Nellie Crain

795 0 0 0

9. nəsil moderator

Entry: 795

life is coming back to me

blok başlıqlarını gizlət

lights, camera, action!

yazarların ruh halı

qolqota təpəsi

kitsune

sözaltı fotoqrafiya

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

həyata dair gülümsədən detallar

+84 əjdaha

Bayaq nənəm zəng edib, biraz nənəmlə, babamla danışdım. Nənəm deyinir ki, baban eləbil sibirdədir, elə bərk-bərk qalın geyinib. Pişik kimi də peçin yanında oturur. Öz aralarında zarafatlaşırlar, söz atırlar şirin-şirin.
babamla danışdım, hal-əhval tutdum. Sağollaşanda deyir kaş bir ekran, monitor ola, ürəyimizi göstərə sizi nə qədər çox istəyirik, nə qədər çox sevinirik uğurlarınıza. Gözüm doldu danışanda, ürəyim isindi.
nənəmlə sağollaşdım, telefonu söndürmədən qoydu kənara, eşidirəm mən də dediklərini. Babama deyir ki, bu uşaqlar irəli getdikcə bütün dərdimi, ağrılarımı yaddan çıxarıram, ürəyim sevinir.

indi təbəssüm yayılıb sifətimə, günün gərginliyi getdi üzərimdən. Sevilmək və sevildiyini görmək həqiqətən gözəl hissdir.

68 əjdaha! 12.11.2021 20:08, Nellie Crain

#339753 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük

+65 əjdaha

neçə gündü ürəyim partlayır, yazmasam olmaz. fikirlərimi ifadə etmək üçün daha uyğun başlıq da tapmadım, bura yazıram.

bir neçə gün əvvəl səngərdən olan videoda əsgərlərimiz arasında belə bir dialoq keçir:
+əziyyətiniz yerdə qalmasın.
-a.y.e jizn voram!
+zəhrimar, a.y.e-nin yeridi?
-şəhid olanda bu videonu paylaşacaqlar e mədəni olun.
+onsuz da mahnı qoyacaqlar da.
-hə, mahnı qoyacaqlar.

bir neçə gün əvvəl tanış qızlardan biri bu videonu whatsapp statusunda paylaşıb altdan o gülməkdən gözündən yaş gələn smileni qoymuşdu. mən isə videoya baxanda ürəyim ağrıdı. gör nə gündəyik ki, əsgərimiz deyir "onsuz da mahnı qoyacaqlar da". məncə gülməli deyil, əksinə çox ağır cümlədi. ölümü gözə alaraq cəhbədə vuruşursan və şəhid olsan ailəndən başqalarının sadəcə reyting xətrinə şəklini, videonu paylaşacağını bilirsən. vallah, çox acınacaqlı durumdur e. iyrənirəm artıq reyting xətrinə şəhidlərimizin, hərbçilərimizin, yaralılarımızın şəkil və videolarından istifadə edən bu cəmiyyətdən. sözün əsl mənasında ürəyim bulanır belə insanlardan. 2-3 dənə eyni mahnı, şəkillər, sonra da tiktokda, instada reyting güdmək.
uzaq tanışlarımızdan biri müharibə vaxtı itkin düşmüşdü, cəmi 19 yaşı var idi. ailəsi bütün xəstəxanalara, cəbhə bölgələrinə səs-soraq salmışdı təki sağ tapılsın deyə. 5 gün əvvəl nəşini gətirdilər, mühasirəyə düşüb şəhid olublar bir dəstə. səhərsi gün anamın telefonunda statuslara baxırdım. ambulansdan tabutu düşürəndə ətrafda 2 cürə insanlar var idi; göz yaşıyla ağlayan yaxınlar və əlində telefon, yaxşı çəkmək üçün bir-birini ayaqlayan iyrənc insanlar. hara gedir bu cəmiyyətin axırı?! dşünməkdən ağlımı itirəcəm. dərmanlar əsəblərimi sakirləşdirir amma kədərə heç nə etmir.

53 əjdaha! 24.11.2020 21:51, Nellie Crain

#311397 şikayət

bir azərbaycan qadınının təcavüz gündəliyi

+58 əjdaha

.

"bizim kişilər nə qədər yanıq olsa da, təcavüzə meyillilik azdr, yox dərəcədə".
buna deyən lazımdı ki, siktir get, onsuz sikilib beynin. bəzi dalbayovların beynində təcavüz təkcə məcburi cinsi əlaqədir. xeyr, marşrutda fürsət tapan kimi adamı əlləməyə çalışan daydaylar, tində adamı gözüylə rentgendən keçirən sülək qaqaşlar, düz yolla getdiyin yerdə arsızca söz atan əclaflar hamısı təcavüzkardılar. sadəcə əllərinə fürsət düşmür cinsi təcavüz eləsinlər.

bilmirəm bu statistikanı haralarından uydurublar. buna inanan varsa, day sözüm yoxdur. belə hallar azı 5 dəfə başıma gəlib, hətta çox.

ilk dəfə 8-ci sinifdə məktəbə gedərkən tində 2 əclaf durmuşdu. belə bir dialoq oldu:
"-nətərdi?
-bomba kimi"
ilk dəfə başıma gəlirdi deyə boğazım düşünləndi, əclafın gözünə baxıb "itoğlu" deməkdən başqa heç nə gəlmədi əlimdən. o da hırıldayırdı iyrənc-iyrənc. özümü öldürmək istəyirdim, özümə nifrət yaranmışdı. lezvayla qıçımı kəsirdim hirsimdən, çünki biləyimi kəssəm evdəkilərə hesabat verərdim gərək. çox çəkmişdi toparlanmağım. ilk travmam oldu təcavüz barədə, oğlanlara nifrət edib iyrənirdim onlardan. hamısından. amma keçdi zamanla, yenidən başıma gələnə qədər.

10-cu sinifdə məşğələyə avtobusla gedirdim. araxa qadın var idi, bir kişiylə qonşu idi deyəsən. "Şeytan bilsə ki sən varsan, heç doğulmazdı" dedi. bunu eşitdim, amma anlamamışdım. təsadüfən o kişinin oturacağının önündəki yer boşaldı, mən oturdum. hiss elədim ki, əli çiynimə, kürəyimə dəyir. dedim yəqin yanlışlıqla olub, biraz qabağa sürüşdüm. yox, yenə çiynimə toxunurdu. sonra... sonra hiss elədim ki, barmaqlarını oturacağın altından salıb məni əlləməyə çalışır. onda dərk elədim məqsədini. qışqırmaq istədim, amma səsim çıxmırdı. həm səsimi çıxara bilməzdim, işin üstü açılsa əclaf atamın əlindən sağ çıxmayacaqdı. üstəgəl kəndin ziyalı ailəsinin övladıyam, hamının dilinə düşərdim axı. hah, dümək qız özü şərait yaradıb! şokdan və hirsdən titrəyirdim, durub lap öndə ayaqüstə dayandım çatana qədər. məşğələdən qayıdanda həmin köynəyimi cırıq-cırıq edib atdım. hamamda bədənimi sürütürdüm, duş gelini bitirdim 2 saat içində. duşun altında diz üstə çökqb ağlamışdım, iyrənirdim özümdən. hamıdan iyrənirdim. hər cürə təmasdan qaçınırdım, kimsə yanlışlıqla toxunsa belə diksinirdim. fikrimi dərsimə verə bilmirdim, qorxu içində gəzirdim. mən hələ uşağ idim e, 40 yaşlarında adam nə qədər yanıq, cındır ola ki, əlinə, sikinə yiyə dura bilməyə. mən də uşaq ağlımla özümü günahlandırırdım ki, mayka geyinmirəm, yəqin altdan geyindiyim paltarın izi görünür, ona görə olub.

bir dəfə də yenə məşğələyə gedəndə qarşıdan 50-li yaşlarında bir kişi gəlirdi. dayandırıb soruşdu ki, aptek hardadır? dedim orada küçənin tinində. sonra şey dedi, "mənim qızım 8-ci sinifdə olub, başına bir iş gəlib. siz qızlara olur, nə deyirsiz? hə, aybaşı. elə olanda onun belini ovxalamaq, yaxınlaşmaq olar?". wtf, bilmirəm deyib qaçdım oradan. yenə heç kimə deməmişdim. iyrənc tünd bir parfüm vurmuşdu. bəzən metroda filan o qoxu yenə burnuma gəlir, istəmsizcə ətrafa boylanıb uzaqlaşmaq istəyirəm oradan. sonra qızlar məşğələdə danışanda eşitmişdim, həmin adam qızları dayandırıb belə gic-gic suallar verirmiş.

zamanla anladım ki, mənim günahım deyil. nə geyinməyimdən asılı olmayaraq, belə təcavüzkarlar hər yerdə doludur. artıq belə şeylərə qarşı əvvəlki kimi utancaq, səssiz deyiləm. anladım ki, utanmalı olan mən yox, onlardır. ən son metroda sürtünməyə çalışan əclafa səsimi qaldırıb "əlinə yiyə dur, evindəkiləri əlləyərsən" deyəndə rəngi atmışdı, səslərini çıxara bilmirlər elə olanda.

və saymadığım daha nə qədəri. bir ayağı məzarda olan, 70 yaşında kişi də gözünü zilləyib adama baxır, üzünə baxmağa iyrəndiyim çeçenka qaqaşlar da, arvadının əlindən tutub gəzən sözdə namuslu kişiciklər də. belə cındırlardan geriyə qalan isə travmalar, hər kiçik təmasdan qaçınmaq olur.

hələ də bu entrydəki kimi #318368 dölbeyinlər var. buna rəğmən ölkədə təcavüzü yox dərəcəsində sayan adam birbaşa şüursuzdur.

indiyə qədər heç bir entrydə bu qədər əzab çəkməmişdim yazarkən. kökləri kəsilsin.

46 əjdaha! 27.06.2021 18:21, Nellie Crain

#330864 şikayət

yasın beş mərhələsi

+58 əjdaha

(baxma: five stages of grief)
(bax: Kübler-Ross modeli)

1969-cu ildə isveçli psixiatr elisabeth kübler-ross tərəfindən ortaya atılmış modeldir. psixiatr bu barədə ilk "On Death and Dying" adlı kitabında bəhs edib. elmi araşdırmalar bu beş mərhələni tam olaraq təsdiqləmədiyi və insanların yas dövrünü fərqli keçirdiyi üçün əksəriyyət tərəfindən bu model qəbul olunmur və boş fərziyyə hesab edilir.

yas - yaxınından ayrılıq, boşanma, ölüm, ölümcül xəstəlik sonrası hiss edilən ağır kədər və iztirab duyğusudur. bu modelə görə, yas tutan insan 5 mərhələdən keçir.

1. inkar mərhələsi
bu mərhələdə insan reallığı inkar edir, qəbullanmır. gerçəklikdə yox, bir növ yaşamaq istədiyi düşüncələr içində yaşayır. bir növ bədənin müdafiə mexanizmidir, şok və inkar duyğusu insanı uyuşdurur, belə ani və ağır dəyişikliyə qarşı durulur. inkar mərhələsindən çıxmağa başlayanda insanın basdırdığı duyğular üzə çıxır və ağır kədər yüklənir.
məsələn, ağır xəstəlik diaqnozu zamanı inkar etmək, analiz cavablarının yanlış olduğu düşünmək. daha sonra reallıq ağır gəlir.

2. qəzəb mərhələsi
bu mərhələdə insan reallığı qəbullanır, basdərdığı duyğular qəzəb və küskünlük şəklində ortaya çıxır. bir növ maskalanma mexanizmidir. insan baş verənlərin özünə qarşı ədalətsizlik, haqsızlıq olduğunu düşünür. hirsini qarşı tərəfə tökür, başqalarını günahkar görür.
məsələn, ayrılıq zamanı qarşı tərəfin ona pis davrandığını deyib nifrət ifadələri işlədir.

3. şərtləşmə, sövdələşmə mərhələsi
insanın ümid, tutunacaq çarə axtardığı mərhələdir. xüsusən tanrıya üz tutulur - məsələn, "allahım, bu iş düzəlsin, bir daha bu yanlışları etməyəcəyəm". ya da "kaş belə etsəydim", "əgər belə etsəm", "bəlkə belə olsa" deyə ümid yeri axtarmaq. insanın kədərdən qaçıb ümid yeri axtarması.
məsələn, intihar edən dost haqqında "əgər keçən dəfə yazsam, görüşsəm, bəlkə özünə qəsd etməzdi" düşüncəsi.

4. depressiv mərhələ
yasın səssiz dövrlərindən biridir, insan özünü dibdə hiss edir, çıxış yolu görmür, tükənir. reallıq ağır gəlir, ümidsizlik bürüyür. həyatının geri qalanı ilə nə edəcəyini bilmir.
məsələn, birinin ölümündən sonra artıq həyatın mənasız görünməsi, davam etməyin mənasız olduğu düşüncəsi.

5. qəbullanma mərhələsi
insanın reallığı qəbullanıb davam etməli olduğunu anlama mərhələsidir. qəbullanma mərhələsi insanın xoşbəxtliklə dolub kədərdən uzaqlaşması demək deyil. sadəcə, reallığı qəbul edirsən və sonrakı seçimlər, addımlarda bunu nəzərə alırsan. insanın mental durumunun stabilləşdiyi dövrdür. ağrı qəbul edilir artıq, edəcək bir şey olmadığını bilirsən.
məsələn, çox sevdiyin, lakin toksik münasibətdə olduğun sevgiliylə ayrıldıqda bunun hər ikiniz üçün yaxşı olduğunu dərk edirsən.

44 əjdaha! 09.09.2021 17:42, Nellie Crain

#335964 şikayət

sözaltı art

+47 əjdaha

"i'm not in danger i'm the danger".

39 əjdaha! 30.11.2020 02:20, Nellie Crain

#311959 şikayət

asan görünən amma əslində çətin olan şeylər

+52 əjdaha

(bax: Dərs oxumaq)

Kənardan lap asan görünür valideynlərə, bir də xüsusilə qonşudakı qeybətcil xalalara.
məşğələ vaxtı anam deyirdi ki, hər şərait var oxumağın üçün, adam kimi dərs oxu. amma vallah, dərs oxumaq, yəni zehni iş adamı fiziki işdən çox yorur. abituriyentlərə ona görə çox yazığım gəlir, hamı "heç nə etmirsiz, dərs oxumaqdı da" deyir, amma onların işləri lap çətindi. hələ ki, ailələrin gözləntiləri yüksəkdirsə.
abituriyent vaxtı qonşularımız da deyirdi "az nağarır ki, məşğələyə gedir gəlir də, oxumağa nə var"...
Universitetə qəbul olub sosiallaşdıqdan sonra daha da çətinləşir oxumaq. Fikrin telefonda, sözlükdə, görüşəcək dostlarda qalır. Sən isə oturub dərs oxumalısan. Asan görünsə də işgəncə kimidir bəzən.

44 əjdaha! 01.02.2021 20:53, Nellie Crain

#319063 şikayət

sözaltı səhnəcik

+38 əjdaha

Hekayə üçün animasiya hazırlamağı düşündüm, amma sonra həm həvəsim qaçdı, həm də gördüm götüm üçün deyil. part ı olan obrazların tanıtım videosunu hazırladım.
not: qrafiklərin heç biri reallığı əks etdirmir, hamısı xəyal məhsuludur və əyləncə məqsədlidir.

(youtube:

)

iştirakçıların siyahısı:
(bax: kafkanın playboy jurnalları)
(bax: fantamaz)
(bax: haillucifer)
(bax: omnia mutantur nihil interit)
(bax: kəllə-paça)
(bax: nellie crain)
(bax: Reyn)
(bax: eva zaynn 13)
(bax: mariya kürüsü)
(bax: sarayfüqərası)
(bax: apollo)
(bax: exlaqsızexlaqlı)
(bax: Hərtərəfli insan)
(bax: aygun_news)
(baxma: itsmesabi)
(bax: burdan qubadlıya qədər gedən adam)
(bax: bakirfikir)
(bax: albert einstein)
(bax: timidus)

29 əjdaha! 22.07.2021 23:36, Nellie Crain

#332619 şikayət

sözaltı fotoqrafiya

+40 əjdaha

dünən təxminən 1 saat davam edən tufanlı, şimşəkli havadan. şəkillərdə heç bir filter, effekt yoxdur.

38 əjdaha! 25.08.2021 11:54, Nellie Crain

#334776 şikayət

bakıda rahat öpüşməyə yerlər

+59 əjdaha

"biraz açıq yerlərdə öpüşəndə camaatın anası-bacısının narahat olduğunu nəzərə alsaq, faydalı bir neçə məkan qeyd edəcəm.
ümumiyyətlə, göz önündə öpüşməyin tərəfdarı deyiləm, gözdən uzaq rahatçılıq daha yaxşıdır.. -*
"gedin saatlıq evdə ya oteldə öpüşün aq" deyənlərə indidən deyim ki, virus təhlükəli saatlıq evlər, yaxud nikah şəhadətnaməsiz buraxılmayan otellər sevişməyə lazım olar, öpüşməyə sərf eləmir.
nəysə, sözü çox uzatmadan keçim entryə.

1. içərişəhərdə Əzim Əzimzadə parkı.
parkda "Old Garden" restoranı var, onun arxa(yaxud yan, not sure) tərəfində düz barının dibində skamya var. qısa müddətli öpüşlər üçün işə yarayar. amma restoran işçiləri hər an polisə zəng edə bilər, ayıq olun.

2. içərişəhərin kimsəsiz küçələri.
mərkəzdən uzaqlaşdıqca dar küçələr var, orada ayaqüstü öpüşə bilərsiz. çox da rahat sayılmaz əslində.

3. dağüstü park.
yağışlı, tufanlı havada tam rahatlıqla, uzun-uzun öpüşməlik yerdi. məzarlar olmayan tərəf ağacların arasında skamlayalarda oturub rahat ola bilərsiz. onsuz soyuq təsir etməyəcək. -* amma hava yaxşı olanda polis çox olur, tutulsaz zibilə düşəcəksiz. işçilərin polislə əlbir olma ehtimalı böyükdü.

4. dərnəgüldə dəmiryolunun kənarı.

öpüşmək üçün rahat, amma oturmaq üçün narahat yerdi. otlar paltarınıza yapışsa da, öpüşməyinizə kimsə qarışmayacaq. sadəcə arabir adamlar keçir, ayıq olun.

5. BDU'nun yanındakı park.
öpüşmək olar, amma rahat öpüşmək mümkün deyil. çünki adam çox olur, + uşaqlarıyla gələn xeyli valideynlər. qısa öpüşlər olar, amma rahat olmayacaqsız.

6. Cyrstall Hall ətrafındakı skamyalar və bayıl burnu adlanan ərazi.
velosipedlə gedə bilərsiz, o tərəflərdə adam az olur. xüsusilə qaranlıq düşəndə rahat-rahat öpüşə bilərsiz.

7. qəbirstanlıq.
öpüşmə istəyinizi tam doyura biləcəyiniz əvəzsiz məkan. inandırıcı olmaq üçün girişdə qərənfil ala bilərsiz. ölülərdən başqa kimsə görməz öpüşdüyünüzü. bəlkə arabir mollanı görərsiz, ya da qəbirlərə cadu basdıran xalaları. birazca ayıq-sayıq olsaz 0 xətayla doyunca öpüşərsiz. sizə hansı qəbirstanlıq rahat olsa onu da seçin.

hələ ki, ağlıma bunlar gəldi. yadıma düşdükcə editləyərəm.

48 əjdaha! 09.06.2021 19:15, Nellie Crain

#329437 şikayət

yazarların xəyalları

+43 əjdaha

çox fantastik səslənə bilər, amma kinotaetr açmaq istəyərəm. vizyonda olan filmlər üçün yox, kənarda qalmış izlənməsi lazım olan filmlər üçün.
özümün yaxud izləyicilərin istəyinə görə nəsə seçib böyük ekranda izləmək. biletlər də max 4-5 manat. art-house, yerli filmlər, yaxud başqa küncdə-bucaqda qalmış filmlər yayımlayaram gün boyu. gəlirlərlə də tərcüməçi komandası yığıb filmlərə azərbaycanca altyazı əlavə edərək yayımlamaq mükəmməl olar. indi bizim kinoteatrlarda hansı filmə baxırsan rusca dublyaj, ya da yalnız ingiliscə. bu dilləri bilməyənlər də düşük türk və azik filmlərinə məhkumdurlar sanki.
yəqin ki, elə xəyal olaraq da qalacaq. amma bilmək olmaz, hər şey ola bilər.

34 əjdaha! 19.01.2022 23:49, Nellie Crain

#343727 şikayət

acı uşaqlıq xatirələri

+37 əjdaha

təxminən 5-6 yaşım olan olan vaxtlar imkanımız çox zəif idi. atam hələ təzə-təzə banka işə girmişdi. 2 yaş böyük bacım mənə öyrətmişdi ki, atamdan heç nə istəmə alması üçün, pulu çatmır deyə pis olur atam. maaşını alanda özü alacaq* həqiqətən də alırdı .
bir dəfə həyətdə oynayanda atam soruşdu ki, nə alım sənə? mən də bacımın sözlərini xatırladım, "heç nə istəmirəm" dedim. amma ağlım kəsmirdi deyə yoqurt sevdamdan keçə bilmədim, "amma maaşını alanda mənə yoqurt alarsan, indi pulunu xərcləmə" dedim.

atamın gözləri dolmuşdu, heç nə demədi, gülümsədi. o baxışı unuda bilmirəm əsla... çarəsizlik, kədər və sevgi dolu idi. axşam işdən gələndə çoxlu yoqurt almışdı.
elə bilirdim maaşını alıb, sevinirdim...

28 əjdaha! 13.06.2021 16:34, Nellie Crain

#329640 şikayət

öyrənildiyində təəccübləndirən məlumatlar

+39 əjdaha

diş pastası, krem və bu kimi sıxmalı qutuların arxa üst hissəsindəki zolaqlar məhsulun tərkibi haqqında məlumat verirmiş.
qara zolaqdırsa - məhsul sırf kimyəvidir.
Qırmızı zolaqdırsa - təbii və kimyəvi qarışıqdır.
Mavi zolaqdırsa - məhsul təbii və dərman qarışığıdır.
Yaşıl zolaqdırsa - məhsul sırf təbiidir.

29 əjdaha! 16.03.2021 23:57, Nellie Crain

#322289 şikayət

ingiliscə qısaltmalar

+35 əjdaha

Lol - laughing out loud (səsli güldüm)
Omg - oh my god (aman tanrım)
Ily - i love you (səni sevirəm)
Ttyn- talk to you never (mənimçün bitdin)
Ttys - talk to you soon (tezliklə danışanadək)
Irl - in real life (həqiqətdə/həyatda)
Btw - by the way (yeri gəlmişkən)
Bff - best friends forever (əbədi dostlar)
Tbh - to be honest (doğrusu/düzünə qalsa)
Ngl - not gonna lie (yalan deməyəcəm)
Ppl - people (camaat)
Pls - please (lütfən)
Ik - i know (bilirəm)
Idk - i dont know (bilmirəm)
Afk - away from keyboard (klaviaturadan uzağam-yaza bilmirəm)
a.s.a.p - as soon as possible (ən yaxın zamanda)
Gtg - go to go (getməliyəm)
Brb - be right back (birazdan qayıdacam)
Bbl - be back later (sonra qayıdacam)
Wyd - what you doing (neynirsən?)
Hmu - hit me up (zəng et-mesaj yaz mənə)
Rly - really (həqiqətən)
Rofl - rolling o the floor laughing (gülməkdən yerə sərildim)
Nvm - never mind (boş ver, fikir eləmə)
No1 - no one (heç kim)
Cuz - because (çünki)
diy - do it yourself (özün düzəlt/hazırla)

Gonna - going to
Gotta - have got to
Wanna - want to
Lemme - let me
imma - i'm going to
Get you - getcha
Don't you - dont'cha
Kind of - kinda
Lot of - lotta
Don't know - dunno
Give me - gimme
Tryna - trying to
Out of - outta
And - 'n
Them - 'em
Ok - k (biraz əsəbi şəkildə)

21 əjdaha! 10.05.2020 00:02, Nellie Crain

#295336 şikayət

cəmiyyət tərəfindən normal qəbul edilən anormal şeylər

+38 əjdaha

(bax: yengə)

iki insanın seks həyatına burnunu soxub bunu normallaşdırmaq neçənci level umbaylıqdır? hələ sonra böyük bir iş görübmüş kimi qürurlanmaq filan. təzə evlənmiş cütlük sevişərkən qapının ağzında duran yengə normal bir şeydir cəmiyyətdə. mentalitetimizim və cəmiyyət anormallığının əyani sübutudur bu obraz.

(youtube:

)

32 əjdaha! 05.04.2021 00:26, Nellie Crain

#323640 şikayət

iyə

+34 əjdaha

Kökü qədim türk dillərindən gələn, təbiətin qoruyucu ruhlarına verilən ümumi ad. Gözəgörünməz, xoş niyyətli varlıqlar sayılırlar və olduqları yeri qoruyurlar.

Azərbaycan və digər türk elləri mifologiyasında adları keçir. Demək olar ki, hər şeyin öz iyəsi var. Torpaq, duman, meşə, ev, məscid, alov, hava, su və s. aralarında ən müqəddəs sayılanı su iyəsidir.
Ərdov Su ruhunu təmsil edən mifik varlıqdır.
Suda yaşadığı deyilən ərən adlı mifik varlıqlar var ki, suyun ruhuna bağlıdırlar və suyu qoruyurlar.
Azərbaycanda çox məşhur olmasalar da, digər türk ellərində daha çox inanc var iyələrə.

27 əjdaha! 03.07.2022 17:23, Nellie Crain

#353240 şikayət

creep

+34 əjdaha

sözləriylə insanın ürəyinə ağrı salan, kövrəldən, "mən niyə yaşayıram ki" dedirdən *radiohead*in ən tanınmış mahnılarından biri.
bilmirəm nə yaşayaraq yazılıb bu sözlər, amma insana çox təsir edir. bu mahnı radiohead başlığına yazmaq əvəzinə "creep" deyə başlıq açmağa məcbur etdi məni.
indiyə qədər qulağ asırdım, amma heç vaxt sözlərinə diqqətlə fikir verməmişdim. o gün avtobusda olarkən diqqətlə dinləyəndə ürəyimə ağrı saplandı eləbil.
"I want you to notice
When I'm not around
So fuckin' special
I wish I was special"
cümlələrə bax bir... hələ qulağ asarkən ağlına kimsə gəlirsə, eyvah onda. nə məcbur idi bizi belə yaralamaq?
mənə görə, qrupun ən gözəl mahnısı olmasa da, sözlərinin gözəlliyi və dərinliyi danılmazdır.

(youtube:

)

When you were here before
Couldn't look you in the eye
You're just like an angel
Your skin makes me cry
You float like a feather
In a beautiful world
I wish I was special
You're so fuckin' special
But I'm a creep
I'm a weirdo
What the hell am I doin' here?
I don't belong here
I don't care if it hurts
I wanna have control
I want a perfect body
I want a perfect soul
I want you to notice
When I'm not around
So fuckin' special
I wish I was special
But I'm a creep
I'm a weirdo
What the hell am I doin' here?
I don't belong here
She's running out the door (run)
She's running out
She run, run, run, run,
Run...
Whatever makes you happy
Whatever you want
You're so fuckin' special
I wish I was special
But I'm a creep
I'm a weirdo
What the hell am I doin' here?
I don't belong here
I don't belong here

26 əjdaha! 22.03.2021 20:17, Nellie Crain

#322680 şikayət

ubi sunt

+34 əjdaha

"haradadırlar?" mənasına gələn latınca ritorik sual.
"Ubi sunt qui ante nos fuerunt?", yəni, "bizdən öncəkilər haradadırlar?" ifadəsinin qısaldılmış versiyasıdır. əsasən orta əsrlər ədəbiyyatında həyatın və insanların keçici olduğunu vurğulamaq üçün istifadə edilirdi.

26 əjdaha! 25.09.2021 18:54, Nellie Crain

#337214 şikayət

ad günü

+29 əjdaha

düzgün forması doğum günü olmalıdır, amma hamımız ad günü deyirik. kimsə doğum günümü qeyd edirəm demir. il ərzində ən nifrət etdiyim gündür. və ya nifrət etdiyimə özümü inandırmışam və həqiqəti qəbul etmək istəmirəm. çünki ad günlərim adətən məyusluq, kədər, gözləntilərin qarşılanmaması ilə yadımda qalır. hər dəfə mənim üçün çox dəyərli olan kimsə unudur məni.

ən yaxşı ad günlərim 1-ci sinifə qədər idi səhv xatırlamıramsa. ibtidai sinifdə kimin ad günü olsa ya konfet, ya da popkek filan paylayırdı sinifdəki uşaqlara. mənim ad günüm həmişə payız tətilinə düşürdü, ona görə heç vaxt siniflə qeyd etməmişəm. ad gümündən 3 gün sonra məktəb açılırdı, sonra həvəs olmurdu heç. yuxarı siniflərdə popkeki tort əvəz elədi. kimin ad günü olsa bufetdə tortla qeyd edirik. və mən yenə də tortla qeyd edə bilmədim. 8-9 sinifdə isə tort da olmadı, sadəcə pul yığıb ad günü olan uşağa hədiyyə alırdıq. heç vaxt ad günümü məktəbdə qeyd etmədim və hədiyyə vermədilər mənə. düzdür, heç samballı hədiyyə olmurdu. amma ən azından özünü önəmli hiss edirdin. 10-11 sinif məşğələlərə görə demək olar məktəbə çox az getmişəm. zatən sinif içində qruplaşma var idi, hərə öz dünyasındaydı.
uni vaxtı da xoşbəxtlikdən (?) ad günüm kollekvium vaxtına düşür və əksəriyyətin kefi qara olur. onsuz qrup yoldaşlarımın çoxu ilə yaxınlığım yoxdur. düzü, onlardan heç bir gözləntim də olmur. amma bəziləri həqiqətən dəyər göstərir və bundan xoşbəxt oluram keçici də olsa.

aşağı yaşlarda ad gününü hədiyyələr üçün gözləyirsən. yaş artdıqca isə sənin üçün önəmli birinin təbriki üçün gözləyirsən, həm də o gün gəlsin istəmirsən. və adətən sən həmin insan üçün çox önəmli olmadığın üçün o təbrik gəlmir çox vaxt. dəyər verdiyin insanın səni önəmsəmədiyi isə çox acıdır... il dəyişdikcə təbrikini gözlədiyin insanlar da dəyişir. bu isə artıq bizim düşüncələrimizin dəyişdiyinin göstəricisidir. hər nə qədər dəyişsək də, məyusluqlar həmişə olur. yaşın artması artıq məsuliyyətlər gətirir, üzücüdür.

ps: bu gün ad günüm deyil, keçən doğum günümdən notlarda qalmış yazıdır.

22 əjdaha! 26.10.2021 22:41, Nellie Crain

#338475 şikayət

uşaq ağlı ilə inanılanlar

+35 əjdaha

mahnıdakı "O şimdi asker canı neler ister" cümləsindəki "neler"in yemək, dondurma, şirniyyat mənasında olduğuna inanırdım. məgərsə iş tamam başqa imiş* swh . * mahnıdakı biraz sabret yarın bir gün geliyorum deyən qız getdimi görən?

30 əjdaha! 14.01.2021 00:19, Nellie Crain

#317052 şikayət

intihar

+35 əjdaha

bir insanın könüllü şəkildə öz həyatına son verməsidir.

neçə vaxtdı mənə yük olmuş mövzudu, gecələr də ağlımdan çıxmır. artıq yazıb qurtulmaq istəyirəm bundan.
ilk olaraq, intiharın cəsarət yaxud zəiflik olduğunu müzakirə eləmək düşüncəsizlikdir. intihar həyatdan bezəndə, çıxış yolu olmayanda, insanlardan uzaqlaşıb özünə qapananda özündən bezərkən son çarədir. Bəli, son çarə. intihar edən birinin arxasınca "kaş biraz da yaşayardı, yaxşı olacaqdı hər şey" demək düşüncəsizlikdir. Bir insan intihar edibsə, demək həyatındakı bütün ümid işıqları sönüb. Yaxşı olacaq şey indiyə qədər olardı.
Həyatınızda intihara cəhd etməmisizsə yaxud o həddə gəlməmisizsə, həyatına son vermiş birini qınamayın. 2018-də mən də intihara cəhd etmişdim, adamın nə ailə, nə dostlar, nə də başqa bir şey vecinə olmur. içdiyim dərmanlar 16 saat yuxu yatırtmışdı mənə, amma ölə bilmədim. Burdan bir yazarla danışanda "niyə yenə cəhd eləmədin? Demək sadəcə diqqət istəyirdin." Demişdi mənə. Məsələ diqqət deyil, zatən heç kim bilmədi mənim cəhdimi, sadəcə insanın yenə o həddə çatması vaxt aparır. Asan bir şey deyil intihar həddinə gəlmək. Gərək səni həyata bağlayan bütün bağlar qırılsın.

intihar nöqtəsinə gəlmiş insan bütün yolları araşdırır, amma yenə də, ən acısız ölümü axtarır. Dərman? Ya özünü asmaq? Bəlkə də, atasan özünü hündür bir binanın başından. Bu həddə gələndə artıq həyatda heç nə sənə maraqlı olmur.

Ölmək üçün səbəblərim çox olsa da, yaşamaq üçün bəhanələrlə ört-basdır edirəm həmişə. Özümü hər şeyin yaxşı olduğuna inandırmışdım demək olar. Amma 4 gün bundan əvvəl ölümünə içib sərxoş olanda, sanki üzləşmək istəmədiyim çox şey sifətimə çırpıldı. "*rehber* - sorgu" dinləməyə başlayanda hönkür-hönkür ağladım. Ən son 2019 yanvarda belə ağlamışdım imtahandan kəsildiyim üçün. Amma bu dəfə "mən ölmək istəyirəm" deyə ağladım. içtən, ağrıyla ağlayırdım. Həm də ölmək istəyi pik həddə idi. Neçə vaxtdı beynimdə gizlətdiyim intihar düşüncəsi içkiylə üzə çıxdı. içkili olsam da, ölüm istəyimin yaşamaq istəyimdən çox olduğunu gördüm. Həyatda olmayan hər kəsə qibtə etdiyimin fərqinə vardım.
Son günlər hər gecə intihar düşüncəsi ilə yuxuya gedirdim. Bu gün isə daha fərqi hiss edirəm, yaşamaq həvəsi var içimdə. Və hər şeyin yaxşı olacağına inanıram.

Sadəcə beynimdəki qatmaqarışıq düşüncələrə aydınlıq gətirmək istədim özümlə, sözlüyə yazmaq tamam başqadır. Bəlkə sona qədər oxuyan olarsa, çalışın ətrafınızda heç kəsi həyatdan bezəcək həddə gətirməyin.
Di sağolun, hamınız sevilirsiz...

(youtube:

)

28 əjdaha! 02.03.2021 00:05, Nellie Crain

#321278 şikayət

şəppəli

+33 əjdaha

yarıtmaz, iş bacarmaz, əlini vurduğu şeyi qırıb-tökən insanlara deyilən xitab.

sözün etimologiyası çox maraqlıdır. deməli, el arasında inanca görə "şəppə" deyə bir ruh var. təzə uşaq doğulan evlərə girib uşağa toxunur, belə şəppə vurmuş uşaqların davranışlarında gerilik olur, iş yarıtmırlar. belə uşaqlara, insanlara da şəppəli deyirlər. inanca görə, uşağın damağında qırmızı nöqtə olarsa deməli şəppə toxunub. ruh evə girməsin deyə o vaxt evin damından yarasa ölüsü asırmışlar.

32 əjdaha! 04.09.2021 13:25, Nellie Crain

#335472 şikayət

sözaltı sözlük e-kitab arxivi

+33 əjdaha

25 kitablıq big ideas kitab seriyasının 17 kitabının yandex linkləri. çox super kitablardı, oxuduqca oxumaq istəyirsən. əjdahalayıb keçməyin, bir göz atın mütləq. philosophy və movies xüsusən maraqlıdı. digərlərini də tapım linkləri əlavə edəcəm.

the sherlock holmes book:
https://yadi.sk/i/3ZiEQ18ob7SFng
the shakespeare book:
https://yadi.sk/i/ko7ZyXSmPtr6_Q
the math book:
https://yadi.sk/i/4-l4A8R3RsAv1g
the movie book:
https://yadi.sk/i/mmlEx8Chy7Ehrg
the economics book:
https://yadi.sk/i/73IMVpy-lGVLCg
the psychology book:
https://yadi.sk/i/BOlgrr51W8eLeA
the science book:
https://yadi.sk/i/ssdHjQUIcWGt1w
the business book:
https://yadi.sk/i/nwO7K6_U0S3y4A
the crime book:
https://yadi.sk/i/dvAZ_YI3wQstvA
the religions book:
https://yadi.sk/i/q69K5UQDspVR9w
the classical music book:
https://yadi.sk/i/FRkGiWB6V6_ttQ
the mythology book:
https://yadi.sk/i/q70wc_f5noOdAw
the philosophy book:
https://yadi.sk/i/4BplF_tuGWMfMA
the art book:
https://yadi.sk/i/cho-ehvI2I-V5Q
the history book:
https://yadi.sk/i/6o4ssSjyR3lcmw
the feminism book:
https://yadi.sk/i/vdygrp_LFQjqwQ
the politics book:
https://yadi.sk/i/HDjeUt3HICP6OQ

bir də əlavə olaraq *marvel cinematic universe* ensiklopediyası var. bütün marvel personajları haqqında keyfiyyətli və şəkilli məlumatlar. marvel fanları göz atsın bir.
https://yadi.sk/i/LDdobSTN09v2tw

not: bütün pdflər ingilis dilindədir.

23 əjdaha! 02.12.2020 10:59, Nellie Crain

#312199 şikayət

ataya demək istənilənlər

+29 əjdaha

ad gününü təbrik edirəm, bu gün sənin günündür! gün ərzində evdə olmadın deyə gözlədim üz-üzə təbrik edərəm, mesaj yazmadım. indi də içkili gəlib yatdın, qaldı təbrikim.

sənə demək istədib heç vaxt deyə bilməyəcəyim, deməyəcəyim o qədər şey var ki içimdə. 6-cı sinifdə qızlardan biri xatirə dəftərinə "idealınız kimdir?" sualı yazmışdı, böyük hərflərlə "Atamdır!" yazmışdım. elə idi, səni idealım olaraq görüb böyüdüm. sənin gördüyüm xarakterlərin elə idi. hər şey yaxşı idi. amma böyüyüb hadisələri dərk edəndə, yetkin gözüylə baxanda o ideallıq qalmadı, təəssüf ki. bu gün mən psixoloji olaraq sağlam deyiləm, bunun sizdən gəldiyini son vaxtlar dərk edə bilirəm.
hər zaman bizim üçün çalışdın, daşdan qayadan pul çıxarmaq misalı, maddi təmin etməyə çalışdın. çox sağ ol, təqdir edirəm. amma kaş mənəvi tərəfimizi də düşünsəydin. paranoya və konservativliyin yerinə digərlərinə hədəs apardığım ata-qız səmimiliyi, bağı qurmağa çalışsaydın aramızda. heç bir oğlanla danışma, salam vermə deyə birinci sinifdə üstümə qışqırmaqdansa daha çox mülayim olsan zatən heç bir oğlanda sevgi axtarmazdım. indi də nellie çox soyuqdur hamıya, işi fikirləşir ancaq, haçan, necə evlənəcək deyə narahat olmazdın. oğlanlara salam verib dostluq etməyi qadağan etdikdən sonra 23 yaşımda kimisə asanlıqla qəbul edib evlənəcəyimi gözləyirsən? kaş elə asan olardı. heç bir problemimi bölüşə bilmədim, çünki necə reaksiya verəcəyini bilmirdim. ehtiyacım olan nəyisə bildirmədim. həmişə qürur duyasan deyə özümü yıpradıb uğur qazanmaq istədim, amma heç birini sənə demədim. sənə nə qədər layiq övladam deyə həmişə özümü sorğulayırdım, amma heç vaxt nə qədər yaxşı atasan deyə sorğulamadım.
ta ki travmalarımın üstünə gedənə, mental durumum pisləşib dərmanlarla həyata tutunana qədər. necə ki uşaq vaxtı allahın varlığını sorulayanda vicdan əzabı olub fikrimi yayındırmağa çalışırdım, eləcə də səni sorğulayanda. bizim üçün hər şeyin yaxşısını etməyə çalışsan da kaş əslində nəyə ehtiyacımız olduğunu görərdin.
2008-ci il, qardaşım təzə doğulan vaxt anam doğum sonrası depressiyada idi. səhər sən işə gedirdin, mən yuxudan ayılmışdım, amma gözlərim yumulu idi.
anam "uşaqlar olandan sonra məni heç əvvəlki qədər çox istəmirsən" dedi, sən də "elə demə, mən yenə də səni hamıdan çox istəyirəm" deyib öpmüşdün. çox qısqanmışdım onda.
kaş anama qarşı elə qalardın həmişə. işini dəyişdin, borclar səni sıxdıqca əsəblərin korlandıqca anam qarşı da kobudlaşdın. hirslərini cilovlaya bilməyib evdə gərginlik yaratmaqlarını unuda bilmirəm. səndən zəng gələn kimi indi anamın halı dəyişir, görən yenə nə olub deyə düşünür. panik atak keçirir az qala.
birinci kursda kəsrlərim olan vaxtı çox soyuq davranmışdın mənə. kəsrə görə intihar belə düşünürdüm, çünki sizə layiq olub əlaçı ola bilməmişdim. hər səndən mesaj gələndə anxietydən əsmə gəlirdi. amma kəsr səbəbimin sırf uni səsverməsi üçün fcebook yüklədiyimə mənə şillə vurmağın, kimlərlə danışırsan deyib telefonuma baxmağın, məni saymırsan deyib özümə nifrət yaratmağın olduğunu dedimmi sənə?
indi yaşlaşdıqca dəyişirsən. ağıllı qərarlar verdiyimi də görürsən. daha mülayimsən, özün doğrusu nədir deyə seç deyirsən. amma asan deyil. normal əylənəndə belə beynim düşünür atam görsə məni nə düşünər, atam bilsə nə olacaq.
yalan deməyim, əsəbinin çox pis olduğu vaxtlarda görəsən sən ölsən həyatımız daha yaxşı olardımı deyə düşünürdüm. sən əsəbisən deyə evdə də yavaş yeriyirdik. elə qorxu olub içimizdə.
yaxşı xarakterlərini də unutmaram əsla. çox gözəl, yumuşaq qəlbin var. amma kaş qohumlarımızın istifadə etdiyi qədər biz də daha çox doldurardıq qəlbini. həmişə istəmisən çox gəzək, görək, yaxşı geyinək, doyunca yeyək. maddi problemlər sıxıb səni də. narahat olmusan. səni də həyat belə edib. amma dayımın 6-cı sinifdə oxuyan qızına prensesim deyə xitab edib yemək yedizdirməsinə qibtə etmədim də deyil.
indi yan otaqda yatırsan, içkilisən deyə ancaq sabah təbrik edə biləcəm səni. çox istəyirəm səni, bacardığın qədər yaxşı ata oldun. amma içimdəki küskünlüklər keçərmi, bilmirəm. bəlkə mən də yaxşı övlad deyiləm, cəhd edirəm olmaq üçün. amma artıq sizi qürurlandırmaq üçün yox, öz gələcəyimi yaxşı qurmaq üçün çalışıram. böyüdüm mən, ata.

23 əjdaha! 11.11.2023 19:23, Nellie Crain

#380188 şikayət

sözaltı etiraf

+31 əjdaha

özümdən çox narahatam.
gələcəyimdən çox narahatam.
artıq həyatımın ipləri əlimdən çıxırmış kimi hiss edirəm və necə toparlayacağımı da bilmirəm.
maddi və mənəvi tükənmişlik də bir tərəfdən.

Yeniyetməlik vaxtlardan baş qaldırıb uni vaxtlarında birtəhər öhdəsindən gəldiyim anger issues, əsəbilik, aqressivliyim yenidən baş qaldırır. qonaq getdiyimiz yerdə ağzını marçıldadanlara görə süfrədə hirsimdən çəngəli əlimə batırmaq, sırf insanlara əsəbiləşirəm deyə günlərlə evdən çıxmamaq, qab-qacaq sındırmaq, dərman içib yataqda gün keçirməklər bir-birini izləyir son 1 həftədir. it kimi qapıram hamını. Arada özümü sosiallaşmağa məcbur edib planlar qururam, amma son dəqiqə cancel edirəm. Canımı sıxır hər şey. Bayaq da otaqdakı ağcaqanada əsəbiləşib hirsimdən ağladım. Tab gətirə bildiyim sayılı insan var.
həmişə nifrət etmişəm deyingən insanlara. Bu aralar mən də deyinirəm hər şeydən, öz-özümə olsa da əsəblərimi pozur. Kassada sıra gözləmək əvəzinə ağzımın içinə girən xalanın başına çırpmaq istəyirəm aldığım makaronu. Eskalatorda sol tərəfdə dayananları dartıb aşağı itələmək istəyirəm. Ağzını marçıldadanların sifətinə boşqab çırpmaq istəyirəm. Kafedə hörpüldədib nəsə içənlərin sifətinə qaynar kofe atmaq istəyirəm. Səsim tutulana qədər çığırıb içimdəki əsəbi, nifrəti, aqressiyanı tökmək istəyirəm.

yorulmuşam. və normal bir insan olub sakit həyat yaşamaq istəyirəm.

24 əjdaha! 03.07.2023 02:13, Nellie Crain

#374646 şikayət

unudulmaz məktəb xatirələri

+31 əjdaha

mən 7 sinifdə oxuyanda bizdən 1 sinif böyük oğlan vardı, hər həftə bir qıza sevgi məktubu göndərirdi ciddi-ciddi. bizim sinifdəki qızlardan təkcə mənə gəlməmişdi o məktub. oğlan deyibmiş ki, qəribə qızdı o* o vaxt sinifdə werido mən idim . sinif yoldaşım qız da dedi ki, əslində sən çox çirkinsən deyə səndən xoşu gəlməyib. qız ibnəliyə demişdi bunu, amma mənim illərimi aldı gözəllik kompleksimi yenmək. nə qədər ağlayırdım, özümə qapanırdım ki, niyə çirkinəm mən. davamlı özünü başqaları ilə müzakirə edirdim. düzdür, o vaxtlar çox gözəl olmasam da, qızın dediklərinə də layiq deyildim. qız özü çatmaqaş idi, mənim də qaşlarım nazikdi. deyirdi ki, mən qaşımı alıb gözəlləşəcəyəm, sənin qaşların çox nazikdi deyə formaya salmaq olmayacaq. özümə nifrət etmişəm illərcə, introvert olmağıma nə qədər təsir etdi o hadisə.
indi isə demək olar ki, kompleksim yoxdur. başqalarının gözündə gözəl olub-olmamağım da vecimə deyil, güzgüyə baxanda xoşum gəlir xarici görünüşümdən. amma bəzən qızın "sən çox çirkinsən" sözləri hələ də qulağımda cingildəyir...

28 əjdaha! 05.09.2021 13:13, Nellie Crain

#335545 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

Nellie Crain

son bəyənilənlər:

oxuyucuların bəyəndikləri: