Hərfi tərcüməsi Qum Adam olan Avropa folkloruna aid mifoloji obraz. insanların gözlərinə sehrli qum üfürərək onları yatızdıran, xoş yuxular görmələrinə səbəb olduğuna inanılan bir obrazdır Sandman.
Amma o hər zaman müsbət xarakterli olmur. Bəzən qarabasma da görməyə səbəb ola bilər.
Ədəbiyyatda, musiqidə də kifayət qədər geniş istifadə olunan obrazlardan biridir.
Məşhur danimarkalı yazıçı Hans Christian AndersenOle Lukøje adlı nağılında bu obraza müraciət edib.
Eyni zamanda, Neil Gaimanın 1989-cu ildən dərc olunmağa başlayan məşhur komiks seriyasının adıdır.
Musiqidə istifadə olunan nümunələrinə misal olaraq The Chordettes - Mr. Sandman
Adını Kral Artur əfsanəsindəki Morgan le Faydən götürən optik hadisə. Morgan le Fay, (italyanca Fata Morgana, yəni, Pəri Morqan) Kral Arturun cadugər ögey bacısı idi. Haqqında olan müxtəlif əfsanələrdən birinə görə o, havada yalançı qəsrlər yaradaraq dənizçiləri öz toruna salır və beləliklə, onların ölümünə səbəb olurdu.
Günümüzdə bir çox təbiət hadisəsinin elmi izahı olsa da, bir neçə əsr bundan öncə belə hadisələr insanlarda vahimə yaratmağa bəs edirdi. Uzun müddət insanlar fata-morqananın da sehrli, qorxunc bir hadisə olduğunu düşünürdülər.
Fata-morqana dilimizdə ilğım, dünyada miraj(mirage) olaraq bilinən qeyri-adi təbiət hadisəsinin bir növüdür, optik illüziyadır. Azərbaycan dilinin izahlı lüğətində miraj, "Xəyal, ilğım; üfüqdə cismin və ya göyün bir hissəsinin xəyali görüntüsü, daha çox düzənlik, səhra və dənizdə müşahidə olunan optik hadisə.... " kimi verilən təbiət hadisəsidir. ilğım obyektdən həm yuxarıda, həm də aşağıda təzahür edə bilər. Səhrada və ya digər ərazidə əgər uzaqdan su sahəsi görünürsə, yaxınlaşdıqda isə heç nə yoxdursa, deməli, görünən sadəcə səmanın əksidir. Başqa sözlə, alt ilğımdır.
Məsələn, bu şəkildəki görüntünü misal göstərmək olar:
Fata-morqana isə mirajın/ilğımın xüsusi və mürəkkəb növüdür.
Üst ilğımdır. Obyektin təzahürü ondan yuxarıda əks olunur.
Quruda, qütblərdə də rast gəlinə bilməsinə baxmayaraq, fata-morqana ən çox dəniz üzərində görülür. Ən çox rast gəlindiyi yerlərdən biri də Messina boğazıdır.
Hadisənin yaranma səbəbi kimi atmosferin aşağı qatlarında temperatur inversiyası göstərilir. Bilirik ki, atmosferin yuxarı qatlarına çıxdıqca temperatur aşağı düşür. Lakin temperatur inversiyası zamanı isə dənizin üzərindəki havanın temperaturu, onun üzərindəki atmosfer qatındakı havanın temperaturundan daha aşağı olur. Aşağıda soyuq, yuxarıda isti hava olur. Fərqli temperatur və sıxlıqlı qatlardan keçən günəş şüaları sınır, əyilir və bununla da obyektlərin üfüq xəttindən yuxarıda tərs dönmüş, bulanıq, ikiləşmiş və s. formada əks olunması baş verir. Bu optik illüziya nəticəsində sanki göydə üzən qayıqlar, gəmilər, binalar, üfüqdə zolaq şəklində uzanan divar və.s görmək mümkündür.
Fata-morqana görüntüsü həm də insanın obyektin əksini necə, hansı məsafədən görməsindən asılıdır. Əks olunan obyekt nə qədər uzaqdadırsa, o qədər böyük ölçüdə görünür.
Bu nadir rast gəlinən, qeyri-adi təbiət hadisəsi ilə bağlı bir çox maraqlı məqamlar var. Hətta bəzi mənbələrdə Titanikin batmasında da fata-morqananın rol oynama ehtimalının olduğu qeyd olunur. Əlavə məlumat üçün: https://www.farmersalmanac.com/fata-morgana-mirage-28630
Google və Kung Fu sözündəki "Fu" suffiksinin birləşməsindən əmələ gələn slenq. Google axtarış sistemindən yüksək səviyyədə, ustalıqla istifadə etmə bacarığını ifadə edir.
Bir neçə asan növlərini bu linkdə də görə biləcəyiniz müxtəlif üsullarla internetdə lazım olan məlumatı daha asan və dəqiq tapmaq mümkün olur.
Dəfnə yarpaqlarından istifadənin orqanizmə faydaları çoxdur. Yuxarıdakı entrydə də bəziləri qeyd olunub. Lakin bu ağacın öz simvolik mənası da var. Ümumiyyətlə bəşər tarixi boyu insanlar həmişə simvollardan istifadə ediblər və bu, hələ də davam edir. Müxtəlif ideologiyalar, dinlər, təşkilatlar, ölkələr, brendlər, futbol klubları, musiqi qrupları və s. özlərini ifadə etmək üçün simvollardan, rəmzlərdən istifadə edirlər.
Dəfnə ağacı, xüsusilə bu ağacın bir növü olan nəcib dəfnə(Laurus nobilis) Qədim Yunanıstan və Romada qalibiyyət və sülhün, ölümsüzlüyün rəmzi hesab edilirdi.
Yunan və Roma liderləri hərbi zəfərlərini, eləcə də, Qədim Olimpiya Oyunlarının qalibləri qalibiyyətlərini qeyd etmək üçün başlarına dəfnə yarpaqlı çələng taxırdılar.
Hətta bəzi olimpiya medallarının üzərində də dəfnə yarpaqlarını görmək mümkündür.
Dəfnə yarpaqlarından düzəldilən çələng, sadəcə, hərbi və idman sahəsində zəfərləri qeyd etmək üçün istifadə edilmir, o həm də akademik uğurun rəmzi hesab edilir. ilk dəfə italiyanın Padua universitetində başlayan bu adət daha sonra ölkənin digər universitetləri tərəfindən də mənimsənildi.
Müasir italiyada hələ də tələbələr məzun olarkən, başlarına dəfnə yarpaqlarından çələng taxırlar.
Laureat və bakalavriat (baccalaureate) sözlərinin də laurusdan yarandığı düşünülür.
Dəfnə ilə bağlı qalibiyyətlə əlaqəli müxtəlif idiomlar da mövcuddur, məsələn, to rest on one's laurels, ispanca dormirse en los laureles və rus dilində почивать на лаврах idiomları, demək olar ki, hər üçü həm hərfi olaraq, həm də idiomatik olaraq eyni mənanı verirlər. Bu idiom hərfi olaraq dəfnə yarpaqları üstündə yatmaq mənasını verir. izahı isə keçmiş uğurlarına arxayın olmaq, qalibiyyət əldə etdikdən sonra rahatlaşmaqdır.
1940-cı ildə əsası qoyulan, baş qərargahı texas ştatının dallas şəhərində yerləşən dünyanın ikinci böyük pul köçürmə şirkətidir. şirkət 200-dən artıq ölkədə əməliyyatlar həyata keçirir.
Dram janrında olan Amerika istehsalı hbo serialı.
Hər birində 7 epizod olan və cəmi iki sezondan ibarət serialın ilk sezonu 2017-ci ildə yayımlanmışdır. Serial liane Moriartynin eyniadlı romanı əsasında çəkilib. Aktyor heyəti Nicole kidman, Laura dern, Reese Witherspoon, Zoe kravitz, shailene Woodley, Alexander Skarsgard və digər məşhur və kifayət qədər bacarıqlı aktyorlardan ibarətdir. Nicole kidman, Laura Dern ve Reese Witherspoon xüsusilə seçilirlər. ikinci sezonda Meryl streep Kimi əfsanə aktyor da heyətə daxil olur.
Serialın musiqiləri də çox gözəldir: michael kiwanuka - Cold little heart
(youtube: )
Həm tənqidçilərin, həm də izləyicilərin müsbət rəyini alan serial 4 golden globes awards və bir sıra digər mükafatlara da layiq görülüb.
Hekayəsi 5 qadın, onların şəxsi həyatları, problemləri və işlənən cinayət ətrafında cərəyan edir. Çox maraqlı, insanı yormayan və düşündürən hekayədir. Baxmağı məsləhət görürəm. A perfect life is a perfect lie
Jane: They're kids, though, you know. They bully. It's a human nature. They grow out of it
Celeste: sometimes they don't.
dünyada ən amansız şeydir zaman. eləcə axıb gedir. əvvəl uşaqlığını, sonra gəncliyini əlindən alır və qocalığı, çarəsizliyi gətirir. geri qaytara bilmirsən zamanı, düzəltməkçün səhvləri, dəyərləndirməkçün şansları, yaşamaqçün yenidən gözəl anları.
zəif görmə qabiliyyəti ilə doğulan və daha sonra-12 yaşında futbol oynayarkən baş verən bir qəzada görmə qabiliyyətini itirmiş möhtəşəm tenor səsə malik italyan opera müğənnisi və bəstəkarı.
ilk dəfə bu səsə uşaqkən ferrero rocher reklamında səsləndirilən mahnısını eşidən zaman vurulmuşdum
(sözügedən mahnının linki bundan əvvəlki entrydə başqa bir yazar tərəfindən verilib)
if you mix the mashed potatoes and sauce, you can't separate them later. it's forever. The smoke comes out of Daddy's cigarette, but it never goes back in. We cannot go back. That's why it's hard to choose. You have to make the right choice. As long as you don't choose, everything remains possible. Mr. Nobody
insan orqanizminin ən çox tələb etdiyi vitamin. buna baxmayaraq, həddindən artıq (gündə 2q - dan çox) c vitamininin qəbulu böyrəkdə daş yığılmasına, ishal, ürəkbulanması və qastritə səbəb ola bilər.
uşaqlığımı xatırladan meyvə,
həm də ən dadlı meyvə. amma tez xarab olur, qurd dadanır, yayın heç ortalarını görmür.
sanki bu bir qaydadır, gözəl olan hər şeyin ömrü qısa olur.
italyan rejissor paolo sorrentinonun 2015-ci ildə çəkdiyi komediya və dram janrında olan film. filmin baş rollarında iki ən yaxın dostu canlandıran michael caine və harvey keitel oynayırlar.
filmdə hadisələr uzun illərdir dostluq edən təqaüdə çıxmış dünya şöhrətli bəstəkar fred (michael caine) və filmmeyker olan mick (harvey keitel) ətrafında cərəyan edir. baş qəhrəmanlarımız isveçrədə alp dağlarının ətəyindəki dəbdəbəli bir kurort məkanında istirahətdədirlər.
burada onlar bir zamanların əfsanə futbolçusu diego maradona və bir kainat gözəli ilə də qarşılaşırlar.
filmdə musiqi, fəlsəfə, din, kino sənəti, psixologiya və digər sahələr barədə önəmli fikirlər bildirilir.
filmin musiqilərinə isə söz ola bilməz.
Əsl adı Stephen James Wilkinson olan və musiqi fəaliyyətinə 2005-ci ildə başlayan ingilis musiqiçi və prodüser. Yaradıcılığında müxtəlif janrlara müraciət etsə də, əsasən, folk və electronic musiqi elementlərini özündə cəmləyən folktronica, indie pop və indie rock ifaçısı kimi tanınır.
Varlığından bu yaxınlarda təsadüfən spotify-da bu mahnısına
(youtube: )
rast gələrkən xəbərdar oldum. Elə ilk mahnıdan sonra da davamlı dinləməyə başladım.
Öz-özümə fikirləşirəm ki, musiqi olmasaydı, insanlar nə edərdi? Mən, şəxsən bilmirəm. insanın əhvalını yüksəldən ən təsirli və demək olar ki, ən zərərsiz vasitədir musiqi.
üzünüzə qarşı od püskürən, içindəki zəhəri atan insanlardan qorxmayın, əsil qorxulası, ehtiyat ediləsi insanlar nifrətini gizlədən, hər şeyi içinə atanlardır. onların nə vaxt püskürəcəyi bəlli deyil.
tərcümə etdiyi əsərlərin orijinal təsiri bağışladığı insan. belə tərcüməçilər barmaqla sayılacaq qədər azdır. adətən azərbaycan dilinə tərcümə olunmuş əsərlərin bir-iki səhifəsini oxuduqdan sonra davamını gətirmək istəmirsən. amma bu adam işinin ustasıdır
Sözlükdə hansısa maraqlı entry oxuyursan, sonra istəyirsən ki, həmin yazarın yazdığı başqa entrylərə də göz atasan. Yazarın profilinə keçmək istəyirsən ki, yenə nə isə oxuyasan və voilà:bu yazar profilini deaktiv edib.
)
də görə biləcəyiniz müxtəlif üsullarla internetdə lazım olan məlumatı daha asan və dəqiq tapmaq mümkün olur.
