Bu gün görkəmli icma xadimi, Azərbaycan Ağsaqqallar Şurasının sədr müavini Tahir Süleymanovun doğum günüdür.
Modern.az-ın məlumatına görə, sabiq deputat 78 yaşını qeyd edir.
Tahir Süleymanov 1948-ci il sentyabrın 24-də Dəvəçi (indiki Şabran) rayonunda anadan olub. İxtisasca iqtisadçı-mühəndis olan sabiq deputat uzun illər Dəvəçidə müxtəlif vəzifələrdə çalışıb.
O, xalq arasında qazandığı nüfuzu və hörməti sayəsində 5 noyabr 2000-ci il tarixində Azərbaycan Respublikasının Milli Məclisinə keçirilmiş seçkilərdə deputat seçilib və 20 il bu qanunvericilik orqanında səmərəli fəaliyyət göstərib.
Tahir Süleymanov parlament fəaliyyəti dövründə Milli Məclisin Aqrar siyasət komitəsinin üzvü olaraq bir çox önəmli məsələlərə dair qanunların müzakirəsində və qəbulunda, həmçinin parlamentlərarası işçi qruplarının və nümayəndə heyətlərinin işində yaxından iştirak edib.
Hal-hazırda Azərbaycan Ağsaqqallar Şurasının sədr müavini kimi ictimai fəaliyyəti davam etdirən Tahir Süleymanov təşkilatın işində yaxından iştirak edir, cəmiyyətdə, xüsusilə gənclərin inkişafında öz əməyini əsirgəmir.
Xülasə — davamını mənbədə oxuyun.
