nihalny

7 əjdaha! 04.02.2017 05:20, nihalny

1988ci ildə çəkilmiş Krzysztof Kieslowski filmi. Təzə imtahandan keçmiş bir vəkilin( Krzysztof Globisz ), taksi şoferinin ( Jan Tesarz) və bir gəncin ( Mirosław Baka) həyatlarının kəsişməsindən bəhs edir.
Həmin gəncin taksi şoferini öldürmədən öncə keçirdiyi hisləri, öldürən zaman yaşdığı tərəddüdü möhtəşəm şəkildə təsvir etmişdir. Taksiyə minmədən öncə oturduğu kafedə olan həmin vəkil isə həmçinin məhkəmədə onun vəkili olur və bu həm də onun ilk məhkəməsi olur. Filmdə həm də cinayət törədən hərkəsin tamamilə pis biri olmadığını və bəlkə də həyatın sadəcə həmişə gözlədiyimiz kimi olmamasını göstərməyə çalışmışdır, fikrimcə.

--spoiler--

Məsələn vəkillə edam olunmadan öncə etdiyi söhbətdə ölən bacısından danışır. Onun ölməyinin onda yaratdığı təsiri onsuzda film boyunca əlindəki şəklindən anlamaq olur,sadəcə sonda kimliyini öyrənirsən. Yəni bəlkə də həyatı tamamilə fərqli ola bilərdi. Təbii ki, bu onun etdiyinə haqq qazandırmır amma filmdə onsuz da daha çox edam cəzasının nə qədər ağır olduğunu göstərməyə çalışır .(həmçinin film Polşada edam cəzasının ləğv olunduğu il buraxılmışdır)

--spoiler--

Edam səhnəsi ayrıca üzmüşdür.

Eyni zamanda filmin kinematoqrafı * Slawomir Idziak* dünyanın hər gün daha çirkin bir hal aldığını çatdırmaq üçün filmdə daha çox yaşıl effektlər istifadə etmişdir ki, bu da filmə daha bir anlam qatmışdır.

Filmin musiqisinin bəstəkarı isə yenə də *Zbigniew Preisner*dir.

(youtube:

)

(baxma: krotki film o zabijaniu)

#245030 şikayət

ganymede

9 əjdaha! 20.03.2017 11:03, nihalny

- yupiterin ölçülərinə görə merkuridən belə böyük olan peyki. qalileo qalileyin gördüyü 4 peykdən biridir həmçinin. kəşf olunduğu dönəmdə "yupiter iv" adlandırılmışdır. həmçinin bir neçə təbəqədə şəklində buzlu okeanlara malikdir. bundan əlavə orada maye şəklində duzlu suyun olması da kəşf olunmuşdur ki, bu da orada həyatın mövcud olması potensialının olduğunu göstərir.

-yunan miflərində gözəlliyinə görə ölümsüzlük qazanmış troyalı trosun oğlu. homerə görə ölümlü yaradılmışların ən gözəli. əfsanəyə görə zevsin o qədər xoşu gəlmişdir ki, atasına iki çaydan belə sürətli at rüşvət verərək oğlunu ölümsüz etməyə razı salmışdır. qartal formasına girərək (və ya qartal göndərərək) onu olimpə aparmış və burda onu tanrılara saqi daşıyan etmişdir. bütün tanrılar onun gözəlliyindən və gəncliyindən məmnun olsalar da, eyni zamanda zevsin sevgililərindən biri olan ganymedeni bir *hera* qısqanır. sonda zevs də ganymedeni səmaya dolça bürcü olaraq yerləşdirir. ganymede həm də yəqin ki, yunan mifologiyasında tək və ya çox az homoseksuallıq nümunələrindən biridi. demək ki, yunanların əsrlər öncə aşdığı bu homofobianı hələ də müzakirə edən də bizik. təkamül inkaşafa doğru getməli deyilmiydi?

(bax: ganymedes)

#249122 şikayət

sophie scholl

10 əjdaha! 21.05.2017 16:40, nihalny

1943cü ildə qardaşı hans scholl və christoph probst ilə birlikdə 21yaşında edam edam olunmuş alman tələbə. edamın səbəbi isə anti-nazi ideaları yaymaq olmuşdur.
sakit uşaqlıq keçirən sophienin gənclik dönəmlərində almaniyada fikir ayrımının başlaması və faşist idealarının yayılması başlayır. hətta bu ideaların təbliğ olunduğu üçün dərslərə marağını itirən sophie məktəbdən az qalsın məzun ola bilməyəcəkdi. bir müddət baxçada müəllim işlədikdən sonra fəlsəfə və teologiya böyük marağı olduğundan munich universtetinin biologiya və fəlsəfə fakültəsinə daxil olur. o zamanlarda eyni universitetdə tibb oxuyan qardaşı hans onu dostlarıyla tanış edir. bir çox ortaq maraqları olduğundan onlarla daha çox zaman keçirməyə başladıqdan sonra qardaşının tələbələrdən ibarət zorakılğa qarşı olan və anti-nazi *white rose* hərakatının yaradıcılarından biri olduğunu öyrənir. qardaşı ilk öncə onu uzaq tutmaq istəsə də hərakata olan marağı və fəallığı onun da hərakatın üzvü və hətta liderlərindən biri olmasıyla nəticələnir. o və digərləri 22fevral 1943cü il tarixində vərəqələr paylarkən tutulurlar.
məhkəmədə vətənə xəyanətdən hər üçünün gilyotinlə edamı qərara alır. edamından öncə dediyi son sözləri isə bunlardı:
"how can we expect righteousness to prevail when there is hardly anyone willing to give himself up individually to a righteous cause? such a fine, sunny day, and i have to go, but what does my death matter, if through us, thousands of people are awakened and stirred to action?"

özünü düzgünlük uğrunda fəda edəcək biri yoxdursa düzgünlüyün qələbə çalacağını necə gözləyə bilərik? necə də gözəl və günəşli gündür, amma mən getməliyəm. lakin minlərlə insan oyanmış və hərəkətə keçmişdirsə, mənim ölümümün nə önəmi var?"

#253644 şikayət

entryni kimin əjdahaladığı görünsün kampaniyası

+9 əjdaha

Heç olmasa bunu deaktiv edəcək bir funksiya da qoyulsa daha yaxşı olardı. işin marağı onsuz da anonimlikdə, qeyri-müəyyənlikdəydi. O qədər bəyənmiş, adının görsənməsini istəyən favoriləyərdir. Nə ehtiyac var belə şeylərə?
(bax: sözlükdən soyuma səbəbləri)

O deyil də nikimlə möhtəşəm anonimlik nümunəsi sərgiləmiş biri olaraq yazmağım biraz məntiqsiz görünə bilər -*, amma belə tamamilə exposed hiss edirəm, üstəlik əjdahalayasım da gəlmir.

9 əjdaha! 07.12.2020 21:01, nihalny

#312865 şikayət

a short film about love

8 əjdaha! 04.02.2017 04:32, nihalny

Çox sevdiyim 1988ci ildə çəkilmiş Krzysztof Kieslowski filmi. Baş rollarını Grazyna Szapolowska(Magda) və Olaf Lubaszenkonun(Tomek) oynadığı film Tomekin hər gecə teleskopla yaşca daha böyük və olgun Magdanın evini izləyərək onun nə etdiyinə,necə hiss etdiyini izləməsi üzərində qurulub.filmin musiqisin bəstəkarı digər baxdığım Kieslowski filmlərində olduğu kimi *Zbigniew Preisner*di.

(youtube:

)

(baxma: krotki film o milosci)

#245029 şikayət

ovogenez

+8 əjdaha

Oocyte yaxud bilinən dillə desək yumurta hüceyrənin əmələ gəlməsi prosesi.
*Primordial germ cell* (PGCs) adlanan balaca hüceyrələr hələ ana bətnində ikən qadın cinsiyyət orqanlarına çataraq önəmli olan ilk hüceyrəyə *oogonia*ya çevirlirlər. Bu oogonia adlanan hüceyrələrin özləri, yumurtlığı hovuz kimi düşünsək oogoniaları da bir böyük örtüklə bağlanmış kiçik toplar kimi düşünə bilərik. Həmin bu örtüklərdən də hovuza çoxlu atıldığını fərz eləyək. Həmin bu örtük o zaman yastı epiteli hüceyrələrinə uyğun gələr, toplar isə oogonialara. Düşünək ki aylar keçir və toplar da durar mı, durmaz onlar da böyüyür və bölünür və *primary oocyte* (ilkin yumurta hüceyrə)yə çevirirlər. Həmin bu ilkin yumurta hüceyrələrdə bölünmə 1ci meyozun metafaza mərhələsində dayanır. Digər oogonialar isə bölünməyə davam edərək maksimum saya(təxminən 7milyon) çatır və sonra isə bir çoxu məhv olmağa başlayır. Hamiləliyin 7ci ayına gəldiktə hərbiri artıq öz örtüyünə yəni öz epitelisinə sahibir, və digərləri ilə eyni örtükdə deyil artıq ilkin yumurta hüceyrələr; həmin örtüklə bir yerdə olan bu ilkin yumurta hüceyrələrə *Primordial follicle* (yəqin ki Primordial follikul olacaq) deyirik.
Doqquzuncu ay bitdi və uşaq doğuldu. Amma bu ilkin yumurta hüceyrələr hələ də meyozu tamamlamır, birinci meyozun profazasında qalırlar. Həmin bu sakitlik dövrü *diplotene stage* adlandırılır. Və həmin bu yumurta hüceyrələr yetkinlik yaşına çatana qədər bu sakitlik dövründə qalmağa davam edirlər. Bu isə həmin örtük yəni yastı epiteli hüceyrələrinin sintez etdiyi *oocyte maturation inhibitor* (omi) sayəsində mümkün olur. Həmin bu ilkin yumurta hüceyrələr ölməkdə və sayca azalmaqda davam edir, və doğularkən sayları 700,000-2,000,000 arasında olsa da yetkinlik yaşına çatanda 400,000 qalır, bunlardam təxminən 500ü isə yetkin yumurta hüceyrəyə çevrilib *ovulyasiya* olunacaq.
Demək ki, beləcə yetkinlik yaşı gəldi. Hər ay yumurta hüceyrədə 15-20 follikul inkşafa başlayır amma bunlardan sadəcə biri yetkin yumurta hüceyrəyə çevrilir. Bu follikulların hər biri ilk öncə üç mərhələdən keçməlidi:
1) ilkin və ya preantral mərhələ
2) ikinci və ya antral mərhəıə
3) Preovulutionary mərhələ

1. ilkin və ya preantral mərhələ - bu mərhələdə ilk onca yastı epiteli inkşaf edərək çoxqatlı epiteli hüceyrələrinə -*granulosa hüceyrələri* əmələ gətirir. granulosa hüceyrələri əmələ gəldikdən sonra artıq Primordial follikul yox *primary follikul* (ilkin follikul) adlndırmağa başlayacayıq bu follikulu. Bu granulosa hüceyrələri ilə ilkin yumurta hüceyrəni *zona pellucida* adlanan təbəqə, theca folliculi adlanan hüceyrələrdən isə basement membran ayırır. theca folliculi adlanan hüceyrələr isə həmin bu ilkin follikulu əhata edən sekretor *theca interna* və xarici *theca externa*ya başlanğıc verəcək.

2. ikinci və ya antral mərhələ - inkşaf davam etdikcə bu granulosa hüceyrələri arasında boşluq əmələ gəlməyə başlayır ki, bu boşluğa *antrum* deyirik. Boşluq getdikcə böyüyür və genişlənir. Amma hər zaman yumurta hüceyrəni əhatə edən granulosa hüceyrələri qalır ki, bunlara *cumulus oophorus* deyirik. Beləliklə ilkin follikul ikinci follikul, tertiary follikul və daha sonra *Graafian follikulu* adlanan follikula çevrilir. Bu isə həmin dediyimiz theca interna və theca externa ilə əhatə olunub.

3.Sonucu Preovulutionary mərhələ - dediyimiz kimi bir neçə follikul inkşafa başlasa onlardan sadəcə biri inkşafını başa vurur, digərləri isə məhv olur. ikinci follikul əmələ gəldikdəm sonra lüteinizə edici hormon (*luteinizing hormon*) sekresiya edilçəyə başlayır ki, bu da həmin sakitlik dövründə olan meyozun irəliləməsinə təkan verir, birinci meyoz bitir və iki hüceyrəyə əmələ gəlir - *secondary oocyte* (ikinci yumurta hüceyrəyə?) və ilk *polar body* adlanan hüceyrə. Yumurta hüceyrəyə sitoplazmanın əksəriyyətinə sahib olur, polar body isə deməknolar sitoplazmaya sahib olmur. Hüceyro ikinci meyoza başlayır lakin, ikinci metafazanın metafaza mərhələsində meyoz ovulyasiyadan təxminən üç saat öncə dayanır. Tutalım ovulyasiya oldu və yumurta hüceyrəyə də mayalandı bu zaman ikinci meyoz tamamlanır. Yox əgər mayalanma baş vermədisə ikinco meyoz tamamlanmır və yumurta hüceyrə 24saat sonra ölür.

5 əjdaha! 04.09.2017 16:52, nihalny

#259895 şikayət

l'appel du vide

5 əjdaha! 01.01.2018 21:15, nihalny

ingilis dilinə "the call of the void", azərbacan dilinə isə "boşluğun çağırışı" deyə tərcümə oluna biləcək fransız termi.
hani hündür bir yerdə dayananda adamaın ordan atlayası gəlir ya həmin o instinkə verilmiş addı. elmi dildə *high place phenomenon* adlanan bu instink heç də həmişə intihara meyilliliklə bağlı deyil, əksinə beynimizin bizi qorumaq üçün yaratdığı bir fenomen də ola bilərmiş. yəni beynimiz vəziyyəti indi bu özünü atar deyə algılayıb, qoruma mexanizmi ilə geri çəkilək deyə də bunu inkşaf etdirmiş ola bilər. çünki anxietysi yüksək olan insanlarda daha çox rast gəlinsə də, heç də həmişə intihara meyilli insanlarda baş vermir. heç vaxt intihar haqqında düşünməmiş bir qrup insanlarla tədqiqat zamanı, onların yarısı bu fenomeni əvvəl hiss etdiklərini söyləmişdir məsələn.
o deyil də ya birgün geri addım atmasaq onda necə?
Edit (28.08.2021): axırıncı cümləni geri alıram lol

#265327 şikayət

jeanne moreau

5 əjdaha! 01.08.2017 21:11, nihalny

dünən aramızdan ayrılan 1928ci il doğumlu fransız aktrisa. həmçinin cannes, bafta kimi müxtəlif məşhur mükafatların sahibi, gəlmiş-getmiş ən yaxşı fransız aktrisalarından biri. düzü 4 filmini izləmişəm amma bu dörd filmdən belə yola çıxaraq necə möhtəşəm aktrisa olduğunu söyləmək olar.

françois truffaut'un jules and jim filmdində oynadığı catherine obrazı kimi onun da anası ingilis, atası isə fransız idi. gənc ikən məktəbə marağını itirən jeanne daha sonra paris konservatoriyasına daxil olur. ilk debütünü avignon festivalı zamanı turgenevin pyesini oynayaraq edir. 20lərində olarkən artıq avropanın ən yaxşı teatr aktrisalarından sayılırdı jeanne. 1949cu ildə ilk dəfə filmdə rol aldıqdan sonra ,50ci illərdə artıq ən məşhur rejissorların filmlərində rol almağa başlayır. bunlara baxdıqlarımdan *louis malle*'nin *elevator to the gallows* və *the lovers*, *françois truffaut*'un *jule and jim*, *michelangelo antonioni*'nin *la notte*sini misal göstərə bilərəm. hər bir ayrılıqda gözəl filmlər idi.

eyni zamanda 2 dəfə evlənmiş jeanne moreau'nun həyatı boyu bir miles davis,louis malle, pierre cardin, françois truffaut kimi bir çox məşhur insanlarla da münasibəti olmuşdur.

bütün filmlərinə görə çox sağol, jeanne moreau...

#258092 şikayət

the picture of dorian gray

5 əjdaha! 06.03.2017 01:30, nihalny

sonuncu fəslində dorian grayin bilinməyən pərəstişkarı tərəfindən yazılan möhtəşəmüstü bir məktuba sahib olan oscar wilde romanı. bəhsi keçən məktubun mətni:

--spoiler--

"the world is changed because you are made of ivory and gold. the curves of your lips rewrite history"
-
"dünya dəyişdi, çünki sən fil sümüyü və qızıldan düzəldilmisən. dodağının qıvrımları tarixi yenidən yazır"

--spoiler--

eyni zamanda bu hissə, onsuz da oscar wilda çoxlu göndərmələr edən *velvet goldmine* filmində də işlədilmişdir.

#247978 şikayət

barmaq izi

6 əjdaha! 07.01.2017 15:12, nihalny

normalda bildiyimiz kimi dərimizin 2 əsas təbəqəsi var epiderma və derma(hypodermis deyilən bir təbəqədə var amma əsas sayılmırdır). derma ilə epidermanın arasında epidermal hündürlüklər(epidermal ridges) və dermal məməciklər(dermal papillae) olur ki, bunlar da bir-birini tamamlayan bir görünüş yaradaraq barmaq izlərinin əsasını qoyurlar. bildiyim qədəriylə bunun tam formalaşması hamiləliyin 16cı həftəsində olur. qalın dəridə(əl və ya ayağın səthləri kimi) dermada məməciklərlə yanaşı dermal hündürlüklər də olur və bu da hər insanda özünə məxsus olur,üstəlik genetik olaraq demək olar ki,təkrar edilməzdi. bu təkrar edilməzlik barmaq izlərinin günümüzdə bir çox məqsədlərlə istifadə olunmasına şərait yaradır. məsələn cinayətkarların təyinində, barmaq iziylə işləyən açarların düzəldilməsində və sairə.
barmaq izlərinin öyrənilməsi ilə məşğul olan elm isə dermatoqlifiya (dermatoglyphics) adlanır.

#241612 şikayət

thomas more

5 əjdaha! 23.06.2014 02:02, nihalny

utopiyanın yazarı. 16-cı əsrdə viii henrynin hakimiyyəti zamanı yaşayıb. vııı henrynin yaxın adamlarından biri olmaqla sarayda böyük nüfuza malik olub. dürüstlüyü ilə məşhur idi. henrynin sarayında yaşamağı rədd edib. bir müddət arxiyepiskop vəzifəsində də çalışıb lakin bu vəzifəni sadəcə kralın evlilik məsələsinə qarışması tələb olunmayacağı təqdirdə qəbul edəcəyini bildirib və kral da bununla razılaşıb. lakin sonda henry'ni kilsənin başçısı olaraq və kralın aragonlu catherine ilə evliliyinin qeyri-qanuni olduğunu qəbul etmədiyinə görə edam olunub. arxiyepiskopluğu dönəmində lüterin dəstəkçilərinə və qanunsuz anti-katolik kitabları saxlayanlara amansızlığı ilə bilinib və buna görə insanları *inkvizisiya* etməyi dəstəkləyib. yəqin ki, gələcəkdə birinci mariyanın ən böyük ilham mənbələrindən biri olub -*
haqqında çəkilmiş 6 oskarlı *a man of all seasons* filminə baxa bilərsiz. yaxşı filmdi amma biraz birtərəfli yanaşılıb məncə. dönəmi haqqında və onunda olduğu filmlər və bəzi kitablardan məlumatınızı olmasa insanda məsələyə bir tərəfli yanaşmanız qaçınılmazdır. filmdə paul scofield tərəfindən canlandırılıb.
bundan başqa:
*the tudors* - ilk iki sezonda jeremy northam tərəfindən canlandırılıb.
*wolf hall* - anton lesser tərəfindən canlandırılıb. həmçinin eyni adlı kitabda da bir çox yerdə rast gələ bilərsiz. mənfiyə doğru bir tərəfli yanaşma əldə etməniz demək olar ki, qaçınılmazdır.

#124866 şikayət

richard ııı

5 əjdaha! 14.12.2015 04:16, nihalny

shakespeare sayəsində əksəriyyətin qaniçən gözüylə baxdığı tarixi şəxs. j.meyer'in the tudors kitabında dediyi kimi 'tarixlə əlaqəsi olmayan' yazıçının əsərini tarixi fakt kimi dəyərləndirmək də olmaz. dönəminin tələbiylə (nəzərə alaq ki,tüdorlardan elizabeth i'in hakimiyyəti dönəmində yaşamışdır) richardı pisləməyə məcbur idi. lakin o həqiqətən onun dediyi qədər pis idimi? mübahisə edliəcək mövzudu. üç york oğlundan ən kiçiyidir. edward'ın hakimiyyəti boyunca sadiq qalmışdır. amma əksəriyyət kimi onun da kraliça elizabeth woodville'lə arası o qədər də yaxşı deyildi. ümumiyyətlə istənməyən bir kraliçaydı elizabeth. elə yorkların tərəfdarları da bu evliliyə qarşı çıxmış sonra krallarının iradəsinə boyun əyməli olmuşdular. ortancıl qardaşları george'nin da woodville ilə arası heç yaxşı deyildi və onun kralın başını doldurduğunu iddia edirdi (+ taxt istəyi) onu üsyan etməyə məcbur edir. saysız üsyanların,həbsin qayıdışın, əhvin sonunda yenidən edam olunması qərara alınır. yəni burda richard'ın rolunun olması biraz absurddur. bu arada kral edward xəstələnir və yatağa düşür. kralın ölümü o qədər də problem olmamamlıydı əslində. çünki elizabeth'dən iki varisi var idi. amma di gəl ki, hələ dövləti idarə etmək üçün çox balacaydılar. bu da kralın naibi söhbətini meydana gətirir. iki şans var idi varisin dayısı antony woodville və richard. əslində varis edward (kral iv edwardın oğlu) dayısını daha çox tanıyırdı. və demək olar zamanının böyük qismi onunla keçmişdi. riçardı isə neçə dəfə görmüşdü ki? kral ölməmişdən öncə naib olaraq təbii ki,qardaşını seçir. amma bu bəs eləmirdi. varis edward böyüyəndə böyük olaraq onu potensial rəqib elan edəcəkdi. üstəlik anası ilə də arası yaxşı deyildi. o da oğlunun başını dolduracaq və richarda edam taxtasının yolu görünəcəkdi. buna görə v edward tac geydikdən sonra onu qardaşıyla birlikdə zindana saldırır. philippa gregory'nin iddiasına görə bunda arvadı anne neville'nin də böyük rolu olmuşdur.( anne neville 'kral yaradıcısı' olaraq bilinən warvick'in qızı idi. demək olar ki, ingiltərənin şimal hissəsi onun əlindəydi. bəziləri bu evliliyə siyasi məqsədlərlə edilmiş,bəziləriysə sevgi evliliyi kimi baxır) amma nəticə olaraq tarixə 'zindandakı şəhzadələr' olaraq keçəcək iki azyaşlı şəhzadənin taleyi naməlum idi. bu arada isə riçard onların bastard olduğunu elan edərək özünün kral olması gərəkdiyini söyləyir. və belə də edir iii richard olaraq tacı geyir və naiblikdən krallığa yüksəlir. amma hələ əsas məsələ qalırdı xalq narahat idi. şəhzadələr hardadı deyə düşünürdü hərkəs,elə də rahat-rahat həzm etmirdi bu bastard söhbətini. bundan narahat olan richard elizabeth woodville'nin qardaşını,atasını,birinci evliliyindən olan oğullarından birini edam etdirir. amma xalq hələ də təşviş içindəydi. bu anda qaladakı şəhzadələrin ölün xəbəri yayılır. hamı bunu richard'ın etdiyini düşünür ( mən də həmçinin. amma məsələn philippa gregory burda vii henry'nin anası margaret beaufort'un rolunun olduğunu iddia edir). elə o zamanlarda tudorlardan henry taxta iddiasını irəli sürür. başqa şəraitdə bu iddiaya gülərdilər çünki o qədər uzaqdı kı taxta. amma vəziyət kritik idi. henry'nin anası margaret beaufort elizabethə məktub yazaraq henry'lə iv edward'ın böyük qızı şəhzadə elizabeth'in evlilik işini həll etməyə çalışırdı. bu arada richardın da elizabeth'lə evlənmək istədiyi fikri yauılır. bədbəxtlikdən bu arada richard'ın arvadı anne neville də ölür. hamı bu ölümü də richard'ın üzərinə atır və beləliklə o şimal xalqının əksəriyyətinin dəstəyini itirir.henry tudor'un yaxınlaşmasıyla müharibə vəziyəti elan edilir. bosworth meydanında olacaqdı həll edici döyüş. ordu baxımından richard öndəydi. amma döyüşün nəticəsini elan edəcək olanlar stanley'lər idi. stanley qardaşları bütün bu zaman ərzində krala sadiq qalmışdı ama onalara inanmaq da axmaqlıq olardı. çünki qardaşlardan böyüyü eyni zamanda henry'nin ögey atası idi. richard hər ehtimala qarşı onun öz oğlunu əsir almış və ölümlə təhdidlənişdi. bosworth meydanındakı döyüşdə hər şey gözlənildiyi kimi getmir və stanley'lər tudorlara qoşulur. döyüşə zirehində tacla qatılan richardı isə tapıb öldürmək o qədər də çətin olmur. richard həmin döyüşdə öldürülür və tacı elə stanley tərəfindən henry'ə təqdim olunur.

-philippa gregory'nin eyniadlı əsəri əsası da çəkilən the white queen serialında aneurin bernard tərəfindən canlandırılmışdır
-qozbel və eynəcər olması isə şekspir'in uydurmasıdı böyük ehtimal
-kral vi henry'nin öldürülməsində bizzat iştirak etdiyi deyilir

#190312 şikayət

club kids

5 əjdaha! 25.01.2017 06:57, nihalny

1980lərin axrı başlayan 1900lərdə də davam edən, qəribə geyim tərzi və partiləri ilə məşhurlaşan axım. Bu axım Michael Alig tərəfindən başladılmış və idarə edilmişdi. Axmın digər məşhur üzvü isə James St. Jamesdir, hansı ki Michael Alig'i bu həyatla tanış edən də o olmuşdur. Lakin Michael Alig öz ideaları ilə üstə çıxmış və axımının əsasını qoymuşdur. Çox vaxt ona club kidlərin kralı( king of the club kids) deyə də referans edirlər. Bu insanlar qeyri-adi geyinərək klublara insanlar cəzb edir və bunun görə də klub rəhbərləri tərəfindən pulla təmin edilirdilər. Amma zənnimcə onları buna sürükləyən pul deyil, daha çox idealları idi. Əsas ilham mənbələri Andy Warhol olmuşdur və həyatın önəmini əylənməkdə görmüşdülər. Öz geyimlərini hazırlayır və bacarıqları qədər yaradıcı olmağa çalışırdılar. Anladığım qədəri ilə mövzular işləndikcə yeniləri lazım olmuş və getdikcə daha da qəribə və deyərdim ki, xoşa gəlməz hal almışdır- partilər də artıq daha çox narkotik yönümlü olmağa başlayır . Klubun bağlanması ilə sonları yaxınlaşmış və Michael Alig'in axımın digər üzvü və narkotik alveri ilə məşğul olan Angel Melendezi öldürməsiylə sonlanmışdır.
Əlavə məlumat üçün James St James'in disco bloodbath kitabı əsasında çəkilmiş party monster filminə baxa bilərsiz. Baş rolda Macaulay Culkinin oynadığı film bioqrafik xarakterdə olub əsasən Michael Aligdən bəhs edir. Filmdə çox da önəmli olmayan rolların birində Marilyn Manson da oynayır.
Bundan əlavə elə həmin filmin rejissorunun çəkdiyi eyniadlı sənədli film də var(baxma: party monster: the shockumentary)

(youtube:

)

#243814 şikayət

jackson c. frank

+5 əjdaha

uzun müddət unudulmuş 1943cü ildə anadan olmuş folk musiqiçisi.
yəqin ki, həyatı talehsiz hadisələrin ardıcıl baş verməsindən ibarət idi də deyə bilərik. 11 yaşındaykən oxuduğu məktəbdə başlayan yanğınla başlayıb hər halda ilk dəfə. özü bədənin 50%nin yanması ilə xilas olsa da, 15 ölən tələbədən biri Frankın ilk sevgisi Marlene idi, hansı ki, illər sonra belə onu unutmayacaq, və ona elə marlene adlı mahnını yazacaqdı.

(youtube:

)

Xəstəxanada olarkən musiqi müəllimi ona ilk gitarasını alır hədiyyə kimi. 21 yaşında ikən isə aldığı təzminatla musiqi ilə məşğul olmaq üçün ingiltərəyə gedir. səhnədə o qədər utancaq idi ki, Paul Simon, Art Garfunkel, və Al Stewart ona baxarkən çala bilmədiyini demişdi. Hərşey ilk öncə yaxşı başlasa da travmadan sonra davam edən depressiya zaman keçdikcə daha da böyüyür və oğlunun *cystic fibrosis* nəticəsində ölməsi üzərinə ruhi xəstəxanaya yatırılır və paranoid şizofreniya diaqnozu qoyulur.
Bir müddət anası ilə yaşasa da sonradan yenidən musiqiyə başlamaq ümidi ilə evi tərk edir, evsiz, küçələrdə yaşamağa başlayır. yanğın nəticəsində yaranan tiroid vəzi disfunksyası nəticəsində tanınmayacaq dərəcədə kilo alır və təsadüf nəticəsində gözündən vurulur və sol gözü artıq görmür. sonradan bir albom daha çıxara bilsə də yəqin ki, heç vaxt həyatını istədiyi kimi yaşaya bilmir və 56yaşında ikən pnevmonia və kardiak arrestdən vəfat edir. ondan geriyə qalan uzun müddət unudulmuş mahnılardı. bütün mahnılarındakı melanxolik ruhu hiss etməmək mümkünsüz olsa da *milk and honey* bir ayrı üzür.

(youtube:

)

(youtube:

)

(youtube:

)

4 əjdaha! 30.09.2018 21:16, nihalny

#278329 şikayət

dissosiativ şəxsiyyət pozğunluğu

5 əjdaha! 04.12.2018 23:57, nihalny

şəxsiyyətin bir neçə yerə bölünməsi yəni, bir insanın müxtəlif şəxsiyyətlərinin olması olaraq tərif edilə biləcək psixi pozğunluq. *chris costner sizemore*un nümunəsində görə bilərsiz:

(youtube:

)

#280136 şikayət

the runaways

5 əjdaha! 29.12.2016 21:43, nihalny

1970lərin ortasında yaranan, amerikanın bütün üzvləri qızlardan ibarət olan ilk rock qrupu. məşhur prodüsser *kim fowley*in *sandy west*, * joan jett* i kəşfindən sonra yaranmışdır . yarandığı zaman tərkibi *sandy west* (drummer), *joan jett* (rhythm guitarist), *lita ford* (lead guitarist), sugar shack clubunda kəşf edilən *cherie currie*(vocal) və jackie foxdan ibarət idi. əsas hitləri olan və deyilənə görə vokalistləri cherie üçün qısa müddət ərzində yazılan *cherry bomb* mahnıları ilə məşhurlaşmışdılar. əslində qrup amerikadan daha çox yaponiyada məşhur idi və yaponiya turu zamanı olan kütləni joan jett beatlemania ilə müqayisə etmişdir. hətta məşhurluğuna görə dönəmində yaponiyada dördüncü yeri tuturdu. (bax: big in japan)
qrupun solisti cherie currie'nin gitarist lita fordla dalaşmasından və qrupdan ayrılmasından sonra qrup dağılmağa doğru getmiş və tez bir zamanda da dağılmışdır. cherie joanın da onu qrupda istəmədiyini düşünürmüş və sonradan bunun səhv olduğunu öyrənəndə də təəcüblənibmiş.
cherie'nin iddialarına görə prodüserləri kim fowley onların üzərindən çox pul qazanmasına baxmayaraq, onlara demək olar ki, heçnə çatmırmış. bundan əlavə çox qatı olmasıyla bilinən kim fowleyin onlara özünün başqa qadınla cinsi əlaqəyə girməsini izlətdiyini də söyləmişdi müsahibələrinin birində. daha sonradan qrupun bass gitaristi jackie fox kimin ona təcavüz etdiyini, joan və cherie'nin buna şahid olduqlarını iddia etmişdirsə də həm joan, həm də cherie bunu inkar etmişdir.
həmçinin london turu zamanı qaldıqları otellərin açarlarını yığdıqlarına görə cherie və joan həbs olunmuşdur. polis onların açarları sonra oğurluq üçün otağa təzədən girmək məqsədiylə yığdığını düşünübmüş. təbii ki, çox da qalmırlar orda. cherie isə bioqrafiyasında onlara bu ideanı led zeppelin qrupunun solisti robert plant'ın verdiyini söyləyir.
qrupdan geri qalan isə əsas joan jett olmuşdur, bir də nisbətən lita ford.

-2010cu ildə qrupun yaranması və fəaliyyətindən bəhs edən the runaways filmi çəkilmişdir. filmin ssenarisi əsasən cherie currie'nin neon angels kitabına əsaslanır. baş rollarda kristen stewart(joan jett) və dakota fanning(cherie currie) oynayır. pis film deyil, çox yaxşı da deyil. baxmaq olar amma, fikrimcə çatdırmaq istədiklərini çatdıra biliblər. baş rollar da yaxşı seçilib sanki. ən azından david bowie'nin lady grinning soul mahnısı səsləndiyi üçün belə baxmaq olar.

#240837 şikayət

fleetwood mac