Pedaqoq

98 0 0 0

10. nəsil yazar

Entry: 98

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı etiraf

+45 əjdaha

Sözlükdə bilgi verməyən entrylər yazmamağa çalışıram. Amma bu entryni yazmaq istəyirəm. Mənim evim ruhi xəstəxananın ( el dilində dəlixana) yanında yerləşir. bir qonşum ruhi klinikadır, digər qonşum isə köhnə bir qəbirsanlıq. Bura köçdüyüm gündən heç ağlımın ucundan belə keçməyib ki, qəbirsanlıqdan qorxum. Tanışlarım hər dəfə qorxamadan necə yaşayırsan orda sualı qarşısında çaşıram. Etiraf edim ki, mən Ölülərdən qorxmuram. Mən dirilərdən qorxuram. Çünki dirilərdən hər cür pislik görmüşəm həyatda. Amma ölü biri mənə heç nə etməyib. Nə isə sözüm bu deyildi. Demək mənim sağ qonşum olan ruhi dispanserdəki xəstələr hər gecə saat 1-i keçən kimi qışqırmağa başlayırlar. Orada tam olaraq nə baş verir bilmirəm. Amma onların bu yolla öz narazılıqlarını bildirdiklərindən və səslərini bizə çatdırmaq istədiklərindən əminəm. Bu qışqırıqlar çox vahiməli olur və təxminən bir saat davam edir. Etiraf edirəm ki, səslər kəsildikdən sonra içimdən oraya getmək keçir. Ümumən ruhi xəstəxanada ruhi xəstə kimi yaşamaq istəyirəm. Əcəb istəkdir. Bir dəfə həmin xəstələrdən biri xəstəxanadan qaçıb mənim qarajımda gizlənmişdi. Həkimlər və polislər qapı-qapı gəzib xəstəni axtarlrdılar. Mənim həqiqətən xəbərim yox idi məsələdən. Bir az da həkimlərlə aramızda dava oldu. Amma xəstə mənim həyətimdən tapıldı deyə yaman pərt olmuşdum. Amma məsələ bu deyildi. Xəstəni tapdıqdan sonra işçilər elə döydülər ki, mən ömrüm boyu belə aqressiya, belə nifrət görməmişdim. Nə qədər qışqırsam, müdaxilə etsəm də xəstəni ala bilmədim onlardan. O xəstə oğlan da ağlımdan heç çıxmır. Daim onu düşünürəm. Düşünürəm ki, o oğlan bu dünyanın ən günahsız günahkarıdır. Pox olsun belə həyata.

35 əjdaha! 20.09.2021 01:29, Pedaqoq

#336847 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı etiraf

+31 əjdaha

Hansından başlayım, hansında bitirim bilmirəm. 7- ildir hər ilin yanvar ayının ilk həftəsi yaşadığım ən çətin hadisəni xatırlayıram. Universiteti bitirdiyim il bir internatda işə girmişdim. Mənim məşğul olduğum sinfin 80%-i əqli qüsurlu uşaqlar idi. Çox qəribə idi ki, bircə uşaqdan başqa heç birinin normal ailəsi yox idi. Ya ana tərk edib, ya ata tərk edib, ya sırf uşaq xəstə olduğu üçün boşanıblar yəni o uşaqlar onsuzda həyata geridən başladıqları halda ağılsız valideynləri də onları bir pillə geri atmışdılar. Bəziləri uşaqları məktəbə qoyub heç maraqlanmazdılar ki, uşaq necədir. Təkcə bayram tətillərində gəlib aparırdılar. Və tətil bitən kimi yenidən gətirirdilər və yenə eynilə bir zəng belə etmirdilər. Ən çətin günlər məhz o tətildən sonrakı günlər olurdu. Çünki uşaqlar çox aqressivləşirdilər, həssaslaşırdılar. Evlərindən gəldikləri üçün adaptasiya olmaqları uzun zaman alırdı. Sinifdə bir oğlan vardı. Autizm idi. Özünü idarə edirdi, hər şeyi anlayırdı, danışa bilirdi. Sadəcə fərqli idi. Həmin uşağın ana atası ayrılmışdılar. Və anası nə normal qadın,nə də normal ana deyildi. Uşaq anasını çox sevirdi. Günlərlə ağlayırdı ki, bir dəfə telefonda səsini eşitsin. Və biz dəflərlə anaya zəng etdirdik lakin cavab vermirdi. Tətillərdə də çox zaman uşağı götürməzdi. Yeni il tətili başlayırdı və qadını zorla başa saldıq ki, bu uşaq ana istəyir gəl götür. Qadın gəlib apardı uşağı. Tətil bitdikdə uşaqları qarşılayırdıq. Həmin oğlanı da gətirmişdi anası. Biz uşaqları təhvil verəndə və təhvil alanda geyimsiz şəkillərini çəkirdik ki, uşaqlara şiddət böhtanı ilə qarşılaşmayaq. Və elə bir situasiya ilə qarşılaşdım ki, bir neçə saniyəlik beynim dondu. Nə edim,nə deyim bilmədim. Sadəcə çox böyük bir kədər oturdu ürəyimdə. Anası uşağın bir qulağını kəsmişdi. Bir insan bunu 12yaşlı bir uşağa edə bilərdi yəni? Hətta öz bətnində böyüdüb dünyaya gətirdiyi uşağına edə bilərmi? Bəlkə də qadın psiloxogiyası belə bir aqressiyaya qadirdir? Qadının psixoloji vəziyyəti pis idi bu aydındır. Güman ki, affekt vəziyyətində olub, ya da əsəblərini kontrol edə bilməyib. Anlamadığım tək şey o idi ki, axı nə səbəb ola bilərdi bunu etməyə? insan yeganə canlıdır ki, öz balasına şiddət göstərir. Nə isə, sözlük. Bu hadisəni yenə xatırladım kədər hissi ilə doldum. Kaş bütün uşaqları xilas etmək, onlara gözəl və sevgi dolu həyat vermək mümkün olardı. Tək qoruya bildiyimiz öz uşaqlarımızdır. Yəqin ki, bunu uşağı olan insanlar da oxuyacaqlar. Xahiş edirəm onları qoruyun, sevin, xoşbəxt böyümələrinə şərait yaradın. Uşaqlığınızı yaşamağınıza icazə verməyən ana,atalarınız kimi olmayın. Siz travmalı böyümüsüzsə, icazə verməyin uşaqlarınız da sizin kimi böyüsünlər. Onlara nə psixoloji, nə də fiziki zərər verməyin.

25 əjdaha! 03.01.2024 05:08, Pedaqoq

#381638 şikayət

uşaqlarda yalan danışmaq

+24 əjdaha

3 yaşa qədər uşaqlar yalan danışmırlar. Çünki dşüncələri vizual təsirli olur. Yəni onlar gördüklərinə uyğun davranırlar. Bir əşyanı gördükdə həmin əşya ilə maraqlanar, köhnə əşyanı unudarlar. Bu yaş dövründə uşaqlar elə bilirlər ki, gördükləri əşyanın bir əlaməti var. Məsələn süpürgə elə süpürgədir. 3 yaşa qədər uşaqlar yalan danışmağa qadir deyillər. Əgər bu yaş dövründə olan uşağınız nə isə deyirsə, onun yalan danışdığını düşünməyin. Həmin hadisəni araşdırın.
Uşaqlar 3 -3,5 yaşdan etibarən yalan danışmağa başlayırlar. Çünki düşüncələri yeni bir mərhələyə keçir. Bu yaşdan başlayaraq uşaqlar obrazlı düşünməyə başlayırlar. Bu zaman gördükləri əşyaları bir deyil bir neçə əlaməti olduğunu deyirlər. Məsələn süpürgə həm süpürgədir,həm də atdır. Bu zaman uşağa yalan danışırsan demək olmaz. icazə verməlisiz ki, uşaq xəyal etsin.

5-6yaşdan başlayaraq düşünülmüşformada məişət yalanları başlayır. Bu zaman uşağı düzgün istiqamətləndirmək çox vacibdir. Yalan danışan uşağa aqressiya göstərmək, fiziki və ya psixi şiddət etmək qətiyyən olmaz. Əksinə valideyn uşağı bu mövzuda sıxmamalı və hər zaman onun yanında olduğunu hiss etdirməlidir. Böyüklər unutmamalıdır ki, yalan uşağın özünü müdafiə üsuludur. Uşaq böyükdən qorxur və bu səbəbdən də yalan danışmağa əl atır.

19 əjdaha! 16.09.2021 00:06, Pedaqoq

#336509 şikayət

mükəmməliyyətçilik

+18 əjdaha

Mükəmməliyyətçilik duyğusunun yaranma səbəbi uşaqkən sevginin valideynlər tərəfindən şərtlə bağlı artıb-azalmasıdır. Yəni davranışları səbəbilə gah sevilən, gah aqressiya görən, gah da mənəvi olaraq tərk edilən uşaq, özünün sadəcə o olduğu üçün sevilməyə layiq olmadığını, davranışlarına görə sevildiyini anlayır. Şərtlə bağlı sevilən uşaq artıq ehtiyac duyduğu sevgini, qayğını insanlardan almaq üçün öz istəklərini bir kənara atıb başqalarını məmnun etməyə çalışacaq. Hər dəfə daha çox sevgi almaq və aid olma duyğusunu tətmin etmək üçün insanlardan daha çox aslı hala gələcək və bunun üçün daha çox çalışmalı olduğunu düşünəcək. Beləliklə xarici faktorlardan aslı hala gələn uşaq daha çox sevilmək, təsdiqlənmək və tənqidlərdən qaçmaq üçün özünü daha mükəmməl olmağa məcbur hiss edəcək.
Digər bir məqam isə valideynlərin özlərinin mükəmməliyyətçi xarakterə malik olmalarıdır. Məlumdur ki, valideyn uşağın aynasıdır. Uşaq o aynada nə görürsə onu alıb, qəbul edib həyatına davam edir.
Bəs əgər uşaq artıq mükəmməliyyətçidirsə nə edilməli?
Sevilməyən bir uşaq yanlış yollarla belə olsa sevilmə ehtiyacını qarşılamağa çalışır. ilk düzgün addım uşağı heç nəyə məcbur etmədən şərtsiz sevdiyinizi hiss etdirmənizdir. Uşağı cəsarətləndirərək səhvlərinin utanmaq üçün yox, öyrənmək üçün fürsət olduğunu öyrətməlisiz. Cəsarətləndirilən uşaq özgüvən və aid olma duyğusunu eyni zamanda yaşayar ki, aidiyyət şərtsiz sevginin bir nömrəli amilidir.

13 əjdaha! 22.06.2022 16:15, Pedaqoq

#352097 şikayət

topuq testi

+27 əjdaha

Topuq testi inkişaf etmiş ölkələrdə doğulan hər bir körpədən götürülməsi mütləqkən azərbaycanda bu testin varlığından xəbərsiz həkimlər var. Körpənin doğulduğu ilk 48 və ya 72 saatında daban hissədən qan alınması ilə götürülür və nəticə 1 həftəyə bəlli olur. Topuq testi körpədə ola biləcək metabolik xəstəlikləri öncədən bilmək və bununla mübarizə aparmaq üçün çox vacibdir. Nədir metabolik xəstəliklər?
Psixi inkişaf və nitq ləngiməsi
Yeriş problemləri
Epilepsiya
Autistik spektr pozuntusu və s.

27 əjdaha! 03.06.2022 16:59, Pedaqoq

#350812 şikayət

peter pan sindromu

+13 əjdaha

Peter pan sindromu heç böyümək istəməyən uşaqlarda və böyüməkdən imtina edən böyüklərdə görülən davranış pozuntusudur. Bu sindroma 25-40 yaş arasında olan insanlarda rast gəlinir. Daha çox kişi cinsinin nümayəndələrində müşahidə olunur. Peter pan sindromlu Kişilərdə məsuliyyəti üzərinə götürməmək (məsuliyyət qorxusu), ciddi mövzularda zarafat edərək mövzudan qaçmaq, emosional yetişməmişlik kimi əlamətlər olur. Evlilikdən uzaq duran bu şəxslər həmçinin əsasən hansı peşə ilə məşğul olmalarına qərar verə bilmirlər və ailə (ata-ana) ilə birgə yaşamağa üstünlük verirlər. Həddən artıq qoruyucu bir ailədə böyümək sindromun əsasını təşkil edir. Uşaqlıqda heç bir məsuliyyət daşımayan uşaqlar böyüdükdə bu sindromdan əziyyət çəkirlər. Bu sindromlu kişilərlə birlikdə olan qadınlar sahiblənici xarakter daşıyırlar. Lakin münasibıtin sonrakı mərhələsində daşıdıqları ana rol onları çox yorur. Çünki yetkin bir insan bir uşağın valideyni ola bilər, sevgilisi deyil.

12 əjdaha! 06.07.2022 05:36, Pedaqoq

#353489 şikayət

yalnızlığı insanlarla dolu olan adam

+12 əjdaha

#336496
Əsgərliklə bağlı yazdığınız çox təsirli idi. Paylaşa bilmək olduqca dəyərli bir davranış formasıdır. Çox təəssüf ki, azərbaycan ailələrində uşaqları tamamilə əksinə öyrədirlər. Eqoizm və nəinki paylaşmaq başqasının olanı da əlindən almaqla fəxr edilən bir cəmiyyətdə yaşayırıq. Millətimizdə paylaşmaq mədəniyyəti olmadığı üçün içimizdən seçib vəzifəyə məmur göndərdiklərimiz belə kasıb haqqı yeyir.
Orta məktəbdə işlədiyim vaxtlarımda bölüşməyin nə olduğunu bilməyən ibtidai 3-cü sinifim var idi. Bu sinifdə daim əşyalar üstündə uşaqlar dalaşırdılar. Bu uşaqlara paylaşmağın necə dəyərli və vacib bir şey olduğunu öyrətmək üçün sinifə bir tort alıb gətirirdim. Yan sinifdəki müəlliməyə verirdim ki, uşaqlar içəridə olanda müəllimə tortu gətirib mənə versin və desin ki, bu tort mənə göndərilib,hədiyyə edilib. Həmin tortu uşaqların sayına görə kəsib paylayırdım. Bunu bir ay içərisində bir neçə dəfə etdim. Bundan başqa qələmi, dəftəri olmayan uşaqlara öz qələmimi, dəftərimi verirdim. Bir ay müddətində uşaqlarda xeyli irəliləyiş oldu. Artıq əşyalar üçün dava etmir və bir əşyanı bir-birinə ötürərək istifadə edirdilər.
Yazarın entrydə qeyd etdiyi o çox hörmətli yaşlı-başlı müəllimə sovet vaxtının "pedaqoq"larından olub. Hansılar ki, uşaq üzəeində diktatorluğu hər zaman təbliğ edirlər. Yazara demək istədiyi də odur ki, yəni çox şeyini paylaşma vaxt gələr arvadını və ya namusunu da paylaşarsan. Əslində bu müəllimə məhz paylaşmağın nə olduğunu bilmədiyi üçün belə cavab verib. Çünki paylaşmaq və bölüşmək yalnız əşyalardan olur. insanları, hissləri paylaşmaq olmur.

8 əjdaha! 16.09.2021 00:25, Pedaqoq

#336512 şikayət

beyin

+11 əjdaha

Beyin insan bədənin ən vacib birinci orqanıdır. Beyinin sol yarımkürəsi məntiq, analiz, dilbilmə, nitq və yazı qabiliyyəti, eşitmə, görmə və dadbilməyə xidmət edir. Sağ yarımkürə isə intuisiya, rəssamlıq qabiliyyəti, təxəyyül, 6-cı hissin güclü olmasına xidmət edir. Beyin ağrını hiss etmir. insan yatarkən beyin daha aktiv işləyir nəyinki oyaq zamanı. Beyin hüceyrələri təkcə neyronlardan ibarət deyil. Bir neyornda onlarla qliya hüceyrəsi olur. insan aşiq olanda bunu Fmrt -də görmək mümükün olur. Beynin 60%-i yağdan ibarətdir. Beyindəki sinir hüceyrələrinin noemal fəaliyyəti üçün oksigen və qlükoza çox vacibdir. Beyində yaddaş məhdudiyyəti yoxdur. istənilən qədər məlumatı beyində saxlamaq mümkündür. Əzələlərdə olduğu kimi beyni də istifadə etmədikcə itiririk.

7 əjdaha! 17.09.2021 12:38, Pedaqoq

#336637 şikayət

intihar etməmək üçün səbəblər

+13 əjdaha

Biriniz də seks yazmamısız nə deyim sizə. Sevgi və sevişmək naminə insan yaşamalıdır. Sizə bəsit fikir kimi görünə bilər. Fikrimcə insanın yaşama sevgisi məhz hisslərdir. Yaşamadığımız, təkarar yaşamaq istədiyimiz onlarla hisslər var. Heç sevməyən, sevişməyən bir insan intihar etmək istədikdə bu hissləri yaşayıb sonra ölmək istəyir. Belə insanları tanımışam. Və bu nəticəyə gəlmişəm ki, insanlığı yaşadan insanlar deyillər sadəcə hisslərdir.

10 əjdaha! 15.05.2022 02:52, Pedaqoq

#349846 şikayət

yazarların linçə səbəb olacaq fikirləri

+15 əjdaha

Yaşlılara nifrət edirəm. Xüsusən də gənclik illəri sovet vaxtına düşənlər gözümün düşmanıdır. Özlərini hamıdan ağıllı, bilikli, əxlaqlı, düzgün sayırlar amma siz də məni bağışlayın heç pox da deyillər. Qoyasan ancaq cavanların həyatında problem yaradalar, ancaq boş-boş deyinələr. Guya bunlar cavan vaxtı vurub-yıxan, qazanan, düzgün, xeyirxah olublar da adama deyərlər hanı da hanı? il dəyişib deyə xarakter də dəyişib? Özlərini ağsaqqal,ağbirçək hesab edirlər. Guya cavanıqsa, yaşımız azdırsa, bunların dedikləri bizim üçün qanun olmalıdır. Nə desələr baş üstə deməliyik. Niyə də niyə? Axı niyəəəə? Məndən 40il əvvəl doğulmusan deyə böyük pox olmusan? Sən mənim yaşadığımın ,getdiyim yolun 40%in getməmisən, mənim dözdüyüm ağrılara iztirablara dözməmisən heç dözə də bilməzsəne, mənim oxuduqlarımın yarısın oxumamısan və mən sənin qulun kimi davranmalıyam? Mən nə cinsimi ,nə də yaşımı bəhanə edib ictimai nəqliyyatda yer dilənməmişəm bu yaşımadək. Ölənədək də dilənməyəcəm. Bunlar nəqliyyata minən kimi adamın üzünə söyürlər ki, dur yer ver. Axı siz hörmətə layiq nə etmisiz ki, bu qədər çox hörmət gözləyirsiz? Atom parçalamısız? Qarabağı almısız? demokratik ölkə qurmusuz? Ya adam balası kimi yaşamağımıza şərait qurmusuz? Bunların heç birin etməmisiz cəhənnəm qoyun, imkan verin yaşayaq da. Yaşayıb rahat ölək də. insanın əsəblərin tarimar edirsiz yəni heç qəti humanistliyiniz yoxdur? Sizin özünüzə belə davranılsa dünyanı dağıdarsıze amma özünüz ən böyük əxlaqsızlıqları edib hörmət gözləyirsiz.

14 əjdaha! 26.04.2022 23:11, Pedaqoq

#349130 şikayət

genital retraksiya sindromu

+8 əjdaha

Xəstə öz penisinin bədəninə doğru çəkildiyindən şübhələnir.

3 əjdaha! 06.09.2021 03:08, Pedaqoq

#335673 şikayət

paranoid

+8 əjdaha

Paranoid şəxsiyyət pozuntusu davamlı şübhə və insanlara inamsızlıq simptomlarından ibarətdir. Bu insanalar ətrafındakılara düşmən münasibəti bəsləyər, daim narahat və qəzəbli xarakteriylə tanınırlar. Bu xəstəlik kişilərdə qadınlardan daha çox rast gəlinir. Ailə üzvləri arasında genetik olaraq ötürülür. Xəstə tez-tez səssiz görünür və realist olduğu üçün özüylə qürur duyur. Xəstəlik Bəzən müalicə olmadıqda ömürlük davam edir. Paranoid pozuntusu şizofreniya dan fərqlidir. Burada xəyallar, halünasiyalar və formal düşüncə pozuntuları yoxdur.
Paranoid şəxsiyyət pozuntusu əlamətləri bunlardır:
Pis davranışları bağışlamırlar və ən çox inciklik hissləri yaşayırlar.
Yalan danışmaq və həqiqəti təhrif etmək onlar üçün adi haldır.
Günahı öz üzərinə götürməkdən çəkinirlər.
Ətrafından gələn normal davranışı belə pis qəbul edirlər.
insanların sədaqtinə şübhə edir və ətrafdakılara qarşı etibarsız olurlar.
Özlərini qorumaq üçün son dərəcə aqressiv olurlar .
Başqalarını günahlandırmağa meyilli və inadkar olurlar.
Adətən təcavüzkar və əsəbi xarakterə malik olurlar.

7 əjdaha! 15.06.2022 00:45, Pedaqoq

#351679 şikayət

qısqanclıq

+8 əjdaha

insanlar arasında çox məşhur bir banal cümlə var. "Qısqanırsa denək sevir" Qısqanclığa psixoloji aspektdən baxsaq, qısqanclığın heç də sevginin əlaməti olmadığını görərik. Əgər partnyorunuz sizi qısqanırsa, bu hal heç də onun sizi sevdiyi anlamına gəlmir. Qısqanclıq altında yatan əsas səbəb itirmə qorxusudur. itirmə qorxusu isə hər kəsin özüylə, şəxsiyyəti ilə bağlı psixi problemdir. itirmə qorxusunun yaranmasının isə bir çox səbəbi ola bilir. Xüsusən də uşaqlıqda yaşanan ayrılma və itirmə travmalarıyla sıx bağlılığı var.

7 əjdaha! 06.07.2022 05:43, Pedaqoq

#353490 şikayət

b qrupu vitaminləri

+7 əjdaha

B qrupu vitaminləri həm heyvan, həm də bitki mənşəli məhsullarda olur. B qrupu vitaminləri B1,B2, B5, B6, B9, B12, B15 və s. dən ibarətdir.
B1 vitamini (tiamin) — B1 vitamini çatışmadıqda Beriberi xəstəliyi, polinevritlər, ayaqaltı və diz reflekslərinin itməsi,
biləklərin və əl barmaqlarının açıcı əzələlərinin, pəncənin iflici, qıcolmalar, paresteziya, hissiyatın itməsi, taxikardiya, anemiya, təngnəfəslik, aritmiyalar, qusma, qaytarma (pilorospazm), dərinin «mərmər» şəklində olması, kəskin ürək çatışmazlığı, anoreksiya, əzələ hipotrofiyası, ağız künclərində çatlar və s. qeyd edilir.
Gün ərzində 2-3 dəfə 5-10 mq olmaqla təyin edilir. Ağır hallarda doza sutkada 50 mq–a qədər artırıla bilər.
Bu vitamin südün, qaraciyərin, qozun, yumurta sarısının, qara çörəyin tərkibində daha çoxdur.
B2 vitamini (riboflavin) – B2 vitamini orqanizmdə çatışmadıqda xeyloz, dil məməciklərinin atrofiyası, seboreyalı dermatit, blefarit, paresteziya, ataksiya, boyun inkişafdan geri qalması, qıcolma, hipotrofiya, anqulyar stomatit və s. qeyd edilir.
Vitamin gündə 3 dəfə 0,003-0,005 qr olmaqla təyin edilir.Ağır hallarda doza 0,005-0,007 qr–a qədər artırıla bilər.
Bu vitamin qaraciyər, ət, balıq, qarğıdalı, toyuq, buğda, süd, kefir, yaşıl noxud, kəsmik və yumurtanın tərkibində vardır.
B5 vitamini (pantotenat turşusu) – bu vitamin çatmadıqda tez yorulma, paresteziyalar, ifliclər, böyrəküstü vəzin çatışmazlığı
və s. əlamətlər qeyd edilir. B5 vitamini çox vaxt digər vitaminlərin müştərək çatışmazlığı ilə müşahidə edilir. Vitamin gün ərzində 3-4
dəfə 0,05- 0,1 qr olmaqla təyin edilir.
Vitamin tərəvəzlərin, qaraciyərin, yumurtanın, düyü məhsullarının, qozun tərkibində çoxdur.
B6 vitamini(piridoksin) – B6 vitamini çatışmadıqda dərinin quruluğu, kəpəklənməsi, xeyloz, qlossit,fotodermatozlar, ekzema, qusma, diareya, parezlər, qıcolmalar, nevroloji pozuntular, mikrositar, hipoxrom anemiya,limfopeniya, depressiya və s. əlamətlər müşahidə edilir. Gün ərzində 4 dəfə olmaqla 0,005-0,01 qr təyin edilir.
Digər B qrup vitaminlərdə adı çəkilən qidaların tərkibində
vardır.
B12 vitamini (siankobalamin) – klinik olaraq bu vitamin çatışmadıqda əsasən meqaloblast anemiya, hipoasid qastrit, atrofik qlossit, psixomotor funksiyadan geri qalma, bəzən ağır hallarda koma, trombositopeniya, leykopeniya, müşahidə edilir.
Vitamin günaşırı 5-8 mkq/kq olmaqla əzələ daxilinə yeridilir.
Qaraciyər, ət, balıq, pendir, süd bu vitaminlə zəngindir.
Bc vitamini (fol turşusu) – bu vitamin çatışmadıqda xeyloz, xoralı qastrit, enterit, qlossit, stomatit, gingivit, seboreyalı
dermatit, ishal, fiziki və əqli inkişafdan geri qalma, mikrositar meqaloblast anemiya qeyd olunur. Gün ərzində 2-3 dəfə olmaqla
0,01-0,02 qr təyin edilir.

5 əjdaha! 20.09.2021 01:02, Pedaqoq

#336840 şikayət

hiposeksuallıq

+7 əjdaha

hiposeksuallıq depressiyalarda, şizofreniya xəstəliyinin bir sıra kliniki formalarında, mərkəzi sinir sisteminin orqanik pozuntularında, nevrasteniya zamanı və digər patoloji hallarda əlaqədar meydana çıxa bilər. Cinsi meylin zəifləməsinin xüsusi forması olan impotensiya (kişilərdə) və frikidlik (qadınlarda) “funksional xarakterli seksial pozuntular” mövzusunda təsvir edilmişdir.
mənbə link

5 əjdaha! 06.09.2021 02:23, Pedaqoq

#335656 şikayət

rebus

+8 əjdaha

Rebus - fiqurlar, işarələr və rəsmlər vasitəsilə düzəldilən tapmacalardır. Rebusda şifrələnmiş sözü, ifadəni və ya cümləni tapmaq tələb olunur. Məsələn bir qalanın sirri filmində Elşənin əlindəki qutuda əslində əşyalar ilə rebusdan istifadə olunmuşdu: sim+ nar yəni simnar xan.

7 əjdaha! 16.09.2021 01:17, Pedaqoq

#336516 şikayət

qırmızı və qara

+8 əjdaha

Stendalın “Qırmızı və Qara” əsəri ilk dəfə 1830-cu ildə nəşr olundu və dərhal tənqidi və ticari uğur qazandı. Lakin bəzi tənqidçilər romanın məzmunundan, xüsusən də onun baş qəhrəmanı Julien Sorelin şöhrətpərəstliyi və əxlaqsızlığının təsvirindən şoka düşdülər. Buna baxmayaraq, “Qırmızı və Qara” 19-cu əsr fransız ədəbiyyatının əsas əsəri kimi geniş şəkildə qəbul olunub. Rəyçilər əsərdəki personajların mürəkkəbliyi, psixoloji dərinlik və sosial satiralarına heyran qalıb.
ictimaiyyət də romandan məftun olur və qısa müddətdə Fransada və xaricdə bestseller oldu. Kitab bir neçə dilə tərcümə olunub və dünyanın bir çox yazıçı və rəssamlarına təsir edib.
Bu gün “Qırmızı və Qara” fransız ədəbiyyatının şah əsəri və insan psixologiyası və cəmiyyəti haqqında klassik tədqiqat əsəri hesab olunur.
Mənə görə ədəbiyyat oxumağı sevənlərin mütləq oxumalı olduğu 3 əsərdən biridir.

5 əjdaha! 09.01.2024 05:11, Pedaqoq

#381798 şikayət

1 yaş sindromu

+7 əjdaha

Məşhur psixoloq L.S.Viqotski elmə 1 yaş böhranını daxil etmişdir. Belə ki, L.S.Viqotski 1 yaş böhranının əsas xüsusiyyətlərini qeyd etmişdir. Bunlara aşağıdakılar aid edilir:
• Uşağın gəzməyə başlaması;
• Uşağın danışmağa başlaması;
• iradi fəaliyyətin tənzimlənməsi.
Həmçinin 1 yaş böhranının davranışda da bəzi təzahürləri vardır. Bunlara aşağıdakılar aid edilir:
• inadkarlıq və tabe olmaqdan imtina;
• Davamlı olaraq diqqət tələb etmə;
• Vərdiş olunmuş və zəruri prosedurların icrasından imtina (məsələn, valideyn uşağa deyir ki, yemək yeməlisən. Lakin uşaq yemək yeməkdən imtina edir. Bu zaman uşaq valideyni yoxlayır ki, əgər o, bunu etməsə valideyn necə reaksiya verəcək.);
• Küsəyənlik və tənqid olunarkən kövrəklik;
• Maraqların dəyişkənliyi (bu yaşdan etibarən uşağa seçim edə bilməkdə kömək etmək lazımdır.).
1 yaş böhranında 2 formada nitq inkişaf edə bilər. Bunlardan birincisi avtonom nitq adlanır. Avtonom nitq uşağın özünün formalaşdırdığı nitq hesab olunur. Məsələn: uşaq suya- buvva, çörəyə- əppə və s deyir. Uşağın avtonom nitqdən istifadə edərək digər insanlarla ünsiyyət saxlaması ətrafdan müsbət hal kimi qiymətlədirilsə də, əslində bu uşağın nitqinə mənfi təsir göstərir. Çalışmaq lazımdır ki, uşaq hər şeyə öz adı ilə müraciət etsin. Digər nitq forması isə anlaşıqlı nitq hesab olunur ki, uşaq bu zaman ünsiyyətdə olan insanlarla anlaşıqlı nitqdən istifadə edir. Bunu uşaqlarda möhkəmləndirməklə yanaşı, uşaqların lüğət ehtiyatını da zənginləşdirmək lazımdır.
L.S.Viqotski qeyd edir ki, 1 yaş böhranı 3 ay davam edə, bəzi hallarda isə bu müddət uzana bilər. Bu yaş dövründə buraxılan boşluqlar uşağın sonrakı inkişafına mənfi təsir edir.

6 əjdaha! 01.09.2021 05:27, Pedaqoq

#335280 şikayət

polyester

+8 əjdaha

Polyester plastiklə bağlı ilk araşdırma 1926-cı ildə başladı. DuPont kimya şirkəti sintetik liflər yaratmaq imkanına görə kütləvi molekulların tədqiqinə başladı. Bir neçə britaniyalı alim Karuzerin işi üzərində qurulmuş və ikinci Dünya Müharibəsinin qızğın çağında ilk polyester parça yaratdı. Bu inqilabi parça əvvəlcə Terylene adlandırıldı.
DuPont 1946-cı ildə terylene hüquqlarını satın aldı. Həmin ilin sonunda DuPont Dacron adlı başqa bir polyester lif növü hazırladı. Dacron icad edilən son polyester lif olmadı. 1958-ci ildə Eastman Chemical Kodel adlı başqa bir polyester parça hazırladı.

Terylene, Dacron və Kodel hamısı polyester parçalar kimi istinad edilirdi. Polyester paltarınız çox güman ki, bu üç materialdan bir və ya daha çoxundan hazırlanır.
Du Pont daha sonra terilenin adını dəyişərək polyesterə çevirdi və onu ABŞ-a təqdim etdi. Polyester parça möhkəm,dağılmaz olduğu üçün tez bir zamanda məşhurlaşdı. Polyester parçaya qulluq etmək asan və qırışa davamlı idi. Polyester tez bir zamanda bir çox geyim istehsalçısı üçün seçilən parça halına gəldi.
Polyester parça 1950-1960-cı illərdə dəbdə idi.Şirkətlər köynəklər, paltarlar və kostyumlar istehsal etmək üçün polyesterdən istifadə etməyə başladılar, həmçinin geyim tekstilindən başqa şirkətlər isə pərdələr, yataq dəstləri və polyester xalçalar istehsal etməyə başladılar.

Polyester 1970-1980-ci illərdə trend deyildi, çünki keyfiyyətsiz və zövqsüz geyimlərlə əlaqələndirilirdi. Polyester qırışa davamlı xüsusiyyətlərinə görə 1990-cı illərdə yenidən məşhurlaşdı.
Çoxları bilmir ki, müasir polyester 1940-cı illərdə ixtira olunduqdan sonra çox dəyişməyib.Dəyişikliyin olmaması bir çox insanı çaşdırır, çünki 60-70-ci illərin geyimləri müasir polyester qarışıqlarından fərqlidir.
Bu dəyişiklik polyester parçanın toxunma üsulu ilə bağlıdır. Köhnə paltarlar çox vaxt ikiqat trikotajdan tikilirdi və buna görə də material daha vacib idi.
istehlakçıların üstünlükləri və tələbləri inkişaf etdikcə şirkətlər daha kiçik liflərdən və unikal toxuculuq texnologiyasından istifadə etməyə başladılar. Bundan əlavə, şirkətlər müasir polyesteri rahat, dəbli və davamlı edən yeni texnologiyalar hazırladılar.
Polyester bu gün dünyada istifadə olunan tekstil liflərinin 70%-ni təşkil edir. Aşağı qiymətini nəzərə alaraq, Fast Fashion markaları arasında çox populyardır .
Polyesterin xüsusiyyətləri:
1. Çox davamlıdır
Polyester bir çox kimyəvi mayelərə, sürtünməyə, əzilməyə və s. müqavimət göstərən güclü bir parçadır.
2. Qırışmır
Elastikliyi sayəsində polyester qırışmayan parçadır.
3. tərlətmir və tez quruyur.
demək olar ki, heç bir nəm çəkməyən bir lifdir, buna görə də idman geyimləri üçün çox əladır, çünki təri saxlamır və çox tez quruyur. Buna görə də qaçış geyimlərinin 90%-i polyesterdən hazırlanır.
Polyesterin təhlükələri:
Neftdən hazırlanmış hər hansı sintetik lif ( akril poliamid və elastan ) kimi, polyester də planet və insanlar üçün təhlükə yaradır.
Hər il poliesterin istehsalı üçün 70 milyon barel neft istifadə edilməlidir.
istehsal zamanı polyester əhəmiyyətli dərəcədə su və enerji istehlakı tələb edir və həmçinin zəhərli buxarlar əmələ gətirir.
Bundan əlavə, bu lif gözəgörünməz çirklənmənin səbəbidir, çünki hər dəfə polyester paltar yuyulan zaman plastik mikrohissəciklər çirkab sulara buraxılır. Bu mikrohissəciklər çirkab su təmizləyici qurğular tərəfindən süzülmək üçün çox incədir və buna görə də sonradan sualtı faunanı məhv edir.

7 əjdaha! 21.01.2024 02:31, Pedaqoq

#382042 şikayət

bölüşmək mədəniyyəti

+6 əjdaha

2 ilə 6 yaş arasında, eqosentrik zehniyyətə sahib olan uşaqlar, adətən ətrafındakı hər şeyin onlara xidmət etməsini gözləyirlər. Başqalarının fikirləri və hissləri bu yaşda olan uşaq tərəfindən nəzərə alınmır. Paylaşmağı bilmir, heç kimin oyuncaqları ilə oynamasına icazə vermir. Əslində öz oyuncaqlarını vermir, həm də başqalarının əşyalarına sahib olmaq istəyir.

Üç yaşına yaxın, uşaq ictimailəşməyə və paylaşmanın məcbur olduğu mühitlərə girməyə başladıqca paylaşımla əlaqədar böhranlar meydana gəlməyə başlayır. indiyə qədər yalnız özünə yönəlmiş hissləri tez başqalarına və başqalarının istəklərinə yönəlmək məcburiyyətində qaldıqda, bu yeni vəziyyətdən tərəddüd etməsi və özünü narahat hiss etməsi olduqca normaldır. Beləliklə, uşağın paylaşma davranışını öyrənməsi üçün nə edilə bilər?

Vaxt verin:
uşağınızın birdən əşyalarını paylaşacağını gözləməməlisiniz. Paylaşım zamanla öyrənilən və inkişaf etdirilən bir uğurdursa, uşağa bir şans daha verilməlidir. Hər bir uşağın mühiti fərqli olduğu üçün bölüşməklə tanışlıq vaxtı da fərqli olacaq.

Addım -addım davam edin:
Valideyn olaraq etməli olduğunuz ilk şey uşağı mülkiyyət anlayışı ilə tanış etməkdir. Mülkiyyət və mənsubiyyət kimi anlayışlarla tanış olmayan uşağın paylaşım davranışının növbəti səviyyəsinə keçməsi daha çətin olacaq. Buna görə də, ilk növbədə uşağın əşyalarının fərqində olmasını və onlara aid olma hissinin inkişaf etməsini təmin etməlisiniz.

izlənildiyinizi unutmayın :
Evinizdə hər bir hərəkətinizi radar kimi izləyən bir balacanın olduğunu unutmayın və bu müşahidəni fürsətə çevirməyə çalışın. Məsələn, uşağınızın çantanıza icazəsiz qarışmasını istəmirsinizsə, həyat yoldaşınızın çantasını açarkən icazə istəməlisiniz. Bir -birinin şəxsi mülkünə hörmət etmək kimi davranışlar, uşağınızın mülkiyyətə hörmət etməyi və empatiya etməyi öyrənməsinə kömək edəcək.

Borc vermək və geri almaq kimi anlayışları öyrədin:
2-3 yaşlı bir uşaq üçün oyuncağı və ya əşyanı başqa bir insanla bölüşmək onu itirməklə bərabərdir. Buna görə də, oyuncaq öz əlində və nəzarətində deyilsə, onu itirdiyini düşünür. Uşağı həqiqətən narahat edən bu itki hissidir. Gündəlik həyatınızda borc vermək, geri almaq, paylaşmaq, tez -tez qaytarmaq və bu tip davranışlardan istifadə etmək uşağın bu sözləri daha asan başa düşməsinə imkan verəcəkdir.

Hissini anlayın:
Uşaq evdə olan bir şeyi başqası ilə bölüşmək istəməyəndə əsəbləşə və ya aqressivləşə bilər. Bu vəziyyətdə, uşağın hisslərini anlamaq və onunla danışmaq adətən təsəlliverici olur. Anlanıldığını hiss edən uşaq aqressiya və əsəbi olmağı dayandıracaq və hisslərini daha asan ifadə edəcək.

Ehtiyat tədbirləri alın:
Uşağınızı yaxşı müşahidə edən bir valideyn olaraq lazımlı hazırlıqları etdiyiniz zaman , problemlərin çoxu meydana gəlməzdən əvvəl qarşısı alınacaq. Məsələn Qonaqlar evə gəlməzdən əvvəl uşağınızla birlikdə sevdiyiniz oyuncaqları çıxara bilərsiniz.
istədiyin kimi davran metodu:
Bir şey paylaşmasını istəyirsinizsə, əvvəlcədən soruşun və uşağı buna məcbur etməyin. icazə verin o istədiyi kimi davransın.
Bir iş bölgüsü edin:
Əmək bölgüsü və ya vəzifələrin bölüşdürülməsi dolayı yolla paylaşıma daxil olduğu üçün qeyri -maddi paylaşıma da əhəmiyyət verilməlidir. Gündəlik həyatın digər fərqli cəhətlərinə, məsələn, evdə kiçik iş bölgələrinə, uşağın yaşına uyğun məsuliyyətlərin təyin edilməsinə, duyğuların paylaşılmasına və hər şeyi bir araya gətirməyə diqqət yetirilməlidir.

Gözləmək:
Uşaqlar oyun zamanı mübahisə edər və fikir ayrılığına düşərlərsə, problem çox böyük olmadıqca müdaxilə etməmək üçün diqqətli olun. Beləliklə, uşaqların öz həll yollarını tapma şansınız olacaq. Gözyaşları və kiminsə ilk dəfə anasının qucağına qaçması ilə dramatik şəkildə sona çatan oyunlar bir müddət sonra fərqli həllərlə davam edə bilər. Uşaqların mübahisəli mövzularını öz aralarında fikir bölüşərək həll etmələrinə şərait yaradın.

4 əjdaha! 15.09.2021 23:50, Pedaqoq

#336506 şikayət

azərbaycanda yaşamağı sevmə səbəbləri

+9 əjdaha

Şəxsən mənim heç bir səbəbim yoxdur. Hətta bu dövlətə, ölkəyə nifrət edirəm.

8 əjdaha! 07.11.2021 03:38, Pedaqoq

#339283 şikayət

adhd

+6 əjdaha

Adətən uşaqlıqdan başlayan və ömür boyu təsir göstərən böyüklərin diqqət çatışmazlığı və hiperaktivlik pozğunluğu daim davam edən xəstəlikdir. Bu psixoloji narahatlıq Diqqəti yönəltməkdə çətinlik çəkmək, unutqanlıq, işi təşkil etməkdə çətinlik çəkmək və verilən işi davam etdirməkdə çətinlik çəkmək kimi müəyyən problemləri özündə ehtiva edir. Xəstələr əsasən zehnlərində inkişaf edən hadisələri izləməkdə çətinlik çəkdiklərini və heç bir mövzuya diqqət edə bilmədiklərini bildirirlər. Həmçinin xəstələr Aqressiyanı idarə etməyə bilirlər. Müxtəlif dərman tətbiqləri və konsultasiyalar köməyilə bu narahatlıqdan qurtulmaq mümkündür.

5 əjdaha! 20.09.2021 00:25, Pedaqoq

#336824 şikayət

montessori metodu

+6 əjdaha

Montessori təlim
Bu təlim Mariya Montessori tərəfindən yaradılıb. 26 yaşında italiyanın ilk qadın həkimi olan Montessori 1896-cı ildə universitet xəstəxanasında həkim assistenti kimi işləməyə başlayır və ilk dəfə olaraq əqli geriliyi olan uşaqlarla qarşılaşır. Uşaqlar boş otaqlarda saxlanılırdı, onlarla demək olar ki, ünsiyyət qurulmurdu, oyuncaq və kitabları yox idi.

Bir dəfə Mariya qəribə bir hadisənin şahidi olur: nahardan sonra uşaqlar çörək qabığı tapırlar və onu əzirlər. Çörək qabığı onların yeganə oyuncağı idi. Bundan təsirlənən Mariya onlara sadə əşyalar - qutular, parçalar gətirməyə başlayır, tez bir zamanda uşaqların davranışında müsbətə doğru dəyişiklik müşahidə olunur. Beləliklə, Mariya Montessorinin metodikasının əsas ideyası yaranır: istər normal, istərsə də əqli geriliyi olan uşaqların ətraf aləmi anlaması üçün onlara inkişaf etdirici mühit lazımdır.

Mariya Montessori pedaqogika, psixologiya və antropologiyanı tədqiq etməyə başlayır, fransız psixoloqları Qaspar itard (fransız həkimi) və Eduard Segenin (fransız psixiatrı) əsərlərini oxuyur, Jan Piaje (isveçrəli psixoloq və filosof), Anna Freyd (Britaniya psixoloqu Ziqmund Freydin kiçik qızı) ilə müzakirələr edir, müşahidələr və təcrübələr aparır, nəticələrin üzərində düşünür. Tədqiqatları və mütaliələri əsasında belə qərara gəlir ki, əqli geriliyi olan uşaqlar tibdən daha çox, pedaqogikanın problemidir, bu səbəbdən də onlarla xəstəxanada deyil, məktəbdə məşğul olmaq lazımdır. Beləliklə, 1907-ci il yanvarın 6-da ilk Montessori məktəbi açılır. Bu, Roma ətrafında San-Lorensoda fəaliyyət göstərən Casa dei Bambini olur.

5 əjdaha! 01.09.2021 05:52, Pedaqoq

#335283 şikayət

sakla beni

+5 əjdaha

Spoiler verəcəm sorry. Bu serial baxa biləcəyiniz ən səfeh işdir. ilk seriyada uşaq istismarı var. Uşaqlar sekslə məşğul olurlar. Həmin seriala çəkilən uşaqların valideynləri buna necə razı olublar mənə çatmır. Belə səfeh senarilərə görə uşaqların aktiyor,aktrisa ,modellik kimi işlərdən uzaq olmalarının tərəfdarıyam. O uşaqlar böyüdükdə sırf o seriadakı rolarından utanacaqlar. Və həmin senari uşaq üçün bir travmadır.

Serialda xəyanət adiləşdirilib. Evli olan bütün kişilərin həyatında ikinci qadın var. Təəssüf ki, bu üsullarla insanların şüuraltı olaraq əxlaqını pozurlar və ailə dəyərlərini yox edirlər.

5 əjdaha! 12.02.2024 03:14, Pedaqoq

#382575 şikayət

e vitamini

+5 əjdaha

E vitamini (tokoferol) – bu vitamin çatışmayanda hipotrofiya, malabsorbsiya, əzələ zəifliyi, cinsi zəiflik, anemiya,
ödem, birləşdirici toxumanın sistem xəstəliyi müşahidə edilir.
Sutkada 5-10 mq olmaqla təyin edilir.
Bu vitamin əsasən, buğda, zeytun yağı, soya yağı, balıq, qoz, fındıq, kərə yağı, pomidor, qarğıdalı yağı, ispanaq, yumurta sarısı, böyrək və qaraciyərdə olur.

3 əjdaha! 20.09.2021 01:07, Pedaqoq

#336843 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

Pedaqoq

son bəyənilənlər:

oxuyucuların bəyəndikləri: