyəti, ənənələri və gündəlik həyatı ilə tanış olmağa imkan verən məşhur məkandır.
Extract — continue reading at the source.
