ölüm

mənim bacım bu yaxınlarda rəhmətə getdi. bu sözü yazanda hələ də gülməyim gəlir. necə ona bu sözü yaraşdıra bilərəm ki. insan ən yaxınını itirənə qədər itirmək qorxusunun nə olduğunu sadəcə xəyal eliyə bilirmiş. mənim bacım bu həyatda tanıdığım ən ağıllı, ən dərin insan idi. özü kimi dərin dənizdə də son nəfəsini verdi. son zamanlarda manifestə girişmişdi. deyirdi sözlərinə fikir ver ağzınnan nə çıxsa başına o gəlir. qəribədi ki, ölümünnən bir həftə filan əvvəl mənə dedi gedək dənizə. mən heç vaxt dəniz xoşlamamışam. dedim istəmirəm narahat oluram dənizdə, əlimi atıram boşluqdu, ayağımın altını görmürəm boşluqdu. eyni bu dediyim şəkildə də öldü. yenə həmin ərəfədə demişdim ki neçə vaxtdı qara paltar geyinmirəm. bir neçə gün sonra ancaq qara geyindim. deyəsən düz deyirmiş ki nə desəm onu yaşayacam. amma kaş sən yaşamazdın. o qədər pis bir duyğudu ki, canınnan çox sevdiyin insanın qaranlıqda nəfəssiz qaldığını düşünmək. görəsən nə fikirləşib? kömək axtarıb? məni düşünüb?
kaş həmin an yanında olsaydım. bəlkə belə olmazdı. o qədər pis, ağır şeylər yaşamısan ki o qısa ömründə. sən bu qədər yükü qaldırmağa layiq deyildin axı. mənə olan sevginnən bir dəfə olsun şübhə eləməmişəm. başıma gələn ən xırda şeydə belə mənnən daha çox sevinmisən. sevgini dilə gətirə bilirdin, üzüntünü dilə gətirə bilirdin, xətrimə dəyəndə könlümü ala bilirdin, üzr istəyə bilirdin. ən böyük peşmançılığımdı sənə olan sevgimi sənə göstərə bilməməyim. hiss elətdirirdim bəlkə ama axırıncı dəfə nə vaxt səni doyunca qucaqlamışam yadıma gəlmir. sənə ən son nə vaxt səni dünyalar qədər çox istəyirəm demişəm yadıma gəlmir. bağışla məni nolar. bəlkə də bu dünyada ən çox sevgiyə layıq olan adam sən idin amma mən sənə bunu hiss elətdirə bilmədim.
gözümü ilk açandan yanımda olmuşdu hər anımda. uşaq olanda məhlədə bir oğlan mən yıxılanda gülmüşdü deyə onu üzünü göyərdənə qədər döymüşdün. sevgilimdən ayrılanda mənnən bir kəlmə soruşmuşdun ki, nə eləmək istiyirsən? dedim bilmirəm. sevgilim yanıma gəldi mən danışmaq istəmədim, sən mənim içimdə olub deyə bilmədiyim bütün sözləri mənim yerimə dedin. halbuki mən sənə heç danışmamışdım. sən həmişə mənim içimi oxumusan. görəsən indi də görə bilirsən içimi? nə qədər darıxdığımı, nə qədər çox istədiyimi. o qədər mənasız gəlir ki hər şey. izah eləmək olmur amma elə bil nə yerdəyəm nə havada. ortada durmuşam özümə yer tapa bilmirəm. sən gedənnən bir aydan çox olub və mən oturub qəbrinin üstündə heç olmasa bir dəfə yuxuma girəsən deyə dua eləmişəm. bəlkə orda səni görərəm, gülüşünü görərəm.
mənim bacım həyatımdakı tək əyləncəm idi. indi kimlə əylənəcəyimi bilmirəm. ətrafındakı heç kimə pisliyi dəyməmiş, hamının həyatının bir nöqtəsinə toxunmuşdu. ətrafına ancaq sevinc gətirirdi, enerji verirdi.
əvvəllər deyiləndə bu sözün ciddiyyətini anlamırdım amma doğurdan həyat çox qısadı. içinizdəki sevgini göstərməkdən heç vaxt çəkinməyin. gec olanda çox ağrı verir. heçnəyi sabaha saxlamamalıymışıq. mənə bildiyim hər şeyi o öyrətmişdi, bunu da öyrətdi.
içimi bir yerə boşaltmaq istəmişdim, düşündüm ki burda çox yazısı olub, mənə də burda yazar olmağımı o demişdi, ən yaxşı yer bura olar. sevgiylə qalın-*

ruhun şad olsun gözəlim mənim, səni çox istəyirəm.

feminizm

Günümüzdə qadınları kişilərdən üstün tutanlardan ibarət olsa da, halbuki əsl məqsədi qadınların da siyasi hüquqlarını kişilərlə eyniləşdirmək istəyənlərin ortaya atdığı bir fikir olub. Hə, əgər qadınları kişilərdən üstün tutanlar dedimsə, yanlış anlaşılmasın, bu elə fikirdə, oxumaqda, dünyagörüşündə, danışıq qabiliyyətində və s. deyil. Bunu kişi edirsə, mən də edərəm, mən bunu tək də eliyə bilərəm, kişi nədi ki, qadınlar olan yerdə düşünənlərdən ibarətdi. Deyən yoxdu ki, bunlar eynilik deyil, bunlar sənin öz şəxsiyyətindən, nə dərəcədə özgüvənin olmasından yaranan şeylərdi. Yəni bunu sən də eliyərsən də təbii ki, niyə eləmiyəsən sən də insansan. Bunu kişi eliyirsə qadın da edər düşüncəsi ümumiyyətlə çox eqoist düşüncədir. Əgər eyni olsaydıq, eyni yaranardıq. Bu faktdı ki, kişilərin bacardığı müəyyən şeyləri qadınlar bacarmır, həmçinin qadının bacardığı şeyləri də kişilər, yəni belə də olmalıdı da onsuz da iki fərqli cinsdi. Düzdü günümüzdəki qadın cinayətlərini, onlara olan iyrənc münasibəti (baxma: oğlanların bir-birinə təhqirindəki qızz kimi gülmə ala cümləsi), hələ də bəzi bölgələrdəki 13-14 yaşlı qızları evləndirmə istəklərini, uşaqları belə təcavüz etmələrini (nə gündəyik ki qadınları keçmişik uşaqları belə deyirik) görsək çox da haqlıdılar əslində. Sadəcə özlərini sübut etmə yolları ən yanlış yoldu. məsələn mən hələ görməmişəm ki, hansısa prezident seçkisində feminist qadın namizəd olsun. Bəlkə də olub, amma ümumiyyətlə fikir belə verilmiyib. bu dəqiqə feministlərin elədiyi şeylər ancaq, paltarlarından nəyisə çıxarıb hər hansı bir şeyə etiraz etməkdi. Əgər çoxluq səni qəbul etmirsə və qəbul olunmaq istəyirsənsə, bunu niyə onlara əks gedib eliyəsən ki. Yəni sən 'bərabərhüquqlu' olmaq istəyirsənsə niyə küçədə soyunasan? Hansı kişi küçədə soyunur ki, bu hüququnun olmasını istiyirsən? Sən yenə soyun e küçədə, amma hüquq bərabərliyi altında niyə? Sənin geyiminə ümumiyyətlə heç kim heçnə deyə bilməz. Deyirsə də bunun üçün hüquq axtarmalı deyilsən, hüquqsuz da yetəri qədər cavabını verə bilərsən. Verə bilmirsənsə də bunun üçün başqa bir təşkilat yarat. Feminizm hara, sənin elədiyin hara. Ona görə də indi belə, kişilərin 70%inə feminizmi soruşsaq, hamısı gülüb, zarafata salıb cavab verər. Çünki qadınları heç bir mövzuda ciddiyə aldıqları olmadığı kimi, burda da almırlar. Həmin o 70% kişiyə görə qadının həyatda üç rolu var. Yaxşı övlad, həyat yoldaşı, ana. Bunun üçündən birini edə bilmirsənsə sən nə qadınsan? Səni döyə də bilərəm, söyə də. Amma o döydüyü, söydüyü qadın olmasa onun nəsli olduğu yerdə qalacaq. Ya da qadın olmasa o ümumiyyətlə dünyada olmazdı. Bunlar həmçinin kişinin olmama ehtimalına da keçərlidi. Yəni görürük ki, problem əslində nə feminizmi dəstəkləyənlərdədi, nə də kişilərdə. Problem ümumiyyətlə insanların xislətindədi. Hamı yarışdadı elə bil, hamı bir digərindən üstün olmalıdı. Kişi bunu edər, amma qadın yox. Mən bunu onnan daha yaxşı edirəm deməli mən üstünəm. Çox ciddiyə alırlar, üç gün ömrünüz var yaşıyın da insan kimi, nə istiyirsiz bir-birinizdən. ikiniz də insansız nəyi bölüşdürmürsüz. Heyvanlar bəlkə də qıraqdan baxıb gülürlər bizə xəbərimiz yoxdu.

ted bundy

sevdiyi qızın onu tərk etməsi və bacısını anası bilməsi onda 'bütün qızlar oğlanları aldadır' fikri yaratdığı üçün daha çox sevdiyi qıza oxşayan qara saç, saçını ortadan ayırmış 20dən çox qızı öldürüb, təcavüz etmiş seriyalı qatil. polislər onun evində axtarış edəndə tedin öz barmaq izinə də rast gəlməmişdilər. dəfələrlə həbsxanadan qaçması, hər dəfə özündə yeni stil yaratması və ətrafdakılara özünü sevdirməsinə görə ona şeytan ruhlu seriyalı qatil deyilir. sevdiyi qız onu tərk etdikdən sonra bir neçə universitet bitirən bundy, daha xarizmatik və özünə inamlı halda yenidən qızın qarşısına çıxır və evlilik təklif edir. qız təklifi qəbul edir lakin 2 gün sonra ted qızı tərk edir. bunun səbəbi isə istədiyi qızı özünə aşiq etdirəcəyini sübut etməsiydi. təxminən 36 qızı öldürən tedin heyranları saçlarını qara rəngə boyadıb, ortadan ayırıb onun diqqətini çəkmək üçün məhkəməyə gəlirdilər. məhkəmədə vəkil istəməyərək özü özünü müdafiə edən ted bundy ölüm cəzasını 15 ilə qədər uzadır. bu vaxt ərzində isə heyranlarından biri ilə evlənir və bir qızı olur. ted 2 saat ərzində bədəninə elektirk verilərək ölmüşdü. son sözü isə bu idi ki, 'ailəmə və dostlarıma sevgilərimi çatdırın'

ian curtis

bir neçə ay əvvəl manqurt haqqında yanımızda getdi yenə qayıtdı, tüpürdüyünü yalayan deyirdi həmişəki kimi. hər fürsətdə də bunu deməkdən xüsusi həzz alırdı deyəsən. hətta sözlükdən çıxanda belə vaxtilə gedirəm deyib sonra qayıdıb tüpürdüyünü yalayanlar getmək necə olur görmüş olarlar demişdi ama yenidən qayıdıb tüpürdüyünü yalamış olan yazarımız.