arrowhead

57 0 0 0

11. nəsil yazar

Entry: 57

blok başlıqlarını gizlət

evdən çıxmağa az qalmış

knowledge argument

moon dog

google photos

james clerk maxwell

əfsanəvi albom qapaqları

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı music

+26 əjdaha

bu aralar qulaq asmaqdan doymadığım vaporwave janrını bir də özüm yoxlamağa çalışdım. üstündə hələ çox işi olan bu kasıbyana təşəbbüsümü sözlüyə sunuram -*.

the purpose of pain is to get our attention
that something is wrong
protect us from further damage and to request care
it's in this sense that a little bit of pain is a good thing

introdakı vocal: backxwash - purpose of pain

22 əjdaha! 10.04.2023 23:54, arrowhead

#370240 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların 17 yaşlarındakı hallarına deyəcəkləri

+26 əjdaha

rage against the machine kimi adam idin, 6 il içində səni necə duster elədim, heç özüm də bilmirəm.

alınmadı ay arro, boş yerə o şəxsi inkişaf kitablarını da oxuyub beynini katlet eləmə. həm də ki, o boyda xəyal qurarlar ala, xiyarsane özüm ölüm* sənöl .

22 əjdaha! 02.03.2023 03:25, arrowhead

#368156 şikayət

sözaltı music

+20 əjdaha

Çox vaxt bayramlarda, bütün ailənin süfrə başında bərabər toplaşdığı anlarda olur bu, ən sevdiyiniz kəslərlə, bir stolun arxasındasınız, qulaq incitməyən şirin bir səs-küy hər yeri bürüyüb, zarafatlar və gülüşlər havada uçuşur, otaqdakı soyuq təbiətlilərin də introvert kimliyi bir an yox olub. Elə bu anın ortasında, qısa müddətlik, birdən-birə hər şey təkcə sizin gözünüzdə yavaşlamağa başlayar və siz bu möhtəşəm anın fərqinə vararsınız. Bayaq yanınızdakının etdiyi zarafata çəkdiyiniz qəh-qəhə yerini zərif bir təbəssümə dəyişər və əyləşən hərkəsə eləbil heç otaqda deyilmişsiniz kimi, gizlincə baxarsınız, hamı nə iləsə məşğuldur; biriləri qızğın debatdadı, bir digəri uşaqlarla oynayır, bir başqası debatdakıların ciddiləşmiş ağzını güdür ki, şit bir zarafat edib hamını güldürsün, filan. Amma otaqda təkcə siz bu anı qıraqdan "kuşbakışı" izləyib xoş düşüncələrə dalırsınız, ürəyinizdə "yaxşı ki, buradayam və onlara sahibəm" deyib bütün dərd-səri unudursunuz. Nə söhbətdən kənardasınız nə də tam olaraq içində, arada qalmısınız.

Belə xüsusi, insan olduğuna sevindirən anlarda beynimin içində dönən bir musiqi var, çalışdım biraz da olsa ona yaxın nəsə edim.

14 əjdaha! 02.01.2023 23:14, arrowhead

#365017 şikayət

knowledge argument

+17 əjdaha

mary, nevrologiya üzrə ixtisaslaşmış, yüksək iq sahibi bir alimdir, lakin digər kollegalarından önəmli bir fərqi var; həyatı boyunca heç vaxt heç bir rəngi görüb, təcrübə edə bilməyib. bütün ömrünü ağ-qara otaq, avadanlıqlar və monitorlarda rəngləri və beyni araşdırmaqla keçirib. öz dörd divarından kənarda qırmızı, sarı, bənövşəyi və s. kimi rənglərin mövcud olduğunu, onların dalğa uzunluğunu, gözün retinasına təmas edərək beyində hansı bölgələri aktivləşdirdiyini və s. məlumatlarını tam əminliklə bilir, amma öz gözləri ilə o rəngləri heç vaxt görə bilməyib. günlərin birgünü həbs olunduğu bu ağ-qara otağın qapısı birdən açılır və mary həyatında ilk dəfə çöldəki mavi səmanı, qırmızı qızılgülləri və öz əllərinin gerçək rəngini görür. bu halda mary otağında rənglər haqqında öyrənmiş olduğu bütün o məlumatlardan kənar yeni bir bilgi əldə edirmi, yoxsa bunun necə bir şey olduğunu mary onsuz da bilirdimi?

bu düşüncə təcrübəsi frank jackson tərəfindən 1982-ci ildə, kainatda mövcud olan hər şeyin -bilginin- fiziki və maddi olduğunu müdafiə edən fizikalizmə əks arqument olaraq irəli sürülmüşdür. jakson qeyd edir ki, rənglər haqqında bütün fiziki məlumatları aldığı halda, otaqdan çıxdıqdan sonra mary-nin onlar haqda yeni bir bilgi əldə etməsi fizikalizmin yanlış olduğu qənaətinə gətirir. təcrübənin əsas obyekti və ya vurğu etməyə çalışdığı şey odur ki, kainatda maddi olmayan və sadəcə şüurlu sürətdə təcrübə edildiyi halda əldə edilə bilən məlumat formaları vardır. mary-nin otaqdan azad olmamışdan əvvəl rənglər haqqında öyrəndiyi hər şey, "qırmızı rəngi görmək"lə eyni əhəmiyyətli olsa da təmamilə fərqli təcrübədir. "qırmızı rəngi görmək" qualia xarakterli və sadəcə şüurlu sürətdə əldə edilə bilən məlumat formasıdır. bu tip məlumatlara içilən şərabın dadı, yağışdan sonra gələn torpaq qoxusu və s. aid etmək olar.

(baxma: mary's room)
(baxma: bilgi arqumenti)

13 əjdaha! 01.04.2023 01:08, arrowhead

#369648 şikayət

protein

+15 əjdaha

bütün canlıların özülünü təşkil edən ən vacib 4 kimyəvi maddədən biridir* digər üçü karbohidratlar, lipidlər və nuklein turşularıdır . sırf buna görə "həyat molekulu" kimi də adlandırılır. dnt-dəki əksər gen öz 4 hərflik* adenin, guanin, sitozin, timin əlifbası ilə bu protein, enzim* protein təməlli, lakin şəkildəyişmiş bioloji katalizatorlardır və ya zülal dediyimiz maddələri kodlaşdırmışdır. Hüceyrə və ümumilikdə orqanizm daxilində gedən proseslərin çox böyük qismindən məsuldurlar. Hətta özlərini yaratmaq üçün belə özlərinə ehtiyac duyurlar, dnt-nin hüceyrədə kopyalanması* transkripsiya üçün helikaza, polimeraza kimi protein təməlli enzimlər, kopyalanmış bu dnt parçasından yeni proteinlərin sintezi* translasiya üçün isə yenə başqa enzimlərə ehtiyac duyulur. Canlıların hüceyrələrini qoruyan membranlar və ya hüceyrə divarları onlara "saplanıb" iki hüceyrə arasında əlaqə yaradan, siqnal göndərən və ya hüceyrəyə hansı maddələrin girib-çıxa biləcəyini təyin edən kiçik nəzarət-buraxılış məntəqələri olan protein molekulları ilə doludur.

Quruluşları da olduqca mürəkkəbdir ki, laboratoriya şəraitində uzun zəncirli proteinlərin sintez edilməsi çox çətin və ya hələki qeyri-mümkündür. Hələ də ən yaxşı protein fabrikləri hüceyrələr - ribosomlardır. Canlı təbiətin əsas ehtiyac duyduğu 20 amin turşusu var, proteinlər bu amin turşuların zəncir şəklində bir-birinə bağlanması ilə əmələ gəlir. Təkcə bu da deyil, bu, hüceyrənin biricik " hezarfen"ləri özlərini molekulyar səviyyədə fərqli formalarda qatlayaraq müxtəlif şəkillərə salma qabiliyyətinə sahibdirlər və bu forma dəyişikliyi ilə yeni kimyəvi funksiyalar qazana bilirlər. Buna görə proteinlərin 4 əsas struktur formasını ayırırlar; 1. primary 2. secondary 3. tertiary və 4. quaternary.

Son olaraq, ultra dayanıqlılıq qabiliyyətlərinə görə məşhurlaşan tardigradlara o özəlliyi verən də elə dsup adlanan bir proteindir.

13 əjdaha! 27.02.2023 22:13, arrowhead

#368068 şikayət

arqument

+14 əjdaha

hər hansısa iddianın doğru olduğunu göstərmək üçün önə sürülən fikir və ya fikirlər toplusudur. arqumentlər insana bir şeyə inanmaq, bir şeyi etmək və ya o şeyi dəstəkləmək üçün səbəblər verir. bir şeyə inanmağınız və ya dəstəkləməyiniz üçün irəli sürülən hər bir iddianı, hardan və ya kimdən əldə etdiyinizdən asılı olmayaraq, həmin iddianın doğruluğunu sübut etmək üçün önə sürülən arqumentləri dəyərləndirərək həqiqiliyini təyin edə bilərsiniz. Əsas məqsədi sizi inandırmağa çalışmaq olan bu iddialar yaxşı əsaslandırılmış arqumentlərə, zəif-əsassız arqumentlərə və ya heç bir arqumentə sahib olmaya bilər. Bunu nəzərə alaraq, iddialar dəyərləndirilərkən bu 3 mərhələdən keçirilməlidir:

1.Arqumenti tapmaq: Dəyərləndirmənin ən önəmli məqamlarından biridir. Müzakirə edilən iddianın qorxu, əsəb, sevinc və s. kimi saf insani duyğularanıza yönəlmiş ritorik konnotasiyalardanmı yoxsa obyektiv fikirlərdən, başqa sözlə dəyərləndiriləbilən arqumentələrdən* yaxşı və ya pis olmasından asılı olmayaraq ibarət olduğunu müəyyən etməkdir. Məsələn, vəzifəyə namizədliyini irəli sürmüş partiya üzvünün öz çıxışında "xalqın rifahının təmin edilməsinə yönəlmiş variantlar ilk prioritetimizdir" deməsi ilə "hakimiyyətdə olacağım təqdirdə sosial müavinətlər 2 dəfə artırılacaq" deməsi arasında böyük fərq var. ilk iddia boş ümidlənmə duyğusu yaratdığı halda, ikinci iddia inanıb-inanmamağınızdan asılı olmayaraq, ümidinizə sorğulanabilən konkret səbəb verir.

2.Arqumenti ifadə etmək: Arqumenti tapdıqdan sonra, onu daha dəqiq və artıqlıq yaradan ifadələrdən azad etməklə mühakiməyə daha əlverişli hala gətirməkdir. Bunun üçün standart forma metodundan istifadə olunur. arqumentlərin 2 əsas parçası var; conclusion-nəticə - qəbul etdirilməyə çalışılan iddia, c hərfi ilə işarələnir və premise-ilkin şərt - bu iddianı qəbul etməyimiz üçün verilən dəstəkləyici sübut və iddialar, p hərfi ilə işarələnir. Bu halda yuxarıdakı iddianın standart forması belə olacaq:

p1) pensiyam qalxsa, nəvələrimlə daha keyfiyyətli vaxt keçirə biləcəm.
p2) partiyanın x üzvü hakimiyyətə gələrsə pensiyam qalxacaq
----------------------------------------------------------------------------------
c) səsimi x üzvünə verməliyəm

Burada etdiyimiz şey arqumentləri daha çılpaq şəkildə göstərək mühakiməsini asanlaşdırmaq və arqumentləri daha səlis dəyərləndirə bilməkdir. Bu, yenidən formalaşdırılmış arqumentdir.
Bir arqumentin conclusion-nəticəsini, başqa sözlə arqumentin hansı iddianı inandırmağa çalışdığını təyin etmək üçün iddianın ana fikrini anlamağa çalışmaq lazımdır, bundan başqa cümlə içərisində istifadə olunan bəzi sözlər birbaşa nəticəyə vurğu edir, məsələn, "deməli...", "yəni...", "ona görə də..." və s. Bu tip sözlərdən sonra gələn ifadələr əksər hallarda arqumentin nəticəsinin nə olduğunu göstərir.
Bir arqumentin premise-şərtlərini, başqa sözlə iddianın doğruluğunu göstərmək üçün deyilən digər köməkçi iddiaları təyin etmək üçün isə iddiada göstərilən "sübut" ifadələrini tapmaq lazımdır. Özünə "iddiaçı nəticənin doğru olduğunu göstərmək üçün hansı sübutları irəli sürür?" kimi suallar verilməlidir. Nəticələrdə olduğu kimi şərtlərdə də onlara vurğu edən bəzi söz və söz birləşmələri vardır. Məsələn, "ona görə ki...", "səbəbi..." və s. arqumentin şərtlərini təyin edərkən onu ritorik sözlərdən, dramatik bənzətmələrdən və s. bu kimi artıq ifadələrdən azad etmək, arqumenti daha səlis görməyə yardımçı olur. "iqlim dəyişikliyi, bu pul və gücdən gözü dönmüş ölkə başçılarının öz mənafelərini müdafiə etmək üçün ortaya atdıqları bir başqa səfehlikdir." iddiasında "pul və gücdən gözü dönmüş", "səfehlikdir" kimi ifadələr buna misaldır və arqument standart formaya salınarkən çıxarılmalıdır.

3.Arqumenti dəyərləndirmək: Son mərhələ arqumentlərin yaxşı və pis tərəflərinin sorğulanması, sübut və faktların müəyyən edilib, iddianın ümumi olaraq test edilməsidir. Bu mərhələdə verilən conclusion və premise-ların doğruluğu, məntiqi keçərliliyi, deduktiv və induktiv dəyərləndirilməsi həyata keçirilir.

günümüz dünyasında, hər dəqiqə, insanları birşeylərə inandırmağa çalışırlar. reklamlar, siyasət, şirkətlər, media, sosial şəbəkələr durmadan nəyin düz nəyin səhv olduğunu deyən insanlarla doludur. bu səbəbdən, beyinlərimizin kirlənməməsi üçün, tənqidi düşüncəni inkişaf etdirib, arqument və iddiaların təbiətini anlamaq çox faydalıdır.

mənbə:
1. link link

2. tracy bowell - critical thinking: a concise guide * entrynin əksər hissəsi bu kitabdan götürülüb, bir neçə paragrafın yığcamlaşdırıb önəmli olduğunu düşündüyüm hissələri entry olaraq yazdım. kitab şiddətlə önərilir.

12 əjdaha! 06.01.2023 16:45, arrowhead

#365299 şikayət

sözaltı fotoqrafiya

+12 əjdaha

We used to sleep on the roof, sleep overnight, they don't do that anymore, things changed. You see...

9 əjdaha! 14.11.2022 22:07, arrowhead

#362522 şikayət

nils frahm

+11 əjdaha

Harmonium in the Well kimi bir şahəsərin müəllifidir bu adam. Çox düşünürəm bu musiqi haqqında - qulaq asmasam belə. Boş skamyadan nebuchadnezzar, sadə park mənzərəsindən andromeda, orta-statistik insandan filosof düzəldəcək musiqidir kendileri. 20 playlistdən hansına atım deyə hər dəfə qərarsız buraxan, konkret bir hissə ehtiva etməyən, sərhədsiz və bir o qədər də sadə melodiya əsintisi, hansı ki, bəlkə sadəcə amigdala və frontal lob qədər yerdə əsir, amma sən elə bilirsən bütün görünən kainatı gəzib gəlmisən; həm də düz 11 dəqiqə yarımın içində.
link link

9 əjdaha! 18.09.2023 00:11, arrowhead

#378655 şikayət

youtube

+11 əjdaha

Önərdiyi musiqilərin spotifydan qat-qat yaxşı olduğu platforma. Ana səhifədə durduq yerə 10 il əvvəl paylaşılmış vaporwave mahnılar, 70-80lərdən adı-sanı bilinməyən prog-rock qrupların albomları spotify-ın discover weekly-nə min basar, bəyənməmək ehtimalım da demək olar yoxdu önərdiklərini. Kaş youtube music odlar yurduna təşrif buyursa da qulağımız biraz şənlənsə.

10 əjdaha! 19.05.2023 22:20, arrowhead

#372708 şikayət

tanrının durmadan insan yaratması

+10 əjdaha

manual etdikdə 3 dəqiqə çəkən işin üzərində 13 saat işləyib avtomatikləşdirməyə çalışan programçılar kimi, kainatı durmadan böyüdüb içinə maraqlı şeylər qoymağın daha əyləncəli və cəzbedici olduğunun fərqinə varandan sonra cürbəcür çoxalma sistemlərini yaradıb, camaatı özbaşına buraxmasına səbəb olmuş proses. bir müddət sonra vəziyyətin heç ürəkaçan olmadığını görüb, peyğəmbər göndərməyə başlayır və olaylar gelişir. sifarişi verən: Derek

8 əjdaha! 19.12.2022 10:12, arrowhead

#364280 şikayət

evdən çıxmağa az qalmış edilən mental hazırlıq seansı

+9 əjdaha

getməyə o qədər də həvəsli olmadığın bir yerə gedirsən, üstündə götürdüyün çantan və s. hər şey hazır, tam da qapıya yollanarsan ki, astanada bu çəhrayı pox hiss səni tutar-buraxmaz, oturub 5-10 dəqiqə pəncərədən yerə paralel vuran günəş şüalarına baxarsan. çox vaxt sübh tezdən baş verdiyi yalın bir gerçəkdir, yəqin ki səhərin; uzaqdan bərq edən pozitiv sarı günəşin verdiyi xoş hiss sənin qara qüssənlə qarışıb, bulanlıq, yuxuvari bir sintez əmələ gətirdiyi üçün. ağlına heç bir fikir də gəlmir amma sən düşünürsən, xoş bir melanxolik komfortu var.

O an mənzərən belə bir şey olar:

qulağında da bunun kimi nəsə:

6 əjdaha! 06.05.2023 14:19, arrowhead

#371840 şikayət

moon dog

+10 əjdaha

əsasən qış aylarında ay işığının* əslində dolayı olaraq günəş işığı havadakı buz kristalları ilə təması nəticəsində ortaya çıxan optik fenomendir. Göy üzündə sirrius tipli buludlar varsa ortaya çıxması daha mümkün ehtimaldır.

(baxma: ay haləsi)
Bir də bunun günəşlə olan versiyası var.
(bax: sun dog)

9 əjdaha! 09.03.2023 00:00, arrowhead

#368435 şikayət

yaşlanmağın hiss edildiyi anlar

+9 əjdaha

- sigaret çəkdikdən sonra saqqız alma ehtiyacı duymamaq və qutunu gizlətmək üçün evdə bir yer axtarmamaq.

- evə gec saatlarda gəldikdə, "indi yaxşısından bir azar yeyəcəm" düşüncəsilə qapını açdıqdan sonra hamının sadəcə salamına qarşılıq verib heçnə deməməsi ya da yuxulu gözlərlə "gəlmisən?" demələri.

- şəxsən sənə gələn dəvətnaməni görmək və həmin toya pul atan adam olmaq.

- uşaqlarla danışdıqda, ağzından çıxan hər söz və etdiyin hər şirin zarafatın 40-nı adlamış dayı ab-havası verməsini iliyinə kimi hiss etmək və xırda üzüntüdən sonra davam etmək.

7 əjdaha! 24.12.2022 13:47, arrowhead

#364522 şikayət

shabbat

+7 əjdaha

yəhudilərə işləməyin qadağan edildiyi dini bayramdır. cümə günü axşam başlayıb şənbə günü axşam bitməklə bir gün çəkir. qeyd edilən bu intervalda nə isə satıb-almaq, od qalamaq, odun toplamaq, yemək bişirmək və s. bunun kimi ekstra enerji sərf edilən işlər dinən qadağandır, ən azından ultra ortodoks yəhudiləri* qatı dindar yəhudilər üçün, digər daha az dindar yəhudilər bu qadağalara o qədər də əməl etmir, hətta olduğum kibbutzda bu özəl günlərdə işləyən yəhudilər də rastıma çıxıb. Din məsələsində hərdən öz millətimizə çox oxşadıram bu xalqın nümayəndlərini, hani bizdə vardır ha, nə olduğu bəlli olmamaq; içər, namaz qılmaz, donuz yeməz, zina edər amma ölüsünə kəlmeyi-şəhadət oxunar, belə həftəbecər şüurluluq biraz bunlarda da var.

talmutda qeyd edilənə görə həftənin bu periodu sadəcə ibadət və istirahətə sərf edilməlidir. artıq bir aydan çoxdur davam edən oktyabr 2023 israil - fələstin müharibəsi şabat vaxtında başlamışdı, çünki bəzi yəhudilərdən eşitdiyim qədərilə o gün silahın yerə atılması halları da ola bilir və həmas da bu avantajdan istifadə edərək israil ordusunu qəfil yaxalamışdı. Doğruluğuna o qədər də əmin deyiləm amma mümkün ehtimaldır, çünki müharibənin ilk vaxtları həmas, roketləri də ancaq şabatda atırdı. idk ya da ola bilər şabatda öldürməyin verdiyi psixoloji serotonin daha güclüdü, çünki həmas da serotonin-based hücumlar daha çox edir nəinki strateji.

Əlavə olaraq, müsəlmanların "cüməniz mübarək" ifadəsinə ekvivalent olaraq yəhudilərdə də "shalom shabbat" ifadəsi vardır ki, şabat günlərində salamlaşmaq üçün istifadə edilir və mənası "şabat mübarək", "əmin-aman şabat" kimi tərcümə edilə bilər.
sifarişi verən: timidus

5 əjdaha! 08.12.2023 00:33, arrowhead

#380887 şikayət

buludlar

+6 əjdaha

ən bacarıqlı abstrakt rəssamlardır.

6 əjdaha! 04.08.2023 17:13, arrowhead

#376920 şikayət

elektronik melanxolik musiqilər

+7 əjdaha

ikisini bir arada tez-tez eşidə bilməyəcəyiniz, çox dəyərli musiqilərdir. boards of canada qrupunun mahnılarının əksəriyyətini buna aid etmək olar, bu qəbildən olan ən yaxşı təmsilçisi də bu link

mahnıdır * xüsusən də introsu .

digər məsləhətli elektronik qruplar və hər sənətçi üçün 1-2 ədəd başlığa uyğun * melanxolik nümunə:

burial - endorphin link

aphex twin - rhubarb link

; stone in focus link

rival consoles - untravel link

susumu yokota - kodomotachi link

nils frahm - a place link

* ən sevdiyim mahnılar top 10-luğuna rahat girər bu ; diyez2 link

jon hopkins - everything connected link

apparat - heroist link

* klipi mükəmməldir sifarişi verən: willgraham_

7 əjdaha! 25.11.2022 23:37, arrowhead

#363100 şikayət

istifadəsi üçün can atılan replikalar

+7 əjdaha

look, lady whatever you're selling I ain't buying yo
(bax: breaking bad)

əlimə ətir nümunəsi soxuşduranlarda çox işə yarayır.

6 əjdaha! 02.12.2022 15:22, arrowhead

#363498 şikayət

yazarların paylaşmaq istədikləri musiqilər

+5 əjdaha

ambient janrlı musiqilərin yeri məndə tamam ayrı olub həmişə, amma gəl gör ki, o qədər ambient üzrə ixtisaslaşmış sənətçilərdən daha çox, bir post-rock qrupu olan godspeed you black emperorun bu ambient parçası mənə görə bu tərzin zirvəsidi. Mahnıdakı distopik, depresiv/chill qarışıq atmosfer adamın beyninin ən güngörməz yerlərində saxladığı düşüncələrə kimi gedib çıxır. Musiqi başlayan kimi elə bilirsən bir növ yuxudasan, qarşındakı bulanlıq sifətli adam da durmadan "where are you going?" deyə uzaqdan səslənir, bunu eşidən kimi həqiqətən "hara gedirəm axı?" sualını o qədər dramatik tərzdə sorğulayırsan ki, artıq həmin yerə getmək belə istəmirsən. Hərkəsin varıdı yəqin ki, arxa planda çalınmasına qıymadığı, nə isə önəmli bir şey düşünərkən qulaq asdığı mahnıları, mənimki də budu.

qeyd: albomun valında B tərəfinin bu mahnı olan hissəsində xüsusi bir çıxıntı var, hansı ki qramafon o çıxıntıya çatanda durmaz və dayanmadan eyni loop-u təkrar çalar. Albomun adı da yəqin ki buna görə f# a# infinity-dir.

(youtube:

)

4 əjdaha! 18.11.2022 17:17, arrowhead

#362695 şikayət

oxuyub niyə cavab yazmırsan

+6 əjdaha

"istəmədim" deyərək qarşılıq versəniz münasibətin pisləşməsi və bitməsi intervalında bir yerdə özünüzü tapa biləcəyiniz sualdır. yazılan şey "salam" və ya "..... noldu?" və s. kimi cavablandırılması nisbətən daha labüd şeylər olsa dərd yarıdı, adam "sənin şəxsiyyətinə dair 2 səhifəlik tezisim" mövzusunda mesajı döşüyəndə cavab tələb eləməsə də olar, deyilmi. sifarişi verən: timidus

6 əjdaha! 14.02.2023 23:39, arrowhead

#367451 şikayət

azərbaycanlı kişilərə xas xüsusiyyətlər

+5 əjdaha

həyat yoldaşından bəhs edərkən üzr istəmək

5 əjdaha! 12.11.2022 16:44, arrowhead

#362404 şikayət

qərarsızlıq

+3 əjdaha

ani verilən qərarlar istisna olmaqla, məsələ nə olursa olsun * kvant ölçülərində yaşayırsızsa, o uje heç əldə olan seçimlərinizin sayını təkcə məntiqinizin yox həm də biraz hislərinizin də danışmasına imkan verib əlinizdə tək bir əjdaha seçim qalana qədər azaldaraq dəf edə biləcəyiniz koqnitiv problem

Şəxsən özümdən bir misal gətirim;
magistr ixtisası seçimində sadəcə ixtisasın prespektivliliyi, iş imkanları, maaş miqdarı, həmin fakultədəki müəllimlərlə aramın necə olması * azərbaycanlıyıq da brat * niyə belə bişey düşündüm deyə sual edənlər, çünki bakalvr ixtisasını da eyni fakultədə oxumuşam və müəllimlərin əksəriyətini azdan-çoxdan tanıyıram, həm də azərbaycan universitetlərinin çoxunda massiv bulshit halına düşmüş magistr dissertasiyası işlərində lazım olur , veriləcək təhsilin maksimum keyfiyyəti kimi "məntiqi" deyə biləcəyimiz arqumentlərə əsaslandım və qərarımı verdim. Təhsili bitirib uyğun ixtisasda işə başlayandan 1 həftə sonra o da nə; səhər saat doqquzun yarısı metronun stansiya xəritəsinə baxıb həyatımı sorğulayıram * qulaqlıqda da hamının axtardığı ən qəmqin indie mahnılar . Fərqinə vardım ki, mən bu işi sevmirəm. Həmişə işi sevib-sevməməyimin ölçü vahidi olaraq iş saatı bitdikdən sonra evə gəlib onunla bağlı nələrsə edib-etmədiyimi götürürəm. Mən isə nələrsə etmək bir yana qalsın, iş yoldaşlarımın hamsı kimi saat əqrəbini baxışlarımla 5-ə gətirməyə çalışıram, işə ambisiyam yoxdur. Yəni sağ beynimi heçə sayaraq verdiyim qərarın peşmanlığını çəkdim.

Xülasə, mənim kimi düdəmə olmayın, qərar verərkən kilo yarımlıq qırış yumağınıza olan güvəninizin 1/3-ni, o dəqiqə başı atıb-duran ürəyinizə də verin.

3 əjdaha! 29.11.2022 19:00, arrowhead

#363308 şikayət

yazarların hazırda düşündükləri

+4 əjdaha

tam olaraq hər şeyin, sadəcə miqdardan asılı olması. bir xromosom fərqi ilə * hətta sikdir elə xromosomu, bircə nükleotid fərqi ilə xəstə doğula bilərdiniz, ağciyər xərçəngi olmanız, çəkdiyiniz siqaretin sayı və etdiyiniz çöl yürüyüşlərinin neçə kilometr olması arasındakı tərs nisbətə görə müəyyən olur. ümumən elmi tərəfləri düşünsək, saysız-hesabsız örnəyin olmasından savayı, qəribə də olsa, birbaşa tərəziyə qoyub ölçmək kimi şansınızın olmadığı zehni fəaliyyətlərdə də miqdar hədsiz vacibdi. Birinə verdiyiniz sevgi və dəyərin şərti miqdarından asılı olaraq onun sizə olan münasibətini dəyişdirə bilərsiniz. Bir şeyə olan marağınızın miqdarı, həmin şeyi nə qədər müddətdə davam etdirəcəyinizin göstəricisidi. Birinə etdiyiniz nifrətin miqdarına görə onu ya öldürə bilərsiniz ya da işin qəribəsi, həmin adamı onunla əlaqəsi olan başqa birinə bəslədiyiniz sevginizin miqdarına görə əfv də edə bilərsiniz. sadəcə bu yuxardakılara əsasən hər şey idarə olunur demirəm, hədsiz çox faktor var, amma bütün bu digər faktorları da miqdarla ifadə etməkdə heç bir problem olmadığını düşünürəm.

Gəncədəki yeraltı keçidlərdən birinin divarında nizami gəncəvinin, "bir inci saflığı varsa da suda, artıq içiləndə dərd verir o da." misraları yazılıb. Ordan ilk dəfə keçəndə elə də çox fikir verməmişdim, amma indi gəncəvinin ən underrated misrası olduğunu düşünürəm.

(baxma: shower thoughts)

4 əjdaha! 15.12.2022 21:45, arrowhead

#364121 şikayət

bir albomun keyfiyyətli olduğunu anlamağın yolları

+3 əjdaha

interlude (keçid) kimi adlandırılan qısa parçaların olması

3 əjdaha! 01.01.2024 18:33, arrowhead

#381572 şikayət

zamanla geridə qaldığı üçün darıxılan şeylər

+3 əjdaha

Çox az, hətta heç bir media nümunəsinin hislərə olan təsirinin qalmamasıdır. Mahnılar əvvəlki kimi qulağımla kökdə deyil, hər növ kamera rakursu sıxıcıdır, sənət də retinadan keçib dayanır tay. Elə bil puzzle tamamlanıb, daha beyin parça axtarmır, elə bu?

3 əjdaha! 07.04.2024 00:32, arrowhead

#383747 şikayət

yoxlama

+3 əjdaha

ildə ən azı 1 dəfə yadıma düşən, kemik tayfadan hər kəsin uşaq vaxtı yerli telekanallardan baxıb heçnə başa düşmədiyi, baş rollarında əjdər həmidov və yaşar nuri kimi adların olduğu, rejissorunun isə vaqif mustafayev olduğu tele-serialdır. Əla musiqiləri və mövzuya uyğun atmosferi ilə yadımdadı bu serial, xüsusən də atmosferi, qeyri-adi dərəcədə adi, qəribə və ümumi serialın havasına uyğun bir atmosferə sahib idi.

3 əjdaha! 09.07.2023 15:15, arrowhead

#374952 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

arrowhead

son bəyənilənlər:

oxuyucuların bəyəndikləri: